Fréttablaðið - 31.03.2008, Blaðsíða 48

24 31. mars 2008 MÁNUDAGUR
sport@frettabla-
Hjálmar Jónsson man tímana tvenna hjá sænsku meisturunum í IFK
Gautaborg og er að fara að spila sína sjöundu leiktíð með félaginu.
„IFK Gautaborg er náttúrulega fornfrægt félag sem hefur unnið
marga titla í gegnum tíðina og stefnan er í raun alltaf sett á toppinn
en félagið var hins vegar nálægt því fallið á mínu fyrsta ári í Svíþjóð.
Síðan þá hef ég tekið þátt í ýmsu með félaginu og af þeim leik-
mönnum sem eru í dag þá er ég búinn að vera samfellt lengst hjá
liðinu og það er bara gaman að því,“ sagði Hjálmar og
kvaðst vera afar ánægður hjá félaginu.
„Menn breyta misjafnlega mikið til
í fótboltanum en
ég hef persónulega
bara aldrei fundið fyrir það
sterkri löngun til að breyta til á
meðan ég hef verið hjá IFK Gautaborg.
Það var kannski helst í fyrra að ég var eitthvað
að líta í kringum mig en það var ekki alvarlegt og
ég endaði á að skrifa undir nýjan samning út tímabil-
ið 2009. Ég fann það líka á mér að það væri eitthvað
spennandi að fara að gerast hjá félaginu og það varð raunin.“
Hjálmar segist spenntur fyrir komandi tímabil og ekki síst í ljósi
frekari innreiðar íslenskra leikmanna í Allsvenskan-deildina en
þrettán íslenskir leikmenn og einn þjálfari verða þar í eldlínunni.
„Það er alveg magnað að allir þessir íslensku leikmenn verði í
deildinni í ár og gerir það einfaldlega að verkum að maður fer
sjálfur að fylgjast meira með hvernig þessum leikmönnum
á eftir að ganga. Þetta sýnir líka að sænsku liðin eru ánægð
með þá íslensku leikmenn sem hafa verið í Svíþjóð og það
er jákvætt.“
Hjálmar örvæntir ekki þó svo að hann hafi ekki verið
valinn í landsliðshópinn gegn Slóvakíu á dögunum.
„Mér líst bara vel á það sem Óli er að gera og hann
er með margar fínar hugmyndir og er að koma
þeim ágætlega frá sér eins og úrslitin upp á
síðkastið undirstrika. Ég fer ekkert í fýlu yfir
því að hafa ekki verið valinn og verð bara
að sýna mig og sanna á vellinum með IFK
Gautaborg,“ sagði Hjálmar að lokum.
HJÁLMAR JÓNSSON: LÍKAR LÍFIÐ Í GAUTABORG OG FAGNAR FREKARI INNREIÐ ÍSLENDINGA Í SVÍÞJÓÐ
Magnað hversu margir Íslendingar eru í Allsvenskan
> Jón Arnór með flottan leik
Jón Arnór Stefánsson var með 11 stig, 6 fráköst, 2
stoðsendingar og 2 stolna bolta á 26 mínútum
í mikilvægum 69-80 útisigri Lottomatica
Roma á Upim Bologna. Jón Arnór skoraði
stóra körfu og setti niður víti að auki á
lykiltímapunkti í lok leiksins.
Lottomatica Roma er áfram í
öðru sætinu en næsti leikur
er gegn toppliði deildarinnar
Montepaschi Siena sem hefur
aðeins tapað tveimur leikjum
í vetur.
Iceland Express kvenna
Keflavík-KR 82-81 (44-38)
Stig Keflavíkur: Kesha Watson 21 (12 stoðs., 9
frák.), Birna Valgarðsdóttir 19 (hitti úr 5 af 8 3ja,
26 mín.), Ingibjörg Elva Vilbergsdóttir 15 (hitti
úr 6 af 9 skotum), Pálína Gunnlaugsdóttir 10,
Rannveig Randversdóttir 8 (5 frák., 19 mín.),
Margrét Kara Sturludóttir 4 (11 frák.), Halldóra
Andrésdóttir 3, Susanne Biemer 2 (9 frák.).
Stig KR: Candace Futrell 29 (10 frák., 7 stoðs.),
Hildur Sigurðardóttir 26 (9 stoðs., 5 frák.),
Guðrún Gróa Þorsteinsdóttir 13 (7 frák., 4
stolnir), Sigrún Ámundadóttir 9 (8 frák., 5 stoðs.,
4 stolnir), Helga Einarsdóttir 2 (1 skot, 17 frák.),
Guðrún Ósk Ámundadóttir 2.
