Fréttablaðið - 26.03.2008, Blaðsíða 2

2 26. mars 2008 MIÐVIKUDAGUR
noatun.is
LÉTTIR ÞÉR LÍFIÐ
Ljúffengt og gott
Nóatún mælir með
998 kr.stk.
Rotissier Kjúklingur
DÝRAHALD Nokkrir viðskiptavinir
Húsasmiðjunnar á Selfossi voru
slegnir óhug þegar þeir urðu
vitni að því þegar maður drekkti
tíu hænuungum sem höfðu verið
til sýnis í versluninni í aðdrag-
anda páskanna.
Lager og áhaldaleiga verslun-
arinnar eru í sama rými. Þar eru
því oft nokkrir viðskiptavinir
verslunarinnar. Tók maðurinn
ungana úr versluninni og fór með
þá inn á lager. „Hann kraup á
hnén á gólfinu fyrir framan
okkur öll og byrjaði að drekkja
ungunum. Eftir smá stund var
tístið alveg steinþagnað og þeir
lágu allir dauðir í fötunni við hlið-
ina á okkur,“ sagði einn viðskipta-
vinur.
Sumum viðskiptavinunum mis-
bauð svo verknaðurinn að þeir
gengu út. Um klukkustund síðar
lágu ungarnir enn dauðir í fötunni
við áhaldaleiguna.
„Við fengum þessa unga frá
manni og vissum ekki annað en
að hann kæmi til að sækja þá á
laugardaginn,“ segir Sverrir
Einarsson, rekstrarstjóri Húsa-
smiðjunnar á Selfossi. Segir hann
þau hafa talið að ungarnir yrðu
aldir upp annars staðar. „Vegna
sýkingarhættu vildi hann ekki
taka þá aftur og sagði að það
þyrfti að lóga þeim en ég vissi
ekki af því fyrr en rétt fyrir
lokun á laugardaginn.“ Segist
Sverrir hafa sagt manninum að
hann þyrfti að fara með ungana
út úr húsinu til þess.
Sverrir harmar atvikið. „Þetta
er agalega leiðinlegt af því að
þessir ungar áttu að vera til
yndisauka fyrir krakkana.“ Segir
hann að ef þetta sé raunin, að
aflífa þurfi unga eftir að þeir hafi
verið í versluninni, að þá sé þetta
í síðasta skipti sem lifandi páska-
ungar verði þar. Ef viðkomandi
geti ekki tekið ungana til baka og
alið þá verði þau að vera með
gervi-páskaunga. „Ég harma
þetta og bið viðkomandi sem urðu
vitni að þessu velvirðingar.“
„Þetta er ekki viðurkennd aðferð
til að lóga skepnum. Skepnum er
yfirleitt ekki drekkt,“ segir Katrín
Helga Andrésdóttir, héraðsdýra-
læknir á Suðurlandi. Þá sé betra að
svæfa dýr ef þau þurfi að aflífa.
Hún segir mjög strangar reglur
gilda um smitsjúkdóma og því sé
ekki hægt að setja unga í hús með
öðrum hænuungum eftir að þeir
hafi verið innan um fólk.
Umhverfisstofnun og heilbrigðis-
eftirlit gefa leyfi til dýrasýninga.
Þá eru sett skilyrði um aðbúnað
dýranna. „Það hefur ekki verið leit-
að til mín vegna þessa,“ segir Katrín
en oft er leitað álits héraðsdýra-
lækna vegna leyfisveitinga. Sverrir
staðfestir að þau hjá Húsasmiðjunni
hafi ekki sótt um leyfið.
olav@frettabladid.is
Drekkti tíu tístandi
páskaungum í fötu
Páskaungar voru sýndir, fólki til yndisauka, í verslun Húsasmiðjunnar á Selfossi.
Maður sem útvegaði versluninni ungana vildi ekki taka þá aftur vegna sýkingar-
hættu og drekkti þeim því í fötu fyrir framan viðskiptavini verslunarinnar.
ÍSLENSKIR PÁSKAUNGAR Þessir ungar í Húsdýragarðinum geta verið rólegir þó að
páskarnir séu liðnir. FRÉTTABLAÐIÐ/STEFÁN
SPURNING DAGSINS
Stefán, tókst ykkur að koma í
veg fyrir lekann?
„Já, þessi á hefur verið stemmd að ósi.“
Sektum fyrir að pissa á almannafæri
hefur snarfækkað í miðborginni. Stefán
Eiríksson er lögreglustjóri höfuðborgar-
svæðisins.
