Fréttablaðið - 09.03.2008, Blaðsíða 88
28 9. mars 2008 SUNNUDAGUR
sport@frettabla-
Sara Björk Gunnarsdóttir er að stíga sín fyrstu skref með
kvennalandsliðinu í knattspyrnu en hún skoraði eitt marka
Íslands í 4-1 sigri á Írum, en þar fékk hún að byrja inn á
fyrsta skipti með A-landsliðinu.
„Við áttum mjög góðan fyrri hálfleik og vorum miklu betra
lið. Ég var mjög ánægð með að fá tækifæri til þess að sýna
mig. Ég veit ekki hvort ég fæ að vera í byrjunarliðinu á
móti Portúgal en ég vona það. Mér finnst ég hafa staðið mig
nógu vel til þess að vera í liðinu,“ segir Sara Björk sem
spilaði framarlega á miðjunni í sínum fyrsta leik.
„Siggi Raggi þjálfari sagði mér að halda mér
þarna frammi og reyna að vinna boltann,“ segir
Sara og það gekk upp þegar hún skoraði sitt
fyrsta mark eftir 18 mínútur og kom Íslandi í
3-0. „Ég setti pressu á aftasta mann og náði
af honum boltanum og setti hann síðan í
hornið hjá markverðinum. Það var fínt að
skora,“ segir Sara.
Sara er aðeins 17 ára gömul og spilar
með Haukum í 1. deildinni. Hún er eini leikmaður liðsins sem
er ekki í efstu deild. „Það er mikill munur á því að spila með
A-landsliðinu eða í 1. deildinni en það er bara gaman að því.
Það er ekkert smá flott að fá að spila með þessum stelpum.
Þær eru búnar að hjálpa mér og styðja við bakið á mér,“ segir
Sara sem er ekkert á leiðinni í Landsbankadeildina í sumar.
„Ég verð áfram með Haukum í sumar. Ég vil meina að ég fái
alveg jafn mörg tækifæri þótt að ég sé að spila í 1. deildinni. Ég
er búin að ná þessum árangri með liðinu mínu og markmiðið
er bara að koma Haukunum upp í efstu deild,“ segir Sara
en íslenska kvennalandsliðið skellti sér í bæinn í gær.
„Við vorum á æfingu, erum nýbúnar að borða og
nú erum við bara að fara í bæjarferð. Ætlum að
reyna að versla eitthvað,“ segir Sara í léttum tón.
„Það er mjög gaman hérna úti og frábært að fá
að vera með þessum stelpum. Við erum líka með
rosa sterkt lið og ætlum að taka næsta leik á móti
Portúgal,“ sagði Sara Björk að lokum.
SARA BJÖRK GUNNARSDÓTTIR: SKORAÐI Í FYRSTA BYRJUNARLIÐSLEIKNUM MEÐ A-LANDSLIÐINU
Verð vonandi í byrjunarliðinu í næsta leik líka
Berlín og Varsjá
20.–28. maí
Fararstjóri: Óttar Guðmundsson 98.700 kr.
Verð á mann í tvíbýli
65.900 kr.
Verð á mann í tvíbýli
Innifalið: Flug til Berlínar og frá Varsjá með sköttum og öðrum greiðslum, akstur
til og frá flugvelli, gisting á 4* hótelum með morgunverði, akstur á milli Berlínar
og Varsjár og íslensk fararstjórn.
Hin óviðjafnanlega
París
5.–8. júní
Fararstjóri: Halldór Laxness
Innifalið: Flug með sköttum og öðrum greiðslum, akstur til og frá flugvelli,
gisting á 4* hóteli með morgunverði og íslensk fararstjórn.
Nánar á expressferdir.is
eða í síma 5 900 100
KÖRFUBOLTI Tólf stiga sigur dugði
ekki bikarmeisturum Grinda-
víkur til þess að taka annað sætið
af KR i lokaumferð Iceland
Express-deildar kvenna í gær.
