Fréttablaðið - 27.03.2008, Blaðsíða 46

Skautahöllin í Laugardal nýtur sífelldra
vinsælda á meðal höfuðborgarbúa en
ýmsum aðferðum er þar beitt til að halda
skautasvellinu sléttu, meðal annars með
notkun íshefils af gerðinni Olympia.
Við fyrstu sýn kunna ísheflar að virðast sára-
einföld tæki. Nánari athugun leiðir hið gagn-
stæða í ljós þar sem þeir eru búnir flóknum
búnaði, sem þjónar þeim tilgangi að skilja eftir
sig glansandi, sléttan ís, eins og blaðamaður
komst að raun um í samtali við Hilmar Björns-
son, framkvæmdastjóra Skautahallarinnar í
Laugardal.
„Það sem gerist þegar hefillinn fer yfir er að
beitt blað fer niður sem skefur yfirborð íssins,
en við aukum og minnkum þrýstinginn eftir
því hvað við viljum að hann skafi djúpt ofan
í skautaförin,“ segir Hilmar. „Annað blað er
fyrir aftan það blað sem skefur þetta lausa sem
hefur safnast á yfirborðið, en þar er snigill sem
tekur upp skafið og færir í kassa á heflinum
sem síðan er sturtað úr.“
Hefillinn leggur um leið nýtt lag af ís um
leið og hann skefur, að sögn Hilmars. „Síðan
eru tveir vatnstankar; annar með heitu vatni
en hinn með köldu sem er blandað saman
og dregið yfir ísinn í þunnu lagi með þvöru.
Blöndunin á heita og kalda vatninu verður til
þess að nýja íshimnan samlagast og festist vel
á yfirborði íssins sem fyrir er.“
Íshefillinn sem hefur þjónað Skautahöllinni
undanfarin ár er af gerðinni Olympia, sem
er kanadískt merki, og drifinn af própangasi.
„Það hlýst alltaf örlítil mengun af völdum ís-
hefilsins,“ segir Hilmar og bætir við að á móti
sé vel ræst út. „Þess má geta að hefillinn var
í upphafi keyptur hingað sem útihefill, vegna
þess að svellið var útisvell sem síðan var byggt
yfir.“
Hilmar segir að nýr hefill verði brátt keypt-
ur og þarf þá að ákveða hvort það verði raf-
magnshefill, própangashefill eða náttúrugas-
hefill. „Plúsinn við gasið er að það má hefla
endalaust. Það er hagstætt þegar byrjað er að
leggja ísinn eftir sumarið,“ útskýrir hann. „Þá
erum við að fara upp undir nokkur hundruð
ferðir yfir ísinn til að byggja hann upp á tveim
til þremur sólarhringum. Rafmagnshefil þarf
alltaf að hlaða á milli.“
Hilmar segir að þrír sentímetrar séu tilval-
in þykkt á svelli. Þykkara svell krefjist meiri
orkunotkunar. Í dag þurfi starfsmenn Skauta-
hallarinnar að mæla þykktina handvirkt, en
með nýjum hefli heyri það fyrirkomulag sög-
unni til. „Þá kemur viðbótarútbúnaður, það er
leysigeisli, sem stýrir hversu djúpt hefillinn
sker. Þá verður svellið í Laugardalnum alltaf
rennislétt,“ segir hann. - nrg
27. MARS 2008 FIMMTUDAGUR18 ● fréttablaðið ● vinnuvélar
Heitt og kalt gerir gott svell
Íshefillinn sem hefur þjónað Skautahöllinni í Laugardal undanfarin ár er af gerðinni Olympia, sem er kanadískt
merki, og er drifinn áfram af própangasi. FRÉTTABLAÐIÐ/ARNÞÓR
● NÝ ÞJÓFAVÖRN
Volvo Trucks hefur fjárfest í sér-
stökum þjófavarnarbúnaði fyrir
flutningabíla.
Árlega er varningi fyrir margar
milljónir króna stolið úr flutninga-
bílum í Evrópu og hefur fer
sú tala síhækkandi. Tap flutn-
ingafyrirtækjanna er mikið og
ræningjarnir ógna að auki öryggi
bílstjóranna.
Það er tæknifyrirtækið
Datachassi í Jönköping í Svíþjóð
sem hefur þróað og hannað
þjófavarnarkerfi sem Volvo Trucks
hefur ákveðið að setja í flutninga-
bíla sína. Hugmynd Datachassi
er að setja upp samtengda
hreyfiskynjara sem tengdir eru
móðurstöð á hliðar og gafla
bílanna og tengivagninn. Ef farið
er of nálægt bílunum senda
skynjararnir merki til ökumanns-
ins, til flutningafyrirtækisins og
öryggisfyrirtækis.
Hjá framkvæmdastjórn
Evrópusambandsins eru miklar
vonir bundnar við þennan búnað
enda um þrjár milljónir flutninga-
bíla á ferðinni um Evrópu. Fleiri
flutningabílaframleiðendur hafa
sýnt nýja
búnað-
inum
áhuga.
Smágröfur 1,4-4,8 tonn