Fréttablaðið - 31.03.2008, Blaðsíða 50
26 31. mars 2008 MÁNUDAGUR
Enska úrvalsdeildin
CHELSEA-MIDDLESBROUGH 1-0
1-0 Ricardo Carvalho (5.).
LIVERPOOL - EVERTON 1-0
1-0 Fernando Torres (7.).
TOTTENHAM-NEWCASTLE 1-4
1-0 Darren Bent (26.), 1-1 Nicky Butt (45.),
1-2 Geremi (52.), 1-3 Michael Owen (65.), 1-4
Obafemi Martins (81.)
Iceland Express-deild karla
Þór Ak.-Keflavík 83-86 (50-37)
Stig Þórs: Luka Marolt 23, Cedric Isom 19,
Magnús Helgason 11, Robert Reed 8, Hrafn
Jóhannsson 8, Jón Orri Kristjánsson 6, Bjarni
Konráð Árnason 4, Þorsteinn Guðlaugsson 2,
Óðinn Ásgeirsson 2.
Stig Keflavíkur: Sigurður Þorsteinsson 20, Bobby
Walker 18, Arnar Freyr Jónsson 15, Magnús Þór
Gunnarsson 11, Tommy Johnson 10, Gunnar
Einarsson 4, Anthony Susnjara 4, Þröstur
Jóhannsson 2, Jón Hafsteinsson 2.
Skallagrímur-Grindavík 96-91 (51-47)
Stig Skallagríms: Milojica Zekovic 36, Darrell
Flake 23 (11 frák.), Pétur Már Sigurðsson 19 (5
stoðs.), Axel Kárason 8 (7 frák, 5 stoðs.), Florian
Miftari 6, Alan Fall 2 (13 stoðs.), Pálmi Þór
Sævarsson 2.
Stig Grindavíkur: Adama Darboe 32 (6 stoðs.,
hitti 6 af 10 3ja), Jamaal Williams 18, Þorleifur
Ólafsson 15 (10 frák. 8 stoðs.), Páll Axel Vilbergs-
son 13, Páll Kristinsson 6, Igor Beljanski 4, Helgi
Jónas Guðfinnsson 2, Jóhann Ólafsson 1.
1. deild karla í körfubolta
Valur-FSu 74-86 (38-48)
Stig Vals: Craig Walls 23, Steingrímur Ingólfsson
16, Ragnar Gylfason 11, Alexander Dungal 6,
Jason Harden 6, Robert Hodgson 5, Hörður
Hreiðarsson 5, Guðmundur Kristjánsson 2.
Stig FSu: Mathhew Hammer 17, Sævar
Sigmundsson 14, Vésteinn Sveinsson 13, Ante
Kapov 12, Árni Ragnarsson 10, Emil Þór Jóhanns-
son 9, Chris Caird 8, Nicholas Mabbut 2, Daði
Grétarsson 1.
N1-deild karla í handbolta
Stjarnan-HK 25-29 (11-13)
Mörk Stjörnunnar: Heimir Örn Árnason 11/7
(16/7), Björgvin Þór Hólmgeirsson 4 (9),
Voldymyr Kysil 3 (3), Ragnar Már Helgason 2
(5), Vilhjálmur Ingi Halldórsson 2 (8), Kristján
Kristjánsson 1 (1), Björn Friðriksson 1 (1), Ólafur
Víðir Ólafsson 1 (4), Rati Miskhviltitze (1), Gunnar
Ingi Jóhannsson (3)
Varin skot: Hlynur Morthens 13 (26/1 50%),
Roland Valur Eradze 12 (28/1 42,9%)
Hraðaupphlaup: 7 (Heimir 3, Kysil 2, Kristján,
Vilhjálmur)
Fiskuð víti: 6 (Heimir 2, Kysil 2, Ólafur, Björgvin)
Utan vallar: 4 mínútur
Mörk HK: Ragnar Hjaltested 6/2 (9/2), Augustas
Strazdas 5 (8), Ólafur Bjarki Ragnarsson 5 (11),
Brynjar Valgeirsson 3 (4), Sergei Petraytis 3 (5),
Gunnar Steinn Jónsson 3 (8), Arnar Sæþórsson
2 (3), Tomas Eitutis 2 (6), Sigurgeir Árni Ægisson
(1)
Varin skot: Egidijus Petckevisius 18 (40/4 45%),
Björn Ingi Friðþjófsson (3/3 0%)
Hraðaupphlaup: 6 (Ragnar 2, Petraytis 2, Straz
das, Gunnar)
Fiskuð víti: 2 (Strazdas, Gunnar)
Utan vallar: 2 mínútur
ÚRSLITIN Í GÆR
FÓTBOLTI Þrír leikir fóru fram í
ensku úrvalsdeildinni í gær, Chel-
sea minnkaði forskot Manchester
United í fimm stig með naumum
sigri á Middlesbrough, Liverpool
er í góðum málum í 4. sætinu eftir
1-0 sigur á nágrönnum sínum í
Everton.
