Fréttablaðið - 05.03.2008, Blaðsíða 46
22 5. mars 2008 MIÐVIKUDAGUR
folk@frettabladid.is
> LEIKFIMI MEÐ KELLY
Kelly Osbourne hyggst feta í fót-
spor Jane Fonda og fleiri góðra
kvenna og senda frá sér DVD-
disk um líkamsrækt. Hún hefur
lést töluvert frá því að hún tók
við hlutverki Mama Morton í
Chicago, og vill miðla reynslu
sinni. Það mun hún gera með
aðstoð nokkurra vina sinna
sem allir eru dragdrottningar.
Það er því væntanlega von á
frekar óhefðbundnum æfingum
á nýjum diski Kelly.
80 DAGAR TIL STEFNU
Bosníumenn veðja á hænu
Lögin í Eurovision verða undar-
legri með hverjum deginum. Dóm-
nefnd í Bosníu og Hersegóvínu
valdi sinn fulltrúa á mánudaginn
og úr varð að rokkarinn Elvir Lak-
ovic Laka fer til keppni með eigið
lag, „Pokusaj“ („Reyndu“). Elvir
er þó nokkuð dáður á Balkanskag-
anum og gaf út fyrstu sólóplötuna
sína í fyrra. Hann hafði þar á
undan reynt fyrir sér í rokksen-
unni í New York en sneri þaðan
með skottið á milli lappanna.
Lag Elvirs er nokkuð óhefðbund-
ið Eurovision-lag, kaflaskipt með
bæði hröðum rokkkafla og rólegri
kafla og viðlagið er sungið í
stakkató. Sviðsframkoman er þó
ennþá furðulegri. Mikið var lagt í
hana og var einn þekktasti sviðs-
leikstjóri Bosníu fenginn til að
semja sjónarspilið.
Mesta athygli vekur brún hæna
sem leikur stórt hlutverk í sjóinu.
Elvir, í skærrauðum jakka og
gulum buxum, kemur inn á svið
haldandi á hænunni undir hend-
inni. Við hlið hans gengur söng-
kona með afrókrullur og strýkur
hænunni. Elvir sleppir nú hænunni
og hann og söngkonan hoppa og
skoppa um sviðið og syngja lagið.
Á bak við þau eru vöðvastæltir
karldansarar í bændafötum og
stíga nútímadans með hrífur og
ljái. Í lok lags er þysjað á hænuna
sem stendur á miðju sviðinu og
hristir kambinn.
Nú er bara að vona að hænan
hagi sér vel á sviðinu í Serbíu og
skilji ekki eftir sig slysagildrur
fyrir aðra keppendur. Bosnía
keppir á fyrra undanúrslitakvöld-
inu.
Kaffi Hljómalind verður opnað á
nýjum stað í kvöld, eftir að rekstrinum
var úthýst úr húsinu á Laugavegi 21.
Kaffihúsið flutti sig þá um sel yfir á
Laugaveg 23 og stækkaði töluvert við
sig í leiðinni. „Við erum rosalega
ánægð,“ segir Helena Harsita Stefáns-
dóttir, einn eigenda Kaffi Hljómalindar.
„Ég hugsa að rýmið sé helmingi meira
en á gamla staðnum, og svo erum við
með sérherbergi hérna á bak við. Þar
getur fólk haft fyrirlestra, haldið nám-
skeið og svoleiðis,“ segir Helena.
Á meðal gesta á opnuninni í dag
verða hljómsveitirnar Hjálmar og
Retro Stefson, KK og Pikknikk koma í
heimsókn og Diva de la Rosa þeytir
skífum. „Við ætlum að hafa mikið af
uppákomum fyrstu vikuna, en það er
verið að vinna í því núna,“ útskýrir
Helena, sem segir sama form verða
haft á og á gamla staðnum. „Það geta
hverjir sem er haft samband við okkur
og bókað staðinn. Það er um að gera að
kíkja við, sjá hvort það sé laust kvöld
og skrá sig á dagatalið,“ segir Helena,
sem segir ungt fólk sérstaklega vel-
komið.
„Það hafa verið tónleikar í hverri
viku frá því að við opnuðum fyrir
þremur árum. Það er mikið af ungu
fólki sem spilar hérna, á menntaskóla-
og grunnskólaaldri, og tónleikarnir
hafa alltaf verið vel sóttir. Ég fæ kitl í
hjartað þegar ég sé þau skemmta sér
svona, áfengislaust, auðvitað,“ segir
Helena, en Hljómalind er áfengislaus
staður.
Verið var að leggja lokahönd á nýtt
húsnæði þegar ljósmyndari Frétta-
blaðsins leit við á mánudag. Opnunin
hefst klukkan 20 og eru allir velkomnir.
Aðgangur er ókeypis.
Hljómalind á nýjum stað
NÝTT OG BETRA HÚSNÆÐI Kaffi Hljómalind
hefur flutt sig um sel og verður opnað í nýju
og betra húsnæði í dag. FRÉTTABLAÐIÐ/ANTON
„Þetta gekk eins og í sögu og það
er allt eins og best verður á kosið
þarna,“ segir Ragnar Bragason
leikstjóri, en hann lagði leið sína á
Hótel Bjarkarlund um helgina
ásamt öðrum aðstandendum Dag-
vaktarinnar, til að kanna aðstæður
þar á bæ. Tökur á Dagvaktinni,
sem er sjálfstætt framhald hinnar
geysivinsælu þáttaraðar Nætur-
vaktarinnar, fara fram á hótelinu í
Berufirði. Fimm manna höfunda-
hópur þáttanna, skipaður Ragnari
sjálfum, Jóhanni Ævari Gríms-
syni og aðalleikurunum Jóni
Gnarr, Jóhanni Pétri Sigfússyni
og Jörundi Ragnarssyni, dvaldi á
hótelinu um helgina. „Á sunnudeg-
inum kom svo líka hluti af tökulið-
inu til að gera tækniúttekt,“
útskýrir Ragnar, sem þekkir sjálf-
ur ágætlega til staðarins.
Tökur á Dagvaktinni hefjast í
byrjun apríl. „Við verðum á staðn-
um meira og minna í svona sex,
sjö vikur,“ segir Ragnar, sem segir
útlegðina leggjast vel í fólk. „Ég
held að það sé bara ánægt með að
komast í nýtt umhverfi og fá
vinnufrið,“ segir hann. „Annars
var það nú líka hálfgerð útlegð að
taka Næturvaktina svona á nótt-
unni. Nú fer fólk ekki
heim til sín á milli,
svo þetta verður
aðeins meiri
kommúnu-
stemning,“ segir
Ragnar og hlær
við. - sun
Undirbúa
Dagvakt
ÚTTEKT GEKK VEL Ragnari Bragasyni leist
vel á aðstæður á Hótel Bjarkalundi, þar
sem hann og aðrir höfundar þáttanna
dvöldust um helgina.
MÆTIR MEÐ HÆNU Elvir Lakovic Laka
syngur bosníska lagið í ár.
P
IP
A
R
•
S
ÍA
•
80
49
4
Við bjóðum í bíó :)
Opin kerfi verslun býður viðskiptavinum sínum á myndina Spiderwick.
Öllum vörum fylgir bíómiði á þessa frábæru ævintýramynd á meðan birgðir endast.
Opin kerfi verslun • Höfðabakka 9 • 110 Reykjavík • Sími 570 1000 • www.ok.is
Frá Nickelodeon kvikmyndum, kemur ævintýramyndin Spiderwick
-heimur þeirra er nær en þig grunar.
FRÍTT Í BÍÓ