Fréttablaðið - 19.03.2008, Blaðsíða 22
MARKAÐURINN 19. MARS 2008 MIÐVIKUDAGUR14
F Y R S T O G S Í Ð A S T
06.15 Mætt í Rope yoga-setrið í Listhúsinu til Guðna. Er nýbyrjuð í
Rope yoga og þetta eru frábærar 70 mínútur á morgnana.
07.30 – komin heim, hljóp í sturtu, morgunmatur og blöðin. Dóttirin
sefur enda komin í páskafrí og því kom það í minn hlut að hleypa
hundinum, henni Elju, út að pissa.
08.15 Mætt á skrifstofuna í Víkurhvarfinu, tölvupóstar lesnir, nokk-
ur símtöl, pappírsvinna og gott kaffi.
09.30 Fundur í Besta í Ármúla 23. Góður fundur enda verið að ræða
um sölumál. Ótrúlega gaman að koma við í búðinni í Ármúla og kem
alltaf hlaðin út af alls konar góðri vöru enda starfsfólkið sérstak-
lega duglegt að selja mér vörur og hugmyndir.
11.00 Á leið upp í Víkurhvarf kom ég við í Löðri og lét skola mestu
drulluna af bílnum – það sást reyndar ekki 2 tímum seinna.
11.15 Komin í Víkurhvarfið aftur á skrifstofuna. Áfram símtöl og
tölvupóstar. Ræddi við fjármálastjórann okkar um gengið enda
gífur leg sveifla þessa dagana sem hefur áhrif á allan rekstur.
12.00 Hádegismatur með starfsmönnum. Ljósmyndari Frétta-
blaðsins kom í miðjum klíðum og smellti af nokkrum myndum.
13.00 Tölvupóstar og símtöl. Stuttur símafundur við Færeyjar – sit í
stjórn nýs félags þar, sem er mjög spennandi.
15.00 Fundur með markaðsstjóra og framkvæmdastjóra vegna
keppni sem haldin verður í sýningarsalnum okkar á vegum
Kaffibarþjónafélagsins og heitir Coffee and Good Spirits.
16.30 Páskabingó fyrir starfsmenn og fjölskyldur í sýningar salnum
okkar í Víkurhvarfinu, stjórnað af dótturinni Kristbjörgu og frænk-
unni Hörpu. Gífurleg þátttaka og mikið fjör. Allir komust í páska-
skap.
18.30 Komin heim, skipt um föt og farið upp í hesthús.
Útreiðartúrar í góðu veðri og síðan hestunum gefið.
20.30 Kvöldmatur í seinna lagi.
D A G U R Í L Í F I . . .
Lindu B. Gunnlaugsdóttur, forstjóra A. Karlssonar
LINDA B. GUNNLAUGSDÓTTIR Önnum kafin allan daginn enda hafa sveiflurnar
mikil áhrif á reksturinn. MARKAÐURINN/ARNÞÓR
„Ætli ég hafi ekki verið svona
tólf, þrettán ára. Þá kom ég í
Tómstundahúsið og rak augun í
þessar græjur,“ segir Maurice
Zschirp, starfsmaður upplýsinga-
og tæknisviðs Kaupþings, Maur-
ice er af þýsku bergi brotinn en
flutti hingað til lands árið 1988.
Hann hefur frá unga aldri haft
brennandi áhuga á fjarstýrðum
flugvélum, og í seinni tíð, fjar-
stýrðum þyrlum. Þessar græj-
ur voru hins vegar dýrar í þann
tíð. „Ég þurfti samt ekkert að
suða,“ segir Maurice, sem beið
í skamma stund, fram að ferm-
ingu, áður en hann eignaðist sína
fyrstu fjarstýrðu flugvél. Síðan
hefur þetta áhugamál átt huga
hans allan, svo mikið raunar, að
undan farin ár hefur hann farið
utan og tekið þátt í heimsmeistara-
mótinu í þyrluflugi. Og nú allra
síðast stofnaði hann, ásamt félaga
sínum, Þórði K. Einarssyni, fyrir-
tæki utan um áhugamálið.
„Félagið heitir Icecam. Við sér-
hæfum okkur í loftmyndatökum,
tökum bæði myndbönd og ljós-
myndir,“ segir Maurice. Hann
keypti í samstarfi við félaga sinn
fjarstýrða þyrlu frá Bandaríkjun-
um í þessu skyni. „Þetta er iðnað-
argræja,“ segir Maurice og hlær.
Hann segir að þeir félagar séu
í raun í startholunum með fyr-
irtækið, en hafi þegar myndað
brautir á golfvelli og síðan séu
bæði verktakar og auglýsinga-
stofur farin að taka eftir fyrir-
tækinu.
Maurice flaug flugvélum fram-
an af, en fyrir fimm eða sex árum
skipti hann yfir í þyrluna. „Það
er meiri áskorun fólgin í því að
fljúga þyrlunni en flugvélum. Það
má stoppa hana í loftinu og hún
getur flogið afturábak.
Maurice er félagi í Þyt, sem er
með malbikaðan flugvöll í Hafnar-
firði. „Þetta er í raun eina að-
staðan sem við höfum fyrir þetta
sport á höfuðborgarsvæðinu. Við
höfum verið nokkrir í þessu, en
þetta er að sækja í sig veðrið,
enda er þetta orðið ódýrara en
það var,“ segir Maurice.
Hann segist sjálfur hafa eytt
lunganum af öllum sumrum í
þetta áhugamál, frá því að hann
var unglingur. Áhugamálið hafi
bæði verið tíma- og peningafrekt,
en umfram annað skemmtilegt.
