Fréttablaðið - 15.03.2008, Blaðsíða 54

15. MARS 2008 LAUGARDAGUR14 ● fréttablaðið ● formúla 1
Stöð 2 Sport verður með
beinar útsendingar frá keppni
í Formúlu 3 í ár:
Sjónvarpsstöðin Stöð 2 Sport lætur
Formúlu 1 ekki nægja og hefur
einnig tryggt sér sýningarréttinn á
mótum í Formúlu 3 í Bretlandi en
meðal keppenda þar verða Íslend-
ingarnir Kristján Einar Kristjáns-
son og Viktor Þór Jensen.
Kristján Einar hefur þegar
hafið æfingar með Carin Motor-
sport og var viðstaddur kynningu
á Formúlu 3 á Silverstone-braut-
inni frægu á dögunum en Viktor
Þór stendur í samningaviðræðum
við keppnislið og hefur það geng-
ið hægar en til stóð. Keppnistíma-
bilið hefst 24. mars næstkomandi
og stendur til 12. október og fara
ellefu keppnir fram á þeim tíma.
Átta keppnir fara fram í Bretlandi
en einnig verður keppt á Ítalíu, í
Belgíu og Rúmeníu. Hver keppni
er þannig að tvisvar er keppt í hálf-
tíma kappakstri.
Gunnlaugur Rögnvaldsson sagði
í samtali við Fréttablaðið að til
stæði að fylgjast vel með keppni í
Formúlu 3 á Stöð 2 Sporti og myndi
sú umfjöllun blandast í raun saman
við umfjöllunina um Formúlu 1.
„Við ætlum að fylgjast vel með
strákunum og það verða sérstak-
ir þættir um þá og að sjálfsögðu
beinar útsendingar frá öllum
keppnum þeirra á keppn-
istímabilinu. Þeir eiga
eftir að keyra á mörg-
um brautum sem For-
múla 1 keppir á og
má þar nefna Monza
á Ítalíu og Silverstone í
Bretlandi í því samhengi.
Formúla 3 og GP2, sem er
næsta stig þar fyrir ofan,
eru tvö stig sem menn fara
yfirleitt í gegnum áður en þeir
komast að í Formúlu 1 og Bret-
land er í raun góður vettvang-
ur til að koma sér á framfæri
þar sem mörg Formúlu 1
liðin eru þaðan. Það verð-
ur því gaman að fylgjast
með strákunum og flott
að hafa þennan íslenska
vinkil í Formúlunni,“
sagði Gunnlaugur. - óþ
Tveir Íslendingar í eldlínunni í Formúlu 3
Kristján Einar Kristjánsson
keppir fyrir Carin Motor-
sport í Formúlu 3 í ár.
Viktor Þór Jensen stendur í samningavið-
ræðum við Formúlu 3 lið.