Fréttablaðið - 02.04.2008, Blaðsíða 2
MARKAÐURINN 2. APRÍL 2008 MIÐVIKUDAGUR2
F R É T T I R
„Venjulegar einkaþotur eru allt of stórar fyrir tvo
til þrjá. Það er bruðl,“ segir Einar Arnarsson, fram-
kvæmdastjóri Accel Jet.
Fyrirtækið hefur í bígerð að bjóða upp á leigu
einkaþota, fyrir allt að fjóra, með haustinu. Leigu-
þoturnar eru byggðar á nýrri tækni og eru úr sér-
stökum léttmálmi, eyðslugrennri og mun ódýrari en
hefðbundnar þotur. Þá er rúmlega helmingi ódýr-
ara að leigja þær en venjulegar einkaþotur, að sögn
Einars.
Rekstur sem þessi er nýr af nálinni jafnt hér
heima og í Evrópu. Svipaðar léttleiguvélar fóru
fyrst í loftið í Bandaríkjunum á síðasta ári en
stærsta fyrirtækið þar í landi, DayJet, ætlar að
halda úti tvö þúsund vélum á næstunni.
Accel Jet, sem ætlar að kynna starfsemi sína
fyrir fjárfestum á fjárfestaþingi Seed Forum á
föstudag, hefur pantað nokkrar leiguvélar og er
reiknað með að allt að tíu vélar verði í flugi undir
merkjum fyrirtækisins hér heima og í Evrópu eftir
þrjú ár. - jab
G E N G I S Þ R Ó U N
Vika Frá ára mót um
Atorka 1,1% -25,6%
Bakkavör 4,7% -29,4%
Exista -0,8% -47,3%
FL Group -3,9% -56,5%
Glitnir 1,5% -21,4%
Eimskipafélagið -8,5% -33,3%
Icelandair 2,5% -9,9%
Kaupþing 7,9% -8,8%
Landsbankinn 2,4% -16,6%
Marel 3,7% -9,3%
SPRON -1,6% -53,0%
Straumur 4,8% -22,3%
Teymi -2,1% -27,8%
Össur 5,2% -5,9%
Miðað við Kauphallarstöðu kl. 15:45 á þriðjudag.
SPRON hefur tekið víkjandi
lán að upphæð fimm milljarðar
króna frá Kaupþingi, samkvæmt
tilkynningu til Kauphallar í
gær.
Lánið er til tíu ára og segir
Valgeir M. Baldursson, fram-
kvæmdastjóri fjármálasviðs
SPRON, lánakjörin ásættanleg
markaðskjör, miðað við stöðuna
á fjármálamörkuðum. Víkjandi
lán eru lán sem flokkast sem
eigið fé fyrirtækja og víkja fyrir
öðrum skuldbindingum.
„Með þessu styrkjum við eigin-
fjárstöðu SPRON,“ segir Valgeir
og bætir við að þar á bæ, sem
víðar, séu menn uppteknir af því
að enn sjái ekki alveg til lands í
því ástandi sem plagar fjármála-
markaði. „Þetta er hins vegar
alls ekki í neinu fáti gert heldur
til að styrkja stöðuna og hafa enn
lengra þol en annars væri.“ - óká
Kaupþing lánar SPRON
Fá fimm milljarða króna víkjandi lán til tíu ára.
Ingimar Karl Helgason
skrifar
„Ég átti satt best að segja von á því að tilkynnt yrði
um að unnið væri að lántöku og að tilkynnt yrði um
einhvers konar gjaldeyrisskiptasamninga,“ segir
Þórólfur Matthíasson, prófessor við Háskóla Ís-
lands, um ársfund Seðlabankans sem haldinn var
á föstudag.
Standard & Poor‘s hefur nú breytt horfum í láns-
hæfi ríkissjóðs vegna langtímaskuldbindinga í nei-
kvæðar, vegna skorts á upplýsingum um hvern-
ig brugðist verði við efnahagsástandinu. Sama
gerir Fitch Ratings, sem segir að þrátt fyrir að
ríkissjóður Íslands sé sterkur og skuldlaus sé
stærð fjármálakerfisins nálægt 900 prósentum
af þjóðar framleiðslu. Þetta undirstriki mikilvægi
þess að stjórnvöld útlisti viðbrögð sín við hugsan-
legri bankakreppu, sem sýni styrk og endurveki
traust á íslensku bönkunum.
Jafnframt áréttar Fitch að ríkissjóður hafi fjölda
kosta til fjármögnunar.
„Það var erfitt að finna betri vettvang fyrir
Seðlabanka og stjórnvöld til að koma á fram-
færi hugsanlegri greiningu sinni á vandræðum á
fjármálamörkuðum. Jafnframt hefði ársfundur-
inn verið kjörinn vettvangur til að kynna aðgerð-
ir,“ segir Þórólfur Matthíasson, um ársfundinn.
Hins vegar hefði hvorki í máli forsætisráðherra né
Seðlabankastjóra verið að finna skarpa greiningu á
ástandinu né nákvæmrar útlistunar á aðgerðum.
„Vísað er til þess að ríkissjóður muni koma bönk-
unum til bjargar án þess að fjallað sé um það í
hvaða formi slík björgun yrði,“ segir Þórólfur.
