Fréttablaðið - 15.03.2008, Blaðsíða 12

12 15. mars 2008 LAUGARDAGUR
LÖGREGLUKONUR ÚTSKRIFAST
Írakskar lögreglukonur fylgjast í
gegnum andlitsslæður sínar með
útskriftarathöfn í lögregluskóla í
borginni Karbala. FRÉTTABLAÐIÐ/AP
KÍNA, AP Mótmæli gegn yfirráðum Kínverja í Tíbet,
sem búddamunkar fóru fyrir, voru í gær kæfð með
valdi. Til óeirða kom á götum Lhasa, hinnar fornu
höfuðborgar Tíbet, lögregla beitti skotvopnum og
eldur var borinn að bílum og verslunum. Í útvarps-
fréttum var sagt að tveir menn hefðu látið lífið.
Þetta voru fjölmennustu mótmælin gegn kínversk-
um yfirráðum í nærri tvo áratugi, en 57 ár eru síðan
kommúnistastjórn Maós innlimaði Tíbet í Kína.
Fréttirnar af mótmælunum koma á óþægilegum tíma
fyrir ráðamenn í Peking, nú er þeir eru í aðdraganda
Ólympíuleikanna að reyna að miðla þeirri ímynd af
Kína út á við að þar ríki eining og framþróun á öllum
sviðum.
Mótmælin hófust á mánudag undir forystu hundr-
uða búddamunka og svo virðist sem fjöldi óbreyttra
Tíbeta hafi flykkst að til að taka þátt í þeim.
Dalai Lama, útlægur andlegur leiðtogi Tíbeta, lýsti
því yfir í gær að kínversk yfirvöld yrðu að hætta að
beita ofbeldi gegn mótmælendum. Sagði hann
mótmælin í Tíbet „staðfesta djúpstæða andúð tíbetsku
þjóðarinnar“ á hinum kínversku yfirráðum. - aa
Kínversk yfirvöld beita valdi gegn mótmælendum í Tíbet:
Tíbetar rísa upp gegn kúgun
MÓTMÆLT Lögregla í Katmandú í Nepal þjarmar að búdda-
munkum sem sýndu samstöðu með mótmælendum í Tíbet.
FRÉTTABLAÐIÐ/AP
STJÓRNSÝSLA Persónuverndarsjón-
armið og formkröfur ganga of
langt þegar úrskurðað er um hvort
almenningur og fjölmiðlar hafi
rétt á aðgangi að gögnum sem
tengjast stjórnsýslu hins opinbera.
Þetta segir Kjartan Bjarni Björg-
vinsson, lögfræðingur og aðstoð-
armaður umboðsmanns Alþingis.
Hann veltir því fyrir sér hvort
markmið upplýsingalagana skili
sér sem skyldi.
Úrskurðarnefnd um upplýsinga-
mál staðfesti í fyrra ákvörðun níu
ráðuneyta, sem synjuðu Frétta-
blaðinu um aðgang að yfirliti kred-
itkorta ráðherra vegna ársins 2006.
Í dómsmála-, heilbrigðis- og sam-
gönguráðuneytinu fengust þau
svör að ráðherrar notuðu ekki
kreditkort á vegum ráðuneyta
sinna eða eins og Björn Bjarnason
dómsmálaráðherra orðaði það: „Ég
hef alla mína ráðherratíð komist
af án greiðslukorts á vegum ríkis-
ins og aldrei leitt hugann að því að
óska eftir slíku korti.“
Árni Mathiesen fjármálaráð-
herra brást þó reiður við þegar
Fréttablaðið óskaði eftir símavið-
tali við hann um sjónarmið hans
varðandi kortin, eða eins og hann
sagði: „Þetta er bara ómerkilegt,
subbulegt mál þar sem verið er að
reyna að gera heiðarlegt fólk að
skúrkum algjörlega að ástæðu-
lausu.“ Í úrskurði úrskurðarnefnd-
arinnar sagði einnig að stjórnvaldi
væri ekki skylt að taka saman
gögn úr bókhaldi né afhenda slík
gögn nema þau væru hluti af gögn-
um sem vörðuðu tiltekið mál sem
stjórnvaldið hefði tekið til með-
ferðar. Þau rök úrskurðarnefndar-
innar telur Kjartan Bjarni einnig
gagnrýniverð.
„Það á ekki að
vera skilyrði
fyrir aðgangi
að gögnum að
stjórnvöld hafi
fjallað um þau
með skipu-
lögðum hætti.
Það er ekki í
anda þess göf-
uga markmiðs
upplýsinga-
laganna að opna fyrir lýðræðis-
lega umræðu, enda er stjórnvöld-
um með því eiginlega í sjálfsvald
sett hvað er opið fyrir aðgangi og
hvað ekki,“ segir hann.
„Rök úrskurðarnefndarinnar
fyrir því að upplýsingar sem færð-
ar eru inn með kerfisbundnum
hætti í bókhald stjórnvalds féllu
utan gildissviðs upplýsingalag-
anna voru að verulegu leyti byggð
á afmörkun gagnvart persónu-
verndarlögum. Ég velti fyrir mér
hvort kreditkort sem ráðherra
fær alfarið til að nota í nafni emb-
ættisins og fyrir peninga skatt-
borgara komi persónuvernd við,“
segir Kjartan Bjarni.