Grindavík þurfti að vinna með
sextán stigum til þess að fá
heimavallarrétt gegn KR í fyrstu
umferð úrslitakeppninnar og var
komið mest fimmtán stigum yfir,
80-65, í dramatískum lokakafla
leiksins. KR-konur skoruðu hins
vegar þrjú síðustu stig leiksins á
vítalínunni og sluppu naumlega
með aðeins tólf stiga tap, 80-68.
Igor Beljanski tók tvö leikhlé á
síðustu mínútunni til að setja upp
sókn sem kæmi Grindavík upp í
16 stiga forystu en í bæði skiptin
náði KR-vörnin að stöðva Grinda-
víkurliðið. Það var síðan Hildur
Sigurðardóttir, fyrirliði KR-liðs-
ins, sem stal boltanum af
Grindavík í blálokin og kom í veg
fyrir að Grindavík fengi síðasta
skotið í leiknum.
KR byrjaði vel og var 19-12
yfir eftir fyrsta leikhluta og 36-
32 yfir í hálfleik.
Tiffany Roberson var með 40
stig fyrir Grindavík og 14 fráköst
en hún var geysisöflug í seinni
hálfleik eftir rólegan fyrri hálf-
leik. Joanna Skiba var með 24
stig og fimm stoðsendingar.
Hjá KR var Candace Futrell
stigahæst með 33 stig auk þrettán
frákasta, Hildur Sigurðar dóttir
var með 15 stig og ellefu fráköst
og Sigrún Ámundadóttir skoraði
14 stig og tók 15 fráköst.
Úrslitakeppnin hefst um næstu
helgi og þar mætast Keflavík og
Haukar og KR og Grindavík þar
sem fyrrnefndu liðin eru með
heimavallarréttinn. - óój
Tólf stiga sigur dugði ekki Grindavík í lokaumferð Iceland Express-deildar kvenna:
KR-liðið hékk á öðru sætinu
40 STIG Tiffany Roberson sækir að
körfu KR-liðsins í gær.
VÍKURFRÉTTIR/JÓN BJÖRN
> Meistaradeildardraumur GOG er úti
Snorri Steinn Guðjónsson, Ásgeir Örn Hallgrímsson og
félagar í danska liðinu GOG eiga ekki lengur möguleika
á að komast í undanúrslit Meistaradeildarinnar eftir 24-
29 tap fyrir Barcelona á Spáni í gær. Barcelona tryggði
sér sigur í riðlinum með þessum sigri. GOG,
sem vann heimaleikinn 35-33, hélt í við
Börsunga framan af leik og staðan var 10-
10 eftir 19 mínútur. Þá tóku Börsungar öll
völd í leiknum og náðu níu marka forystu
þegar sex mínútur voru til leiksloka,
27-18. Börsungar eru á toppi riðilsins
með tveggja stiga forystu á GOG og
betri árangur í innbyrðis viðureignum
þegar aðeins ein umferð er eftir.
Ásgeir Örn skoraði tvö mörk en
Snorri Steinn komst ekki á blað.
Enska bikarkeppnin:
Man. United-Portsmouth 0-1
0-1 Sulley Ali Muntari, víti (78.)
Barnsley-Chelsea 1-0
1-0 Kayode Odejayi (66.)
Seinni tveir leikirnir fara fram í dag. Middles-
brough og Cardiff mætast klukkan 13.00 og
Bristol Rovers tekur síðan á móti West Brom
klukkan 18.00.
Enska úrvalsdeildin:
Blackburn-Fulham 1-1
1-0 Morten Gamst Pedersen (60.), 1-1 Jimmy
Bullard (89.).
Liverpool-Newcastle 3-0
1-0 Jermaine Pennant (43.), 2-0 Fernando Torres
(45.), 3-0 Steven Gerrard (51.).
Reading-Man. City 2-0
1-0 Shane Long (62.), 2-0 Dave Kitson (88.).
