Fréttablaðið - 27.03.2008, Blaðsíða 21
FIMMTUDAGUR 27. mars 2008 21
YFIRTÖKUTILBOÐ TIL
HLUTHAFA Í SKIPTUM
Þann 19. mars 2008 tilkynnti Exista hf.
(„Exista”) að það hefði ákveðið að gera
öðrum hluthöfum Skipta hf. („Skipti”) tilboð
í hluti þeirra í félaginu.
Tilboðið er valfrjálst yfirtökutilboð samkvæmt
101. gr. laga um verðbréfaviðskipti nr. 108/2007
(hér eftir nefnd „VVL”) og um það gilda X. og XI.
kafli laganna. Hljóðar yfirtökutilboðið upp á 6,64
krónur fyrir hvern hlut í Skiptum í samræmi við
þá skilmála og skilyrði sem fram koma í tilboðs-
yfirlitinu.
Exista á nú 43,68% hlutafjár í Skiptum í gegnum
dótturfélög sín, Exista B.V. (43,65%), Vátrygginga-
félag Íslands hf. (0,02%) og Líftryggingafélag
Íslands hf. (0,01%).
Tilboðshafar
Tilboðið nær til allra hluta í Skiptum sem ekki eru
þegar í eigu Exista og dótturfélaga þess eða teljast
til eigin hluta Skipta, sama dag og tilboðið er gert.
Tilboðið mun einnig ná til þeirra hluta sem Skipti
hafa skuldbundið sig til að gefa út í tengslum við
kaup á fyrirtækjum, sbr. XVIII. kafla tilboðsyfirlitsins.
Hluthafar sem skráðir eru í hlutaskrá Skipta við
lokun viðskipta miðvikudaginn 26. mars 2008
munu fá sent tilboðsyfirlitið, samþykkiseyðublað
og svarsendingarumslag.
Framangreind skjöl eru einnig aðgengileg hjá
fyrirtækjaráðgjöf Kaupþings banka hf., Borgar-
túni 19 í Reykjavík. Einnig er hægt að nálgast
tilboðsyfirlitið á heimasíðu Kaupþings banka hf.,
http://www.kaupthing.is, og í gegnum fréttakerfi
OMX Nordic Exchange Iceland hf. („OMX ICE”),
http://www.omxgroup.com.
Umsjónaraðili
Fyrirtækjaráðgjöf Kaupþings banka hf.
(„Kaupþing”) hefur umsjón með yfirtökutilboðinu
fyrir hönd Exista. Nánari upplýsingar veita
ráðgjafar bankans í síma 444 7000.
Tilboðsverð og greiðsla
Verð samkvæmt yfirtökutilboði þessu er 6,64
krónur fyrir hvern hlut í Skiptum, kvaða- og
veðbandalausan. Greitt verður fyrir hlutina með
hlutabréfum í Exista þar sem hver hlutur í Exista
er verðlagður á 10,1 krónu, sem var lokagengi
þeirra í kauphöll 18. mars 2008, daginn fyrir til-
kynningu um að yfirtökutilboð væri væntanlegt.
Skiptigengið er því 0,6574 hlutir í Exista fyrir
hvern hlut í Skiptum. Verði fjöldi hluta sem til-
boðshafi á rétt á að fá afhentan ekki heil tala
verður námundað upp í næstu heilu tölu fyrir
ofan.
Gildistími
Gildistími yfirtökutilboðsins er frá kl. 9 árdegis
þann 31. mars 2008 til kl. 4 síðdegis þann 26.
maí 2008. Samþykki við yfirtökutilboðinu verður
að hafa borist til Kaupþings eigi síðar en kl. 4
síðdegis þann 26. maí 2008. Hluthafar bera sjálfir
ábyrgð á að samþykkiseyðublaðið hafi borist til
Kaupþings. Exista áskilur sér einhliða rétt til að
ákveða hvort samþykkiseyðublöð sem berast
eftir að gildistími tilboðsins rennur út verði tekin
gild. Yfirtökutilboðið getur verið framlengt að því
marki sem heimilt er samkvæmt VVL.
Taka úr viðskiptum
Ef tilboðið nær fram að ganga munu Skipti ekki
lengur uppfyllas skilyrði um lágmarksdreifingu á
eignarhaldi. Mun Exista þá fara fram á það við
stjórn Skipta að hún óski eftir því að hlutabréf
Skipta verði tekin úr viðskiptum af aðalmarkaði
OMX ICE.
Exista býður hluthöfum Skipta að kaupa hluti þeirra í félaginu
Verðtryggðar skuldir heimilanna
drógust saman um ellefu milljarða
króna í febrúar. Þetta kemur fram
í tölum Seðlabankans. Greiningar-
deild Kaupþings segir tölur benda
til þess að heimili hafi að ein-
hverju leyti greitt upp lán sín.
Verðtryggðar skuldir heimilanna
nema nú 594 milljörðum króna.
Greiningardeildin segir að enn
sé áhugi á erlendum lánum, enda
séu vextir hér í hámarki. Ekki hafi
dregið úr yfirdráttarlánum, og svo
virðist sem þau hafi heldur verið
að aukast frá miðju síðasta ári.
Þau nema nú 72,5 milljörðum
króna og bera hæstu vexti. - ikh
Verðtryggðar
skuldir minnka
Englandsbanki hleypur á næst-
unni undir bagga með breskum
bönkum og fjármálafyrirtækjum.
Þetta mátti lesa úr orðum Merv-
yns King seðla-
bankastjóra á
fundi með fjár-
laganefnd breska
þingsins í gær.