N1-deild karla í handbolta
Haukar – Valur 27-23 (11-14)
Mörk Hauka: Elías Már Halldórsson 5 (5), Freyr
Brynjarsson 5 (6), Gunnar Berg Viktorsson 5
(9), Kári Kristján Kristjánsson 5 (9) Sigurbergur
Sveinsson 5/2 (13/3), Andri Stefan 2 (4), Jón Karl
Björnsson (2), Gísli Jón Þórisson (2)
Varin skot: Magnús Sigmundsson 11/1 (31/2
35,5%), Gísli Guðmundsson 7/2 (/102 70%)
Hraðaupphlaup: 4 (Freyr 2, Elías 2)
Fiskuð víti: 3 (Kári, Freyr, Sigurbergur)
Utan vallar: 8 mínútur
Mörk Vals: Sigfús Páll Sigfússon 5 (8), Elvar Frið-
riksson 5/1 (11/2), Arnór Gunnarsson 5 (12/2),
Kristján Þór Karlsson 4 (5), Hjalti Þór Pálmason
2 (6), Fannar Þór Friðgeirsson 1 (3/1), Baldvin
Þorsteinsson 1 (4), Anton Rúnarsson (1), Ingvar
Árnason (1)
Varin skot: Pálmar Pétursson 13 (36/2 36,1%),
Ólafur Haukur Gíslason 1 (5 20%)
Hraðaupphlaup: 5 (Kristján 2, Baldvin, Sigfús,
Arnór). Fiskuð víti: 5 (Baldvin, Sigfús, Fannar,
Elvar, Orri) Utan vallar: 12 mínútur
Akureyri-Afturelding 25-22
Mörk Akureyrar: Jónatan Magnússon 10/6
(14/1), Einar Logi Friðjónsson 5 (7), Andri Snær
Stefánsson 3 (5), Hörður Fannar Sigþórsson 3
(6), Sveinbjörn Pétursson 1 (1), Oddur Grétars-
son 1 (3), Goran Gusic 1 (4), Magnús Stefánsson
1 (6), Nikolaj Jankovic 0 (1), Björn Óli Guð-
mundsson 0 (2), Ásbjörn Friðriksson 0 (5/1).
Varin skot: Sveinbjörn Pétursson 20/1 (42) 48%.
Hraðaupphlaup: 2 (Andri Snær)
Fiskuð víti: 8 (Hörður 5, Goran, Magnús, Jóna-
tan) Utan vallar: 10 mínútur
Rautt spjald. Nikola Jankovic (29. min, fyrir brot)
Mörk Aftureldingar: Daníel Jónsson 8/1 (13),
Magnús Einarsson 3 (8), Magnús Einarsson
3 (8), Einar Örn Guðmundsson 2 (4), Hilmar
Stefánsson 2/1 (5/1), Ásgeir Jónsson 2 (5), Attila
Valaczkai 1 (2), Jón Andri Helgason 1 (5), Ingimar
Jónsson 0 (1), Davíð Svansson 0 (1), Jóhann
Jóhannsson 0 (2).
Varin skot: Davíð Svansson 19 (33) 58%, Oliver
Kiss 2 (9) 22%.
Hraðaupphlaup: 1 (Haukur)
Fiskuð víti: 3 (Daníel 2, Hilmar)
Utan vallar: 6 mínútur
Æfingamót kvennalandsliða
í handbolta í Portúgal
Ísland-Tyrkland 22-29 (10-14)
Mörk Íslands: Stella Sigurðardóttir 5, Ásta
Birna Gunnarsdóttir 5, Auður Jónsdóttir 4, Rut
Jónsdóttir 3, Dagný Skúladóttir 2, Sólveig Lára
Kjærnested 2 og Arna Sif Pálsdóttir 1.
Í markinu varði Berglind Íris Hansdóttir 12 bolta
og Íris Björk Símonardóttir 4. Ísland endaði í 6.
og síðasta sæti á mótinu.
Norska úrvalsdeildin
Bodø/Glimt-HamKam 2-0
Lilleström-Tromsö 1-1
Molde-Stabæk 0-0
Veigar Páll Gunnarsson lék allan leikinn með
Stabæk.
Viking-Strømsgodset 1-0
Brann-Fredrikstad 4-2
Kristján Örn Sigurðsson og Ólafur Örn Bjarna-
son léku allan leikinn með Brann og Ólafur lagði
upp þriðja mark liðsins. Gylfi Einarsson kom
inn á sem varamaður á 70. mínútu. Garðar
Jóhannsson lék allan leikinn með Fredrikstad og
jafnaði leikinn í 2-2. Thorstein Helstad skoraði
tvö síðustu mörk Brann og var með þrennu fyrir
meistarana.
ÚRSLITIN Í GÆR
HANDBOLTI Haukar fóru langt með
að tryggja sér Íslandsmeistaratit-
ilinn í handbolta í gær þegar liðið
lagði Val, 27-23, í N1-deild karla.