STAÐA EFSTU LIÐA:
Arsenal 28 19 8 1 57-21 65
Man. United 28 20 4 4 58-15 64
Chelsea 27 17 7 3 42-17 58
Liverpool 29 15 11 3 53-20 56
Everton 28 16 5 7 46-24 53
Aston Villa 28 13 9 6 51-36 48
Blackburn 29 12 10 7 38-35 46
Man. City 29 12 9 8 34-33 45
Portsmouth 28 12 8 8 38-29 44
West Ham 28 11 7 10 31-31 40
Tottenham 27 8 8 11 49-45 32
Middlesbrough 28 7 8 13 25-42 29
Reading 29 8 4 17 34-55 28
Newcastle 29 7 7 15 30-56 28
Iceland Express kvenna:
Grindavík-KR 80-68 (32-36)
Stig Grindavíkur: Tiffany Roberson 40 (14 frák.),
Joanna Skiba 24, Petrúnella Skúladóttir 5, Ólöf
Pálsdóttir 3, Jovana Stefánsdóttir 3, Lilja Sig
marsd. 2, Íris Sverrisd. 2, Ingibjörg Jakobsdóttir 1.
Stig KR: Candace Futrell 33 (13 frák.), Hildur Sig-
urðardóttir 15 (11 frák., 6 stolnir, 5 stoðs.), Sigrún
Ámundadóttir 14 (15 frák.), Helga Einarsdóttir
2, Guðrún Gróa Þorsteinsdóttir 2, Guðrún Ósk
Ámundadóttir 2.
Valur-Fjölnir 81-59 (40-40)
Stig Vals: Molly Peterman 37 (15 frák., 5 stoðs.),
Signý Hermannsdóttir 15 (10 frák., 8 varin,
6 stoðs.), Tinna Björk Sigmundsdóttir 9 (7
stoðs.), Hanna Björg Kjartansdóttir 7, Guðrún
Baldursdóttir 6, Hafdís Helgadóttir 4, Berglind
Ingvarsdóttir 3.
Stig Fjölnis: Slavica Dimovska 28 (6 frák., 6
stoðs.), Birna Eiríksdóttir 10, Gréta María Grétars
dóttir 6 (12 frák.), Eva María Emilsdóttir 6, Efemia
Sigurbjörnsdóttir 6, Edda Gunnarsdóttir 2, Hrund
Jóhannsdóttir 1.
ÚRSLITIN Í GÆR
FÓTBOLTI Liverpool, náði þriggja
stiga forskot á í Everton í
baráttunni um 4. sætið og sæti í
Meistaradeildinni á næsta
tímabili, þegar liðið vann 3-0
sigur á Newcastle á Anfield í gær.
Jermaine Pennant skoraði
fyrsta markið eftir klaufaleg
varnarmistök varnarmanna
Newcastle og þeir Fernando
Torres og Steven Gerrard lögðu
síðan upp mark fyrir hvorn
annan.
Newcastle hefur ekki unnið
síðan í desember og það hafa
aðeins komið tvö stig í hús í þeim
sjö leikjum sem liði hefur spilað
síðan að Kevin Keegan tók við.
Everton fær tækifæri til að ná
Liverpool að stigum þegar liðið
sækir Sunderland heim í dag. - óój
Enska úrvalsdeildin í gær:
Liverpool enn á
sigurbraut
Á SKOTSKÓNUM Fernando Torres og
Steven Gerrard fagna marki í gær.
NORDICPHOTOS/GETTY
FÓTBOLTI Það urðu heldur betur
óvænt úrslit í átta liða úrslitum
ensku bikarkeppninnar í gær
þegar tvö stærstu liðin sem eftir
voru í keppninni, Englandsmeist-
arar Manchester United og bikar-
meistarar Chelsea, þurftu bæði
að sætta sig við 0-1 tap eftir að
hafa klúðrað fjöldanum öllum af
dauðafærum. 8. mars 2008 verður
fyrir vikið örugglega minnst sem
eins sögulegasta dagsins í 136 ára
sögu ensku bikarkeppninnar.
