Fréttablaðið - 19.03.2008, Blaðsíða 19

MARKAÐURINN MIÐVIKUDAGUR 19. MARS 2008
Enn stækkar
Fjarskiptageirinn með
skráningu Skipta
UpplýsingatækniVeiturHráefni
Nauðsynjavörur Neysluvörur
Orkuvinnsla Heilbrigðisgeiri
Fjármálaþjónusta
Við bjóðum Skipti velkomið í Nordic Exchange.
Skipti hf. er eignarhaldsfélag sem fjárfestir aðal-
lega í fyrirtækjum sem starfa á sviði fjarskipta og
upplýsingatækni. Nú þegar eiga Skipti fyrirtæki á
Íslandi, í Danmörku, í Noregi og á Bretlandseyjum.
Í dag, 19. mars verður Skipti skráð í Nordic Exchange
á Íslandi, fyrst íslenskra félaga eftir að kauphöllin
varð hluti af stærsta kauphallarfyrirtæki í heimi:
NASDAQ OMX. Skipti flokkast sem meðalstórt félag
og tilheyrir Fjarskiptageira.
Fjarskipti
Iðnaður
Íslenskar eignir fjármála-
fyrirtækisins Milestone verða
frá og með þessu ári færð-
ar undir sænsku fjármálasam-
stæðuna Invik, dótturfélag Mile-
stone. Eftir þetta verða öll fyrir-
tæki Milestone dótturfélög Invik.
Í þeim hópi eru meðal annars
félögin Sjóvá, Askar Capital og
Avant.
Maðurinn á bak við þessi félög
heitir Karl Wernersson.
Karl er fæddur árið 1962, sonur
Werners Rasmussen, apótekara í
Reykjavík. Karl útskrifaðist sem
viðskiptafræðingur frá Háskóla
Íslands árið 1986. Eftir það varð
hann millistjórnandi í ýmsum
félögum, þar á meðal fjármála-
stjóri hjá Apple á Íslandi og fyrir-
tækinu Örtölvutækni.
Þeir feðgar, Karl og Werner,
keyptu síðan Örtölvutækni.
Reksturinn gekk ekki alltaf vel
og á fyrri hluta tíunda áratugar-
ins lenti fyrirtækið í greiðslu-
stöðvun.
Þeir sem til þekkja segja að
þetta hafi verið Karli mikill skóli.
Werner dró sig síðan út úr við-
skiptum en hefur fylgst vel með
síðan. Karl fór hins vegar að
huga að fjárfestingum. Hermt
er að Werner sé sterkefnaður,
en fjölskylduauðinn hafa Karl og
systkini hans ávaxtað vel.
Karl var í hópi stofnenda Lyfja
og heilsu og forstjóri þess frá
árinu 1999. Hann er nú stjórn-
arformaður fyrirtækisins, sem
rekur þrjátíu apótek hér á landi,
auk þess sem Milestone á ríflega
200 apótek í Austur-Evrópu.
Karl sat í stjórn samheitalyfja-
fyrirtækisins Delta sem síðar
sameinaðist Pharmaco og varð
Actavis. Milestone seldi hlut sinn
í fyrirtækinu þegar það var tekið
af markaði.
Undanfarin ár hefur Karl ein-
göngu sinnt fjárfestingum í gegn-
um félagið Milestone.
Upp úr aldamótum fór Karl
að fjárfesta í ýmsum fyrirtækj-
um. Hann eignaðist stóran hlut
í Glitni banka og átti fimmtungs
hlut í honum í hitteðfyrra. Árið
2005 keypti Milestone tvo þriðju
hluta í Sjóvá-Almennum og á nú
félagið allt, og í hitteðfyrra stofn-
aði Milestone fjárfestingarbank-
ann Aska Capital. Í fyrra var svo
gert yfirtökutilboð í sænska fjár-
málafyrirtækið Invik, sem hefur
síðan eignast sautján prósenta
hlut í sænska fjárfestingarbank-
anum Carnegie.
Hermt er að Karl sé talna-
glöggur og mjög hugmyndaríkur
kaupsýslumaður. Hann var ný-
lega valinn viðskiptafræðingur
ársins af dómnefnd á vegum Fé-
lags viðskiptafræðinga og hag-
fræðinga. - ikh
Sonur apótekarans
KARL WERNERSSON Sinnir stjórnarformennsku allra félaga Milestone.
MARKAÐURINN/VALLI
Aðalfundir íslensku fyrirtækj-
anna hafa alltaf heillað mig. Enda
skiptir þar engu hversu stóran
hlut maður á, eitt skitið bréf er
ávísun á góðgæti og vín í kannske
klukkutíma eftir að formlegum
aðalfundi lýkur. Sem er ágætis-
tími sem nýta má í spjall við vini
og kunningja.
Verstu aðalfundirnir eru klukk-
an tvö og þrjú. Svo maður tali
ekki um aðalfund að morgni. Þá
hunsa ég algjörlega. Kaupþing,
ha? Aðalfundur klukkan 8.15.
Hvað gekk þeim til?
Á morgunfundi er illa mætt,
fundirnir stuttir og yfirleitt fátt í
boði fyrir utan kex, smákökur og
kaffi. Sem minnir svolítið á fund
hjá Félagi eldri borgara. Gott ef
nályktin liggur ekki í loftinu.
Ekki eru fundirnir mikið skárri
um fimmleytið á virkum dögum
enda langar mann í svolítið meiri
rauðan lit í glasið þegar stjórnin
er horfin á braut og forstjór-
inn að ræsa bílinn. Rétt eins og
á aðalfundi FL um daginn þar
sem stjórnin settist niður strax
að fundi loknum – og ræddi um
hugsanlega afskráningu á bak við
luktar dyr, ef marka má nýjustu
fréttir. Þar voru fáir í góðum gír,
nema ef vera skyldi Gunni Sig
sem er alltaf í stuði.
Aðalfundir Alfesca og Bakka-
varar eru alltaf bestir. Þar er líka
foie gras af vel öldum öndum,
risarækjum og öðru framandi
stöffi sem hvergi fæst – nema
á uppsprengdu verði í Osta-
búðinni á góðum degi fyrir jól.
Bakkavararstöffið fæst reyndar
hvergi hér. Kærkomin hvíld frá
hversdagsamstrinu að taka þrjár
heimsálfur með trompi og skola
þeim niður með rauðu, hvítu og
bjór eins og á föstudaginn. Árs-
skýrslan spillti ekki fyrir enda
flott lesning yfir bjór á 101 fram
á kvöld.
Gott ef maður hefur ekki bætt
á sig og verulega pælt í því að
skreppa í afvötnun og ræktina
eftir alla þessa aðalfundi upp á
síðkastið. Reyndar spái ég því að
á næsta ári verði meðlætið með
minnsta móti og drykkjan eftir
því. Ekki það að ég sé að taka mig
á heldur segja mér það spádóm-
arnir í botni rauðvínsglassins að
samrunar verði í fjármálageir-
anum sem skili sér í færri fund-
um á næsta ári. Á þetta hef ég
margoft bent á. Veislunni er að
ljúka, tappinn að fara í flöskuna
og síðasta kökusneiðin að hverfa
af borðinu og ofan í maga. Í bili.
Skál. Sjáumst á næsta aðalfundi.
Spákaupmaðurinn á horninu
S P Á K A U P M A Ð U R I N N
Veislunni
að ljúka
S A G A N Á B A K V I Ð . . . K A R L W E R N E R S S O N Í M I L E S T O N E