Haukar náðu þar með 8 stiga for-
skoti á Fram auk þess að hafa
betur í innbyrðis viðureignum
þegar 12 stig eru í pottinum.
Valur var betra í fyrri hálfleik
og hafði þriggja marka forystu
þegar flautað var til leikhlés, 11-
14. Það tók Hauka þrjár mínútur
að komast yfir og bæta fyrir
afleitan fyrri hálfleik og þegar
sex mínútur voru liðnar af síðari
hálfleik höfðu Haukar náð þriggja
marka forystu, 17-14.
Valsmenn náðu að minnka mun-
inn í eitt mark, 20-19, og 22-21, en
Valsmenn virtust aldrei líklegir
til að jafna leikinn og Haukar
unnu að lokum fjögurra marka
sigur, 27-23, og náðu níu stiga for-
skoti á Val sem nær ekki að verja
titil sinn þetta árið.
Aron Kristjánsson, þjálfari
Hauka, er svo gott sem búinn að
stýra Haukum til Íslandsmeist-
aratitilsins á sínu fyrsta ári með
liðið. „Þetta er virkilega gott. Við
fórum langt með þetta í dag.
Hefðum við tapað hefði það opnað
toppbaráttuna aftur. Við sýndum
geysilegan styrk í seinni hálfleik.
Við spiluðum mjög vel bæði varn-
ar- og sóknarlega og þá var allt
annað að sjá liðið.”
„Í fyrri hálfleik spiluðum við
ekki saman sem lið og klúðruðum
fullt af dauðafærum, létum reka
okkur útaf og svo framvegis. Í
síðari hálfleik vorum við sam-
mála um að við ætluðum að ein-
beita okkur að leiknum. Einbeita
okkur að því að spila sem lið og
spila þessi leikkerfi sem við lögð-
um upp með og nýta okkur veik-
leikana í þeirra varnarleik. Varn-
arlega snerist þetta um vinnusemi
og vilja. Ég reyndi að berja það
inn í menn í hálfleik að við vildum
þetta meira en þeir.”
Það vantaði mikilvæga leik-
menn í lið Vals, Sigurð Eggerts-
son og Erni Arnarson þar á meðal.
Aron sagði sitt lið ekki hafa van-
metið Val þrátt fyrir það.
„Við unnum ekki nógu vel
saman í fyrri hálfleik. Það vant-
aði smá neista. Það vantar stóra
pósta í þeirra lið en við erum að
berjast við það sama. Það vantar
menn og aðrir spila meiddir. Við
vorum sex á síðustu æfingu fyrir
páska. Við berjumst við þetta eins
og önnur lið,“ sagði Aron. - gmi
Íslandsmeistaratitillinn svo gott sem í höfn hjá Haukum sem eru komnir með átta stiga forskot:
Valsmenn héldu í við Hauka í 30 mínútur
Í FRÁBÆRUM MÁLUM Kári Kristjánsson og félagar í Haukum er komnir með aðra
hönd á Íslandsbikarinn. FRÉTTABLAÐIÐ/STEFÁN
HANDBOLTI Akureyri vann þriggja
marka sigur á Aftureldingu
norðan heiða í gær. Heimamenn
komust í 12-4 eftir tuttugu
mínútur en skoruðu svo aðeins
eitt mark næstu 22 mínúturnar,
það gerði Sveinbjörn Pétursson
markmaður. Afturelding minnk-
aði muninn í eitt mark en komst
ekki lengra og Akureyri vann 25-
22 í bragðdaufum leik.
„Við vorum ánægðir með
byrjunina en síðan fá þeir mann í
sóknina sem kveikti í þeim og við
urðum bara hræddir. Mark-
maðurinn þeirra fór síðan að
verja en við eigum að geta sett
boltann auðveldlega framhjá
honum,“ sagði Sveinbjörn sem
varði vel líkt og kollegi hans hjá
Mosfellingum, Davíð Svansson.
„Heilt yfir var spilamennskan
kannski ekkert sérstök en það er
batamerki að spila svona en samt
halda haus og vinna. Með svona
spilamennsku hefðum við
klárlega alltaf tapað fyrir áramót.
Við þurfum að bæta þá hluti sem
miður fóru hér og koma enn betri
inn í næstu leiki,“ bætti mark-
maðurinn við. - hþh
N-1 deild karla í gær:
Akureyri lagði
Aftureldingu
TÍU MARKA MAÐUR Jónatan Þór Magn-
ússon lék vel með Akureyri í gær.
FRÉTTABLAÐIÐ/ARNÞÓR
KÖRFUBOLTI Keflavíkurkonur unnu
eins stigs sigur á KR, 82-81, og eru
komnar í 1-0 í lokaúrslitum um
Íslandsmeistaratitilinn í Iceland
Express-deild kvenna.
