Fréttablaðið - 15.03.2008, Blaðsíða 78

Fréttablaðið - 15.03.2008, Blaðsíða 78
38 15. mars 2008 LAUGARDAGUR CORNISH REX K attaræktun Kolbrúnar hófst árið 1995 og þá með því að hún fékk sér tvo persneska ketti. Hún hafði alltaf verið mikil dýramanneskja og átt húsketti en yfirleitt hafa ræktendur átt nokkra húsketti áður en áhugi þeirra kviknar á sérstöku kyni til ræktunar. Í nokkur ár ræktaði hún persneska ketti, allt til ársins 2002, þegar hún ákvað að flytja inn tvo ketti af tegundinni Cornish Rex til landsins en þá var enginn slíkur köttur til hérlendis. „Persarnir kröfðust mikillar umhirðu hvað feldinn varðar og ég var því orðin svolítið þreytt á því. Ég hafði aldrei séð Rexana nema bara á mynd og var mjög heilluð af þeim, fannst þeir tignarlegir og flottir. Ég var búin að heyra að þeir væru æðislegir persónuleikar og ákvað því að demba mér út í að flytja tvo ketti inn frá Finnlandi. Svo seinna flutti formaður Kynjakatta inn tvo ketti líka en í dag erum við bara tvö sem ræktum kynið. Kisurnar halda til Akureyrar Fyrstu kettlingarnir fæddust því árið 2003 og síðan þá hefur Kolbrún tekið á móti mörgum gotum en einhverra hluta vegna virðast Akureyringar svolítið veikir fyrir þessum kisum. Umstangið er mikið í kringum kattaræktun, meira en margir gera sér grein fyrir að sögn Kolbrúnar. Og þótt margir fái dollara- merki í augun þegar Kolbrún segir hvað kettirnir kosta: milli 80.000-100.000 krónur – og vilja fá læðu til að fá kett- linga, segir Kolbrún að það sé lítið að uppskera peningalega séð í kattaræktun. „Stundum ganga gotin og kettlingaupp- eldið vel en það getur brugðið til beggja vona. Síðast lenti ég í því að báðar læðurnar mínar urðu að fara í keisara- skurð og samanlagt kostuðu þeir skurðir rúmlega 100.000 krónur. Svo vill það gerast að læðurnar mjólka ekki nóg og þá þarf að kaupa kettlingamjólk og svo er það allur dýralækniskostnaðurinn sem fylgir, sandur og matur. Svo þarf að flytja inn nýja ketti reglulega til að fara ekki út of mikla í skyldleikaræktun og þeir kettir þurfa að vera í einangrun úti í Hrísey eða úti í Vogum í fjórar vikur og slíkt kostar tæplega 200.000 krónur. Þetta er því meira af hugsjón og skemmtun sem fólk fer út í kattaræktun.“ Allir uppi í rúmi Og vinnan er gríðarleg. Kolbrún er heimavinnandi í dag en þegar hún vann úti var hún til að mynda að gefa kettling- um sem þurftu pela fyrir og eftir nætur- vaktir á Hrafnistu og svo eru það gotin sjálf – þar sem Kolbrún þarf að setja sig í ljósmæðurstellingar og vaka yfir fæðing- um einn til fjóra sólarhringa í senn. Þegar kettlingarnir eru svo fæddir vilja læðurn- ar hvergi annars staðar ala börnin sín upp en einmitt uppi í rúmi hjá Kolbrúnu – og undir sæng – því Cornish Rex-kettirnir sofa ekki ofan á sængum – heldur krefjast þess alltaf að fá að vera undir. Kolbrún segir þetta vitaskuld vinnu en hvað er það þá sem fær fólk út í kattaræktun? „Þetta er bara svo gaman. Maður parar læðuna sína og svo bíður maður í níu vikur eftir því að fá að sjá hvað maður fái. Hvað verða kettlingarnir margir og hvernig munu þeir líta út? Verða þeir falleg sýningardýr sem hægt verður að láta keppa eða ljúf gæludýr? Maður sér það yfirleitt strax á þeim nýfæddum hvort þeir hafi „rétt“ útlit sem muni komi þeim til góða á sýningum. Hverjum þykir sinn fugl fagur Kolbrún er ekki bara ljósmóðir sinna katta því hún bjó lengi í miðbænum, og