Fréttablaðið - 14.03.2008, Blaðsíða 38

Á
sdís og Kolfinna kynnt-
ust þegar þær störfuðu hjá
Ríkissjónvarpinu fyrir tíu
árum. Sú fyrrnefnda sem
ritstjóri unglingaþáttarins Ó og
sú síðarnefnda í Dagsljósi. Í haust
lágu leiðir þeirra saman á sjón-
varpsstöð Ingva Hrafns Jónsson-
ar, ÍNN, þar sem Ásdís var með
viðtalsþátt en Kolfinna með þátt
um innflytjendamál. Í jólaboði
hjá Ingva Hrafni kom upp sú hug-
mynd að spinna þeim saman og
gera þátt í anda „The View“ þar
sem Whoopi Goldberg og Bar-
bara Walters tala mjög opinskátt
saman á sjónvarpsstöðinni ABC.
„Persónulega hélt ég að þetta væri
ekki hægt því ég taldi að Íslend-
ingar gætu ekki tjáð sig opinber-
lega um sín hjartans mál en annað
hefur komið í ljós,“ segir Kolf-
inna og segir að þær hafi langað
til að brjóta upp þetta staðlaða við-
talsform. „Mér fannst vanta per-
sónulega vinkla á viðtöl og lang-
aði að bæta úr því. Og svo finnst
mér allt í lagi að þáttastjórnend-
ur hafi skoðanir og láti þær uppi
og í raun réttlætismál að áhorf-
endur viti hvaðan við komum –
það er hvort sem er ekki til neitt
hlutleysi,“ segir Ásdís. Það hefur
ekki farið framhjá þeim sem hafa
horft á þáttinn að skoðanir þeirra
skarast og þá verður fjör í sett-
inu. Þær lögðu einnig upp með það
að konurnar sem koma reglulega
í þáttinn hefðu ólíkan bakgrunn,
kæmu úr ólíkum geirum með
ólík sjónarmið. Konurnar sem
koma reglulega í þáttinn eru þær
Ellý Ármanns, fyrrverandi þula,
Björk Jakobsdóttir leikkona, Kol-
brún Bergþórsdóttir blaðamað-
ur, Katrín Júlíusdóttir alþingis-
kona, Elísabet Jökulsdóttir skáld,
Sigríður Klingenberg spákona og
Guðrún Bergmann svo einhverj-
ar séu nefndar. Auk þeirra koma
reglulega aðrir gestir í þáttinn.
Ásdís og Kolfinna segja að það sé
ekki neitt mál að fá konur í þátt-
inn og það sem einkenni þess-
ar konur er hvað þær eru sterk-
ar. „Þær vildu allar vera með og
hafa komið okkur skemmtilega
á óvart því þær hafa verið miklu
persónulegri en okkur grunaði í
byrjun. Það myndast yfirleitt frá-
bær stemning í settinu og ósjálf-
rátt verða allar svo einlægar og
yndislegar,“ segir Ásdís en í þátt-
unum hefur margt athyglisvert
komið fram. Guðrún Bergmann
sagði frá því að hún hefði verið
misnotuð þegar hún var sex ára,
Elísabet Jökulsdóttir sagði að hún
væri inni á geðdeild en hefði bara
fengið leyfi til að skreppa og koma
í þáttinn, Ellý Ármanns sagði frá
því að henni hefði verið hafnað af
föður sínum. Þegar hún fór að tala
um það kom í ljós að Björk Jakobs
hefði líka lent í því. Í einum þætt-
inum sagði Kolfinna frá því að hún
hefði stolið maskara í Bónus og
svo mætti lengi telja.
Brjóta múra
Þegar þær eru spurðar að því
hvort þær fái aldrei bömmer eftir
þáttinn segja þær svo ekki vera.
„Jú, við erum vissulega að þenja
mörkin og spyrja hvað má ræða og
hvað ekki og þá hvers vegna. Mér
finnst til dæmis sjálfsagt að spyrja
alls konar spurninga og láta fólki
eftir hvort og hvernig það svarar.
Í einum þætti spurði ég stelpurnar
hvort þær hefðu verið með konu.
Kolfinna var sú eina sem svaraði
játandi og fékk mikla athygli út á
það í marga þætti,“ segir Ásdís.
Kolfinna kippir sér ekkert upp
við þetta. Þær eru báðar einhleyp-
ar, en Ásdís er nýskilin við leik-
arann Karl Ágúst Úlfsson. Fyrr á
árinu var sagt frá skilnaðnum á
forsíðu Séð og Heyrt. Þær töluðu
um skilnaðinn í þættinum sínum.
„Það var ekki hægt annað,“ segir
Kolfinna. Þær segja að þátturinn
eigi að brjóta múra og þá séu þær
sjálfar ekki undanskildar. Eru þið
ekkert hræddar við að lenda á
forsíðunni á Séð og heyrt trekk í
trekk þegar þið látið allt flakka?
