Fréttablaðið - 27.03.2008, Blaðsíða 66

42 27. mars 2008 FIMMTUDAGUR
folk@frettabladid.is
> NAKIN AMY
Amy Winehouse mun
sitja fyrir nakin, með gítar
í fanginu, í auglýsingu sem
ætlað er að vekja athygli á
brjóstakrabbameini. Mynd-
in mun birtast í breska tímarit-
inu Easy Living, en þar munu
söngkonan Sade og leikkonan
Helena Bonham Carter einnig
birtast á evuklæðum málefn-
inu til stuðnings.
Búlgarar eru í miklu stuði í ár
enda komst þjóðin á Eurovision-
bragðið í fyrra þegar búlgarska
lagið lenti í fimmta sæti. Það var
í þriðja skipti sem Búlgaría var
með í keppninni, í hin tvö komst
þjóðin ekki upp úr undanriðli. Nú
á að fara alla leið og því er einni
vinsælustu hljómsveit Búlgara
tjaldað til, Deep Zone Project. Sú
hljómsveit fæst við rafræna
danstónlist og hefur notið vin-
sælda á Balkanskaganum og
nágrenni síðan hún var stofnuð
af tveim náungum árið 2000.
Lagið er „DJ, Take Me Away“,
hressandi Júrópopp sem brotið
er upp annað slagið af reggíinn-
skoti sem pabbi eins í bandinu
spilar á gítar í. Söngkonan Yoanna
syngur svo yfir allt saman.
Hljómsveitin er nú í strangri
kynningarherferð og ætlar að
bjóða upp á nýmóðins sýningu í
Belgrad. Hátæknileg leysiharpa
verður dregin á svið, menn munu
rispa plötur í eldglæringum,
verðlaunaðir breikdansarar ætla
að sýna listir sínar og söngkonan
verður kviknakin en máluð um
allan líkamann svo ekkert dóna-
legt sést.
„Okkar markmið er að áhorf-
endur kjósi frumlegasta lagið
sem er holdtekja nútímalegrar
og frjálsrar Evrópu,“ segja Búlg-
ararnir kokhraustir.
Búlgarar með leysihörpu
NÚTÍMALEGIR OG FRJÁLSIR Búlgarska
hljómsveitin Deep Zone Project.
Útlit er fyrir að Sir Ian McKellen muni
endurtaka hlutverk sitt sem galdra-
karlinn Gandálfur í tveimur kvik-
myndum byggðum á bókinni Hobbit-
inn. Bókin fjallar um atburði sem áttu
sér stað á undan Hringadróttinssögu.
Á heimasíðu sinni sagði McKellen að
hann myndi fara með hlutverkið ef
hann og framleiðandinn, Peter
Jackson, fengju einhverju um það
ráðið. Engir samningar hafa þó verið
undirritaðir þess efnis. „Peter og Fran
Walsh (framleiðandi) hafa sagt mér að
þær gætu ekki ímyndað sér Hobbitann
án hins upprunalega Gandálfs.
Leikstjórinn Guillermo del Toro hefur
ekki gefið þeim staðfestingu á þessu
en ég ætla að halda dagbókinni minni
opinni fyrir árið 2009,“ sagði
McKellen.
Á síðasta ári sagðist leikarinn vera
tilbúinn að leika Gandálf á nýjan leik
en óvíst væri hvort af framleiðslu
Hobbitans yrði. Ástæðan var deilur
Peters Jackson, sem leikstýrði Lord of
the Rings-myndunum, og fyrirtækisins
New Line Cinema. Síðan þá hefur
Jackson verið ráðinn framleiðandi
myndanna og hinn mexíkóski Guiller-
mo del Toro leikstjóri.
Tökur á myndunum hefjast samtímis
á næsta ári. Er sú fyrri væntanleg í
kvikmyndahús árið 2010 en hin síðari
ári seinna.
Aftur í hlutverki Gandálfs
GANDÁLFUR Sir Ian McKellen í hlutverki
Gandálfs í Hringadróttinssögu.
Rapparinn Poetrix gaf nýlega út
plötuna „Fyrir lengra komna“ og
hefur hún fengið mjög góða dóma,
fjórar stjörnur eða meira í öllum
fjölmiðlum sem hafa dæmt hana.
Nú er komið að útgáfutónleikun-
um, þeir fara fram á Nasa í kvöld
og hefjast klukkan 21. Húsið verð-
ur opnað klukkutíma fyrr.
Með Poetrix koma fram þau
Bubbi Morthens, Diva de la Rósa,
Sampling og Ragúel, Dabbi T,
Einar Ágúst og Guðbjörg Elísa.
Miðaverð á tónleikana er 900 krón-
ur eða 1.800 krónur með diski. Þá
hefur rapparinn gert myndband
við lag sitt „Draumar“ og er það á
leiðinni í spilun.
