Fréttablaðið - 05.03.2008, Blaðsíða 21

][
„...fyrst á visir.is“
...ég sá það á visir.is
Vegabréf má ekki gleymast þegar farið er í ferðalög. Mörg hótel og jafnvel
verslanir víða erlendis fara fram á vegabréf þegar bókað er inn eða þegar
greitt er með greiðslukorti.
Ferd.is gaf út um nýliðna helgi
tvo ofurspennandi ferðabæk-
linga um Taíland og Balí,
Lombok og Java, en ferðaskrif-
stofan skipuleggur einstakl-
ings- og hópferðir með litlum
fyrirvara til framandi staða um
allan heim.
„Ferd.is býður allt öðruvísi ferða-
lög en Íslendingar hafa átt að venj-
ast hingað til,“ segir Jón Haukur
Daníelsson, framkvæmdastjóri
ferðaskrifstofanna Ferd.is og
Islandsrejser í Kaupmannahöfn.
Ferd.is er eina ferðaskrifstofan
hérlendis sem hefur rekstrarleyfi
á öllum Norðurlöndunum, þar sem
neytendalöggjöfin er eldri og þró-
aðri en hér tíðkast.
„Við bjóðum lúxuspakka um
gjörvallt Taíland, en í þeim kynn-
ast Íslendingar hinu rétta andliti
tælensku þjóðarinnar. Við höfum
orðið vör við neikvæða umfjöllun
um Taíland og viljum leggja ofur-
áherslu á að kynna landið á réttan
hátt, með öllum sínum fjölbreyti-
leika og fegurð. Eins og aðrar
ferðaskrifstofur á Norðurlöndum
störfum við eftir ákveðinni
umhverfis- og mannúðarstefnu og
bjóðum viðskiptavinum okkar
ekki upp á ferðalög til Pattaya í
Taílandi, Kúbu, Natal í Brasilíu
eða borga í Austur-Evrópu sem
þekktar eru fyrir kynlífsiðnað og
barnavændi. Það flokkast undir
ábyrga ferðamennsku,“ segir Jón
Haukur, sem skipuleggur ferðalög
í samvinnu við stefnu dönsku sam-
takanna Red Barnet sem eru aðilar
að samtökunum Save the
Children.
„Fátækt og vonlaus framtíð eins
til tveggja milljóna barna í heim-
inum þvingar þau til að selja lík-
ama sinn og það vandamál hefur
vaxið í takt við það að hægt er að
fá ódýra flugmiða sem gerir fleir-
um kleift að ferðast til fjarlægra
staða. Taíland var eitt sinn sam-
nefnari fyrir ferðamannaland þar
sem barnavændi var stundað, en
misnotkun á börnum finnst á
mörgum öðrum stöðum, eins og
Kambódíu, Srí Lanka, Afríku, Mið-
Ameríku og Austur-Evrópu,“ segir
Jón Haukur, sem hvetur ferða-
menn til að sýna ábyrgð með því
að vernda börn á kynlífsferða-
mannastöðum.
„Pakkaferðir okkar eru ekki
heilagar að því leyti að unnt er að
skipuleggja draumaferðalagið og
púsla saman einum pakka við
annan í þeirri röð sem ferðalang-
inn dreymir um. Lágmarksfjöldi í
hóp er tveir, en ekkert þak er á
fjölda ferðalanga. Með fyrir-
hyggju má bóka lægri fargjöld en
Íslendingar hafa áður séð, en auð-
veldlega má komast hvert í heim
sem er strax á morgun, ef því er
að skipta,“ segir Jón Haukur sem
á næstu dögum setur inn íslenska
bæklinga um ferðalög á Nýja-
Sjálandi og Malasíu.
„Við bókum hótel, bílaleigur og
allt áætlunarflug fyrirfram hér
heima, ásamt því að sjá um ferða-
tryggingar. Því á ekkert að koma á
óvart eða fara úrskeiðis á áfanga-
stað og allur aðbúnaður og farar-
stjórn er hreinasti lúxus.“
thordis@frettabladid.is
Hið rétta andlit Taílands
Dásamlegur árbítur á Balí.
Jón Haukur Daníelsson, framkvæmda-
stjóri Ferd.is og Islandsrejser í Danmörku.
Ábyrgir ferðamenn
SEM FERÐAMAÐUR MEÐ ÁBYRGÐ
GETUR ÞÚ GERT EFTIRFARANDI TIL
AÐ VERNDA BÖRN:
1. Tilkynntu lögreglu á staðnum
eða fararstjóra/leiðsögumanni
ef þú hefur grun um barnamis-
notkun. Ef það er ekki mögulegt
á staðnum, hafðu þá samband
við lögreglu hér á Íslandi þegar þú
kemur til baka.
2. Tilkynntu ferðaskrifstofunni ef
þú verður vitni að því að fullorðnir
taki ókunn börn með sér á hótel-
herbergi. Ferðaskrifstofan getur þá
gripið inn í gagnvart hótelinu og
tilkynnt það lögreglu á staðnum.
3. Láttu ferðaskrifstofu þína vita
ef þú hefur orðið var við eitthvað
sem minnir á barnamisnotkun á
þeim stað eða stöðum sem þú
ferðast á.
4. Taktu þátt með því að sýna
skoðun þína, stígðu fram og gefðu
til kynna að þú sért á móti man-
sali, vændi og misnotkun á börn-
um.
Töfrar Taílands eiga
enga sína líka.
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
Verð kr. 39.990
Netverð á mann, flugsæti báðar
leiðir með sköttum. Sértilboð 24.
apríl.