Fréttablaðið - 15.03.2008, Blaðsíða 11

LAUGARDAGUR 15. mars 2008 11
AUSTURRÍKI, AP Ráðamenn og
almenningur í Austurríki
minntast þess nú með ýmsu móti
að rétt sjötíu ár eru liðin frá
innlimun landsins í Þýskaland
nasismans, eða „tengingunni“
(Anschluss) eins og sá gerningur
er almennt kallaður í sögubókum.
Um milljón Austurríkismanna
flykktist á Hetjutorg í miðborg
Vínar hinn 15. mars 1938 til þess
að fagna „foringjanum“ Adolf
Hitler. Þremur dögum áður höfðu
þýskir hermenn farið yfir landa-
mærin til að tryggja að sameining-
in gengi snurðulaust fyrir sig. Á
torginu var á miðvikudagskvöld
kveikt á 80.000 kertum til minn-
ingar um gyðinga og fleiri austur-
rísk fórnarlömb nasismans. - aa
Sjötíu ár frá innlimun:
Austurríki minn-
ist innlimunar
í Þýskaland
MINNINGARSTUND Tímamótanna var
minnst á þingfundi í Vín. FRÉTTABLAÐIÐ/AP
BRUSSEL, AP Útlit er fyrir að
Króatar ljúki aðildarviðræðum
sínum tímanlega til að geta gengið
í Evrópusambandið árið 2010.
Þetta sagði José Manuel Barroso,
forseti framkvæmdastjórnar
ESB, eftir fund með króatíska
forsætisráðherranum Ivo Sanader
í Brussel á fimmtudag.
Stjórnvöld í Króatíu eiga enn
verk fyrir höndum í að koma á
endurbótum í dóms- og stjórn-
kerfinu til að uppfylla aðildarskil-
yrðin. En þau hafa þegar yfirstig-
ið stórar hindranir, bæði að því er
varðar samstarf við stríðsglæpa-
dómstól SÞ í Haag og deilu við
Slóveníu og Ítalíu um fiskveiði-
lögsögu í Adríahafi. - aa
Króatía og Evrópusambandið:
Útlit fyrir inn-
göngu árið 2010
SANADER OG BARROSO Segja aðildar-
viðræðum Króatíu ljúka á næsta ári.
FRÉTTABLAÐIÐ/AP
Farþegaskip strandar
Yfir 300 manns var í gær bjargað af
farþegaskipi sem strandaði við strönd
grísku eyjarinnar Poros, sem er nærri
Aþenu. Enginn slasaðist, að sögn
talsmanns grísku strandgæslunnar.
GRIKKLAND
SERBÍA, AP Boris Tadic Serbíufor-
seti hefur leyst upp þing og boðað
kosningar hinn 11. maí næstkom-
andi. Er þetta í samræmi við vilja
þingsins eftir að upp úr ríkis-
stjórnarsamstarfinu slitnaði vegna
ágreinings um stefnuna gagnvart
Evrópusambandinu eftir að aðild-
arríki þess ákváðu að viðurkenna
sjálfstæði Kosovo, í óþökk Serba.
Kosningarnar eru taldar munu
skera úr um grundvallarstefnu
Serba; hvort þeir haldi áfram að
stefna inn í Evrópusambandið eða
hvort þeir snúi frekar til baka til
þjóðerniseinangrunar í stíl við þá
stefnu sem við lýði var á valdatíma
Slobodans Milosevic. - aa
Serbíuþing leyst upp:
Kosningar boð-
aðar 11. maí
BRETLAND, AP Fleiri breskar
fjölskyldur búa við sára örbirgð
nú en áður en Verkamannaflokk-
urinn komst til valda. Þetta segir
þingmaður Íhaldsflokksins.
Þingmaðurinn Chris Grayling
sagði að 1,8 milljónir fjölskyldna,
400 þúsund fleiri fjölskyldur en
árið 1998, byggju við mikla
fátækt. „Þetta er áfellisdómur
yfir ferilskrá Gordons Brown
forsætisráðherra í velferðarmál-
um,“ sagði Grayling.
Talsmenn verkamanna sögðu
Grayling nota rangar reikniað-
ferðir. Ríkisstjórn Browns hefur
einsett sér að eyða fátækt barna
fyrir árið 2020. - sgj
Félagsleg þróun í Bretlandi:
Fátækum fjöl-
skyldum fjölgar
GAZA, AP Liðsmenn samtakanna
Heilagt stríð íslam, herskárra
samtaka Palestínumanna, skutu á
milli tíu og tuttugu sprengiflaug-
um frá Gazasvæðinu inn yfir
Suður-Ísrael aðfaranótt fimmtu-
dags. Árásin var gerð í hefndar-
skyni fyrir að ísraelsk sérsveit
drap daginn áður einn af leið-
togum samtakanna á Vesturbakk-
anum. Árásirnar sýnd hve fall-
valtar tilraunir til að koma á
óformlegu vopnahléi milli Hamas-
samtakanna og Ísraela eru.
Ísraelski varnarmálaráðherr-
ann Ehud Barak sagði að öryggis-
sveitir Ísraela myndu halda áfram
að elta uppi herskáa Palestínu-
menn sem viðriðnir væru árásir á
Ísraela. Talsmaður Ísraelsstjórn-
ar, Mark Regev, sagði stjórnina
líta svo á að Hamas bæri ábyrgð á
sprengiflaugaárásunum, þar sem
þau færu með völd á Gaza.
Framan af vikunni virtist þíða
vera að komast á. Þá kallaði Isma-
il Haniyeh, forsætisráðherra
Hamas-stjórnarinnar á Gaza, eftir
vopnahléi. Meðal skilyrða fyrir
því nefndi hann að alþjóðasamfé-
lagið viðurkenndi í reynd stjórn
Hamas á Gaza. Fyrir vikið myndu
friðarumleitanir, sem bandarískir
ráðamenn hafa verið að reyna að
koma áleiðis, geta haldið áfram.
- aa
Herskáir Palestínumenn senda hrinu sprengiflauga frá Gaza yfir Ísrael:
Spillir horfum á vopnahléi
ISMAIL HANIYEH Hamas-leiðtoginn vill
vopnahlé með skilyrðum. FRÉTTABLAÐIÐ/AP