Fréttablaðið - 09.03.2008, Blaðsíða 6

6 9. mars 2008 SUNNUDAGUR
1958 – 200850 ÁRA
1958 – 200850 ÁRA
Dagskrá
Nútímaleg samkeppni um
stefnumótun og hönnun skóla
Morgunverðarfundur um hugmyndafræði,
hönnun og byggingu nýs barnaskóla
Í tilefni 50 ára afmælis VSÓ ráðgjafar býður fyrirtækið til morgunverðar-
fundar miðvikudaginn 12. mars kl. 8:30 til 10:00 í Gullteig A á Grand
Hótel. Á fundinum verður fjallað um hvernig sveitarfélög geta sótt
ferskar hugmyndir til skólafólks og hönnuða úti í samfélaginu um
byggingu nýrra skóla.
Í Mosfellsbæ ríkir metnaðarfull og framsækin stefna í skólamálum og
skólastarfi. Bæjarstjórnin ákvað að sækja nýjustu hugmyndir um
uppbyggingu nýs skóla fyrir 1 til 9 ára börn með athyglisverðri
samkeppni. Með þessari nútímaaðferð verður nýjum leik- og
grunnskóla blandað saman.
Efnt var til samkeppni meðal hönnuða og skólaráðgjafa um nýja
skólann. Tvær athyglisverðar nýjungar í samkeppninni verða kynntar:
Sagt verður frá samkeppni þar sem verkkaupi og keppendur áttu
gagnkvæm samskipti á keppnistímanum.
Greint verður frá samstarfi skólaráðgjafa í hugmyndafræði, kennslu og
uppeldismálum, arkitekta og verkfræðinga sem unnu saman í einum
hópi þar sem hugmyndafræðin hafði sama vægi og arkitektúrinn.
Um þessa nýju aðferðarfræði, sem skilaði mjög jákvæðum árangri,
verður fjallað á afmælisfundi VSÓ ráðgjafar.
Dagskrá:
Aðferðarfræði samkeppninnar,
Þorbergur Karlsson, verkfræðingur hjá VSÓ
Athyglisverð uppbygging skóla í Mosfellsbæ,
Jóhanna Björg Hansen, bæjarverkfræðingur
Að bræða saman hugmyndafræðina, arkitektúr og verkfræði
Helgi Grímsson, skólastjóri Sjálandsskóla
og Steffan Iwersen arkitekt
Umræður, spurningar og svör
Fundurinn er ætlaður: Skólastjórnendum, fræðslustjórum og fræðslunefndarfólki,
arkitektum, verk- og tæknifræðingum og öðru áhugafólki um skólamál.
Aðgangur er í boði VSÓ.
Vinsamlegast tilkynnið þátttöku fyrir 11. mars nk. til: bergny@vso.is
Fótbrotnaði á mótorhjóli
Ökumaður torfærumótorhjóls fót-
brotnaði þegar hann missti hjólið yfir
sig í fjörunni við Húsavík um fimm-
leytið á föstudaginn. Var hann fluttur
á sjúkrahúsið á Akureyri þar sem gert
var að sárum hans.
LÖGREGLUFRÉTTIR
Mótmæla leikskólastjóra
Félag leikskólakennara og leikskóla-
kennarar í Garðaseli á Akranesi hafa
mótmælt þeirri ákvörðun bæjaryfir-
valda að ráða leikskólastjóra við nýjan
leikskóla „án auglýsingar og eðlilegs
ráðningarferils“. Meirihluti bæjarráðs
segir eðlilega staðið að ráðningunni.
AKRANES
FÉLAGSMÁL Fiðrildaviku UNIFEM á Íslandi lauk í
gær. Átakinu var ætlað að vekja landsmenn til
vitundar um stöðu kvenna í þróunarlöndunum og í
stríðshrjáðum ríkjum. Á föstudagskvöld var haldið
uppboð á hekluðum brjóstum og er talið að tæplega
300 manns hafi mætt og keypt brjóst fyrir um eina
milljón króna.
