Fréttablaðið - 05.03.2008, Blaðsíða 14
MARKAÐURINN 5. MARS 2008 MIÐVIKUDAGUR14
F Y R S T O G S Í Ð A S T
D A G U R Í L Í F I . . .
Kristínar Ingólfsdóttur, rektors Háskóla Íslands
6.00 Kaffi, tölvupóstur og blöðin.
7.00 Morgunmatur með eiginmanni og dóttur. Gerðum áætlun um
fermingarundirbúning um helgina og ræddum að skreppa á skíði.
8.15 Fundur með sameiginlegri stefnunefnd Háskóla Íslands og
Landspítala. Ýmis samstarfsverkefni á dagskrá, mikil ánægja með
áætlun sem heilbrigðisráðherra hefur kynnt um byggingu háskóla-
sjúkrahúss í Vatnsmýri. Þetta mun styrkja verulega heilbrigðisþjón-
ustu, menntun og vísindi innan heilbrigðisgreina.
10.00 Fundur með samstarfsfólki vegna mikilla skipulagsbreytinga
sem við erum að gera á HÍ. Það er ekki einfalt að breyta skipulagi í
tíu þúsund manna skóla, en verkið er á góðum skriði.
11.30 Fundur um sameiningu Háskólans og Kennaraháskólans. Eftir
sameininguna verða um þrettán þúsund nemendur og kennarar í
Háskóla Íslands.
12.15 Hádegismatur á Háskólatorgi með stúdentum og starfsfólki.
13.00 Undirbúningur undir fund háskólaráðs.
13.30 Fundur með Úlfari Steindórssyni, forstjóra Toyota, og Ingi-
mundi Sigfússyni, fulltrúa japanska sendiráðsins, auk deildar-
forseta hugvísindadeildar vegna stuðnings Toyota við kennslu í
japönsku. Mikilvægur þáttur í að byggja upp kennslu í asískum
fræðum við skólann.
14.00 Röð af fundum með kennurum og deildarforsetum um málefni
einstakra deilda.
16.00 Danska sendiráðið. Auður Hauksdóttir, dósent í dönsku og
forstöðumaður stofnunar Vigdísar Finnbogadóttur, var sæmd
Dannebrogsorðunni. Glæsileg athöfn og verðskuldaður heiður.
19.30 Kvöldverður á Háskólatorgi með starfsfólki Happdrættis
Háskóla Íslands. HHÍ er helsti bakhjarl við uppbyggingu húsnæðis
HÍ.
24.00 Höfuðið á koddann.
KRISTÍN INGÓLFSDÓTTIR Dagur háskólarektors er annasamur, meðal annars vegna
sameiningar við Kennaraháskólann og annarra skipulagsbreytinga. MARKAÐURINN/GVA
„Ef ég kemst ekki í ræktina eða
út að hlaupa verð ég slæm í skap-
inu. Ég verð ferlega leiðin leg
og það bitnar á fólkinu í kring-
um mig,“ segir Sólveig Guð-
mundsdóttir, stofnandi og fram-
kvæmdastjóri veitinga staðarins
Culiacan.
Sólveigu telst til að hún hafi
æft lyftingar í tólf til fimmtán
ár, eða frá tvítugu. Þar á undan
æfði hún handbolta og eróbikk.
Hún fann sig ekki í eróbikkinu
enda markmiðið þar brennsla.
„Mér var bent á að leggja meiri
áherslu á lyftingar. Um leið og
ég byrjaði á því reglulega fór
líkaminn að gjörbreytast. Hann
stæltist og mótaðist,“ segir hún
og vísar því á bug að lyftinga-
fólk verði massaðir kögglar líkt
og margir haldi. Þvert á móti
megi stýra líkamsmótuninni sé
hver og einn líkamshluti æfður
reglulega.
Sólveig bendir á að mataræðið
skipti miklu máli. Sjálf fór hún
í nám í iðnhönnun í Bandaríkj-
unum árið 2001 og komst þar í
kynni við mexíkóska matargerð.
Samkvæmt þeirri hefð er allur
matur grillaður en olía og djúp-
steikingar koma þar ekkert við
sögu. „Ég varð „húkt“,“ segir
Sólveig.
Þegar hún sneri aftur heim að
námi loknu hófst hún handa við
uppbyggingu fyrsta veitinga-
staðarins, Culiacan, sem var opn-
aður árið 2003. Sólveig tók þekk-
ingu sína á iðnhönnun alla leið,
en hún hannaði og smíðaði allar
innréttingar staðarins. Fyrsti
staðurinn var opnaður í Faxa-
feni árið 2003 en annar í Hlíðar-
smára í jólamánuðinum í hitteð-
fyrra. Þar er í boði mexíkóskur
grillmatur, fitusnautt kjöt og
heilbrigt meðlæti í samræmi við
þann heilbrigða lífsstíl sem hún
hefur tileinkað sér.
En tíminn skiptir máli og hann
er af skornum skammti hjá Sól-
veigu, sem á fjögurra ára dóttur
og rekur tvo veitingastaði. „Ég
er skipulögð, æfi á milli klukk-
an þrjú og fimm í klukkutíma til
einn og hálfan tíma í senn, fjór-
um sinnum í viku,“ segir hún.