„Þetta staðfestir það sem við höfum sagt um að
það liggi á að stjórnvöld kynni úrræði til að tryggja
aðgang fjármálakerfisins að lausafé í erlendri
mynt og styrki gjaldeyrisforðann. Hver dagur
skiptir máli, því staðan getur breyst mjög fljótt,
eins og matsfyrirtækin benda á,“ segir Edda Rós
Karlsdóttir, yfirmaður greiningardeildar Lands-
bankans, sem bindur vonir við að tilkynning berist
frá stjórnvöldum í þessari viku.
Fitch Ratings hefur einnig breytt horfum á láns-
hæfismati Kaupþings, Glitnis og Landsbanka í nei-
kvæðar. Fram kemur í tilkynningu til Kauphall-
arinnar að minnkandi traust á íslenskum bönkum
geti aukið áhættu á ófyrirsjáanlegum samdrætti í
lausafé, enda þótt lausafé bankanna þriggja sé full-
nægjandi eins og er. Þá minnki gæði eigna, rekstrar-
árangur verði neikvæður og hætta á harðri lend-
ingu í hagkerfinu aukist, lækki gengi krónunnar
skarpt.
Í tilkynningunni segir að Fitch telji engu að síður
að bankarnir þurfi ekki að sækja fé á fjármagns-
markaði á næstu mánuðum og grunnrekstur þeirra
sé traustur.
Verri horfur vegna
skorts á upplýsingum
Matsfyrirtækið Standard & Poor‘s hefur breytt horfum á láns-
hæfismati ríkisins í neikvæðar. Sama hefur matsfyrirtækið
Fitch Ratings gert, bæði gagnvart ríkinu og bönkunum.
„Útlánin voru nokkru minni en
áætlanir gerðu ráð fyrir á fyrsta
fjórðungi ársins og lausafjárstaða
sjóðsins er góð,“ segir Guðmund-
ur Bjarnason, forstjóri Íbúðalána-
sjóðs.
Sjóðurinn segist í tilkynningu
til Kauphallarinnar ekki munu
gefa út nein ný íbúðabréf á fyrsta
fjórðungi ársins. Þetta er þvert á
áætlanir sjóðsins. Þar var gert ráð
fyrir að íbúðabréf fyrir á bilinu
ellefu til þrettán milljarða króna
yrðu gefin út á fyrsta fjórðungi.
„Við erum ekki að fella þetta
niður,“ segir Guðmundur, „þetta
færist líklega yfir á annan fjórð-
ung, en við birtum áætlun um
þetta, væntanlega í vikunni.“
- ikh
Íbúðalánasjóður
frestar útboðinu
Úrvalsvísitalan í Kauphöll Ís-
lands lækkaði mest allra vísi-
talna í þróaðri löndum á fyrsta
ársfjórðungi, sem lauk á mánu-
dag. Mest féllu bréf í Iceland-
ic Group, FL Group og SPRON á
tímabilinu.
Úrvalsvísitalan féll um 20,1
samanborið við sjö prósenta fall
C-20-vísitölunnar í Kaupmanna-
höfn. Þá féll Dax-vísitalan í
Þýskalandi um nítján prósent,
sem jafnframt er næstmesta
fallið á eftir úrvalsvísitölunni.
Ólíkt öðrum vísitölum vegur
hlutfall fjármálafyrirtækja þungt,
um 80 prósent, í íslensku vísitöl-
unni og líkist hún meira fjármála-
vísitölu en blandaðri vísitölum.
Fjármálafyrirtækin hafa einmitt
komið verst út úr niðursveiflu
á hlutabréfamörkuðum víða um
heim og skýrir það fall vísitölunn-
ar að mestu leyti. - jab
MIÐLARAR AÐ STÖRFUM Úrvalsvísi-
talan féll um tuttugu prósent á fyrsta
fjórðungi ársins, sem er mesta lækkunin á
þróaðri mörkuðum. MARKAÐURINN/VALLI
Úrvalsvísitalan lækkaði mest
EINAR
ARNARSSON
Fyrirtækið Accel
Jet stefnir að því
að leigja smáar,
léttar einkaþotur
með haustinu.
MARKAÐURINN/ANTON
Ódýrar létteinkaþotur í loftið í haust
Eigendur 44,2 prósenta hlutafjár
í Skiptum, móðurfélagi Símans,
höfðu í gærmorgun tekið yfir-
tökutilboði Existu í félagið.
Exista á fyrir 43,7 prósent hlut í
Skiptum. Sé hann talinn með hefur
félagið því tryggt sér 87,9 pró-
senta hlut og þarf aðeins 2,1 pró-
sent til viðbótar áður en Exista
getur krafist þess að aðrir hlut-
hafar selji hluti sína.
Utanþingsviðskipti voru með
bréf í Existu upp á rúman 21,6
milljarð króna í Kauphöll Íslands
skömmu eftir hádegi í gær. Yfir-
tökutilboðið gildir til 26. maí. - jab
Exista færist
nær markinu
FORSÆTISRÁÐHERRA OG SEÐLABANKASTJÓRI Á árs-
fundi Seðlabankans. Prófessor við Háskóla Íslands telur að þá
hefði verið upplagt tækifæri til að kynna aðgerðir. Yfirmaður
Greiningardeildar Landsbankans vonast eftir tilkynningu stjórn-
valda í þessari viku.