Fréttablaðið - 12.03.2008, Blaðsíða 42

30 12. mars 2008 MIÐVIKUDAGUR
sport@frettabladid.is
Landsbankaleikar
á skíðum 15. mars
Landsbankaleikarnir, barnaskíðamót Ármanns, fara fram laugardaginn
15. mars næstkomandi. Mótið er ætlað öllum börnum á aldrinum 5-10 ára
sem finnst gaman á skíðum, ekki bara keppnisfólki.
Skráning á mótið fer fram á vef landsbankans, www.landsbanki.is, út
föstudaginn 14. mars næstkomandi. Mótið verður haldið við Skíðaskála
Ármanns sem er í Suðurgili í Bláfjöllum. Ekkert þátttökugjald.
Samhliðasvigbrautir verða fyrir alla til að spreyta sig á móti félögum
sínum á meðan fjölskylduskemmtunin stendur yfir. Foreldrar, systkini
og allir þátttakendur í leikunum eru hvattir til að vera með.
• Á meðan leikarnir standa yfir verður boðið upp á andlitsmálun fyrir þátttakendur.
• Allir þátttakendur fá afhentar gjafir og viðurkenningu frá Landsbankanum.
skráning á www.landsbanki.is
Dagskrá
10.00–11.00 Afhending númera í Ármannsskála og andlitsmálun.
11.00–11.30 Brautarskoðun í fylgd Sprota og trúðanna.
11.30–12.30 Leikjabraut fyrir byrjendur. Yngstu börnin byrja.
12.30–13.30 Braut fyrir lengra komna. Yngstu börnin byrja.
ÍS
L
E
N
S
K
A
S
IA
.I
S
L
B
I
41
52
9
03
.2
0
0
8
Katrín Jónsdóttir, fyrirliði kvennalandsliðsins í knattspyrnu,
mun spila sinn 70. A-landsleik þegar Ísland mætir Finnum í
dag í leik um 7. sætið á Algarve Cup. Katrín jafnaði met Ást-
hildar Helgadóttur í sigurleik gegn Portúgal á mánudaginn.
„Þetta er búið að ganga mjög vel en allar þessar þrjár þjóðir
sem við erum búnar að spila við eru neðar en við á styrk-
leikalistanum og eru því þjóðir sem við eigum að vinna. Það
er mjög gott að geta staðist pressuna því það er ekki alltaf
sjálfgefið,“ segir Katrín.
Katrín spilar vanalega á miðjunni með Val en í landsliðinu
er hún í vörninni. „Ég hef oft spilað vörn með landslið-
inu og spilaði sem dæmi alltaf bakvörð í mínum fyrstu
landsleikjum. Maður hleypur minna þegar maður spilar
miðvörðinn en það reynir ennþá meira á hausinn. Ég hef
verið að spila mikið við hliðina á Gunnu [Guðrúnu Sóleyju
Gunnarsdóttur] og mér finnst við ná mjög vel saman,“
segir Katrín, en íslenska liðið hefur aðeins fengið á sig
eitt mark í þremur leikjum á Algarve Cup.
Katrín er ánægð með innkomu ungra leikmanna á mótinu. „Það
hafa verið mjög sterkir leikmenn og miklir karakterar að detta
út úr hópnum og það hafa því aðrir í liðinu verið að taka á sig
meiri ábyrgð. Sara [Björk Gunnarsdóttir], Rakel [Hönnudóttir]
og Hallbera [Gísladóttir] eru allar búnar spila mjög mikið
og hafa spilað vel,“ segir Katrín, sem sjálf ætlar sér að spila
fleiri landsleiki þótt að hún sé ekki farin að stefna á 100
leiki. „Markmið númer er eitt, tvö og þrjú hjá landsliðinu
er að komast í úrslitakeppni á stórmóti. Það er það sem
maður er að hugsa um en ég er ekki mikið að hugsa um
fjölda leikja. Það verður bara að koma í ljós hvað leikirnir hjá
mér verða margir,“ segir Katrín og það er gaman hjá
landsliðinu í Portúgal. „Í svona langri ferð verður
náttúrulega að vera smá fíflagangur innan um alla
alvöruna. Þegar kemur að æfingum og leikjum þá
eru allir með hugann við það en inn á milli er hægt
að grínast því annars myndi maður aldrei halda út tíu daga þar
sem væri alvara allan tímann,“ sagði Katrín að lokum.
