Fréttablaðið - 26.03.2008, Blaðsíða 23
[ ]
Að mörgu er að hyggja þegar búið er í gömlu
húsi. Með tíð og tíma þarf að endurnýja hluti
eins og pípulagnir og rafmagn. Svona hlutir
vaxa manni oft í augum og auðveldara virðist
að draga framkvæmdir af þessum toga en að
drífa þær af.
Að skipta um raflagnir í gömlum húsum þarf ekki að
vera stórmál. Það fer aðallega eftir stærð hússins
hversu stór framkvæmdin verður, en allt í allt ætti
hún ekki að þurfa að taka meira en einn til tvo daga.
Það sem þarf að gera er að endurnýja rafmagns-
lagnir og svo er rafmagn dregið í öll rör. Á sama
tíma er yfirleitt skipt um alla rofa og tengla. Ekki
þarf að brjóta upp veggi, nema fólk vilji bæta við
rafmagnslögnum, þá er fræst inn í veggina og svo
múrað. Ef fólk býr í fjölbýli þá er ekki nauðsynlegt
að skipta um rafmagnslagnir í öllu húsinu, nóg er að
taka hverja íbúð fyrir sig.
Jóhann Kröyer, rafvirki hjá Rafvirkjum Reykja-
víkur, bendir á að ef rofar og tenglar eru brotnir eða
orðnir lélegir þá sé kominn tími á endurnýjun.
Gamlar og illa farnar rafmangstöflur geta verið
hættulegar, ekki síst ef þær eru úr postulíni með
postulínrörum á trébretti eða töflurnar séu inni í
skáp þar sem mikil eldhætta getur myndast.
„Aðalmálið í eldra húsnæði er að enginn lekaliði sé
til staðar en það er aðalrafmagnsvörnin okkar í
dag,“ segir Jóhann.
Í gömlum húsum getur verið eitthvað um ójarð-
bundna tengla en best er að hafa þá jarðbundna.
Lekaliði kemur til dæmis ekki að tilætluðum notum
nema raflögnin sé jarðtengd.
Margar eldri rafmagnsleiðslur eru einangraðar
með tjöru, en slík einangrun á það til að morkna og
detta utan af vírunum. Þegar einangrunin fer getur
skapast ákveðin brunahætta og rafmagninu getur
farið að slá út.
„Kostnaður aðgerðarinnar fer eftir stærð íbúðar
og væntingum fólks,“ segir Jóhann. Vírinn sem
dreginn er inn í veggina er ekki mjög dýr. Kostnað-
urinn liggur aðallega í sjálfri vinnunni og í þeim
rofum og tenglum sem fólk vill fá. Jóhann segir að
hægt sé að fá rofa og tengla úr gleri eða eftir
sérstakri hönnun og allt niður í hina hefðbundnu
plastrofa og tengla. Þó er enginn endingarmunur á
því dýrasta og því ódýrasta, það er aðeins spurning
um útlitið. klara@frettabladid.is
Raflagnir endurnýjaðar
Blóm eru falleg á stofuborðið eða í eldhúsgluggann og gefa heim-
ilinu frískan blæ. Afskorin blóm í vasa henta þeim sem ekki hafa
græna fingur.
Jóhann vinnur
hjá Rafvirkjum
Reykjavíkur
Ineke Hans
hannaði hús-
gagnalínuna fyrir
ítalska fyrirtækið
Cappellini.
Lágur
skemill og
kollur úr
frauðplast-
línunni
Fracture
furniture.
Frauðplasthúsgögn
PLASTHÚSGÖGN UNNIN ÚR FRAUÐPLASTKÚLUM OG PÓLÝESTERGRISJU.
Hollenski vöruhönnuðurinn Ineke Hans hannaði húsgagnalínuna „Fracture
furniture“ fyrir ítalska fyrirtækið Cappellini. Húsgögnin eru úr frauðplastkúlum
sem vafið er utan um með pólýestergrisju. Pólýesterefnið er ný tækni og
minnir á gifsgrisjur sem vafið er um frauðkúlurnar eins og brotinn handlegg.
Þegar það harðnar verður það mjög sterkt á nokkrum mínútum. Grisjan gefur
hlutunum textílkennda áferð svo þau fara vel inni í stofunni og auðvelt er
að þrífa þau þar sem þau eru vatnsheld og gætu einnig
staðið sem útihúsgögn. Í garði er þó eins gott að sitja
sem fastast á þeim því þau eru mjög létt. Húsgögnin
fást í ýmsum litum frá Cappellini. - rat