Bankinn mun
ýmist lána fyrir-
tækjunum fé með
tryggingu í verð-
bréfum og skulda-
bréfum eða kaupa
þau af fyrirtækj-
unum. Þá séu meiri líkur nú en
áður að bankinn lækki stýrivexti.
Financial Times hefur eftir Merv-
yn King að á meðal eigna bank-
anna sem seðlabankinn taki veð í
séu skuldabréfavöndlar sem
tengjast bandarískum undirmáls-
lánum. Ekki verði þó tekið veð í
nýjum fasteignalánum. Þetta sé
skammtímalausn á meðan bankar
glími við lausafjárþurrð. - jab
Englandsbanki
til bjargar
MERVYN KING
Stoðir íslenska hagkerfisins eru
traustar og bankar þjóðarinnar
ólíklegri til að fara leið Northern
Rock, segir í leiðara Financial
Times í gær. Í blaðinu er að finna
ítarlega umfjöllun um íslenskt
efnahagslíf og banka á forsíðu,
inni í blaði og í leiðara.
Í viðtali við blaðið segir Richard
Portes, prófessor við London Bus-
iness School, ekkert í rekstri eða
aðstæðum íslenskra banka rétt-
læta skuldatryggingaálagið (CDS)
sem þeir búa við. „CDS-markaður-
inn er mjög brenglaður. Hann byrj-
aði sem trygging á skuldir, en varð
svo verkfæri fyrir spákaup-
mennsku,“ segir hann. Þá er vitnað
í álit matsfyrirtækisins Moody‘s
að stjórnvöld hér hafi aðgang að
nægu fé, jafnt erlendu sem krón-
um, til að eiga við stóráföll í banka-
kerfinu, þrátt fyrir miklar erlend-
ar skuldbindingar bankanna.
Í leiðara blaðsins er áréttað að
landið og Seðlabankinn standi
frammi fyrir nokkrum vanda við
að koma böndum á verðbólgu og
ná jafnvægi eftir uppgang í efna-
hagslífinu. „Það þýðir hins vegar
ekki að Ísland lendi í kreppu,“
segir þar og er bent á margvísleg-
an styrk þjóðarinnar, svo sem í
sjávarútvegi, ferðamennsku,
tækni, áliðnaði og á sviði jarðhita.
„Miður væri ef hræðslukast á
alþjóðlegum mörkuðum yrði til að
gera nauðsynlegt aðlögunarferli
til að ná tökum á verðbólgu erfið-
ara.“
„Mjög jákvætt er að sjá þarna
ákveðinn viðsnúning í umfjöllun
erlendra miðla, bæði í Financial
Times í gær og daginn áður á
CNBC,“ segir Finnur Oddsson,
framkvæmdastjóri Viðskiptaráðs
Íslands. „Þetta sýnir líka að sam-
hent vinna hagsmunaðila hér við
að koma á framfæri réttum upp-
lýsingum er að skila sér.“ - óká
Við nýjan tón kveður í erlendri umfjöllun
ÓÐAGOT Á MIÐLURUM Verðbréfamiðlarar í óðagoti eftir lækkanir í kauphöllinni í
New York. Í leiðara Financial Times er sagt að það yrði miður ef alþjóðlegt hræðslu-
ástand yrði til að trufla gang efnahagsmála hér á landi. FRÉTTABLAÐIÐ/AP
Vextir af íbúðalánum eru þegar
byrjaðir að hækka í kjölfar vaxta-
hækkunar Seðlabankans.
Vextir af svonefndum hattalán-
um, íbúðalán sem sparisjóðir og
Íbúðalánasjóður veita í samein-
ingu, hafa hækkað um 0,25 prósent.
Hækkunin varð um leið og Seðla-
bankinn tilkynnti um 1,25 prósenta
hækkun stýrivaxta í fyrradag.
Guðmundur Bjarnason, forstjóri
Íbúðalánasjóðs, segir að hækkunin
tengist ekki sjóðnum. Ólafur Har-
aldsson, framkvæmdastjóri hjá
SPRON, segir að hækkunin hafi
verið í undirbúningi um nokkurn
tíma. Þegar Seðlabankinn hækkaði
vexti hafi verið ákveðið að hún
tæki gildi.
Ólafur býst við hækkun á öðrum
vöxtum um mánaðamótin. „Við
munum hækka vexti, en vaxta-
hækkunin tekur ekki gildi fyrr en
um mánaðamótin.“ Hann segir
óvíst hversu mikið vextir verða
hækkaðir. Glitnir reiknar með
vaxtahækkun á næstu dögum. og
Kaupþing íhugar að hækka vexti.
- ikh
Vextir íbúða-
lána hækka
Liðlega helmingur fjárfesta féll
frá áskrift að hlutafé sem þeir
gengust inn á í hlutafjárútboði
Skipta fyrr í mánuðinum. Frestur
til að greiða fyrir hlutinn rann út
klukkan fjögur í gærdag.
Kaupþing banki sendi fyrr í
mánuðinum frá sér tilkynningu
um að ákveðið hefði verið að inn-
heimta ekki áskriftir og fella niður
þær áskriftir sem ekki hefðu verið
greiddar fyrir klukkan fjögur í
gærdag. Þá höfðu þrír fjárfestar
þegar tilkynnt að þeir hygðust ekki
greiða áskriftir sínar.
Endanlegur fjöldi ásamt upplýs-
ingum um eignarhlut Kaupþings í
Skiptum verður birtur fyrir opnun
markaða í dag. - óká
Fjöldi fjárfesta
hættir við Skipti