Fréttablaðið - 29.03.2008, Blaðsíða 25
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Máltækið segir að smiðir eigi jafnan verstu
spænina sjálfir en Valur Helgason bifreiðasmið-
ur afsannar það. Hann á nýuppgerðan Saab
9000 CS túrbó af einstakri viðhafnarútgáfu.
„Þessi bíll er einn af fáum sem framleiddir voru af
sérstakri hátíðalínu árið 1997 rétt áður en Saab sam-
einaðist General Motors,“ segir Valur og sýnir silfur-
gráan og gljáandi Saab 9000 CS sem á engan sinn líka
á landinu svo vitað sé. Ýmislegt er íburðarmeira en í
almennu bílunum, má þar nefna sæti og teppi, síl-
sakitt og felgur. Allt er upprunalegt að sögn Vals og
gert í tilefni þess að 1997 var síðasta árið sem Saab
framleiddi undir sínu eigin sjálfstæða merki.
Valur bjó og starfaði hjá Saab í Svíþjóð í nokkur ár
og heillaðist af þeim verkfærum sem þar voru fram-
leidd. „Síðan hef ég gengið með Saab-bakteríuna,“
segir hann brosandi. „Sérstaklega dýrka ég Saab-
bílana eins og þeir voru áður en þeir runnu saman við
Ópelinn. Nú eru þeir byggðir á botnplötu Ópel Astra
og allar innréttingar orðnar eins og í Ópel,“ segir
hann og er greinilega ekki hrifinn af þróuninni. En
fékk hann Saabinn sinn í Svíþjóð?
„Nei, ég rek réttingaverkstæði og bíllinn hafði lent
í veltu. Þannig keypti ég hann fyrir þremur árum og
hef svo verið að dunda mér við að koma honum í upp-
runalegt stand. Ég fór til Svíþjóðar í sumar og útveg-
aði það sem á vantaði því engin leið var að kaupa það
hér. Bíllinn er keyrður 160 þúsund og það var bara
einn eigandi að honum á undan mér, fyrir utan trygg-
ingafélagið sem átti hann í nokkrar vikur. Fyrri eig-
andi flutti hann inn beint, ég er með alla pappíra um
það.“
Valur segir Saabinn kraftmikinn, „Hann er með
lágþrýstitúrbínu sem kemur inn á 2000 snúningum.
Vélin er um 150-160 hestöfl,“ segir hann. „Þetta er
bara eins og að vera á þotu.“ gun@frettabladid.is
Eins og að vera á þotu
Valur er nýbúinn að setja Saabinn á götuna eftir þriggja ára nostur við að koma honum í upprunalegan búning.
FRÉTTABLAÐIÐ/PJETUR
ÚT Í HEIM
Góð ferðataska er nánast
ómissandi í langferðalagið
og því skipulegar sem
pakkað er niður, þeim mun
meira kemst í hana.
FERÐIR 3
GLINGUR Á FINGUR
Hringar skreyttir perlum
eða demöntum eru
klassískir skartgripir
og hafa um aldir vak-
ið athygli og aðdáun.
TÍSKA 4