- ikh
Stofnaði fyrirtæki utan um áhugamálið
G
lamúr og peningar eru orð sem koma
upp í hugann í tengslum við Formúlu
1 kappakstur. Mikið er enda í lagt við
keppnishald og stjarnfræðilegar upp-
hæðir kostar að þróa bíla og halda úti
keppnisliði og fara með það um allan heim. Auga
leið gefur að ekki er fyrir nema sterkefnaða með
nær ótakmarkaðan frítíma að ætla sér að hlaupa
heimshorna á milli til að styðja sitt lið. En svo gerir
það kannski heldur enginn? Formúlutímabilið fór af
stað af krafti í þessum mánuði. Fyrsta keppnin fór
fram í Melbourne í Ástralíu um síðustu helgi og um
næstu helgi verður svo keppt á Sepang-brautinni í
Kúala Lúmpúr í Malasíu.
Gunnlaugur Rögnvaldsson, umsjónarmaður sýn-
inga frá Formúlu 1 keppnum í sjónvarpi, segir
liggja fyrir að áhangendur keppninnar séu af öllum
þjóðfélagsstigum. „Formúla er fyrst og fremst
sjónvarpsíþrótt. Hún er sýnd í yfir 200 löndum og
vinsælasta áhorfsefnið fyrir utan Ólympíuleika og
heimsmeistaramót í fótbolta sem koma á fjögurra
ára fresti,“ segir hann. Eins segir Gunnlaugur ljóst
að ekki þurfi að vera milljónamæringur til að skella
sér á keppni. „Héðan eru til dæmis að fara hátt í
hundrað manns á keppnina í Barcelona og það er
ekkert endilega sterkefnað fólk. Hins vegar hefur
fjöldi Íslendinga farið á Mónakó þar sem er meiri
glæsileiki og dýrara að mæta. Bæði farið í einka-
þotum, komið á eigin snekkjum og gist í höfninni
sem kostar sitt og borgað dýru verði inn á skemmti-
staði þegar mót standa yfir.“ Gunnlaugur segir til-
fellið að þegar mót séu haldin í Mónakó þyki góður
kostur að fara þangað til að ná í viðskiptasambönd.
„Þetta er til dæmis mikið notað af kostendum For-
múlu 1 liðanna, að bjóða til sín tignum gestum og
fólki sem verið er að ná inn í viðskipti og þetta því
sterkur vettvangur fyrir það.“ Um mótshelgi segir
Gunnlaugur dýrtíð aukast mjög í Mónakó; hótel-
herbergi geti kostað allt upp í tvö til þrjú hundruð
þúsund krónur og ekki auðvelt að komast að.
„Um allan heim þykir Formúlan hins vegar sterk-
ur vettvangur til að heilla tilvonandi kúnna í við-
skiptalífinu og þá er ég að tala um forstjóra og
framkvæmdastjóra,“ segir Gunnlaugur og bendir á
að samkvæmt könnunum sem hann hafi látið Gallup
gera hér í tví- eða þrígang sé áberandi hversu mikið
af forstjórum og framkvæmdastjórum fylgist hér
á landi með Formúlu 1. „Þegar búið er að greina
þessar kannanir, svo sem með tilliti til launa þeirra
sem horfa á Formúluna, kemur í ljós að þau eru yfir-
leitt vel yfir meðallaunum. Svo eru framkvæmda-
stjórar fyrirtækja og þeir sem eru með einka-
rekstur mjög stór hópur áhorfenda.“
Gunnlaugur segir tilfellið enda vera að kostun
og auglýsingar tengdar Formúlu 1 liðunum skili ár-
angri. „Á keppnishelgum fylgjast um 200 milljónir
manna með. Síðan má nefna lönd á borð við Spán,
þar sem Fernando Alonso hefur orðið heimsmeist-
ari tvö ár í röð, þar sem Formúla 1 þekktist ekki, en
þeir fóru að sýna eftir að honum gekk vel. Þá náðu
þeir sjötíu prósenta áhorfi og sala á Renault-bílum
rauk upp um mörg hundruð prósent. Svo eru fyrir-
tæki á borð við Baug sem eru að auka styrk sinn
til Williams-liðsins vegna þess hve vel hefur geng-
ið. Þeir hafa verið með Hamley‘s á bílnum, en salan
hefur aukist svo mjög að þeir ákváðu að bæta við
tveimur til þremur vörumerkjum til að auka velt-
una.“ Þá bendir Gunnlaugur á að Salt Investments,
fjárfestingarfélag Róberts Wessman, styrki ungan
ökuþór, Kristján Einar Kristjánsson, til keppni í
Formúlu 3, en þar sé vel þekktur stökkpallur fyrir
ökumenn inn í Formúlu 1. „Þannig að hann sér
markaðstækifæri í þessu.“
UMSJÓNARMENN Rúnar Jónsson og Gunnlaugur Rögnvaldsson
lýsa Formúlunni í sjónvarpi. Gunnlaugur segir áberandi marga í
hópi forsvarsmanna fyrirtækja vera Formúluáhugamenn.
MARKAÐURINN/ANTON
Efla viðskiptatengslin í Mónakó
Formúla 1 er einhver vinsælasta sjónvarpsíþrótt heims. Hér mun áberandi
hversu mikill áhugi er á sportinu meðal forsvarsmanna fyrirtækja.
FÖGUR FLJÓÐ OG FORMÚLUBÍLL Upphafi keppnistímabilsins í Formúlu eitt var fagnað í veislu Stöðvar 2 Sport í Perlunni fyrir helgi.
Þar var meðal annars til sýnis keppnisbíll Williams-liðsins frá því í fyrra. MARKAÐURINN/ANTON
F R Í S T U N D I N
VINNAN ER HOBBÝ Maurice Zschirp
gerir þyrluna klára til flugs.