Fréttablaðið - 26.03.2008, Blaðsíða 13
MIÐVIKUDAGUR 26. mars 2008
STJÓRNMÁL Á fundi í Svíþjóð 8.-9.
apríl munu forsætisráðherrar
Norðurlandanna freista þess að
svara spurningum á borð við;
hvernig Norðurlöndin geta staðið
vörð um samkeppnishæfni sína,
hvernig þau geta aukið áhrif sín
innan Evrópusambandsins og
hvernig gera má Norðurlöndin
meira aðlaðandi í augum
umheimsins.
Fundurinn er haldinn á vett-
vangi Norrænu ráðherranefnd-
arinnar og auk forsætisráðherr-
anna sitja hann fulltrúar á ýmsum
sviðum norræns þjóðlífs, þeirra
á meðal Þorsteinn Pálsson,
ritstjóri Fréttablaðsins.
Er markmið fundarins að
sækja nýjar hugmyndir og örva
umræðu um tækifæri og áskor-
anir hnattvæðingarinnar. - bþs
Forsætisráðherrar funda:
Staða Norðurlandanna
GEIR H. HAARDE
ALÞINGI Þuríður Backman, þing-
maður VG, telur að viðhorf til nik-
ótínlyfja kunni að breytast ef sala
þeirra verður leyfð utan apóteka.
Hvatinn til að nota þau sem raun-
veruleg lyf til að hætta að reykja
hverfi og fólk neyti þeirra í stað
tóbaks. „Annað viðhorf verður til
lyfjanna ef þau eru til sölu úti í
matvörubúð en ef maður þarf að
fara í apótek að kaupa þau,“ sagði
Þuríður í umræðum um frumvarp
heilbrigðisráðherra um breytingu
á lyfjalögum á Alþingi. Með frum-
varpinu er bann við póstverslun
með lyf fellt á brott og sala nikót-
ín- og flúorlyfja utan lyfjabúða
heimiluð.
Guðlaugur Þór Þórðarson heil-
brigðisráðherra sagði mörgum
finnast órökrétt að gott aðgengi
væri að tóbaki en ákveði einstak-
lingur að hætta að reykja þurfi
hann að fara í sérstakar verslanir
til að nálgast hjálpartæki til að
vinna á fíkninni.
Þuríður vill að skoðað verði
hvernig notkun nikótínlyfja hefur
þróast í þeim löndum sem leyft
hafa sölu annars staðar en í lyfja-
búðum. Undir það sjónarmið tekur
Viðar Jensson, verkefnisstjóri í
tóbaksvörnum hjá Lýðheilsustöð.
„Það þarf að skoða neysluna hjá
þeim þjóðum sem hafa aukið
aðgengið,“ segir Viðar og nefnir
að Svíar og Bretar hafi farið þá
leið. Að auki séu lyfin niðurgreidd
í Bretlandi, að því gefnu að fólk
neyti þeirra í því skyni að hætta
að reykja og njóti við það aðstoðar
fagfólks. Noti fólk
nikótínlyf til að
hætta að reykja
mælir Lýðheilsu-
stöð með að fólk
neyti þeirra eigi
lengur en í 10-12
vikur.
Viðar segir
vitað að fólk geti
orðið háð neyslu
nikótínlyfja og
rennir þar með
stoðum undir
áhyggjur Þuríðar.
Hann óttast þó
ekki að auknu
aðgengi fylgi
aukin misnotkun.
„Ég vil ekki taka
svo djúpt í árinni.
Það er ekki slæmt
að auka aðgengið.
Hins vegar tek ég
undir með Þuríði
um að það þarf að
skoða neyslu nik-
ótínlyfja.“
Íslendingar nota
umtalsvert meira
af nikótínlyfjum
heldur en
ná grannaþjóðirn-
ar. Nýleg athugun
Viðars sýnir að
notkunin hér er
allt að fjórum sinnum meiri en á
hinum Norðurlöndunum.
Nikótínlyf seljast í íslenskum
apótekum fyrir yfir eina milljón
króna á dag. bjorn@frettabladid.is
Óttast mis-
notkun nik-
ótínlyfja
Þingmaður VG telur hugsanlegt að nikótínlyf verði
misnotuð ef sala þeirra verður leyfð í almennum
verslunum. Heilbrigðisráðherra segir eðlilegt að slík
lyf séu jafnaðgengileg og tóbak.
LYF AF ÝMSU TAGI Verði frumvarp heilbrigðisráðherra að lögum má selja nikótínlyf
annars staðar en í apótekum. FRÉTTABLAÐIÐ/PJETUR
ÞURÍÐUR
BACKMAN
GUÐLAUGUR ÞÓR
ÞÓRÐARSON
VIÐAR JENSSON