þá í næsta húsi við kattaræktanda sem ræktaði Abyssiníu- og Sómalí- ketti og þegar kom að erfiðum fæðingum í því húsi hljóp Kolbrún yfir og hjálpaði til við að toga kettlingana út. Er ekkert mikill metingur á milli kattaræktanda? „Jú, blessuð vertu. Hverjum þykir sinn fugl fagur og allt það. En undir niðri held ég að allir gleðjist með öllum þegar kettirnir eru að vinna til verðlauna á sýningum. Mér finnast allir kettir fallegir – síðhærð- ir og hárlausir. En maður getur sannar- lega móðgast ef einhverjum þykja kettirnir manns ekki fallegir. Mörgum finnst Rexinn vera með hryllilega stór eyru, langt skott, lítið af hárum og hreinlega bara ljótir. Og svo eru sumir sem vilja bara sitt kyn og finnst það bara fallegt og ekkert annað. Svona er þetta bara – eins og með börnin.“ Ræktað kisur í 13 ár Hvað fær fimm barnabarna ömmu til að halda heimili með sex köttum af tegundinni Cornish Rex, ferja þá á árlegar kattasýn- ingar og taka á móti kettlingum sem telja orðið marga tugi? Er kattarækt gróðrabatterí eða kostnaðarsöm hugsjón? Júlía Margrét Alexandersdóttir hitti Kolbrúnu Gestsdóttir sem er annar tveggja Rex-ræktanda á landinu. LJÓSMÓÐURSTÖRF Kolbrún Gestsdóttir kattaræktandi hefur ræktað Cornish Rex-ketti í 6 ár en á síðustu kattasýningu Kynjakatta vann læða frá henni fyrstu verðlaun í sínum flokki. FRÉTTABLAÐIÐ/STEFÁN LEIKGLAÐIR Kisurnar hennar Kolbrúnar eru leik- glaðar út ævina en ekki bara á kettlingaskeiðinu. STÓR EYRU OG TÍGULEGT ÚTLIT. Því stærri sem eyru Cornish Rex katta eru því betri sýningarkettir þykja þeir. Fyrsta Cornish Rex-kettinum gaut læða, heimilisköttur, á bóndabýli í Bretlandi árið 1950. Innan um venjulegu kettlingana var þarna einn lítill sem skar sig úr hópnum – hafði afar sérstakan feld – sérstakar rákir á bakinu sem gengu í bylgjum – afskaplega stutt hár, langan háls, risastór eyru og tígulegt útlit. Menn segja að þarna hafi einhver erfðastökk- breyting átt sér stað og bóndinn ákvað að para aftur saman húskettina tvo sem fram- leiddu þetta litla dýr og fékk tvo í viðbót sem litu eins út. Vegna þess hve snögghærðir þeir eru hentar innivera Cornish Rex-köttum best og þeir eru líka ákjósanlegir innikettir vegna þess hve þeir sofa mikið og eru rólegir. Þeir eru samt ákaflega skemmtilegir og leikglaðir þegar þeir vaka. Kettir af þessari tegund þykja afar gáfaðir og eru nokkuð ævintýragjarnir og þeir vilja vera hjá þér og engum öðrum, helst innanundir fötunum þínum og líkar vel við alla – líka hunda – og búa einmitt oft í sambýli við stóra hunda. Ef þú finnur þá ekki eru þeir líklega að rannsaka eitthvað á heimilinu – þvottavélina eða stofuskápinn – þeir eru ótrúlega forvitnir. Margir sem hafa greinst með kattaofnæmi hafa getað verið með Cornish Rex-kött án þess að ofnæmið geri vart við sig. MYNDASTYTTUR Cornish Rex köttum finnst mjög gaman að „pósa“ eins og myndastyttur þar sem þeir sjást örugglega vel. FR ÉTTA B LA Ð IÐ /STEFÁ N
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76
Blaðsíða 77
Blaðsíða 78
Blaðsíða 79
Blaðsíða 80
Blaðsíða 81
Blaðsíða 82
Blaðsíða 83
Blaðsíða 84
Blaðsíða 85
Blaðsíða 86
Blaðsíða 87
Blaðsíða 88
Blaðsíða 89
Blaðsíða 90
Blaðsíða 91
Blaðsíða 92
Blaðsíða 93
Blaðsíða 94
Blaðsíða 95
Blaðsíða 96
Blaðsíða 97
Blaðsíða 98
Blaðsíða 99
Blaðsíða 100
Blaðsíða 101
Blaðsíða 102
Blaðsíða 103
Blaðsíða 104

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.