Fréttablaðið - 15.03.2008, Blaðsíða 10

10 15. mars 2008 LAUGARDAGUR
Í ÚTRÝMINGARHÆTTU Filippseyskur
vofuapi í tré í Bohol-héraði á Filipps-
eyjum. Tegundin er einn minnsti
prímati heims, verður mest 15 cm, og
er í útrýmingarhættu. FRÉTTABLAÐIÐ/AP
BRUSSEL, AP Leiðtogar Evrópusam-
bandsins gáfu sér á fundi sínum í
Brussel í gær frest til næstu ára-
móta til að ljúka gerð frumvarps
að nýjum bindandi reglum til að ná
markmiðum um að draga úr losun
gróðurhúsalofttegunda í aðildar-
ríkjunum 27. Þeir vöruðu ríkin sem
mest losa í heiminum – Bandaríkin,
Kína og fleiri – við því sambandið
kynni að beita þau viðskiptaþving-
unum ef þau axla ekki sinn hluta
ábyrgðarinnar á að draga úr losun-
inni til að hamla gegn loftslags-
breytingum.
„Bregðist alþjóðaviðræður kann
að verða gripið til viðeigandi ráð-
stafana,“ sögðu leiðtogarnir i álykt-
un. Nicolas Sarkozy Frakklands-
forseti bætti um betur og sagði:
„Meginverkefnið er að setja upp
kerfi sem myndi gera okkur kleift
að ráðast gegn innflutningi frá
löndum sem ekki fara að leikregl-
um alþjóðlegrar umhverfisvernd-
ar.“
Leiðtogarnir ályktuðu líka um
stöðu efnahagsmála í því skyni að
sannfæra fjárfesta og fyrirtækja-
rekendur um að ESB-ríkin væru
vel í stakk búin til að standa af sér
kreppuna á alþjóðlega fjármála-
markaðnum. Stöðug evra hjálpi til
þess. Þeir lýstu fullri trú á að hægt
væri að ná markmiðum um minni
loftmengun án þess að það skaðaði
efnahagslífið.
Janez Jansa, forsætisráðherra
Slóveníu sem fer með ESB-for-
mennskuna þetta misserið, tjáði
fréttamönnum að samið hefði verið
um frest til að ljúka bindandi
aðgerðaáætlun í loftslagsmálum til
að tryggja að Evrópusambandið
haldi forystuhlutverki í þeim
alþjóðlegu samningaviðræðum um
þau mál sem fram undan eru. ESB
hefur sett sér að skera losun niður
um fimmtung fyrir árið 2020,
miðað við losun ársins 1990. ESB-
leiðtogarnir segjast vonast til að
önnur helstu losunarríki heims
setji sér hliðstæð markmið þegar
sest verður niður til að semja um
arftaka Kyoto-bókunarinnar í
Kaupmannahöfn á næsta ári.
Sarkozy Frakklandsforseti sagði
ennfremur að hann hefði fengið
„samhljóða“ stuðning við áform
um stofnun svonefnds Miðjarðar-
hafssambands til að styrkja tengsl
ESB við grannríkin við sunnan- og
austanvert Miðjarðarhaf.
Pólski forsætisráðherrann Don-
ald Tusk boðaði þá tillögur um nán-
ari tengsl ESB og Úkraínu, svo að
það mikilvæga grannríki sam-
bandsins í austri stæði ekki verr að
vígi en grannríkin í suðri.
audunn@frettabladid.is
Hóta loftslags-
skussum
refsingum
Á miðmisseris-leiðtogafundi Evrópusambandsins í
gær var spjótum beint að þeim ríkjum sem mest losa
af gróðurhúsalofttegundum. Sambandið kann að
beita þau þvingunum ef þau skorast undan ábyrgð.
KEIKIR Lawrence Gonzi, forsætisráðherra Möltu, t.v., og hinn breski kollegi hans
Gordon Brown slá á létta strengi á fundinum í Brussel í gær. FRÉTTABLAÐIÐ/AP
FISKAFLI Heildarafli íslenskra skipa
nú í febrúar var rúmlega 27 pró-
sentum minni en í febrúar 2007.
Það sem af er ári hefur aflinn dreg-
ist saman um 22 prósent miðað við
sama tímabil í fyrra.
Í febrúar nam aflinn rúmum 85
þúsund tonnum samanborið við tæp
240 þúsund tonn í febrúar 2007.
Botnfiskafli nam rúmum 40.700
tonnum í febrúar og dróst hann
saman um tæplega 3.800 tonn frá
sama mánuði í fyrra. Munar þar
miklu að þorskafli dróst saman um
7.200 tonn en ýsuafli jókst um 2.500
tonn og ufsaafli um 1.500 tonn. Afl-
inn er metinn á föstu verðlagi. Hag-
stofa Íslands greindi frá. - ovd
Fiskafli íslenskra fiskiskipa:
Minni heildar-
afli en í fyrra
ÍS
L
E
N
S
K
A
/S
IA
.I
S
/U
T
I
41
32
7
02
/0
8
North Face Aleutian
svefnpoki
Þægilegur að -2C°
Mesta kuldaþol -19C°
fermingargjöf
Flott hugmynd að
Fermingartilboð
9.990 kr.
Verð áður 12.990 kr.
HOLTAGÖRÐUM GLÆSIBÆ KRINGLUNNI SMÁRALIND SÍMI 545 1500
Flottari sími á
ótrúlegu tilboði
Gríptu augnablikið og lifðu núna
Nokia 2630
Glæsilegur og öflugur sími. Styður rauntóna, javaleiki
og fer á netið með Vodafone live!. Myndavél,
FM-útvarp og Bluetooth. Hleðslutæki og steríó
heyrnartól fylgja með.
Tilboðsverð:
12.900 kr.
Komdu við í næstu Vodafone verslun og
nýttu þér frábært tilboð.
F
í
t
o
n
/
S
Í
A
ÍÞRÓTTIR Samningur um kostun sýninga á Formúlu
1 kappakstri á sjónvarpsstöðinni Stöð 2 Sport var
undirritaður í fyrradag. Hún verður í höndum
fyrirtækjanna BYGG, DHL, Lýsingar og N1. Hátt í
fimm hundruð manns voru viðstaddir undirritun-
ina, í Formúluveislu sem haldin var í Perlunni.
Samdægurs hófst fyrsta beina útsending Stöðvar
2 Sport á Formúlunni. Þá var sýnt frá æfingum
fyrir fyrstu keppni nýrrar mótaraðar sem fer fram
í Ástralíu um helgina. Hægt verður að fylgjast
með tímatöku og keppninni sjálfri á sjónvarpsrás-
inni, auk umfjöllunar fyrir og eftir keppni.
Við undirritunina voru Gylfi Óskar Héðinsson
frá BYGG, Hermann Guðmundsson frá N1, Ari
Edwald frá 365, Halldór Jörgensson frá Lýsingu og
Shad Hallam frá DHL.
- sþs
Samningur um kostun sýninga á vinsælasta kappakstri heims undirritaður:
Formúluveisla formlega hafin
FORMÚLUPARTÍ Hátt í fimm hundruð manns voru viðstaddir
undirritun samningsins um Formúluna í Perlunni í fyrradag.
FRÉTTABLAÐIÐ/ANTON