Fréttablaðið - 12.03.2008, Blaðsíða 8

12. mars 2008 MIÐVIKUDAGUR
DÓMSMÁL „Það er auðvitað
áhyggjuefni hvers vegna dómstól-
ar mælast lágir í trausti í könnun-
um og það er vísbending um að
starfsemi og hlutverk dómstóla sé
ekki nægilega kynnt,“ segir Egg-
ert Óskarsson formaður Dómara-
félags Íslands.
Jón Steinar Gunnlaugsson
hæstaréttardómari greindi frá því
í viðtali við Fréttablaðið að dómar-
ar mættu tjá sig meira á opinber-
um vettvangi og kynna viðhorf sín
til laganna. Þetta sendi almenn-
ingi þau skilaboð að dómarar væru
ekki bara „nafnlausir menn inni í
lokuðu dómhúsinu sem enginn
þekkir.“
Eggert segir vandasamt fyrir
dómara að taka þátt í þjóðfélags-
legri umræðu. „Dómarar eru fyrst
og fremst að hugsa um að gæta
hlutleysis og þess vegna eru þeir
varkárir þegar þeir tjá sig. Þeir
tjá sig ekki um dóma sína eða ein-
stök dómsmál. En það er alveg
rétt að stundum þarf að svara af
hálfu dómstólanna vegna þess að
það er ekki allt réttmætt sem
kemur fram í fjölmiðlum,“ segir
Eggert.
Jafnframt segir hann til greina
koma að dómstólar komi á fram-
færi leiðréttingum í fjölmiðla
þegar það á við. „Gagnrýnin [á
dómstóla] er oft óvægin og ekki
alltaf farið rétt með staðreyndir,
það vantar að koma leiðréttingum
á framfæri þegar það á við. Síðan
er spurning hvernig á að standa að
því. Til greina kemur að dómstól-
ar hafi fjölmiðlafulltrúa á sínum
snærum til að sinna þessu hlut-
verki.“
Samkvæmt könnun Capacent
treysta aðeins 39 prósent almenn-
ings dómstólunum í landinu. Frá
því árið 2002
hefur traust til
dómstólanna
ekki mælst
meira en 50 pró-
sent. Lægst
mældist það 29
prósent í febrú-
ar í fyrra.
Sveinn Andri
Sveinsson lög-
maður, sem
mikla reynslu
hefur að lög-
mannsstörfum í sakamálum, segir
of algengt að fjölmiðlaumræða
um dóma í sakamálum afvegaleið-
ist. „Umræðan er oft allsvakalega
afvegaleidd. Ég sé ekkert því til
fyrirstöðu að dómarar tjái sig um
dóma sína. Þörfina fyrir það að
dómstólar skýri betur sína hlið má
að mínu mati rekja til þess að oft
eru dómstólar sparir á forsendur
niðurstaðna í dómum. Það er vita-
skuld ekki algilt. Lögmenn og
fræðimenn eiga oft í vandræðum
með að skilja niðurstöðurnar og
þegar það á við væri gott að geta
fengið nánari skýringar frá dóm-
stólunum.“
Ekki náðist í Árna Kolbeinsson,
forseta Hæstaréttar, við vinnslu
fréttarinnar. magnush@frettabladid.is
Lítið traust á dóm-
stólum áhyggjuefni
Formaður Dómarafélags Íslands segir til greina koma að ráða fjölmiðlafulltrúa
fyrir dómstólana. Eðlilegt að dómarar tjái sig um dómarastörfin og skýri betur
dómana þegar það á við, segir Sveinn Andri Sveinsson lögmaður.
SVEINN ANDRI
SVEINSSON
HÆSTIRÉTTUR Jón Steinar Gunnlaugsson hæstaréttardómari telur dómara mega tjá
sig meira um dómarastörfin á opinberum vettvangi. Mælingar á trausti almennings á
dómskerfinu gefi vísbendingu um að upplýsingagjöf frá dómstólunum megi bæta.
FRÉTTABLAÐIÐ/GVA
DÓMSMÁL „Mér finnst eðlilegt að
dómarar tjái sig meira um
dómarastörfin einkum til þess að
stuðla að vitrænni umræðu um
dómstólana,“ segir Sigurður Kári
Kristjánsson, þingmaður Sjálf-
stæðisflokksins. „Einnig er þetta
mikilvægt svo fólk þekki til
dómsvaldsins.