Fernando Torres skoraði sitt 28.
mark á tímabilinu og tryggði með
því Liverpool 1-0 sigur á Everton í
sínum fyrsta derby-slag á Anfield.
Markið skoraði spænski framherj-
inn strax á sjöundu mínútu leiks-
ins. Það er hægt að skrifa markið á
Yakubu sem tapaði honum á versta
stað en Dirk Kuyt náði boltanum
og sendi hann á Torres sem skor-
aði örugglega. Sigur Liverpool var
aldrei í hættu eftir þetta og liðið
getur nú farið að einbeita sér að
Arsenal sem verður mótherji
liðsins í næstu þremur leikjum.
„Við vissum alltaf að hann væri
góður leikmaður en ég viðurkenni
alveg að það hefur komið okkur á
óvart hversu vel hann hefur fund-
ið sig hjá okkur,“ sagði Rafael Ben-
itez, stjóri Liverpool, um Torres
sem jafnaði félagsmet með því að
skora í sjötta heimaleiknum í röð.
„Við erum ekki öruggir með fjórða
sætið, á meðan við eigum Arsenal
um næstu helgi þá spilar Everton
við Derby þannig að hlutirnir geta
breyst fljótt,“ bætti Benitez við.
Portúgalinn Ricardo Carvalho
skoraði sigurmark Chelsea með
skalla strax eftir rúmar fimm
mínútur í 1-0 sigri á Middles-
brough á Stamford Bridge. Chel-
sea slapp síðan með skrekkinn í
seinni hálfleik þar sem Afonso
Alves skaut meðal annars tvisvar
í slagverkið. Með sigrinum
minnkaði Chelsea forskot
Manchester United á toppnum
niður í fimm stig en mikill munur
var á spilamennsku liðanna um
helgina.
„Ég get ekki sagt að þetta hafi
verið okkar besti leikur en sigur-
inn var mikilvægari en gæði
spilamennskunnar. Við byrjuðum
mjög vel og héldum kannski í
framhaldinu að þetta yrði auð-
velt,“ sagði Avram Grant, stjóri
Chelsea.
Það er loksins eitthvað farið að
gerast hjá Kevin Keegan hjá
Newcastle eftir skelfilega byrjun
hans sem stjóra liðsins. Liðið
vann sinn annan leik í röð þegar
liðið rasskellti Tottenham og
vann 4-1 sigur á White Hart
Lane.
„Við erum ekki öruggir en loks-
ins getum við farið að horfa upp
töfluna en ekki niður. Við getum
náð bæði West Ham og Totten-
ham sem er eitthvað sem fólki
hefði fundist fáránlegt fyrir
nokkrum vikum,“ sagði Keegan
eftir leikinn. - óój
Kevin Keegan er búinn að koma Newcastle á sigurbrautina og Chelsea minnkaði forskot United í 5 stig:
Torres áfram gulls ígildi fyrir Liverpool
21 MARK Fernando Torres hefur skorað 21 mark í ensku úrvalsdeildinni í vetur.
NORDICPHOTOS/GETTY
KÖRFUBOLTI Grindvíkingar mættu
í Borgarnes í gærkvöld staðráðn-
ir í að komast í undanúrslit Ice-
land Express-deildar karla fyrst-
ir liða, en þetta er þriðja árið í röð
sem liðin mætast í 8-liða úrslit-
um. Heimamenn fóru þó með
sigur af hólmi, 96-91 og þurfa
liðin því að mætast í hreinum
úrslitaleik í Grindavík næsta
fimmtudag.
