Fréttablaðið - 27.03.2008, Blaðsíða 62
38 27. mars 2008 FIMMTUDAGUR
bio@frettabladid.is
Athygli vakti fyrir skömmu þegar kvisaðist út að Clint
Eastwood væri að velta því fyrir sér að endurvekja
gömlu lögregluhetjuna og hörkutólið Harry Callahan,
betur þekktan sem Dirty-Harry. Clint hefur á undanförn-
um árum einbeitt sér að leikstjórn stórra dramatískra
mynda á borð við Flags of our Fathers enda elli kerling
farin að færa sig upp á skaftið nú þegar Clint nálgast áttrætt.
Vefsíðan Ain’t It Cool News greindi fyrst frá því að næsta
verkefni Clints, Gran Torino, væri nafnið á nýrri Harry-
mynd. Þar myndi Clint dusta rykið af gamla Magnum-
hólkinum og elta upp morðingja sem væri með blóð barna-
barns Callahans á höndunum. Eastwood hefur hins vegar enn
ekki staðfest að um sé að ræða Harry-mynd en það yrði þá í
fyrsta skipti síðan 2004 að hann stígur fram fyrir myndavél-
arnar.
Ef af yrði kæmi ákvörðun Eastwood þó ekkert á óvart.
Rosknu hetjurnar frá Hollywood hafa nefnilega verið í
heilögu stríði gegn æskudýrkun draumaverksmiðjunnar og
nægir þar að nefna Bruce Willis í Die Hard 4.0 og ekki síst
Harrison Ford í fjórðu Indiana Jones-myndinni.
Heilagt stríð gegn æskudýrkun hafið> ALBA Í BÍÓHÚSUM
Hryllingsmyndin The Eye
er meðal þeirra kvikmynda
sem frumsýndar eru um
helgina en þar fer Jessica
Alba með hlutverk blinds
fiðluleikara. Hún fær nýjar
augnhimnur en eigandi
þeirra virðist hafa séð sitt-
hvað misjafnt um ævina.
ÞRÍR GÓÐIR Þeir Harrison Ford, Bruce
Willis og Clint Eastwood sýna ungviðinu
hvernig gömlu hetjurnar gera þetta.
„Þetta er mikill fengur fyrir
okkur enda hefur myndin ekki
verið sýnd fyrir utan Brasilíu og
Berlín,“ segir Ísleifur B. Þór-
hallsson, framkvæmdastjóri
Græna ljóssins, en opnunarmynd
Bíódaga verður Tropa De Elite
sem fékk aðalverðlaunin á kvik-
myndahátíðinni í Berlín. Myndin
segir frá sjálfstæðri sérsveit lög-
reglunnar í Rio De Janeiro sem
beitir öllum hugsanlegum ráðum
í baráttunni við eiturlyfjabaróna
borgarinnar.
Að sögn Ísleifs er nú komið á
hreint hvaða myndir verða sýnd-
ar á Bíódögum. Meðal mynda
sem hafa bæst við má nefna Sand
and Sorrow eftir Paul Freeman
sem fjallar um þjóðarmorðin í
Darfur en George Clooney er
þulur í henni. Bíódagar verða í
Regnboganum og hefjast þeir 11.
apríl.
Sigurmynd Berlín-
ar á Bíódögum
FORVITNILEGT ÚRVAL Ísleifur B. Þórhalls-
son og félagar í Græna ljósinu bjóða
upp á kvikmyndaveislu á Bíódögum.
Meistari Micheal Mann er um
þessar mundir að kvikmynda
sögu glæpa-
mannsins Johns
Dillinger en elt-
ingarleikurinn
við hann og
aðra bófa
bannáranna
markaði
einmitt
upphafið að
FBI.
Samkvæmt
erlendum
vefsíðum notar
Mann meðal
annars gamlan Studebaker sem
Dillinger er sagður hafa beitt í
einum af sínum mestu ránum.
Myndin verður frumsýnd árið
2009 og skartar sjálfum Johnny
Depp í hlutverki Dillinger.
Depp sem
Dillinger
DILLINGER Johnny
Depp verður
Dillinger í kvikmynd
Michaels Mann.
Kvikmyndin Stóra planið
verður frumsýnd á föstu-
daginn en hún er að hluta
til byggð á bók Þorvalds
Þorsteinssonar, Við fót-
skör meistarans. Myndin
er jafnframt fyrsta leikna
kvikmynd Ólafs Jóhannes-
sonar sem lítur á myndina
sem útskriftarverkefni sitt
úr háskóla bíómyndanna.