Það er ekki hægt að fá betri aug-
lýsingu fyrir kvennakörfuboltan
en þennan hraða og æsispennandi
leik þar sem úrslitin réðustu ekki
fyrr en á lokasekúndunni. Ef
marka má þennan leik er fram-
undan jafnt og spennandi einvígi.
KR fékk síðustu sóknina í leikn-
um, Candace Futrell náði skoti
sem klikkaði. Guðrún Gróa Þor-
steinsdóttir náði sóknafrákastinu
en varð síðan fyrir því óláni að
stíga á endalínuna áður en hún
kom boltanum á frían félaga sinn.
KR-liðið lenti mest tólf stigum
undir en gafst aldrei upp og fékk
síðan frábært tækifæri til þess að
skora sigurkörfuna undir lokin.
Keflavík lék sinn fyrsta leik í
ellefu daga en það var sama sagan
og fyrir tæpum tveimur vikum
þar sem Kesha Watson dreif sitt
lið áfram. Hún kom meðal annars
að öllum átta körfum liðsins í
lokaleikhlutanum þar sem hún bar
með 8 stig og 4 stoðsendingar.
„Það er rosalega erfitt að halda
liðinu í bið í úrslitakeppni í ellefu
daga á meðan verið er að bíða eftir
að önnur sería klárist. Það er hálf
kjánalegt að þetta geti komið upp
en það tókst sem betur fer. Ég held
að fólk geri sér ekki grein fyrir
því hvað þetta er stór sigur og ég
er alveg í skýjunum með þennan
sigur þótt að við höfum bara unnið
með einu. Þær komust aldrei yfir
en hefðu getað sett körfu í restina
en það klikkaði sem betur fer,“
sagði Jón Halldór Eðvaldsson,
þjálfari Keflavíkur.
„Ég hef trú á að þessi sería verði
skemmtilegt hvort sem þetta
verða þrír, fjórir eða fimm leikir.
Allir leikirnir verða jafnir og tví-
sýnir,“ sagði Jón Halldór sem vill
þá fá meira frá stóru leikmönnun-
um sínum en Þjóðverjinn Susanne
Bimer klikkaði meðal annars á 9
af 10 skotum sínum í gær.
„Við áttum bara að vinna þennan
leik, fengum frábært tækifæri til
þess í lokin og það munar bara
einu skoti,“ sagði Jóhannes Árna-
son, þjálfari KR. „Við erum ekki
með neina minnimáttarkennd að
koma spila hér í Keflavík en þær
eru með gott lið og góðan heima-
völl. Við þurfum að spila aðeins
betur en við höfum gert hér. Við
töpuðum með þremur stigum hér í
deildinni í vetur og svo með einu
stigi í dag og maður verður að vona
að það styttist í sigurinn,“ segir
Jóhannes og um framhaldið sagði
hann: „Við þurfum að fínpússa
marga hluti. Við erum að koma úr
langri leikjahrinu við Grindavík
þar sem við vorum að glíma við
öðruvísi leikmenn. Ef okkur tekst
að laga okkur betur að sóknarleik
Keflvíkinga þá náum allavega að
vinna þær einu sinni. Ef að það
gerist ekki þá verður þetta mjög
erfitt,“ sagði Jóhannes.
Kesha Watson var róleg framan
af en frábær í seinni hálfleik og
endaði með 21 stig, 12 stoðsend-
ingar og 9 fráköst. Fyrirliðinn
Ingibjörg Elva Vilbergsdóttir kom
með frábæra innkomu af bekkn-
um og áræðni Birnu Valgarðs-
dóttur skilaði henni 19 stigum á 26
mínútum. Pálína Gunnlaugsdóttir
meiddist í tvígang í leiknum og lék
ekkert síðustu fjórar mínútur
hans.
Hjá KR var Hildur Sigurðar-
dóttir mjög góð, Guðrún Gróa Þor-
steinsdóttir lék vel og þá tók Helga
Einarsdóttir 17 fráköst og vann
frábærlega fyrir liðið. Bæði Cand-
ace Futrell og Sigrún Ámunda-
dóttir áttu báðar ágæta spretti en
hittu ekki vel.
ooj@frettabladid.is
Munaði bara einu skoti
Keflavíkurkonur eru komnar í 1-0 í lokaúrslitum kvenna í körfubolta eftir sigur
á KR, 82-81. Kesha Watson kom að öllum körfum liðsins í lokaleikhlutanum.
ÓSÖTÐVANDI Í LOKIN Kesha Watson
sá um sóknarleik Keflavíkur í lokin og
tryggði þeim sigurinn. MYND/JÓN BJÖRN