Heimamenn byrjuðu leikinn af
krafti og náðu fljótlega þægilegu
forskoti. Milojia Zekovic og Dar-
rell Flake voru þar fremstir í
flokki auk öflugs varnarleiks liðs-
ins. Grindvíkingar vöknuðu svo
til lífsins í öðrum leikhluta. Þá
breyttu þeir í svæðisvörn eftir 11-
2 byrjun Skallagrímsmanna í leik-
hlutanum og söxuðu hægt og bít-
andi á forskot heimamanna með
skynsömum sóknarleik og góðri
vörn og í hálfleik var staðan 51-46
heimamönnum í vil.
Adam Darboe og Zekovic áttu
síðan sviðið í þriðja leikhluta og
toppaði Darboe leikhlutann með
því að koma Grindvíkingum yfir, í
fyrsta skipti í leiknum, 72-74, með
körfu skömmu áður en flautan
gall.
Taugaspenna, mistök og sterkar
varnir einkenndu upphaf fjórða
leikhluta. Grindvíkingar virtust
ætla að síga fram úr en Pétur
Sigurðsson kom með þrjár 3-ja
stiga körfur í röð og kom Skalla-
grímsmönnum yfir 90-87 þegar um
tvær mínútur voru til leiksloka.
Eftir það reyndu liðin að koma
boltanum undir körfuna á Flake og
Williams. Heimamenn héldu for-
ystunni og sigruðu 96-91 og jöfn-
uðu metin í einvígi liðanna í 1-1.
„Við vorum komnir með bakið
upp að vegg. Þeir gerðu okkur erf-
itt fyrir enda með frábært körfu-
boltalið en okkur tókst ætlunar-
verk okkar, að ná oddaleiknum í
Grindavík. Nú er pressan komin á
þá og við komum til með að nýta
okkur það,“ sagði kátur Ken Webb,
þjálfari Skallagríms, eftir leik. - sve
Milojica Zekovic átti stórleik í 96-91 sigri Skallagríms á Grindavík í gærkvöld:
Borgnesingar jöfnuðu metin
36 STIGA MAÐUR Skallagrímsmaðurinn
Milojica Zekovic hitti úr 15 af 21 skoti
sínu í Fjósinu í gær. FRÉTTABLAÐIÐ/ANTON
KÖRFUBOLTI FSu tryggði sér
oddaleik um sæti í Iceland
Express-deild karla með sannfær-
andi 86-74 sigri á Val í Vodafone-
höllinni að Hlíðarenda.
Valsmenn hefðu með sigri
tryggt sér sæti í úrvalsdeildinni
en það var aldrei á dagskrá hjá
FSu-mönnum sem tóku frum-
kvæðið strax í byrjun leiks og nú
mætast liðin í hreinum úrslitaleik
í Iðunni á miðvikudag. Staðan var
38-48 í hálfleik fyrir FSu sem
setti niður 13 af 26 þriggja stiga
skotum sínum í leiknum.
Stigaskorið hjá FSu var mjög
jafnt en sjö leikmenn liðsins
skoruðu á bilinu 8 til 17 stig.
Stigahæstur var Matthew
Hammer með 17 stig en Sævar
Sigurmundsson var með 14 stig
og 10 fráköst. Craig Walls skoraði
23 stig fyrir Val og Steingrímur
Ingólfsson var með 16 stig. - óój
1. deild karla í körfubolta:
FSu tryggði sér
oddaleik
BRYNJAR KARL KÁTUR Þjálfari FSu fagnar
flottum sigri sinna manna í gær.
FRÉTTABLAÐIÐ/STEFÁN
KÖRFUBOLTI Keflvíkingar eru
komnir í undanúrslit Iceland-
Express-deildar karla eftir naum-
an þriggja stiga sigur, 83-86, á Þór
í gær. Þórsarar fengu tvö þriggja
stiga skot til að jafna metin en
þeim brást bogalistin.
Fyrri hálfleikur var eign Þórs-
ara. Barátta þeirra skeina úr
hverju andliti og þeir ætluðu sér
greinilega ekki snemma í sumar-
frí. Þórsvörnin gerði mjög vel í að
halda skyttum Keflvíkinga niðri
og lítið flæði var í sóknarleik gest-
anna. Þórsarar gengu á lagið og
fóru með þrettán stiga forystu inn
í hálfleikinn, 50-37.
Síðari hálfleikur var æsispenn-
andi. Keflvíkingar náðu að minnka
muninn i fjögur stig fyrir síðasta
leikhlutann og þegar níu mínútur
voru eftir höfðu þeir jafnað leik-
inn í 71-71. Um það leyti sem einn
besti maður Þórs, Cedric Isom, fór
út af með sína fimmtu villu kom-
ust Keflvíkingar yfir í fyrsta sinn
síðan í upphafi leiks. Fimmta villa
Isoms var vendipunktur í leiknum
en Keflvíkingar gerðu vel í að
sækja á hann og reyna að fiska
hann út af.