„Við nennum ekki að eyða lífinu í
að vera hræddar og við erum alls
ekki hræddar við að verða for-
dæmdar. Ég held að konurnar sem
eru í þessu setti hafi heldur aldrei
hræðst neitt slíkt. Þær eru fegnar
að fá að taka þátt í því að brjóta
niður þessa múra,“ segir Ásdís.
Algerlega óttalausar
Hvernig verður maður óttalaus?
„Með því að fara á námskeið,“
segir Kolfinna og þær fara að
skellihlæja því henni finnst Ásdís
vera allt of dugleg við að sækja
námskeið. „Hún þarf að fara á
námskeið til að læra að vera til,
hvernig hún á að verða hamingju-
söm, hvernig hún á að fá það og
allt þetta. En ég tel að hún geti
komist að þessu öllu sjálf án þess
að sækja námskeið. Því um leið
og þú ert komin á námskeið þá
ertu komin í eitthvert hólf og mér
finnst námskeið vera svolítið í ætt
við sértrúarsöfnuði,“ segir Kolf-
inna.
„Kolfinna heldur nefnilega að
ef maður heyrir eitthvað þá verði
maður að taka það inn sem sann-
leika en ég er búin að fatta að ég
get heyrt alls konar hugmyndir og
viðhorf og svo sortera ég úr hvað
ég fíla og hvað ekki,“ segir Ásdís.
Aðspurðar hvað sé mesta kikk-
ið við að vera með svona djarf-
an sjónvarpsþátt nefna þær laun-
in og fara að skellihlæja. „Þetta
er skemmtilegri vinna en hvað
annað,“ segir Ásdís en Kolfinna
segir að kikkið sé kannski ákveð-
in þerapía. „Þegar ég kem út úr
settinu er ég full af adrenalíni og
til í allt. Við sitjum heilan klukku-
tíma, fjórar til fimm konur, og þú
getur ímyndað þér hvernig það er.
Þegar við förum úr settinu að lokn-
um þætti er stundum eins og við
höfum lokið sálfræðisessjóninni,“
segir Kolfinna og Ásdís bætir því
við að hún hafi mikla þörf fyrir að
spyrja spurninga um samfélagið.
Ásdís Olsen og Kolfinna Baldvinsdóttir hafa vakið mikla athygli fyrir sjónvarpsþátt
þeirra, Mér finnst ..., á sjónvarpstöðinni ÍNN. Þær þora að tala um alla hluti og fá
gesti sína til að opna sig upp á gátt. Þær sögðu Mörtu Maríu Jónasdóttur frá ást
sinni á persónulegum vinklum í sjónvarpsþáttum.
Besti tími dagsins: Kolfinna: Nóttin. / Ásdís: Morgnarnir eru ljúfir, hádegin
skemmtileg og kvöldin notaleg.
Líkamsræktin: Á.: Skokka, skíða og jóga. / K.: Reykjafjall – en ég bý við rætur
þess.
Diskurinn í spilaranum: Á.: Tónlistin úr leikritinu Gosa sem dóttur mín syngur
og leikur í. / K.: Klapa Crikvenica frá Króatíu.
Við hvaða aðstæður fáið þið gæsahúð: Á.: Þegar ég heyri ljúfar sögur og tón-
list sem hreyfir við mér. / K.: Þegar ég les um, sé eða verð vitni að því að rétt-
lætinu sé framfylgt.
Uppáhaldsmaturinn: Á.: Hreindýrasteikin hans Inga og gæsin hennar Rögnu.
/ K.: Mozzarella.
Hvað mynduð þið kaupa ef frúin í Hamborg gæfi ykkur milljón? Á.: Helgar-
ferð til Barcelona fyrir mig og börnin. / K.: Hús yfir munaðarleysingjana í Líb-
eríu.
Hvað langar ykkur í? Á.: Humm. Einhvern til að hugsa um mig því ég hef ekki
tíma til þess sjálf þessa dagana. / K.: Ég skil ekki spurninguna.
Eftirminnilegasta sumarfríið: Á.: Vikudvöl með fjölskyldunni í Esalen, hippa-
sumarbúðum á ströndvið San Fransiskó. Þetta var ótrúleg upplifun. Stelpurnar
tíndu avokadó af trjánum, mjólkuðu geitina og við horfðum á leðurblökurnar út
um gluggann á kvöldin. / K.: Þegar ég lenti í byltingunni í Ekvador.
Ekki hræddar
við
neitt
Útsala -Útsala
Allir brúðarkjólar
á 50% afslætti
Laugavegi 101, sími 5521260
8 • FÖSTUDAGUR 14. MARS 2008