Fréttablaðið - 15.03.2008, Blaðsíða 8

8 15. mars 2008 LAUGARDAGUR
1 Hvaða stofnun setti nýverið
Íslandsmet í reikniskekkju?
2 Hvað heitir skáldsaga at-
hafnakonunnar Jónínu Ben?
3 Hvaða tvö lið kepptu til sig-
urs í spurningakeppninni Gettu
betur í gærkvöldi?
SVÖRIN ERU Á SÍÐU 62
UTANRÍKISMÁL Ingibjörg Sól-
rún Gísladóttir utanríkis-
ráðherra fer til Afganistans
á sunnudag. Tilgangur ferð-
arinnar er meðal annars að
„fá ákveðna tilfinningu
fyrir stöðu mála á þessu
svæði“, sagði Ingibjörg Sól-
rún á blaðamannafundi í
gær. Af öryggisástæðum
var ekki gefið upp hvert
hún fer eða hverja hún hitt-
ir.
„Ástæðan fyrir því að við
erum að fara í þessa ferð er sú að
Afganistan er það mál sem er efst á
dagskrá núna, hvort sem það er hjá
Sameinuðu þjóðunum, Nató, Örygg-
isstofnun Evrópu, á fundum nor-
rænna utanríkisráðherra eða á tví-
hliða fundum með
utanríkisráðherrum ann-
arra landa. Og það er mjög
líklegt að svo verði áfram,“
sagði Ingibjörg.
„Það skiptir mig því
miklu máli þegar ég þarf
að ræða þessi mál og taka
afstöðu til þeirra að ég hafi
ákveðna tilfinningu fyrir
stöðu mála á þessu
svæði.“
Með Ingibjörgu í för
verður starfsfólk ráðu-
neytisins og friðargæslunnar auk
fjölmiðlafólks. Öryggisgæsla verð-
ur í höndum fimm sérsveitar-
manna lögreglunnar sem fylgja
hópnum. Ferðin stendur fram á
skírdag. - sþs
Ingibjörg Sólrún Gísladóttir utanríkisráðherra á leið út:
Vill tilfinningu fyrir
stöðunni í Afganistan
INGIBJÖRG SÓL-
RÚN GÍSLADÓTTIR
ORKA Iðnaðarráðherra segir
gagnaver Verne Holding í Kefla-
vík ekki ráða úrslitum um hvort
Þjórsá verði virkjuð eður ei og að
engin rök séu til virkjunar út frá
því einu saman.
Fyrirvari Landsvirkjunar um
þetta sé því „hreinn óþarfi“ sem
ráðherranum hafi ekki verið kunn-
ugt um þegar hann fagnaði undir-
ritun samningsins opinberlega.
Greint hefur verið frá því að í
téðum samningi Landsvirkjunar
við Verne Holding um raforkusölu
til fyrirhugaðs gagnavers í Kefla-
vík sé sá fyrirvari að Landsvirkj-
un fái virkjunarleyfi í neðri hluta
Þjórsár.
„Landsvirkjun á ekki aðra virkj-
unarkosti en í Þjórsá fyrir
hátæknina. Það er því eðlileg var-
færni að setja í orkusölusamninga
fyrirvara um að heimildir fáist
fyrir virkjun,“ segir í tilkynningu
fyrirtækisins frá 11. mars. Einnig
segir að þetta feli „ekki í sér nein-
ar kröfur eða skilyrði á hendur
þriðja aðila“.
Upplýsingarfulltrúi Landsvirkj-
unar, Þorsteinn Hilmarsson, hefur
verið spurður um þennan fyrir-
vara og hvort Landsvirkjun myndi
hugsanlega víkja frá honum,
þannig að hún seldi raforkuna án
virkjunarleyfis. Hann hefur ekki
viljað svara þessu beint út, heldur
ítrekað að þetta sé „klár fyrir-
vari“. Á miðvikudag sagði hann þó
að fyrirvarinn snerist um að fyrir-
tækið væri ekki skuldbundið til að
útvega rafmagnið, fáist ekki leyf-
ið. Hann væri „ekki stórpólitísk
yfirlýsing“.
Iðnaðarráðherra telur að
umrædd orka sé nú þegar til í
kerfinu og vísar til þess að á annað
hundrað megavött hafi „legið úti“
í Sultartangavirkjun til skamms
tíma, án þess að aðgangur að raf-
orku hafi rofnað mikið. Gagnaver-
ið þarfnast 25 megavatta.
„Og stjórn Landsvirkjunar
hefur sagt að hún muni ekki selja
orku til nýrra álvera. Ef þeir ætla
að ráðast í umfangsmiklar fjár-
festingar þá leiðir af sjálfu sér að
þeir þurfa að hafa markað fyrir þá
orku. Komdu með tíu gagnaver og
þá skulum við tala saman!“ segir
ráðherra.