Þó að Stóra planið sé frumraun
Ólafs í leiknum kvikmyndum hefur
leikstjórinn verið nokkuð áberandi
á kvikmyndasviði Íslands. Heimild-
armyndir hans; Blindsker, Africa
United og nú síðast Queen Raquela,
hlutu mikla athygli og lof gagnrýn-
enda og Ólafur hefur eiginlega
verið á ferð og flugi undanfarinn
áratug. Leikstjórinn viðurkennir
enda að honum finnist hann vera að
ná ákveðnum áfanga á sínum ferli.
„Ég hef verið í skotgröfunum síð-
astliðin tólf ár og gert nokkuð mikið
af heimildarmyndum. Með Stóra
planinu og Queen Raquela er
ákveðnum kafla í mínu lífi lokið og
mér finnst eins og ég geti loks
andað léttar og tekið því smá
rólega,“ segir Ólafur.
Stóra planið fjallar um Davíð,
hinn misheppnaða handrukkara,
sem hafður er að háði og spotti í
glæpagengi sínu. Þegar Davíð
kemst hins vegar í samband við
dularfullan leigusala og grunn-
skólakennara að nafni Haraldur
tekur líf hans stakkaskiptum og
flækist til muna. Ólafur kveðst
vera ótrúlega sáttur með þann leik-
hóp sem hann hafði yfir að ráða og
nefnir þar sérstaklega tvíeykið
Eggert Þorleifssoon og Pétur
Jóhann Sigfússon. „Þetta var mikill
happafengur að fá þá tvo og ég var
eiginlega bara heppinn að hafa
allar þessar góðu manneskjur í
kringum mig, leikhópurinn var eig-
inlega hálfgerð heppnisblanda,“
segir Ólafur.
En stóra stjarnan í Stóra planinu
er hins vegar bandaríski leikarinn
Michael Imperioli sem er hvað
þekktastur fyrir leik sinn í sjón-
varpsþáttunum Sopranos. Ólafur
upplýsir að þrátt fyrir að hann kom-
ist ekki til Íslands á frumsýninguna
þá hafi hann verið þeim stoð og
stytta í Bandaríkjunum. En Imperi-
oli er um þessar mundir að leika í
nýjustu kvikmynd Peter Jackson,
The Lovely Bones. „Hann hefur
hjálpað okkur ótrúlega mikið með
að koma Queen Raquela á framfæri
og er eiginlega orðinn vinur fjöl-
skyldunnar.“ Ólafur bætir því hins
vegar við að það stoði lítið að hafa
einhverja stórstjörnur í öllum hlut-
verkum ef myndin reynist síðan
vera óttalegt drasl. „Góðar myndir
kynna sig yfirleitt sjálfar, það er
þannig með þessa mynd rétt eins
og aðrar,“ segir Ólafur. - fgg
Imperioli í startholunum
fyrir Stóra planið
HAPPAFENGUR Leikstjórinn Ólafur Jóhannesson segist hafa dottið í lukkupottinn þegar hann fékk þá Eggert Þorleifsson, Pétur
Jóhann Sigfússon og Micheal Imperioli til að leika í Stóra planinu.
Bréf sem skapari James Bond, Ian
Flemming, skrifaði til ritara síns
þykja sanna að hann hafi haft sína
eigin Moneypenny sem var honum
innan handar við að berja bækur
hans saman. Bréfin verða boðin
upp hjá uppboðsskrifstofu hertog-
ans af Dorset hinn 10. apríl næst-
komandi.
Talið er að Flemming hafi látið
ritarann Jean Frampton skrifa upp
bækur sínar og beðið um að fara
vel yfir söguþráðinn og benda sér
á eitthvað sem mætti laga. „Ef þú
kemur auga á einhverja misbresti
í söguþræðinum væri frábært ef
þú létir mig vita af því,“ skrifar
Flemming til frú Frampton. „Allar
þær breytingar sem þú hefur gert
hafa reynst ákaflega vel,“ bætir
Flemming við í öðru bréfi.
Frampton var Flemming mjög
innan handar þegar kom að skrif-
um bókanna You Only Live Twice
og The Man with the Golden Gun
en hins vegar er talið að hún hafi
aldrei hitt rithöfundinn.
Hulunni svipt af Moneypenny
HAFÐI SÍNA EIGIN MONEYPENNY Ian
Flemming hafði sína eigin Moneypenny
í Jean Frampton. Bréfaskriftir þeirra
bera þessa merki að Frampton hafi haft
mikið að segja um söguþráð og önnur
smáatriði.
HÓFLEGA SPENNTUR Stóra planið er
fyrsta leikna kvikmynd Ólafs.
Frábær Fermingargjöf
Þessi sér um að vekja þarft að fara framúr til að slökkva á henni!
MAGNAÐASTA VEKJARAKLUKKA
ALLRA TÍMA
iRobot ehf.
Hólshraun 7, 220 Hfj. S. 555 2585
Irobot.is
Fæst Hjá
Max
Og hjá
Byggt og Búið
í Smáralind og Kringlu.