KATRÍN JÓNSDÓTTIR, FYRIRLIÐI LANDSLIÐSINS: BÆTIR LEIKJAMET A-LANDSLIÐS KVENNA Í DAG
Smá fíflagangur í gangi innan um alla alvöruna
> George Byrd í Ármann/Þrótt
1. deildarlið Ármanns/Þróttar í körfubolta hefur skipt
um Kana. Maurice Ingram stakk af og í hans stað hefur
liðið fengið George Byrd. Ingram stóð sig vel með
Ármanni/Þrótti í 1. deildinni og brotthvarf hans kom því
mikið á óvart. Pétur Ingvarsson, núverandi
þjálfari Ármanns/Þróttar, þjálfaði Byrd
í eitt og hálft ár hjá Hamri og þekkir
því vel til hans en með þennan
stóra og sterka miðherja innanborðs
er Ármann/Þróttur til alls líklegt í
komandi úrslitakeppni 1. deildar karla
í körfubolta. Byrd hætti að spila með
Hamri um áramótin og reyndi fyrir
sér í Sviss en var látinn fara þaðan.
FÓTBOLTI KR-ingar hafa komist að
samkomulagi við norska liðið Lill-
eström um að leigja besta leik-
mann Íslandsmótsins 2006, Viktor
Bjarka Arnarsson, í sumar og mun
hann því spila með Vesturbæjar-
liðinu í Landsbankadeildinni út
tímabilið 2008.
„Viktor er væntanlegur í Vestur-
bæinn í lok mars þar sem hann
hittir fyrrum félaga sínum hjá Vík-
ingi, KR-ingnum Grétari Sigfinni,“
segir á heimasíðu KR í gær en þar
segir að gengið hafi verið frá sam-
komulagi við bæði Lilleström sem
og leikmanninn sjálfan. - óój
Landsbankadeild karla í fótbolta sumarið 2008:
Viktor Bjarki með KR
HANDBOLTI Akureyri vann sætan
tveggja marka sigur á Stjörnunni í
N1-deild karla í gær, 34-32. Fyrri
hálfleikur var hraður og skemmti-
legur. Akureyringar náðu undir-
tökunum um miðbik hálfleiksins
og héldu þriggja marka forystu
lengst af, meðal annars í hálfleikn-
um þegar staðan var 19-16.
Akureyringar juku við forskot
sitt í síðari hálfleiknum og leiddu
mest með fimm mörkum, þegar
fimmtán mínútur lifðu leiks. Það
bil brúuðu Stjörnumenn bilið jafnt
og þétt og munurinn var eitt mark
þegar fimm mínútur voru eftir.
Það hefur loðað við Akureyr-
inga í vetur að spila vel en fara illa
að ráði sínu undir lokin. Það hefðu
þeir hæglega getað gert í gær en í
stað þess héldu þeir haus og
Stjörnumenn klúðruðu fínu færi á
að ná í stig með óskynsemi undir
lokin. Þó skal ekkert tekið af Akur-
eyri sem lék vel.
„Okkur er ekki illa við dram-
a tíkina,“ gantaðist glaðbeittur
Rúnar Sigtryggsson eftir leikinn.
„Okkur hefur skort sjálfstraust í
leikjum til að halda haus og klára
leikina en það tókst í dag og það
var kominn tími á þetta. Við
höfum oft verið nálægt
svona sætum sigr-
um. Þetta var mik-
ilvægt til að forð-
ast sjöunda sætið
og mjög ánægju-
legt. Nú söfnum
við bara stigum
áfram, það er nóg
eftir af mótinu,“
sagði Rúnar.
Sveinbjörn
markmaður
stóð sig vel líkt
og Magnús Stefánsson
og hinn ungi Oddur
Grétarsson sem enn er í
þriðja flokki. „Sammála
því og mér fannst Einar
Logi einnig góður. Ég gagn-
rýni Einar fyrir áramót og
þá kom hann bara sterkur
upp. Hann spilar frábærlega
fyrir liðið,“ sagði Rúnar.
Kristján Halldórsson,
þjálfari Stjörnunnar, var ekki
ánægður með leik sinna
manna. „Þegar við erum að
koma inn í leikinn undir lokin
brotnum við og héldum ekki haus.