Hann vill þó ekki tjá sig um
afstöðu sína til hugsanlegrar
virkjunar í ánni; það gerði hann
vanhæfan til að taka um það
ákvörðun seinna meir.
klemens@frettabladid.is
Ekki virkjað
fyrir gagnaver
Iðnaðarráðherra segir að gagnaver í Keflavík muni
ekki ráða úrslitum um hvort virkjað verði í Þjórsá
eða ekki. Talsmaður Landsvirkjunar segir ekki af
eða á hvort rafmagnið verði selt án virkjunar.
ÞJÓRSÁ ÚR LOFTI Iðnaðarráðherra fagnar hátækniverum en kveður gagnaver Verne
Holding eitt og sér ekki ráða úrslitum um hvort ráðist verði í að virkja Þjórsá.
MYND/LOFTMYNDIR
Og stjórn Landsvirkjunar
hefur sagt að hún muni
ekki selja orku til nýrra álvera. Ef
þeir ætla að ráðast í umfangsmiklar
fjárfestingar þá leiðir af sjálfu sér að
þeir þurfa að hafa markað fyrir þá
orku. Komdu með tíu gagnaver og þá
skulum við tala saman!
ÖSSUR SKARPHÉÐINSSON
IÐNAÐARRÁÐHERRA
KÍNA, AP Vestræn ríki bera
höfuðábyrgð á gróðurhúsaáhrifun-
um og taka ekki nægilegt tillit til
gríðarlegs mannfjölda í Kína þegar
þau gagnrýna kínversk stjórnvöld.
Þetta segir Yang Jiechi, utanríkis-
ráðherra Kína.
Hann sagði að þróuð ríki yllu
margfalt meiri útblæstri en Kína,
miðað við íbúafjölda. „Ef ein
manneskja borðar þrjár brauð-
sneiðar í morgunmat og þrjár
manneskjur borða eina hver. Hver
ætti að fara í megrun?“ - bj
Kínverjar um mengun:
Þróuð ríki bera
mesta ábyrgð
MENGUN Ýmsir íþróttamenn hafa lýst
áhyggjum af mengun í Peking vegna
Ólympíuleikanna í haust. NORDICPHOTOS/AFP
FJÖLMIÐLAR Ríkisútvarpið á að veita aðgang að
ráðningarsamningum við dagskrárstjóra
útvarps og sjónvarps, samkvæmt úrskurðar-
nefnd um upplýsingamál.
Ritstjóri Vísis.is, Óskar Hrafn Þorvaldsson,
kærði Ríkisútvarpið til nefndarinnar þegar
honum var neitað um upplýsingar um laun Sig-
rúnar Stefánsdóttur og Þórhalls Gunnarssonar.
Ríkisútvarpið hefur ákveðið að bera úrskurð
nefndarinnar undir dómstóla.
„Mér finnst ótrúlegt að Ríkisútvarpið ætli að
eyða almannafé í lögfræðikostnað fyrir héraðs-
dómi eftir að hafa eytt hundruðum þúsunda í
lögfræðikostnað vegna bréfaskrifta við mig og
úrskurðarnefnd um upplýsingamál í þessu
máli,“ segir Óskar Hrafn. „Miðað við hversu
miklu fjármagni þeir eyða í að halda upplýsing-
um um laun þeirra Þórhalls og Sigrúnar frá
almenningi mætti halda að þeir hafi eitthvað að
fela.“
„Við teljum málið þess eðlis að það sé eðlilegt
að láta reyna á það fyrir dómstólum,“ segir Páll
Magnússon útvarpsstjóri. Hann segir úrskurð-
inn hafa komið á óvart og málið sé í farvegi hjá
lögfræðingum. Þá segist Páll ekki vita hversu
mikið málaferlin muni kosta. „Ég held að þetta
séu engar stórkostlegar upphæðir, þetta er bara
ákveðið prinsipmál og það er eðlilegt að það fari
til dómstóla.“
Svipað mál kom upp í fyrra þegar Ómar Bene-
diktsson, stjórnarformaður Ríkisútvarpsins,
neitaði að gefa blaðamanni Vísis.is upplýsingar
um mánaðarlaun Páls. Umboðsmaður Alþingis
tók málið til skoðunar og minnti stjórn fyrirtæk-
isins á að upplýsingar um föst laun opinberra
starfsmanna væru ekki undanþegnar aðgangi
almennings.
Ríkisútvarpið hefur beðið úrskurðarnefndina
um að fresta gildistöku úrskurðarins, og hefur
Óskar andmælt þeirri beiðni. Hún verður tekin
fyrir á þriðjudag. - þeb / sþs
Ríkisútvarpið á að veita aðgang að launum dagskrárstjóra sinna:
Útvarpsstjóri með launamál fyrir dómstóla
ÚTVARPSSTJÓRINN
Páll segir eðlilegt að
úrskurður nefndarinnar
um launaupplýsingar
fari fyrir dómstóla. Málið
hafi fordæmisgildi og því
sé rétt að ljúka því í eitt
skipti fyrir öll.
VEISTU SVARIÐ?