Fréttablaðið - 05.03.2008, Blaðsíða 42
18 5. mars 2008 MIÐVIKUDAGUR
timamot@frettabladid.is
REX HARRISON LEIKARI FÆDDIST
ÞENNAN DAG ÁRIÐ 1908.
„Morgundagurinn er mesti
gleðispillirinn.“
Rex Harrison var þekktast-
ur fyrir hlutverk Henry Higgins
í kvikmyndinni My Fair Lady.
Hann lést árið 1990.
MERKISATBURÐIR
1865 Kirkjan á Möðruvöllum í
Hörgárdal brennur. Arn-
grímur Gíslason listmálari
málaði mynd af atburðin-
um. Hún telst vera fyrsta
íslenska atburðamyndin.
1938 Bæjarhús í Húsavík í
Norður-Múlasýslu fjúka af
grunni í aftakaveðri. Fólk
var í húsunum og komust
allir lífs af.
1970 Ísland gerist aðili að Frí-
verslunarsamtökum Evr-
ópu.
1971 Alþýðubankinn hefur
starfsemi og varð síðar
hluti af Íslandsbanka.
1993 Bylgjan og Stöð 2 safna
um 55 milljónum króna
í landssöfnun til styrktar
krabbameinssjúkum
börnum.
Tvíburarnir Charlie og Craig
Reid fæddust þennan dag í
Skotlandi.
Bræðurnir slógu eftirminni-
lega í gegn með lögunum
„Letter from America,“ „I’m on
My Way“ og „I’m Gonna Be
(500 Miles)“ á níunda áratug
síðustu aldar.
Tvíburarnir ólust upp í
bænum Auchtermuchty í Fife-
sýslu í Skotlandi. Eftir nokkr-
ar pönkrokk-tilraunir í skóla
stofnuðu þeir hljómsveitina The Proclaimers árið
1983.
Þeir birtust fyrst opinberlega í vinsælum
tónlistar þætti í Bretlandi árið 1987 og í kjölfar-
ið komst lagið „Letter from America“ í þriðja sæti
breska vinsældalistans.
Skömmu síðar seldist breið-
skífa bræðranna, „This Is the
Story“ til gulls. Á næstu plötu
„Sunshine on Leith“ voru svo
lögin „I’m Gonna Be...“ og „I’m
on My Way“ sem nutu gríðar-
legra vinsælda.
Bræðurnir eru miklir að-
dáendur fótboltafélagsins Hi-
bernian og „Sunshine on
Leith“ er nú orðið þemalag
félagsins. Þeir Charlie og Craig
eru einnig yfirlýstir sjálfstæðis-
sinnar og þau sjónarmið koma fram í mörgum
lögum þeirra. Vinsældir The Proclaimers hafa
aldrei dalað og í dag eru lög bræðranna meðal
þeirra vinsælustu í iTunes-tónlistarversluninni.
Einnig ferðast þeir um allan heim og halda reglu-
lega tónleika, stóra jafnt sem smáa.
ÞETTA GERÐIST: 5. MARS 1962
Proclaimers-bræðurnir líta dagsins ljós
Innilegar þakkir til allra þeirra sem sýndu
okkur hlýhug og samúð vegna andláts og
útfarar bróður okkar,
Benedikts Jónassonar
Munkaþverárstræti 44, Akureyri.
Sérstakar þakkir til starfsfólks á Hlíð og í Kjarnalundi.
Jóna S. Jónasdóttir
Jónas Jónasson
Ástkær eiginmaður minn, faðir okkar,
tengdafaðir, afi og langafi,
Einar Bjarni Sturluson
skipasmiður,
frá Hreggsstöðum,
lést að Hrafnistu í Reykjavík mánudaginn 25. febrúar.
Útför hans fer fram frá Fossvogskirkju fimmtudaginn
6. mars kl. 11.00.