„Þá er rólegasti tíminn.“ - jab
Lyftir lóðum og léttir lund í ræktinni
Líkamsrækt og rétt mataræði skiptir máli, segir framkvæmdastjóri veitingastaðanna Culiacan.
TEKIÐ Á ÞVÍ Í TÆKJUNUM Sólveig Guðmundsdóttir segist verða að komast fjórum
sinnum í viku í ræktina, annars verði hún slæm í skapinu. MARKAÐURINN/ANTON
F R Í S T U N D I N
Jón Aðalsteinn Bergsveinsson
skrifar
„Við komum reglulega á Vox með
erlenda gesti. Hlaðborðið er mjög
heppilegt í hádeginu. Maturinn
er ferskur og nútímalegur og
úrvalið gott,“ segir Hjördís Árna-
dóttir, sviðsstjóri ytri samskipta
hjá Actavis.
Hjördís fundar gjarnan með
erlendum gestum, jafnt starfs-
mönnum Actavis erlendis sem
erlendum blaðamönnum, yfir há-
degisverði á veitingastöðum. Þá
kemur Vox á Hilton Nordica við
Suðurlandsbraut oftast til greina.
Hún tekur sérstaklega fram að
gestum Actavis líki að þeir þurfi
ekki að bíða eftir afgreiðslu held-
ur geti sjálfir séð um að skenkja á
diska sína af hlaðborðinu. „Þetta
er uppáhaldsstaðurinn minn ef
ég er með gesti í hádeginu,“ segir
hún og mælir sérstaklega með
eftirréttunum.
Viðhorf Hjördísar er í samræmi
við niðurstöðu Markaðarins á vin-
sælasta veitingastaðnum í hádeg-
inu, að mati stjórnenda hjá ís-
lenskum fyrirtækjum. Þátttakend-
um var gefinn kostur á að nefna
þrjá staði sem eru í uppáhaldi hjá
þeim fyrir hádegis snarlið. Svörin
voru mjög fjölbreytt en 38 stað-
ir komust á blað, allt frá hádegis-
verði á Holtinu niður í skyndibita
í Pylsu vagninn í Laugardal, sem
lenti í ellefta sæti. Fyrsti veitinga-
staður sem nefndur var á nafn
fékk þrjú stig, sá í öðru sæti fékk
tvö stig og hinn þriðji eitt stig.
Vox vann yfirburðasigur með 22
stig. Sjávar kjallarinn, fékk ellefu
stig og lenti í öðru sæti. Veitinga-
staðirnir Hótel Holt, La Prima-
vera og Þrír Frakkar deila með
sér þriðja sætinu en allir fengu
þeir tíu stig.
„Það verður uppreisn í salnum
ef eitthvað vantar. Við reynum því
að hafa eitthvað fyrir alla, fram-
andi rétti í bland við klassíska,“
segir Björn Harðarson, mat-
reiðslumaður á Vox. Hann hefur
í eitt og hálft ár haft yfirumsjón
með hlaðborðinu, mætir klukkan
sex á morgnana og fer um þrjú-
leytið þegar kvöldvaktin tekur
við. „Það ættu allir að geta fund-
ið eitthvað við sitt hæfi,“ segir
hann.
Hlaðborðið á Vox hefur unnið
mjög á í þau tæpu fimm ár sem
veitingastaðurinn hefur verið
starfræktur. Björn segir vinsæld-
irnar hafa vaxið jafnt og þétt og
nú komi allt upp undir 150 manns í
hádegismat þegar mest sé, iðulega
á föstudögum. Þá sé létt yfir gest-
um, sem sitji oft lengur en aðra
daga. Á öðrum vikudögum geti
verið allt upp í hundrað gestir í
mat. „Sushi-ið er vinsælast núna,“
segir Björn en hann gerir allt að
fimm hundruð sushi-bita á hverj-
um degi. „Og bitunum er alltaf að
fjölga,“ bætir hann við. „En þetta
er hópvinna. Annað gengi ekki.“
Vinsælast að snæða á Vox
Flestir fara á Vox í hádeginu, samkvæmt könnun
Markaðarins. Sushi-ið vinnur á, segir matreiðslumeistarinn.
BJÖRN HARÐARSON LEGGUR LOKAHÖND Á HLAÐBORÐIÐ Um hundrað manns snæða hádegismat á Vox á hverjum degi. Fimmtíu
fleiri koma á föstudögum en þá sitja gestir lengur. MARKAÐURINN/ANTON
V I N S Æ L U S T U S TA Ð I R N I R *
1. Vox
2. Sjávarkjallarinn
3. Hótel Holt, La Primavera,
Sjávarkjallarinn
4. Domo, Jómfrúin
5. Fiskmarkaðurinn
6. 101 Hotel, Ostabúðin, Pylsuvagninn í
Laugardal, Silfur, Vegamót
7. Austurlanda hraðlestin, Á næstu
grösum, Fylgifiskar, Geysir,
Hamborgarabúllan, Hlaðborð í
World Class, Humarhúsið, Kaffi
París, Kringlukráin, Laugarás,
Maður lifandi, Múlakaffi,
Sjávarkjallarinn, Sushi-smiðjan
8. Asía, Askur, Café Bleu,
Fjalakötturinn, Grænn kostur,
Hornið, Kínahúsið, Sólon, Subway,
Súfistinn í Hafnarfirði, Thorvaldsen,
Uppsalir (Aðalstræti).
* Í stafrófsröð innan sæta.