Steinunn Gyðu- og Guðjónsdóttir, framkvæmda-
stýra UNIFEM á Íslandi, segir átakið hafa gert
mikið til að vekja athygli á starfsemi samtakanna
hér á landi. „Við höfum fengið afar jákvæð viðbrögð
og síminn hefur vart stoppað hér á skrifstofunni hjá
okkur nú í vikunni. Fólk hefur hringt til að þakka
okkur fyrir og því er ljóst að kynbundið ofbeldi
snertir líf margra.“
Enn er ekki búið að reikna saman þá upphæð sem
safnaðist á fjáröflunarviðburðum átaksins, en
peningarnir munu renna óskiptir í styrktarsjóð
UNIFEM til afnáms ofbeldi gegn konum. „Við
verðum komin með endanlega upphæð nú eftir
helgi,“ segir Steinunn. „Almenningur hefur verið
mjög duglegur að taka þátt í fjáröfluninni og
jafnframt hafa mörg fyrirtæki lagt okkur lið.“ - vþ
Framkvæmdastýra UNIFEM á Íslandi segir fiðrildavikuna vel heppnað átak:
Síminn hefur vart stoppað
BLAÐAMANNAFUNDUR Í LOK FIÐRILDAVIKU Joanna Sandler,
aðalframkvæmdastýra UNIFEM í New York, Ingibjörg Sólrún
Gísladóttir utanríkisráðherra, og Olubanke King-Akerele,
utanríkisráðherra Líberíu, sátu fyrir svörum á blaðamanna-
fundi í gær. FRÉTTABLAÐIÐ/ANTON
SAMFÉLAGSMÁL „Við erum með þau
tæki og tól sem þarf til að takast á
við framtíðina. Okkur vantar ekki
peningana, heldur fólkið,“ segir
Eyjólfur Guðmundsson skóla-
stjóri framhaldsskólans í Austur-
Skaftafellsýslu.
Eyjólfur ávarpaði Austurþing,
ráðstefnu Framtíðarlandsins og
þekkingarsetursins Nýheima, á
Höfn í Hornafirði í gær.
Bjartsýni einkenndi þingið og
hafði framtíðarfólkið að sunnan
orð á krafti heimamanna. Eyjólfur
vísaði til þess að á Höfn eru í boði
mörg sérhæfð störf, mörg þeirra
sem hafa orðið til vegna
Nýheima.
Hjalti Þór Vignisson, bæjar-
stjóri Hafnar, stillti upp skamm-
tíma- og langtímamarkmiðum
næstum sem andstæðum.
„Við þurfum að taka okkur út úr
myndinni og hugsa um börnin.
Hvernig sköpum við samfélag,
sem þau vilja búa í að loknu námi?
Það gerum við ekki með stóriðju,“
sagði hann og uppskar lófatak úr
sal.
Við Nýheima starfa um fjörutíu
manns, flestir þeirra háskóla-
gengnir. Bæjarstjóri bendir á setr-
ið sem dæmi um langtímafjárfest-
ingu sem fór hægt af stað en skilar
hægt og bítandi jákvæðum sam-
félagslegum áhrifum.
„Á sínum tíma þurftu Hornfirð-
ingar að velja hvort þeir byggðu
Nýheima eða sundlaug,“ segir
bæjarstjórinn. Hann sér ekki eftir
valinu. - kóþ
Austurþing Framtíðarlandsins og Nýheima fór fram á Höfn í gær:
Vantar ekki peninga heldur fólk
Trúir þú að hægt sé að leiðrétta
launamun kynjanna?
Já 62,5%
Nei 37,5%
SPURNING DAGSINS Í DAG:
Hefur þú trú á framtíð þorsk-
eldis við Ísland?
Segðu skoðun þína á vísir.is
EVRÓPUMÁL EFTA-ríkin í EES, það
er Ísland, Noregur og Liechten-
stein, eiga mikla hagsmuni undir
því komna að koma á virkum
tengslum milli þjóðþinga sinna
og Evrópuþingsins. Þetta kom
fram á ráðstefnu sem haldin var í
Reykjavík á föstudag um nýjustu
uppfærslu stofnsáttmála Evrópu-
sambandsins, sem kenndur er við
Lissabon og gengur væntanlega í
gildi á næsta ári, og væntanleg
áhrif hans á starf evrópskra þjóð-
þinga og Evrópuþingsins.
