Fréttablaðið - 29.03.2008, Blaðsíða 38
● heimili&hönnun
Vörur Óðins Bolla Björgvinssonar
hafa vakið athygli og hefur klaka-
form, sem mótar ísmola í laginu
eins og Ísland, notið vinsælda og
selst í yfir fimm þúsund eintökum
í Epal og Kokku. Hann segir að við-
tökurnar hafi hvatt hann til frekari
dáða, meðal annars hönnun stólsins
Lautar.
„Hugmyndin að stólnum á sér
djúpar rætur. Ég er alinn upp úti
í náttúrunni en foreldrar mínir eru
og voru hippar. Ég man eftir mér
kúrandi í lautum eða á milli þúfna
á meðan þau voru að veiða. Það er
fátt betra en að liggja þar innvafinn
í teppi og hlusta á fuglasöng. Mig
langaði að reyna að fanga þá tilfinn-
ingu og koma henni heim í stofu,“
segir Óðinn, sem sækir hugmyndir
og efnivið í náttúruna en bætir við
að ekkert komi þó í stað hennar.
Óðinn rekur síðan ferlið við gerð
stólsins: „Ég mótaði stólinn fyrst í
snjó, mældi hann nákvæmlega upp
og framkallaði í þrívíddar forriti. Ég
lét síðan vatnsskera þríarma lífræn
form úr álplötu sem ég strengdi í
mót. Svo lét ég áttatíu kílóa gúmmí-
bobbing fylltan með steypu falla úr
talsverðri hæð í mótið til að búa til
lautina.“ Hver stóll er sérsmíðaður
og segir Óðinn enga tvo nákvæm-
lega eins þó að skekkjan sé ekki
mikil.
Hægt er að fá gæru með leðri í
stólinn en þó er allt eins hægt að
kasta teppi, sæng eða kodda í hann
eins og þegar lagst er í laut. Stóll-
inn sómir sér vel sem mubla eða
stofustáss. Hægt er að fá hann
sprautaðan í hvaða lit sem er. „Ég
er til dæmis að fara að gera græn-
an fyrir Hönnunarsafn Íslands sem
á vel við,“ nefnir Óðinn. - ve
Heima í grænni lautu
● Óðinn Bolli Björgvinsson, vöruhönnuður hjá Format-lausnum, sækir innblástur í náttúruna.
Óðinn lætur fara vel um sig í svartri Laut sem fæst í versluninni Kraum í Aðalstræti.
FRÉTTABLAÐIÐ/GVA
Óðinn hafði fyrir hönd Format lausna yfirumsjón með hönnun barsins á Apótekinu,
ásamt Pétri Arnarsyni eiganda Format. Barinn er með leðurklædda borðplötu, innri
lýsingu og í heildina yfir átján metra langur. Format, sem býður upp á framsetningar-
ráðgjöf, hönnun og smíði á vörum og innréttingum, annaðist smíðina.
WWW.GAP.IS
4
ALVÖ
RU FJ
ALLA
HJÓL
Ný s
end
ing
af
flot
tum
kra
kka
- og
bar
nah
jólu
m
29. MARS 2008 LAUGARDAGUR8