Keflvíkingum óx ásmegin eftir
þetta og þegar mínúta var eftir
voru þeir tveimur stigum yfir og
með boltann. Þeir skoruðu eitt stig
eftir langa sókn og á 10,8 sekúnd-
um fengu Þórsarar tvö skot til að
tryggja sér framlengingu. Boltinn
rúllaði af hringnum í bæði skiptin
og 86-83 sigur Keflvíkinga stað-
reynd.
„Þetta var mjög erfiður leikur.
Þórsarar léku frábærlega og þeir
voru mjög ákveðnir. Við erum
gríðarlega sáttir við sigurinn. Það
hjálpaði okkur að Isom fékk sína
fimmtu villu því hann er frábær
leikmaður. Þór er með gott lið en
við vorum nokkuð heppnir,“ sagði
Keflvíkingurinn Bobby Walker
um leið og hann arkaði gegnum
skafrenninginn á leiðinni í flug.
Þjálfari Þórs, Hrafn Kristjáns-
son, var ómyrkur í máli í leikslok.
„Það var vitað að Keflvíkingar
myndu saxa muninn í þriðja leik-
hluta en ég hafði fulla trú á því að
við myndum standa það af okkur.
Það var áfall að missa Cedric út af
en ég vil að það komi fram að sá
sem kom inn fyrir hann, Bjarni
Konráð, hefði ekki getað staðið sig
betur við þessar aðstæður,“ sagði
Hrafn.
„Heilt yfir getum við ekki verið
ósáttir með tímabilið. Ef við hefð-
um verið með sambærilega styrk-
ingu og önnur lið yfir allt tímabilið
hefðum við kannski getað endað
ofar og jafnvel náð heimaleikja-
rétti gegn öðru liði. En Keflavík-
urliðið er frábært og það kæmi
mér ekki á óvart að sjá Keflavík
og Snæfell berjast um titilinn,“
sagði Hrafn. - hþh
Lokaskot Þórsara geiguðu
Þórsarar fengu tvö tækifæri til að tryggja sér framlengingu í æsispennandi leik
gegn deildarmeisturum Keflavíkur í gær. Það tókst ekki og Keflavík er þar með
komið áfram. Vendipunktur leiksins var fimmta villa Þórsarans Cedric Isom.
KOMNIR ÁFRAM Keflvíkingurinn Arnar Freyr Jónsson skorar hér tvö af fimmtán stig-
um sínum í gær. PEDROMYNDIR/ÞÓRIR TRYGGVASON
HANDBOLTI HK lyfti sér í annað
sæti N1-deildar karla ásamt Fram
þegar liðið lagði Stjörnuna, 25-29,
í Mýrinni í gær. Stjarnan situr
eftir í fimmta sæti tveimur
stigum á eftir.
Jafnræði var með liðunum
framan af leik en undir lok fyrri
hálfleiks náði HK tveggja marka
forystu, 11-13.
Leikurinn jafnaðist að nýju í
upphafi síðari hálfleiks en lið HK
var öflugra er leið á hálfleikinn
og sigldi fram úr síðustu 8
mínútur leiksins og vann fjögurra
marka sigur.
Gunnar Magnússon var
ánægður með baráttuna í sínu liði
nú þegar lítið er í húfi eins og
mótið hefur þróast. „Nú snýst
þetta um að enda mótið með
sæmd. Við förum pressulausir í
leikina og reynum að hafa gaman
af þessu. Ég var ánægður með
karakterinn í kvöld. Bæði liðin
lögðu sig fram í kvöld og betur en
ég reiknaði með. Maður spyr sig
núna hvort það vanti ekki
úrslitakeppni í þetta. Deildin er
búin og það eru sex leikir eftir.
Menn spila upp á stoltið og
heiðurinn en það er ekki mikið í
húfi, það verður að segjast eins
og er,“ sagði Gunnar. - gmi
N1-deild karla í handbolta:
HK í 2. sætið
MARKINU LOKAÐ Egidijus Petkevicius,
markvörður HK, reynir hér að verja frá
Ragnari Helgasyni. FRÉTTABLAÐIÐ/STEFÁN