Fréttablaðið - 05.03.2008, Blaðsíða 13
MIÐVIKUDAGUR 5. mars 2008 13
SVÍÞJÓÐ, AP Óvenjuleg hlýindi hafa
verið í Skandinavíu í vetur.
Raunar má segja að vetrinum hafi
lokið áður en hann hófst.
Skordýr eru þegar byrjuð að
skríða úr skógarfylgsnum og blóm
tekin að springa út á grænum
grasflötum.
Meðaltalshitinn í Stokkhólmi í
desember, janúar og febrúar var
2,2 gráður á Celsíus, sem er hæsti
hiti á þessum árstíma sem mælst
hefur frá því mælingar hófust árið
1756.
„Þetta er hlýjasti vetur sem
nokkru sinni hefur mælst,“ sagði
John Ekwall hjá veðurstofu
Svíþjóðar. - gb
Hlýr vetur í Skandinavíu:
Aldrei mælst
hlýrri vetur
HAFNARFJÖRÐUR Betur hefur
gengið nú en áður að ráða í lausar
stöður við leikskóla Hafnar-
fjarðar. Í lok janúar vantaði
starfsfólk í 22,12 stöðugildi í tíu
skóla en nú vantar í 12,6 stöðu-
gildi í sjö leikskóla. Horfið hefur
verið frá lokunum á leikskólanum
Stekkjar ási.
Hjá Hafnarfjarðabæ hefur
verið unnið markvisst að aðgerð-
um í starfsmannamálum leikskól-
anna, segir í tilkynningu frá
Hafnarfjarðarbæ, og kosta þær
rúmar 200 milljónir króna á þessu
ári. Greitt er fyrir matartíma og
starfsmenn eiga kost á líkams-
ræktarstyrkjum svo dæmi séu
nefnd. - ghs
Leikskólar Hafnarfjarðar:
Lokunum hætt
á Stekkjarási
LOKUNUM HÆTT Hætt hefur verið lok-
unum deilda á leikskólanum Stekkjarási
í Hafnarfirði þar sem betur gengur að
ráða fólk.
DÓMSMÁL Kristján S. Guðmunds-
son, fyrrverandi skipstjóri hjá
Eimskipafélaginu, sagðist við
fyrir töku meiðyrðamáls Björgólfs
Guðmundssonar gegn Kristjáni í
Héraðsdómi Reykjavíkur bera
takmarkaða virðingu fyrir dóm-
stólum á Íslandi. Kallaði hann
dómara við Héraðsdóm Reykja-
víkur óþokka og krafðist þess að
afskipti dómstólsins af málinu
yrðu engin.
Í máli sínu vísaði Kristján, sem
ver sig sjálfur, til fyrri mála við
héraðsdóminn. Sagði hann ferli
innan dómstóla og niðurstöður
dóma sýna að geðþóttaákvarðanir
dómara stjórnuðu og rotið hugar-
far viðgengist í dómum héraðs-
dóms. Kallaði hann starfsemi
dómsins hryðjuverkastarfsemi
þar sem ekki væri farið að lögum
landsins.
Ásgeir Magnússon héraðsdóm-
ari ætlar sér tíma til 13. mars til
að fara yfir kröfu Kristjáns. Þá
verður einnig felldur úrskurður
um kröfu Kristjáns um að héraðs-
dómur hafi heldur engin afskipti
af meiðyrðamáli Landsbanka
Íslands gegn Kristjáni.
Bæði málin snúast um orð Kristj-
áns í grein hans í Morgunblaðinu í
lok október síðastliðnum. Fjallaði
Kristján þar um kaup Björgólfs
Guðmundssonar á Eimskipafélagi
Íslands og umsýslu Landsbankans
á fjármunum lífeyrissjóðs starfs-
manna Eimskips. - ovd
Kristján krefst þess að afskipti Héraðsdóms Reykjavíkur verði engin af málinu:
Rotið hugarfar í héraðsdómi
KRISTJÁN S. GUÐMUNDSSON Flutti
harðorða ræðu um vinnubrögð héraðs-
dóms við fyrirtöku meiðyrðamáls gegn
honum. FRÉTTABLAÐIÐ/ANTON
SERBÍA, AP Vojislav Kostunica,
forsætisráðherra Serbíu, hvatti í
gær alla stjórnmálaflokka landsins
til að styðja ákvörð-
un sína um að hafna
nánari tengslum við
Evrópusambandið
(ESB) nema
aðildarlöndin
höfnuðu sjálfstæði
Kosovo.
Serbía hefur
neitað að staðfesta
sjálfstæði Kosovo.
Kostunica krefst
þess að ESB
staðfesti að Kosovo sé órjúfanleg-
ur hluti af Serbíu áður en fyrsta
skref Serbíu í átt að aðild að ESB
verði stigið. Skiptar skoðanir um
ESB eru taldar líklegar til að fella
samsteypustjórn Kostunica. - bj
Forsætisráðherra Serbíu:
Vill minni
tengsl við ESB
VOJISLAV
KOSTUNICA
- „Fyrrum ráðamaður í félaginu
Hafskip hf. () tekst með tilkomu
Rússagulls að ná yfirhöndinni í
hlutabréfaeign Hf. Eimskipafélags
Íslands.“
- „Eftir yfirtöku á Hf. Eimskipafélagi
Íslands svo og Landsbankanum
réðust ráðamenn þar í að sölsa
undir sig umræddan lífeyrissjóð
með slíkri ósvífni að glæpsamlegt
yrði talið í siðmenntuðum heimi.“
- „Afskipti af rekstri (Lífeyrissjóðs
Hf. Eimskipafélags Íslands) eru í
þá veru að einræðisöfl í Rússlandi
eru sem hvítvoðungar í saman-
burði við það framferði sem sýnt
hefur verið af hálfu ráðamanna
Landsbankans.“
MEÐAL ORÐA
KRISTJÁNS Í
GREININNI