Kristín Andrésdóttir
Valgerður Björk Einarsdóttir
Guðný Alda Einarsdóttir
Þórdís Heiða Einarsdóttir
Sturla Einarsson Freyja Valgeirsdóttir
Andrés Einar Einarsson Halldóra B. Brynjarsdóttir
Guðrún Björg Einarsdóttir Helgi G. Bjarnason
María Henley Kristján Ólafsson
barnabörn og barnabarnabörn.
Elskulegur bróðir okkar, mágur og frændi,
Jón Alfreð Ólafsson
sem andaðist á Elli- og hjúkrunarheimilinu Grund
27. febrúar sl. verður jarðsunginn föstudaginn 7. mars
kl. 15.00 frá Fossvogskapellu.
Kjartan Ólafsson Elín Ósk Óskarsdóttir
Elísabet Ólafsdóttir Björn Aðalsteinsson
Þorbjörg Ólafsdóttir Ingibjörn Kristinsson
Eyjólfur Ólafsson Vilma Brazaite
og fjölskyldur þeirra.
ar,
nudag-
Elskulegur eiginmaður minn, faðir okkar,
tengdafaðir, afi og langafi,
Sigurður Gunnarsson
frá Arnanesi, Skálabrekku 1, Húsavík,
lést á Heilbrigðisstofnun Þingeyinga sunnudaginn
2. mars síðastliðinn.
Þorbjörg Theodórsdóttir
Sólveig Sigurðardóttir Þorsteinn Rúnar Eiríksson
Theodór G. Sigurðsson Guðrún Lárusdóttir Blöndal
Guðrún Ásta Sigurðardóttir Stefán Rúnar Bjarnason
barnabörn og barnabarnabarn.
Þórey Bjarnadóttir er sauðfjárræktar-
ráðunautur hjá Búnaðarsambandi
Suður lands og bóndi á Kálfafelli í
Suðursveit. Hún er nýkjörin formaður
Búnaðarsambands Austur-Skaftafells-
sýslu. Þar með varð hún fyrsta konan
í stjórn og fyrsti kvenstjórnandi sam-
bandsins.
„Ég er fædd og uppalin á Kálfafelli
í Suðursveit og ég hef hvergi annars
staðar viljað vera,“ segir Þórey, sem
þó hleypti heimdraganum til að ná sér
í menntun. „Ég útskrifaðist úr Bænda-
deild Landbúnaðarháskóla Íslands
árið 1997. Síðan lauk ég stúdentspófi
og fór aftur í Landbúnaðarháskólann
og lauk þá BS árið 2003. Síðan tók ég
þaðan master í almennum búvísindum
árið 2006,“ segir Þórey, sem bjó stutt í
Reykjavík á meðan hún lauk stúdents-
prófi. „Borgin heillar alls ekki og þessi
stutti tími þegar ég bjó í Reykjavík
var alveg nóg. Ég hef alltaf viljað búa í
sveit, þó ekki hvaða sveit sem er, held-
ur bara í sveitinni minni,“ segir Þórey,
sem er með fimmhundruð fjár á fóðri
ásamt foreldrum sínum. „Í sveitinni
er hægt að vera út af fyrir sig. Enginn
ys og þys og mér finnst það mjög gott.
Síðan er ég eigin verkstjóri sem bóndi
og stjórna mínum tíma,“ segir Þórey,
sem þó eyddi ári í útlöndum. „Land-
búnaðarháskólinn býður upp á skipti-
nám og þá hélt ég til Kanada. Þessi
tími var mjög góður og ég kunni vel
við mig. Samt er best að vera í Suður-
sveit.“
Búnaðarsamband Austur-Skafta-
fellssýslu er félagasamtök bænda í
sýslunni. Þar er Þórey skráður félagi
út af starfi sínu sem bóndi. „Búnaðar-
samband Austur-Skaftafellssýslu er
það lítið að við sækjum alla faglega
þjónustu til Búnaðarsambands Suður-
lands. Starf mitt sem ráðunautur geng-
ur út að ráðleggja sauðfjárbændum,
til dæmis um kynbætur og fóðrun, auk
þess sem ég aðstoða við skýrsluhald,“
útskýrir Þórey, sem segir mesta fjör-
ið á haustin. „Í september og október
flandra ég um allar sveitir til að skoða
og meta sauðféð. Það er mjög gaman
að sjá hvernig ræktunin gengur fyrir
sig um allt Suðurland, hve misjöfn hún
er og fjölbreytt,“segir Þórey.
