Fréttablaðið - 17.03.2008, Blaðsíða 34

17. MARS 2008 MÁNUDAGUR8 ● fréttablaðið ● híbýli
Stofur gegna margþættu hlutverki
innan veggja heimilisins.
Stofan er sjálfsagt sá staður á heimilinu
sem gegnir hvað margþættustu hlutverki.
Þar er hægt að hvíla lúin bein að loknum
löngum degi, eiga góða stund með vinum
og vandamönnum eða halda heljarinnar
veislu ef sá gállinn er á manni. Nú eða bara
gera ekki neitt í stofunni, slappa af og hafa
það gott.
Mikilvægt er að hafa þetta margþætta
hlutverk til hliðsjónar við hönnun hverrar
stofu, óháð því hvort fanga er leitað í for-
tíðinni eða samtímanum. Framandi loft-
ljós, tíglótt teppi og skringilegir skraut-
munir eru tilvaldir til að endurskapa anda
sjöunda áratugarins og varla þarf meira
en smart sófa, kaffiborð, skenk eða skáp
og nokkur ljós á flísa- eða parketlagt gólf
til að fylgja straumum og stefnum í innan-
hússhönnun nútímans.
Ofar öllu er þó áríðandi að hanna stofu
sem hverjum og einum líður vel í, hvaða
leið sem viðkomandi kann svo sem að velja
til takast ætlunarverkið.
Meðfylgjandi myndir sýna einmitt ólík-
ar aðferðir sem valdar hafa verið til að ná
ætlunarverkinu. Vonandi gefa þær lesend-
um einhverjar hugmyndir hvort sem til
stendur að standsetja stofuna eða lífga upp
á hana með lítils háttar breytingum.
- rve
Unaðsreitur í
ýmsum útfærslum
Fallegur bókaskápur getur gert gæfumun í stof-
unni. Bæði segir hann mikið um húsráðendur og
eins eru fallega innbundnar bækar stofustáss. Hér
er forðast að ofhlaða og fyrir vikið fær hver hlutur
notið sín.
Vínrauðir litir, viður og leður kalla fram hlýju og
notalegheit.
Sófi í gráum lit sem kallast á við vegg-
fóðrið, tilkomumikill standlampi og
vandaðir skrautmunir vekja hugrenn-
ingatengsl við sjöunda áratuginn.
Ein pottaplanta,
grænt teppi og
stóll í sama lit er
hið eina sem þarf
til að gera hvíta
og mínimalíska
stofu hlýlega.
Hér er það
opið rými sem
heillar og stofan
staðstett fyrir
miðju.
Einföld, björt og nútímlega stofa, þar
sem hver hlutur fær að njóta sín.
N
O
RD
IC
P
H
O
TO
ES
/G
ET
TY
IM
A
G
ES
2