Fréttablaðið - 14.03.2008, Blaðsíða 2

2 14. mars 2008 FÖSTUDAGUR
Gísli, ætlar borgin að stuðla
að andardrætti?
„Við vonum að minnsta kosti að
þetta endi ekki með andarteppu.“
Borgaryfirvöld leita nú leiða til að fjölga
andarungum við Reykjavíkurtjörn til
að bæta afkomu anda. Gísli Marteinn
Baldursson er formaður umhverfisráðs.
LÖGREGLUMÁL Fíkniefnadeild lög-
reglunnar á höfuðborgarsvæðinu
hafði þegar hafið rannsókn á inn-
flutningi fíkniefna í gegnum hrað-
flutningaþjónustufyrirtæki þegar
lögregla og tollgæsla fundu rúm
fimm kíló af amfetamíni og kóka-
íni í bíl á vegum hraðflutninga-
fyrirtækisins UPS 15. nóvember
síðastliðinn. Rannsóknin beindist
meðal annars að tveimur sakborn-
ingum sem nú sitja í gæsluvarð-
haldi vegna málsins.
Þetta staðfestir Karl Steinar
Valsson, yfirmaður fíkniefna-
deildar.
Rannsókn lögreglu hefur leitt í
ljós að innflutningur fíkniefna í
gegnum hraðflutningaþjónustu-
fyrirtækið hafi staðið yfir að
minnsta kosti frá vormánuðum
2005. Telur lögreglan að töluvert
magn fíkniefna hafi komið til
landsins með þessum hætti. Hún
hefur unnið að því að rannsaka
tölvubúnað sem lagt var hald á og
jafnframt unnið úr banka- og
símagögnum.
Starfsmaður UPS, Tómas Kristj-
ánsson, mun sitja í gæsluvarð-
haldi vegna málsins, að minnsta
kosti til 18. apríl. Samkvæmt upp-
lýsingum Fréttablaðsins er talið
að hann hafi séð um að halda
ákveðinni leið opinni fyrir inn-
flutning fíkniefna. Leiðin hafi
verið notuð áður, oftar en einu
sinni á ári, og til hafi staðið að nota
hana á ný. Tómas er talinn lykil-
maður í smyglinu.
Annþór Kristján Karlsson situr
einnig inni vegna málsins. Lög-
reglan telur að hann tengist fjár-
mögnun brotsins, skipulagningu
og móttöku fíkniefnanna. Athygli
vekur að hann var dæmdur í
Hæstarétti í þriggja ára fangelsi
fyrir ofbeldisverk árið 2005 og sat
því inni hluta af þeim tíma sem
hraðsendingasmyglið átti sér stað.
Er rökstuddur grunur um að hann
hafi stýrt innflutningi fíkniefna úr
fangelsinu meðan hann var í
afplánun.
Annþór hefur neitað sök. Lög-
reglu mun hins vegar þykja fram-
burður hans mjög ótrúverðugur
og mun hann hafa orðið margsaga
um einstök atvik málsins. Þá hefur
lögreglan unnið að rannsókn á
fjármálum hans. Sú vinna hefur
þegar leitt í ljós að Annþór eigi
fjölda eigna sem hann hafi skráð á
annað fólk í því skyni að blekkja
yfirvöld. Hann hafi hins vegar
ekki viljað tjá sig um fjárhag sinn
og eignastöðu í yfirheyrslum.
Rannsókn málsins er umfangs-
mikil og segir lögregla henni flýtt
eftir föngum.
Talinn hafa stýrt
smygli úr fangelsi
Rökstuddur grunur leikur á að Annþór Karlsson hafi stýrt fíkniefnasmygli í gegn-
um hraðflutningaþjónustufyrirtæki inn í landið meðan hann afplánaði dóm í
fangelsi. Sú aðferð hefur verið notuð síðan 2005 og oftar en einu sinni á ári.
HRAÐFLUTNINGAÞJÓNUSTUFYRIRTÆKIÐ Starfsmaður UPS, Tómas Kristjánsson, situr
í gæsluvarðhaldi vegna málsins. Talið er að hans þáttur í smyglmálinu hafi verið sá
að sjá um að halda ákveðinni leið opinni fyrir innflutning fíkniefna. Tómas er talinn
lykilmaður í smyglinu.
noatun.is
LÉTTIR ÞÉR LÍFIÐ
Fljótlegt og gott
30% afsláttur
139 kr.kg.