Hvað ræktun varðar hafa flestir
sauðfjárbændur mikinn áhuga á Suður-
landinu að sögn Þóreyjar. Þó segir hún
marga vera tvístígandi vegna hækk-
un á áburði. „Margir bændur hugsa ef-
laust sinn gang þessa dagana. En ég
veit að flestir vilja halda áfram,“ segir
Þórey, sem er meðal yngstu bænda í
Austur-Skaftafellssýslu þar sem meðal-
aldur bænda er um 52 ár. „Ég mæli ein-
dregið með bóndastarfinu fyrir ungt
fólk sem hefur tækifæri á að taka við
búi. Þó er ekki mikið af ungu fólki um
þessar mundir en ég er bjartsýn á þeir
sem hafa farið til náms snúi heim að
því loknu,“ segir Þórey.
Upplýsingar um Búnaðarsamband
Suðurlands: www.bssl.is
rh@frettabladid.is
ÞÓREY BJARNADÓTTIR: FYRSTA KONAN Í STJÓRN
Líður hvergi betur en heima í
Suðursveitinni minni
SAUÐFJÁRRÆKTIN Í MIKLU UPPÁHALDI Þórey Bjarnadóttir, nýkjörin formaður Búnaðarsam-
bands Austur-Skaftafellssýslu. Auk þess sem hún er sauðfjárráðunautur Búnaðarsambands
Suðurlands. MYND/HORNAFJORDUR.IS-AÞÞ
Kvennasögusafnið leitar
eftir nöfnum stúlkna sem
voru á myndum er fylgdu
Teofani-sígarettum á árun-
um 1929 og 1930. Safnið á
allmargar ómerktar myndir
og biður lesendur Frétta-
blaðsins um aðstoð. Ef ein-
hver ber kennsl á stúlkurn-
ar á myndunum er hann
beðinn að hafa samband við
Kvennasögusafnið í síma
525-5779 eða í tölvupósti á
netfangið audurs@bok.hi.is
Þekkir einhver
þessar stúlkur?
Forvarnarverkið „Ég á mig
sjálf“ heldur í leikferð til
Sauðárkróks hinn 6. mars.
Verkið fjallar um átröskun-
ar sjúkdóminn anorexíu eða
lystarstol.
Þar segir frá mæðgum
einn örlagaríkan morgun
þegar móðirin uppgötvar að
dóttir hennar er orðin veik
af sjúkdómnum lystarstoli
í annað sinn. Sýningin er
ætluð ungu fólki og foreldr-
um þess. Hún hefur að því
er fram kemur í fréttatil-
kynningu hlotið einstaklega
góð viðbrögð áhorfenda.
Sýningin er meðal annars
gerð til að vekja athygli á
hinum hættulega feluleik
sem hinn sjúki fer í til að
leyna ástandinu og að skapa
umræður um sjúkdóminn og
sjúkdómseinkennin.
Leikkonurnar Bryndís
Petra Bragadóttir og Ásta
Sighvats Ólafsdóttir eru í
hlutverkum mæðgnanna en
leikstjóri er Margrét Pét-
ursdóttir. Verkið er sam-
vinnuverkefni leikhóps-
ins Draumasmiðjunnar og
Gunnars Gunnsteinssonar
leikstjóra. Nánari upplýs-
ingar um Draumasmiðjuna:
www.draumasmidjan.is
Ég á mig sjálf
FORVARNARVERKEFNI Leikritið
„Ég á mig sjálf“ fjallar um átrösk-
unarsjúkdóminn lystarstol.