Jónína Sigríður Gísladóttir,
ekkja Pálma Jónssonar í Hag-
kaupum, andaðist á St. Jósefs-
spítalanum í Hafnarfirði 18.
mars síðast-
liðinn.
Jónína fædd-
ist í Reykja-
vík árið 1921.
Hún var dóttir
Sigurðar Gísla
Sigurðsson-
ar sjómanns
og Lilju Guð-
mundsdóttur.
Jónína
stundaði
verslunar störf en helgaði full-
orðinsárum sínum eiginmanni
og börnum. Hún gerðist vel-
gjörðarmaður hjartadeildar
Landspítalans og studdi deild-
ina með peningagjöfum til
tækjakaupa.
Jónína og Pálmi áttu fjögur
börn: Sigurð Gísla, Jón, Ingi-
björgu Stefaníu og Lilju Sigur-
línu, tólf barnabörn og tvö
barnabarnabörn.
Útför hennar fer fram í
Dómkirkjunni í Reykjavík
klukkan fjögur á morgun.
Jónína Sigríður
Gísladóttir látin
JÓNÍNA SIGRÍÐ-
UR GÍSLADÓTTIR
LÖGREGLUMÁL Karlmaður var handtekinn í íbúð í
Reykjanesbæ um áttaleytið í gærkvöldi. Hann er tal-
inn tengjast árás á sjö karlmenn í íbúð í Keilufelli í
Breiðholti á laugardag. Fleiri árásarmanna er leitað.
Tilkynnt var um árásina síðdegis á laugardag. Þá
réðust tíu til tólf manns inn á heimili í Keilufelli í
Reykjavík og gengu í skrokk á hópi Pólverja sem þar
býr. Sjö karlmenn, allir pólskir, fóru á slysadeild.
Stuttu eftir að tilkynnt var um árásina stöðvaði lög-
regla fjóra menn í bíl á Reykjanesbraut: þrjá Pól-
verja og einn Litháa. Þeir voru handteknir og úrskurð-
aðir í gæsluvarðhald. Að sögn Friðriks Smára
Björgvinssonar, yfirmanns rannsóknardeildar lög-
reglunnar á höfuðborgarsvæðinu, er yfirheyrslum
yfir mönnunum fjórum ekki lokið.
Leitin að hinum árásarmönnunum bar árangur í
gær þegar lögreglan á Suðurnesjum handtók pólskan
karlmann í tengslum við árásina í Keilufelli. Sérsveit
lögreglunnar aðstoðaði. Maðurinn var fluttur til
Reykjavíkur þar sem hann var yfirheyrður.
Að sögn Friðriks Smára mun leit halda áfram að
þeim árásarmönnum sem eftir eru. - sþs
Rannsókn lögreglu á líkamsárásarmáli í Keilufelli síðan á laugardag ber árangur:
Handtóku einn af árásarmönnunum
KEILUFELL Einn þeirra sjö sem ráðist var á liggur enn á sjúkra-
húsi. Hann er með samfallið lunga og er handleggsbrotinn.
Tvær líkamsárásir á Ísafirði
Tvær líkamsárásir voru kærðar til
lögreglunnar á Ísafirði um síðustu
helgi. Var önnur þeirra á veitingastað
en hin skammt frá tónleikasvæði. Þar
réðist meintur gerandi að lögreglu-
mönnum þegar afskipti voru höfð af
málinu. Verður hann kærður vegna
brots gegn valdstjórninni að viðbættri
líkamsárásarkæru.
LÖGREGLUFRÉTTIR
BANDARÍKIN, AP Átta lögreglumenn
háðu æsilegan eltingarleik við
ökumann sendibifreiðar sem ekur
út kleinuhringjum í Iowa í Banda-
ríkjunum. Tókst þeim á endanum
að handtaka ökumanninn.
Bíllinn sem maðurinn ók var í
eigu kleinuhringjaverslunar í
Illinois. Hafði hann stolið bílnum á
meðan ökumaður hans skildi hann
eftir í gangi. Í kjölfarið ók hann
bílnum til Iowa þar sem hann var
eltur uppi af lögreglunni.