„Mikilvægasta breytingin eru
þau auknu áhrif sem Evrópu þingið
fær. Og við það höfum við engin
formleg tengsl í gegnum EES-
samstarfið. Okkur er því nauðsyn
að stofna til tengsla við Evrópu-
þingið ef við eigum að geta haldið
í áhrifamöguleika okkar á nýja
Evrópulöggjöf sem við síðan erum
skuldbundnir til að taka upp í
gegnum EES-samninginn,“ segir
Svein Roald Hansen, þingmaður
fyrir Verkamannaflokkinn á
norska Stórþinginu, í samtali við
Fréttablaðið, en hann var meðal
frummælenda á ráðstefnunni sem
haldin var í samstarfi Alþingis og
fastanefndar framkvæmda-
stjórnar Evrópusambandsins
gagnvart Íslandi og Noregi.
Hansen segir að sinn þing-
flokkur á Stórþinginu hafi þegar
stofnað til nýrra tengsla við Evr-
ópuþingið með því að semja við
systurflokkinn þar, PES, um að
mega sitja þing- og nefndafundi.
Hann tekur hins vegar fram að
hversu vel sem nýjar leiðir til að
leita áhrifa á löggjafarferli ESB
utan frá reynast þá muni þær
aldrei jafnast á við þá áhrifa-
möguleika sem full aðild myndi
gefa.
Hansen er jafnframt forystu-
maður í Evrópusamtökunum í
Noregi, Já-hreyfingarinnar svo-
nefndu. Hann var því einnig
spurður hvort hann teldi að sú
þróun sem er að verða í Evrópu-
málunum á Íslandi kynni að hafa
áhrif á þróunina í Noregi.
„Skyldu Íslendingar taka stefn-
una á ESB-aðild yrðu Norðmenn að
taka nýja umræðu um Evrópumál-
in, því það myndi vekja vafa um að
það yrði yfirleitt mögulegt að reka
EES-samninginn áfram,“ svarar
Hansen og bætir við: „Ég ætti líka
von á því að útgerðarmenn í Noregi
myndu þrýsta á um að það væri
skoðað vandlega hvort ekki væri
skynsamlegt fyrir Norðmenn að
stefna líka á ESB-aðild í félagi við
Íslendinga, með það þá að mark-
miði að freista þess að tryggja hags-
muni Norðmanna í sjávarútvegs-
málunum.“ audunn@frettabladid.is
Þurfum að efla tengsl
við Evrópuþingið
Íslendingar verða að efla tengsl við Evrópuþingið ef þeir vilja viðhalda áhrifa-
möguleikum sínum á nýjar EES-gerðir. Þetta kom fram á ráðstefnu í Reykjavík.
EVRÓPUÞINGIÐ Svein Roald Hansen segir leiðir til áhrifa á ESB-löggjöf aldrei jafnast
á við áhrifamöguleika aðildar. NORDICPHOTOS/AFP
Skyldu Íslendingar taka
stefnuna á ESB-aðild yrðu
Norðmenn að taka nýja umræðu
um Evrópumálin...
SVEIN ROALD HANSEN
ÞINGMAÐUR NORSKA
VERKAMANNAFLOKKSINS
HÖFN Bjartsýni einkenndi þing Framtíð-
arlandsins og Nýheima sem fram fór á
Hornafirði í gær.
HEILBRIGÐISMÁL Guðlaugur Þór
Þórðarsson veitti á föstudag
fjórtán gæðastyrki sem ætlað er
að hvetja heilbrigðisstarfsmenn
til dáða á sviði gæðamála.
Styrkirnir voru veittir við athöfn
í Ráðherrabústaðnum við
Tjarnargötu og nam styrksupp-
hæðin þremur milljónum króna.
Heilbrigðisráðuneytinu bárust að
þessu sinni 55 styrkbeiðnir alls
staðar af að landinu til þess að
sinna fjölbreyttum gæða-
verkefnum á flestum sviðum
heilbrigðisþjónustunnar. Styrk-
irnir eru þannig beinn stuðningur
við tiltekin gæðaverkefni
heilbrigðisstarfsmanna. - vþ
Heilbrigðisráðherra veitir styrki:
Hvatning á
sviði gæðamála
KJÖRKASSINN