Hann tekur með þessu undir
sjónarmið sem Jón Steinar
Gunnlaugsson hæstaréttardómari
viðraði í viðtali við Fréttablaðið á
sunnudaginn. „Það er slæmt að
traust almennings á dómstólunum
skuli mælast jafn lágt og raun ber
vitni og það þarf að skoða hvernig
má bæta stöðuna.“
Í nýjustu könnun Capacent
sögðust 39 prósent aðspurðra
treysta dómskerfinu. - mh
Sigurður Kári Kristjánsson:
Fólk þekki til
dómsvaldsins
Lúðvík Bergvinsson,
þingflokksformaður
Samfylkingarinnar,
talaði fyrir því á mál-
þingi laganema við
Háskóla Íslands fyrir
skemmstu að meg-
insjónarmið dómara
er varða lögin ættu
að vera opinber.
Segir Lúðvík skyn-
samlegt að þau séu
kynnt í ferlinu þegar
menn sækjast eftir
embætti dómara.
„Ég hef talað fyrir því
að það sé skyn-
samlegt að menn
þekki til meginsjón-
armiða þeirra sem
starfa sem dómarar. En ég held að
það sé skynsamlegt að það sé til
umfjöllunar áður en dómarar eru
skipaðir. Annars geta menn vaknað
upp við vondan
draum. En að öðru
leyti er ég sammála
því að dómarar
geti tekið þátt í
umræðu um störf
þeirra í meira mæli.
Ég held að það
sé aðeins af hinu
góða, þó vitaskuld
verði dómarar að
gæta þess að tjá
sig ekki um einstök
dómsmál.“
Jón Steinar
Gunnlaugsson
hæstaréttardómari
nefndi það í viðtali
við Fréttablaðið
um helgina að
gott væri ef sjónarmið dómara
um álitaefni í lögfræði væru rædd
opinberlega. Það gæti aukið tiltrú
almennings á dómstólana.
EÐLILEGT AÐ SÝN DÓMARA SÉ LJÓS
LÚÐVÍK BERGVINSSON
VINNUMARKAÐUR Kjarasamningur
VR og Samtaka atvinnulífsins, SA,
var samþykktur af miklum meiri-
hluta félagsmanna VR en atkvæða-
greiðslunni lauk á hádegi í gær. Á
kjörskrá voru tæplega 20 þúsund
félagsmenn VR og greiddu tæp
þrettán prósent þeirra atkvæði.
Rúm 72 prósent samþykktu samn-
inginn en rúm 25 prósent höfnuðu
honum.
Ingibjörg R. Guðmundsdóttir,
forseti Landssambands íslenskra
verslunarmanna, LÍV, er ánægð
með niðurstöðu atkvæðagreiðsl-
unnar. „Þetta er kjarasamningur
þar sem hluti félagsmanna fær ekki
beinar launahækkanir. Þeir sem
hafa fengið
meira en 5,5 pró-
senta launahækk-
un frá janúar til
janúar fá ekki
hækkun nú og
það kann að vera
að fólk kunni
ekki að meta
það,“ segir hún.
Kjarasamn-
ingurinn hlaut
samþykki hjá
Landssambandi íslenskra verslun-
armanna með miklum meirihluta
atkvæða. Á kjörskrá voru tæplega
5.500 félagsmenn í fjórtán félögum
og greiddu tæplega 27 prósent
atkvæði. Já sögðu rúm 82 prósent
og nei rúm fimmtán prósent.
Ingibjörg bendir á að hlutfall
andvígra hjá VR nú sé svipað og í
síðustu kjarasamningum þegar tæp
28 prósent voru á móti samningun-
um. „Það er meiri meðbyr með
þessum samningum en þeim síð-
ustu. Ég er mjög ánægð með þessa
útkomu vegna þess að það er eðli-
legt að það sé lægra hlutfall nei-
atkvæða úti á landi þar sem fleiri
eru á launatöxtum en í þéttbýlinu.
Þeir fá meira út úr samningunum,“
segir hún.
Kjarasamningurinn var undirrit-
aður þann 17. febrúar og gildir til
30. nóvember 2010. - ghs
Verslunarmenn hafa samþykkt kjarasamninginn með meirihluta atkvæða:
Færri á móti nú en síðast
INGIBJÖRG R.
GUÐMUNDSDÓTTIR