Ungnautahamborgarar
120 g
VIÐSKIPTI Geir H. Haarde forsætis-
ráðherra lagði áherslu á að íslensku
bankarnir stæðu styrkum fótum
þrátt fyrir óróleika á alþjóðlegum
fjármálamörkuðum í ræðu sinni á
ráðstefnu Íslensk-ameríska versl-
unarráðsins um bankana og
íslenskt efnahagslíf í New York í
gær. Eiginfjárhlutfall bankanna
væri hátt, lausafjárstaða góð og
þeir stæðust álagspróf Fjármála-
eftirlitsins. „Allt bendir til að rekst-
ur íslensku bankanna sé heilbrigð-
ur og ég er sannfærður um að þeir
munu standa af sér núverandi
óveður á alþjóðlegum fjármála-
mörkuðum,“ sagði Geir.
Forsætisráðherra sagði það
fræðilega spurningu hvað ríkið
ætti að gera til að aðstoða bankana
ef illa færi. Miðað við stöðu þeirra
nú væru litlar líkur á því. Hins
vegar myndi ríkisstjórnin bregðast
við af ábyrgð, eins og aðrar ríkis-
stjórnir, ef eitthvað brygði út af.
Hreiðar Már Sigurðsson, for-
stjóri Kaupþings, Lárus Welding,
forstjóri Glitnis, og Sigurjón Þ.
Árnason, bankastjóri Landsbank-
ans, kynntu stöðu sinna banka.
Allir lögðu áherslu á hóflegan vöxt
í náinni framtíð.
Lárus sagði Ísland og Noreg þau
svæði sem Glitnir legði áherslu á.
Sjávarútvegur og orkugeirinn
væru ekki að minnka og þar væru
sóknarfæri. Fólk sæktist eftir fiski
og olíuverð færi hækkandi. Það
gerði endurnýjanlegar orkuauð-
lindir hlutfallslega verðmætari.
Hreiðar lagði áherslu á aukinn
hlut innlána í fjármögnun bankans.
Þau væru ekki jafn viðkvæm fyrir
slæmum fréttum og margir héldu.
Til dæmis hefði það ekki haft nein
áhrif að Moody‘s færði niður láns-
hæfismat Kaupþings fyrir stuttu.
Sigurjón sagði að Landsbankinn
hefði farið varlega og ekki fjárfest
í undirmálslánum sem margir
væru nú að súpa seyðið af. Lausa-
fjárstaða bankans væri um þrettán
milljarðar Bandaríkjadala og á
árinu væri um einn milljarður dala
á gjalddaga. Staða bankans væri
því sterk. - bg
Ráðstefna um stöðu íslensku bankanna og efnahagslífs í New York í gær:
Munu standa af sér óveðrið
FORSÆTISRÁÐHERRA Í NEW YORK Geir
Haarde var í viðtölum við fjölmarga
bandaríska fjölmiðla í gær um íslenskt
efnahagslíf. FRÉTTABLAÐIÐ/BJÖRGVIN
DÓMSMÁL Karlmaður var í
Héraðsdómi Reykjavíkur í dag
dæmdur í hálfs árs óskilorðs-
bundið fangelsi og sektaður um
140 þúsund krónur.
Maðurinn var í afplánun á Vernd
þegar lögregla hugðist hafa
afskipti af honum vegna fíkniefna-
aksturs.Hann réðst á lögreglu-
manninn og tók hann hálstaki.
Maðurinn játaði brot sín
greiðlega en hann á að baki
allmikinn sakaferil. Var hann til að
mynda dæmdur í sjö ára fangelsi
árið 2003 fyrir alvarleg ofbeldis-
brot og brot gegn valdstjórninni.
Var tekið tillit til þess við ákvörð-
un refsingar. - jss
Réðst á lögreglumann:
Fékk hálft ár
án skilorðs
DÝRALÍF Tveir selir komu sér vel
fyrir í smábátahöfninni í Vest-
mannaeyjum í fyrrakvöld og létu
mannaferðir ekkert trufla sig
nema síður væri. „Sonur minn var
þarna á rölti þegar hann gekk
eiginlega í flasið á öðrum selnum,“
segir Gylfi Sigurðsson, sem var
ekki lengi að fara niður á bryggju
að heilsa upp á kvöldgestina. „Þeir
voru alveg ótrúlega gæfir. Menn
segja mér að tveir selir hafi verið
á þessum stað í fyrra, það er
spurning hvort þetta sé sama
fjölskyldan,“ segir hann.
„Þegar ég nálgaðist annan til að
taka af honum mynd skellti hann
sér bara á bakið,“ segir Óskar
Friðriksson, sem einnig vitjaði
gestanna. - jse
Tveir gæfir selir í Eyjum:
Selskapur
við höfnina
GÓÐUR SELSKAPUR Selnum var ekkert
illa við að Gylfi Sigurðsson skyldi koma
nálægt honum. MYND/ÓSKAR FRIÐRIKSSON
DÓMSMÁL Karlmaður í Reykjavík
hefur verið dæmdur í þrjátíu
daga fangelsi fyrir að ráðast á
konu í Melabúðinni.