Hermann Hreiðarsson átti
mjög góðan leik í 1-0 sigri
Portsmouth á Manchester United
og vann ekki bara United í fyrsta
sinn heldur er einnig í fyrsta sinn
komið í undanúrslit ensku bikar-
keppninnar.
Dómari leiksins var í sviðs-
ljósinu, dæmdi ekki vítaspyrnu
þegar brotið var á Ronaldo í fyrri
hálfeik en dæmdi síðan vítaspyrnu
á ensku meistarana og rak vara-
markvörð Manchester United,
Tomasz Kuszczak, út af tólf mínút-
um fyrir leikslok. Ghana-maður-
inn Sulley Muntari skoraði sigur-
markið úr spyrnunni en í markinu
stóð Rio Ferdinand þar sem Edwin
van der Sar hafði farið út af meidd-
ur í hálfleik. Það að Rio skildi
klára leikinn var aðeins til þess að
auk enn við dramatíkina.
„Við gátum ekki verið óheppnari
með drátt en þetta var frábær
frammistaða og frábær úrslit. Við
höfðum heppnina með okkur en
United er stórkostlegt lið og við
unnum fyrir heppninni,” sagði
Harry Redknapp, stjóri Ports-
mouth eftir leikinn.
„Úrslit leiksins réðust þegar
dómari leiksins dæmdi okkur
ekki vítaspyrnu í fyrri hálfleik.
Þeir trúðu á að þeir gætu klárað
þetta enda með dómarinn með sér
í liði,“ sagði harðorður stjóri
United, Alex Ferguson, í leikslok.
Sóknarmenn United sofnuðu
örugglega seint í nótt enda er
löng upptalning á þeim dauðu
færum sem fóru forgöðrum í
þessum frábæra bikarleik.
Hermann og félagar börðust fyrir
lífi sínu og unnu ótrúlegan sigur,
þann fyrsta á Old Trafford síðan
1957.
Barnsley endurtók leikinn
Kayode Odejayi tryggði Barnsley
1-0 sigur á heimavelli gegn Chelsea
en markið skoraði hann með skalla
á 66. mínútu leiksins.
Þetta er í fyrsta sinn síðan 1912
að þetta litla félag úr Jórvíkuskíri
er komið alla leið í undanúrslit bik-
arisns. Fyrstu deildarlið Barnsley
er með þessu búið að slá úr bikar-
keppninni tvö af fjórum efstu liðum
ensku úrvalsdeildarinnar, því liðið
sló Liverpool út í umferðinni á
undan.
„Ég er í hæstu hæðum og trúi
þessu varla. Þegar við fórum á
Anfield og slógum Liverpool út þá
trúði því enginn að við gætum þetta
aftur,“ sagði Simon Davey stjóri
Barnsley.
„Mínir menn voru frábærir og ég,
eins og margir leikmenn, er á leið-
inni á Wembley í fyrsta sinn,” bætti
hann við.
Chelsea er þar með búið að missa
af tveimur bikurum á tveimur
vikum en liðið tapaði úrslitaleik
deildarbikarsins á dögunum. „Ég er
rosalega, rosalega vonsvikinn en
Barnsley á heiður skilinn. Þeir
sýndu mikinn baráttuanda og eiga
hrós skilið fyrir að slá bæði Liver-
pool og okkur út,” sagði Avram
Grant, stjóri Chelsea eftir leik.
ooj@frettabladid.is
Stóru liðin bæði slegin út
Bæði Englandsmeistarar Manchester United og bikarmeistarar Chelsea féllu út
í átta liða úrslitum ensku bikarkeppninnar í gær. Hermann Hreiðarsson er fyrir
vikið kominn í undanúrslitin enska bikarsins í fyrsta sinn á ferlinum.
ÚRSLITIN RÁÐAST Hermann Hreiðarsson horfir hér á þegar Milan Baros fiskar vítið og
rauða spjaldið á Tomasz Kuszczak. NORDICPHOTOS/AFP