Lögregluþjónarnir sem náðu
þjófnum gátu ekki kvartað yfir
dagsverkinu því þeir fengu
risastóran skammt af kleinu-
hringjum í þakklætisskyni. - fb
Löggur stöðvuðu bílþjóf:
Kleinuhringir
að launum
SVÍÞJÓÐ Óróleikinn á fjármála-
mörkuðum í heiminum hefur gert
það að verkum að sænska
ríkisstjórnin hefur fyllst örvænt-
ingu og ætlar að setja lög um
banka í bráðum vanda, eftir átta
ára umþóttunartíma. Þetta kom
fram í Ekot, fréttaþætti sænska
útvarpsins.
Nýju lögin eiga að heimila
ríkinu að taka yfir banka í neyð. Í
bankakreppunni á síðasta áratug
neyddist sænska ríkið til þess að
styðja banka í vanda með háum
fjármunum til að þeir yrðu ekki
gjaldþrota. Í framhaldinu
neyddist ríkisstjórn Carls Bildt til
að segja af sér. Núverandi
ríkisstjórn vill ekki eiga á hættu
að sama ástand myndist og ætlar
því að drífa í lagasetningunni. - ghs
Sænsk lög í bankakreppu:
Þjóðnýting
leyfð í neyð
Árekstur í Vestmannaeyjum
Ekið var á kyrrstæðan bíl í Vest-
mannaeyjum um klukkan hálf ellefu
á mánudagskvöldið. Bílstjóri og
farþegar hlutu minniháttar meiðsl
og komu sér sjálfir á sjúkrahús til
skoðunar. Bíllinn sem ók á er talinn
ónýtur. .
UMHVERFISMÁL „Hér í Hafnarfirði
snýr þetta fyrst og fremst að því
að koma línum og spennistöðvum
burt úr byggðinni. Það er stóra
málið sem er uppi á borðinu hjá
okkur,“ segir Lúðvík Geirsson
bæjarstjóri í Hafnarfirði.
Lúðvík var inntur eftir við-
brögðum við áskorun Sólar í
Straumi, sem birt var í gær, um
„að hafna tilleitan Landsnets um
að loftlínur fyrir álver í Helguvík
fari í gegnum bæjarlandið“.
Lúðvík segir að Suðurlindir,
sameiginlegt fyrirtæki Hafnar-
fjarðar, Grindavíkur og Voga, eigi
nú í viðræðum við Landsnet um
málið „í miklu víðara samhengi en
bara um línur til Helguvíkur. Við
erum í raun að ræða um skipulag á
öllu raflínukerfinu hérna á suð-
vesturhorninu,“ segir hann.
Flytja þurfi þá orku sem verði
framleidd á Reykjanesskaganum í
burt af svæðinu og inn á
landsnetið.
„En það er ekki okkar höfuð-
verkur að koma þeim í jörðu. Við
lítum svo á að það sé verkefni
Landsnets að leysa úr því,“ segir
bæjarstjórinn. Áherslan á að koma
línum og spennistöðvum frá
byggðinni sé í nákvæmu samhengi
við stefnu og umræðu síðustu ára.
„Það er engin breyting á okkar
afstöðu í þeim efnum.“ - kóþ
Bæjarstjóri um mótmæli Sólar í Straumi vegna raflína í lofti:
Vilja línurnar burt úr byggð
LOFTLÍNUR Þessar raflínur eru mun ódýrari en jarðlínurnar. Sól í Straumi vill að
Hafnarfjarðarbær hafni því að línur Landsnets, sem þjóni álveri í Helguvík, fari
gegnum bæjarlandið. FRÉTTABLAÐIÐ/VILHELM
UTANRÍKISMÁL Ingibjörg Sólrún
Gísladóttir utanríkisráðherra
hvatti í gær
kínversk stjórn-
völd til að beita
ekki mótmælend-
ur í Tíbet valdi,
þegar hún ræddi
við sendiherra
Kína, Zhang
Keyuan.
Lýsti Ingibjörg
yfir þungum
áhyggjum af
stöðu mála og
sérstaklega í ljósi
frétta af dauðsföllum mótmæl-
enda og áframhaldandi spennu
milli íbúa Tíbets og kínverskra
stjórnvalda.
Þá hvatti ráðherra kínversk
stjórnvöld til að leggja sig fram
við að finna varanlega lausn á
stöðu Tíbets og að virða mann-
réttindi. - kóþ
Utanríkisráðherra og Tíbet:
Stjórnin í Kína
beiti ekki valdi
INGIBJÖRG
SÓLRÚN GÍSLA-
DÓTTIR