„Ef þetta væri persónuleg kort
ættu persónuverndarsjónarmið að
sjálfsögðu við en þar sem hér er um
að ræða kort sem beinlínis er ætlast
til að séu notuð í nafni ráðuneytis-
ins fæ ég ekki skilið þessi rök,“
bætir hann við.
karen@frettabladid.is
Of miklar kröfur um
form og persónuleynd
Aðstoðarmaður umboðsmanns Alþingis efast um að upplýsingalögin sem sett
voru til að gera stjórnsýslu gegnsærri virki sem skyldi. Hann telur undarlegt að
ekki fáist upplýsingar um notkun ráðherra á kortum á vegum ráðuneyta.
ARMENÍA, AP Robert Kocharian
Armeníuforseti hefur aflétt rit-
skoðunarhömlum af fjölmiðlum.
Lögin voru liður í neyðarlögum
sem hann setti
um mánaðamót-
in til að binda
enda á ólgu
vegna ásakana
stjórnarand-
stæðinga um
kosningasvik
í nýafstöðnum
forsetakosning-
um. Bann við
fjöldafundum
og verkföllum verður þó áfram í
gildi.
Í kjölfar kosninganna 19.
febrúar sem starfandi forsætis-
ráðherra, Serzh Sarkisian, vann
samkvæmt opinberum úrslit-
um, mótmæltu þúsundir stuðn-
ingsmanna mótframbjóðandans
Levons Ter-Petrosian í Jerevan.
Á þau mótmæli bundu stjórn-
völd enda með lögregluvaldi, sem
kostaði átta manns lífið. - aa
Kosningaspenna í Armeníu:
Forseti slakar á
neyðarlögum
ROBERT KOCHARIAN
MÓTMÆLI Samtök hernaðarand-
stæðinga kynntu nýlega aðgerðir
sínar á alþjóðlegum mótmæladegi
gegn stríðinu í Írak sem er í dag.
Þá var kynnt tíu atriða aðgerða-
áætlun til að tryggja frið í Írak en
hún byggist í meginatriðum á til-
lögum alþjóðlegu friðarrannsókn-
arstofnunarinnar. Að hernámi
í Írak verði hætt og Írak end-
urheimti fullveldi sitt er meðal
þess sem áætlunin tiltekur. Þá
verði skuldir Íraks afskrifaðar og
bætur greiddar vegna viðskipta-
bannsins, innrásarinnar og her-
námsins. Samtökin standa fyrir
útifundi á Ingólfstorgi klukkan
eitt í dag. - ovd
Hernaðarandstæðingar:
Stríðinu í Írak
verður að linna
ÍRAN, AP Aðeins fáeinir kjósendur
mættu á kjörstaði í Teheran í
gær, sem þótti vísbending um að
kjósendum þætti vart taka því að
kjósa þar sem úrslitin væru gefin
fyrir fram. Fastlega var búist við
því að harðlínumenn, bandamenn
Ahmadinejad forseta, myndu sem
fyrr hljóta langflest þingsæti.
Á þeim fáu kjörstöðum í
Teheran þar sem röð myndaðist
kusu flestir þá frambjóðendur sem
eru bandamenn Ahmadinejads.
Umbótasinnar, sem vilja aukið
lýðræði og betri tengsl við
Vesturlönd, gegndu algeru
jaðarhlutverki í kosningunum þar
sem flestum frambjóðendum úr
þeim herbúðum var bannað að
bjóða fram. - aa
Þingkosningar í Íran:
Úrslitin sögð
gefin fyrir fram
Á KJÖRSTAÐ Í TEHERAN Ungur klerkur
greiðir atkvæði. FRÉTTABLAÐIÐ/AP
Fastur í brekku vegna hálku
Ökumaður gámaflutningabíls þurfti
að óska eftir aðstoð til að komast
upp brekkuna í Múla í enda Jökuldals
um miðnætti á miðvikudagskvöldið.
Þurfti að kalla til veghefil sem dró
bílinn upp brekkuna en mikil hálka
var á veginum. Litlar umferðartafir
urðu vegna þessa.
LÖGREGLUFRÉTTIR
Framkvæmdastjóri ráðinn
Þórður H. Ólafsson hefur verið ráðinn
framkvæmdastjóri Vatnajökulsþjóð-
garðs. Hann er efna- og rekstrar-
tæknifræðingur og hefur starfað í
umhverfisráðuneytinu síðan 1992.
UMHVERFISRÁÐUNEYTI
VINNUMARKAÐUR Nesfiskur í Garði
lokar frá miðjum júlí fram í miðj-
an ágúst í sumar og verður það
í fyrsta skipti sem slíkt er gert.
Ævar Jónasson, framkvæmda-
stjóri Nesfisks, segir óljóst hvort
skólafólk verði ráðið eins og fyrri
sumur, engin ákvörðun hafi verið
tekin.
„Við höfum tekið tíu til fimmt-
án skólakrakka í vinnu á sumr-
in en ég veit ekki hvað verður í
sumar, við eigum eftir að sjá það
betur þegar nær dregur. En mán-
aðarstoppið kemur klárlega niður
á skólakrökkunum því að það er á
þeim tíma sem krakkarnir væru í
vinnu hjá okkur,“ segir Ævar. - ghs
Nesfiskur í Garði:
Lokar í sumar
í fyrsta skipti
A
T
A
R
N
A
Nóatúni 4 · Sími 520 3000
www.sminor.is
Eldunartæki,
kælitæki,
og uppþvottavél
í eldhúsið þitt.
Sannarlega
góð hugmynd!
A
T
A
R
N
A
Þú slærð í gegn
með Siemens
BJÖRN BJARNASON ÁRNI MATHIESEN KJARTAN BJARNI
BJÖRGVINSSON
KEMUR ÞÉR EKKI VIÐ Almenningur greiðir fyrir það sem keypt er fyrir kreditkort á
vegum ráðuneyta en má ekki vita hvað keypt er.