Poetrix fagnar
SPILAR Á NASA Í KVÖLD Poetrix hefur
fengið góða dóma fyrir frumraun sína.
Karlmaður á fertugsaldri hefur verið dæmdur
í nálgunarbann gagnvart sjónvarpskonunni og
fyrirsætunni Tyru Banks. Hlýði hann ekki
banninu verður honum stungið í fangelsi.
Maðurinn hefur elt Banks út um gjörvöll
Bandaríkin síðan í janúar, sent henni bréf og
blóm og reynt að hringja í hana. Í síðustu viku
fékk Banks loks nálgunarbann á manninn sem
kveður á um að hann eigi að láta hana algjör-
lega í friði.
Maðurinn var handtekinn 18. mars síðastlið-
inn í byggingu þar sem spjallþátturinn The
Tyra Banks Show er tekinn upp eftir að hann
óskaði eftir því að tala við Banks. Áður hafði
hann margsinnis reynt að ná sambandi við
hana. Banks, sem stjórnar einnig þættinum
America´s Next Top Model, taldi á endanum
nóg komið þar sem hún var farin að óttast um
öryggi sitt.
Með Tyru á heilanum
TYRA BANKS Karlmaður á
fertugsaldri hefur setið um
sjónvarpskonuna og fyrirsæt-
una Tyru Banks.
58 DAGAR TIL STEFNU
Ljósmyndarinn Spessi
opnar sýningu í 100°gall-
eríi í húsi Orkuveitunnar á
laugardag. Þar gefur að líta
misjafnlega auða matar-
diska, sem Spessi myndaði í
mötuneyti Orkuveitunnar í
einu og sama hádegi.
„Þetta er rosalega flott eldhús
hjá þeim, og alveg besta mötu-
neyti norðan Alpafjalla,“ segir
Spessi, sem snæddi þar sjálfur
fyrir nokkru. „Þegar fólk er búið
að borða setur það bakkann á
færiband sem hverfur inn í gat
og skilar sér þannig inn í eldhús.
Ég fékk þá þessa hugmynd, að
það gæti verið gaman að taka
myndir af öllum matarbökkunum
sem koma inn í eldhúsið,“ útskýr-
ir hann.
Afraksturinn er sýningin
Kjúklingalund „fajitas“ að hætti
Google-manna, mexíkósk maís-
súpa og súkkulaðiís, sem heitir
eftir máltíðinni sem á borð var
borin daginn sem Spessi mætti á
svæðið vopnaður myndavél. „Ég
var búinn að fá matseðil alveg
mánuð fram í tímann hjá kokkin-
um, en valdi þennan dag eigin-
lega út frá titlinum,“ segir Spessi
og hlær við. Hann myndaði 185
matarbakka á einum og hálfum
tíma, en tuttugu þeirra verða til
sýnis í Galleríi 100°. Allar mynd-
irnar birtast hins vegar í bókinni,
sem Spessi vílar ekki fyrir sér að
nefna matreiðslubók. „Kokkur-
inn lét mig fá uppskriftina, sem
birtist í bókinni í réttri stærð,
sem sagt fyrir fjögur hundruð
manns. Það eru til dæmis áttatíu
kíló af úrbeinuðum kjúklingalær-
um og svona, svo fólk þarf
kannski að deila svolítið til ef það
ætlar að elda þetta sjálft,“ segir
hann kíminn. „Þetta er 120 blað-
síðna matreiðslubók um einn rétt,
með 185 myndum af þeim rétti,“
bætir hann við. Í bókina skrifa
bæði Sjón og Jón Proppé svo hug-
leiðingar um verkin og sýning-
una.
„Það er svolítið margt í þessu.
Að vissu leyti eru þetta verk eftir
starfsmennina, því ég gerði nátt-
úrlega ekkert nema taka við
disknum og mynda hann. En þetta
er eiginlega karakterstúdía og
portrett í leiðinni, bæði út frá því
hvernig fólk skilur diskana eftir
sig og hvað það borðar af réttin-
um, til dæmis,“ segir Spessi.
Sýningin verður opnuð í Gallerí
100° á laugardag.
sunna@frettabladid.is
Spessi sýnir kjúklingalund
MATARPORTRETT
Spessi segir mynd-
irnar af matardiskum
starfsmanna Orkuveit-
unnar varpa heilmiklu
ljósi á karakterana,
og gegna þar með
hlutverki portrettsins
líka.
Spessi myndaði 185 matardiska í mötuneyti Orkuveitunnar, eftir að starfs-
menn höfðu gætt sér á kjúklingalund „fajitas“. Tuttugu myndanna rata á
samnefnda sýningu, en þær birtast hins vegar allar í bók sem Orkuveitan
gefur út samhliða sýningunni í Gallerí 100°.
KJÚKLINGALUNDIR Í MÖRGUM MYNDUM