Í ákæru segir að maðurinn hafi
þrifið til konunnar og hrint henni
þannig að hún féll aftur fyrir sig
á gólf verslunarinnar með þeim
afleiðingum að hún tognaði á
hálsi og í baki, hlaut heilahristing
og fékk taugaáfall.
Maðurinn bar að konan hefði
sparkað eða kýlt í bifreið sína
fyrir utan verslunina.
Konunni var vísað til sálfræð-
ings eftir atvikið. Í niðurstöðum
hans sagði að hún þjáðist af
áfallastreituröskun og verulegu
þunglyndi í kjölfar árásarinnar.
Dómurinn skilorðsbatt refsingu
mannsins. - jss
Karl dæmdur til refsingar:
Réðst á konu og
slasaði í verslun
NOREGUR, AP Martha Lovísa
Noregsprinsessa og eiginmaður
hennar, rithöfundurinn Ari Behn,
eiga von á þriðja barni sínu að því
er talsmenn
hirðarinnar í
Ósló greindu frá
í gær. Von er á
nýju prinsess-
unni eða
prinsinum í
október.
Martha Lovísa
er elsta barn
Haraldar V
Noregskonungs
og Sonju drottningar, en yngri
bróðir hennar Hákon er krónprins
þar sem ríkiserfðir gengu aðeins í
karllegg samkvæmt þeim lögum
sem um það giltu á þeim tíma sem
þau fæddust. Jafnrétti til ríkis-
erfða var komið á með stjórnar-
skrárbreytingu árið 1990, en hún
var ekki gerð afturvirk. - aa
Norska konungsfjölskyldan:
Martha þung-
uð í þriðja sinn
MARTHA LOVÍSA
PRINSESSA
SAMKEPPNISMÁL Áfrýjunarnefnd samkeppnismála
hefur staðfest úrskurð Samkeppniseftirlitsins yfir
Eimskipafélagi Íslands. Eimskipafélaginu var í
desember gert að greiða 310 milljónir í stjórnvalds-
sekt fyrir að misnota ráðandi stöðu sína á sjóflutn-
ingamarkaði. Áfrýjunarnefndin lækkar sektina í 230
milljónir, sem þó er hæsta sekt sem fyrirtæki hefur
verið gert að greiða fyrir sambærilegt brot.
Brotin áttu sér stað á árunum 2001 til 2002 og
beindust einkum gegn Samskipum, sem Samkeppn-
iseftirlitið fullyrðir að Eimskip hafi ætlað að bola út
af markaðnum. Þá gerði Eimskip fjölda svokallaðra
einkakaupsamninga við viðskiptavini, sem tryggðu
að þeir skiptu aðeins við Eimskip.
Eimskipafélagið áfrýjaði niðurstöðunni til
áfrýjunarnefndar þar sem það taldi að rannsókninni
hefði verið ranglega beint að því. Eimskipafélagið
væri í dag allt annað fyrirtæki en það sem bar sama
nafn fyrir fimm árum, eftir flóknar skipulags- og
eignarhaldsbreytingar. Auk þess var ágreiningur
uppi um það hvort fyrirtækið hefði á þessum tíma
verið markaðsráðandi.
Áfrýjunarnefndin kemst að þeirri niðurstöðu að
málinu hafi réttilega verið beint að félaginu.
Samkvæmt heimildum Fréttablaðsins verður málinu
áfrýjað til dómstóla. - sh
Áfrýjunarnefnd lækkar stjórnvaldssekt Eimskipafélagsins í 230 milljónir:
Samkeppnisbrot Eimskips staðfest
STJÓRNMÁL Sjöhundruð milljónir
verða veittar í viðbótarframlag
við samgönguáætlun vegna
vegaframkvæmda víðs vegar um
landið. Þetta kom fram á fundi
Kristjáns Möller samgönguráð-
herra og Árna M. Mathiesen
fjármálaráðherra í gær.
Hafist verður handa við gerð
Vaðlaheiðarganga og tvöföldun
Suðurlandsvegar á næsta ári.
Báðar framkvæmdir verða boðnar
út í einkaframkvæmd. Nefnd
verður stofnuð um umferð á
höfuðborgarsvæðinu. - sjá síðu 16
Samgönguáætlun til 2010:
700 milljónir í
viðbótarframlag
SJÓFLUTNINGAR Í niðurstöðu
samkeppnisyfirvalda eru
brotin sögð mjög alvarleg.
SPURNING DAGSINS