Við látum reka okkur útaf fyrir
eitthvað kjaftæði og menn eins
og Heimir og fleiri eiga að
hafa haus í að klára svona
leiki. Það gefur auga leið að
við vorum óskynsamir undir
lokin. Ég tek ekkert af Akureyri
en við erum hálf vængbrotnir
þessa dagana og það sást í þess-
um leik,“ sagði Kristján en það
skal einnig tekið fram að dómar-
ar leiksins stóðu sig með mikl-
um sóma. - hþh
Akureyringar lögðu Stjörnumenn fyrir norðan í N1-deild karla í gærkvöldi:
Það var kominn tími á þetta
GÓÐUR Magn-
ús Stefánsson
átti fínan leik
gegn Stjörn-
unnu. PEDRO-
MYNDIR/ÞÓRIR
FÓTBOLTI Það verða fjögur ensk lið
í pottinum þegar dregið verið í
átta liða úrslit Meistaradeildar
Evrópu því Liverpool sló í gær út
ítölsku meistarana í Inter með því
að vinna seinni leikinn í Mílanó 1-0
í gær. Liverpool vann fyrri leikinn
2-0 á Anfield og þar með 3-0 sam-
anlagt. Það var Spánverjinn frá-
bæri, Fernando Torres sem gerði
endanlega út um möguleika Inter
með því að skora á 63. mínútu.
Andrúmsloftið var rafmagnað á
Guiseppe Meazza leikvanginum
og hávaðinn mikill enda var
Roberto Mancini, stjóri Liverpool,
búinn að biðla til sinna stuðnings-
manna að öskra Liverpool-menn-
ina í kaf. Leikaðferð hans gekk
hins vegar ekki upp í gær.
Liverpool byrjaði ágætlega og
þátt fyrir að Inter hafi verið meira
með boltann gekk heimamönnum
illa að opna Liverpool-vörnina.
Liverpool-liðið spilaði skynsam-
lega og spilaði boltanum af yfir-
vegun út úr vörninni og náði inn á
milli góðum sóknum.
Bæði lið fengu mjög góð færi
eftir hálftíma leik, fyrst slapp
Fernando Torres inn í teiginn eftir
slæm varnarmistök Esteban
Cambiasso en Jlulio Cesar varði
frá honum úr þröngu færi og svo
skömmu síðar átti Zlatan Ibrahim-
ovic stórkostlega sendingu inn
fyrir á Julio Ricardo Cruz sem fór
illa með dauðafæri einn á móti
markverði. Julio Ricardo Cruz var
manna ágengastur upp við mark
Liverpool og reyndi nokkrum
sinnum á Pepe Reina í markinu.
Það var markalaust í hálfleik og
Inter-liðið vantaði tilfinnanlega
ferska anda inn í liðið. Mancini
breytti hins vegar engu í hléinu.
Möguleikar Inter urði síðan að
engu í upphafi seinni hálfleik því
líkt og í fyrir leiknum urðu Inter-
menn manni færri þegar Nicolas
Burdisso fékk sitt annað gula
spjald á 49. mínútu. Skömmu síðar
fékk Zlatan dauðafæri en skaut
framhjá og þetta virtist ekki ætla
að verða dagur heimamanna.
Fernando Torres skoraði síðan
frábært mark á 63. mínútu efrir
laglega sendingu Fabio Aurelio
sem átti mjög góðan leik í vinstri
bakverðinum. Torres tók við bolt-
anum, sneri sér á punktinum og
afgreiddi boltann í markið af víta-
línunni. Eftir markið þurfti Inter
að skora fjögur mörk manni færri
sem var aldrei að fara gerast gegn
vel skipulögðu liði Liverpool.
Mílanó-liðið varð því að sætta
sig við að tapa á heimavelli gegn
ensku liði og detta út úr 16 liða
úrslitum Meistaradeildarinnar en
í 8 liða úrslitunum verða auk
Liverpool: Arsenal, Chelsea, Man.
United, Fenerbahce, Barcelona,
Roma og Schalke. ooj@frettabladid.is
Liverpool vann í Mílanó
Liverpool varð fjórða enska liðið til þess að tryggja sér sæti í átta liða úrslitum
Meistaradeildar Evrópu eftir 1-0 sigur á Inter í Mílanó í gærkvöldi. Fernando
Torres skoraði sigurmarkið með glæsilegum hætti á 63. mínútu leiksins.
FÖGNUÐUR Fernando Torres og
Steven Gerrard fagna sigurmarki þess
fyrrnefnda sem hann skoraði með
frábærum hætti á 63. mínútu eins og
sést hér til hægri. NORDICPHOTOS/GETTY