Fréttablaðið - 27.03.2008, Blaðsíða 61

FIMMTUDAGUR 27. mars 2008
Ótti hefur lengi verið meðal þeirra
sem höndla með myndlist að
viðskipti um net hefði í för með
sér aukinn hlut falsaðra verka og
sú virðist raunin. Í vikunni var
tilkynnt á blaðamannafundi
lögreglunnar í
Chicago að
samstarf hennar
við ítalsku og
spænsku
lögregluna hefði
nýlega komið
upp um
víðtækar
falsanir á
verkum sem
sögð voru eftir
Picasso, Dali,
Calder og
Chagall.
Falsararnir
störfuðu á Spáni og Ítalíu og seldu
verk sín í Flórída og í Chicago. Er
söluverðmætið talið nema um 5
milljónum dala og verkin fölsuðu
vera yfir þúsund. Hefur rannsókn
málsins staðið frá 2006 og vöknuðu
grunsemdir eftir að kaupandi vakti
athygli á verki sem hann hafði
keypt sem var sagt eftir Picasso.
Falsanirnar voru gerðar með
ýmsu móti, bæði á striga og í
þrykkum af ýmsu tagi. Þeirra á
meðal voru líka verk kennd yngri
listamönnum á borð við Tapies,
hinn katalónska meistara, og
Warhol. Mest var framleitt af
fölsunum í nágrenni Barcelona þar
sem húsrannsókn á átta stöðum
leiddi í ljós þúsundir falsaðra
verka. Tveir Ítalir, einn Spánverji
og fjórir Bandaríkjamenn hafa nú
verið ákærðir og liggja fleiri undir
grun um að hafa tekið þátt í þessu
svindli, þeirra á meðal eigendur
gallería sem seldu verkin með
vitund um að þau væru stælingar.
pbb@frettabladid.is
Flett ofan
af fölsurum
MYNDLIST Picasso
var í mestum
metum hjá falsara-
hringnum.
hef
st á
mo
rgu
n