Fréttablaðið - 08.04.2008, Blaðsíða 8
8 8. apríl 2008 ÞRIÐJUDAGUR
1 Hvað heitir forseti Simbabve?
2 Hvað heitir eigandi Gallerís
Borgar sem hinn 20. apríl næst-
komandi mun aftur gangast
fyrir málverkauppboði?
3 Hvaða lið í Iceland Express-
deild karla í körfubolta lagði
Keflavík á sunnudagskvöld í
úrslitakeppninni?
SVÖRIN ERU Á SÍÐU 30
HEILBRIGÐISMÁL Pósturinn hefur
styrkt Krabbameinsfélag Íslands
um 2,4 milljónir króna í átakinu
Karlmenn og krabbamein sem
staðið hefur undanfarið.
„Það er Krabbameinsfélaginu
dýrmætt að eiga samstarfsaðila
eins og Póstinn. Fyrirtækið hefur
áður liðsinnt félaginu myndarlega
eins og nú við að dreifa mikilvæg-
um skilaboðum til landsmanna.
Þannig hefur það í verki sýnt
samfélagslega ábyrgð. Það er gott
að eiga góða að,“ segir Guðrún
Agnarsdóttir, forstjóri Krabba-
meinsfélags Íslands. - ghs
Pósturinn:
Styrkti krabba-
meinsátak
STYRKUR AFHENTUR Ingimundur
Sigurpálsson, forstjóri Íslandspósts, og
Guðrún Agnarsdóttir, framkvæmdastjóri
Krabbameinsfélags Íslands.
Vill steypa á Hólmsheiði
Einingaverksmiðjan Borg, sem
bæjaryfirvöld í Kópavogi telja að reki
steypustöð í óleyfi, hefur formlega
óskað eftir lóð á Hólmsheiði í landi
Reykjavíkur fyrir starfsemi sína.
REYKJAVÍK
DÓMSMÁL „Sonur minn er ekki
flæktur í þetta mál, svo mikið veit
ég,“ segir Íris Inga Svavarsdóttir,
móðir Íslendingsins sem er nú
kominn fyrir rétt í Færeyjum eftir
að hafa setið í einangrun í um það
bil hálft ár. Hann er ákærður fyrir
þátttöku og aðild að Pólstjörnu-
málinu svokallaða og er enn í ein-
angrun.
„Hann ætlar bara að þrauka,
það er ekkert annað að gera,“
sagði Íris Inga, þegar Fréttablaðið
ræddi við hana í gær. Hún hefur
fengið að hitta son sinn og ræða
við hann. Spurð hvort sonur henn-
ar virðist hafa beðið skaða af hinni
löngu einangrunarvist sagði hún
það eiga eftir að koma í ljós síðar.
„Mér finnst ekki ólíklegt að
þetta eigi eftir að hafa eftirköst.
Það er engin hemja að hafa mann
svo lengi í einangrun,“ sagði hún.
„Það er ekki eðlilegt að fara svona
með fólk. En það sér fyrir endann
á þessu núna.“
Hún segir að reynt hafi verið að
hafa áhrif á að sonur hennar þyrfti
ekki að sitja svo lengi í einangrun
sem raun varð á.
„En það gat enginn gert neitt,
nema að standa við bakið á honum.
Þetta hefur allt farið fyrir dómara
í Danmörku og þeir hafa síðasta
orðið.“
Íris Inga segir að lögreglan í
Færeyjum hafi gert allt sem í
hennar valdi stóð til þess að létta
manninum einangrunarvistina.
„En það eina sem hann hefur
getað gert er að sitja og lesa, horfa
á myndbönd og hlusta á tónlist.
Svo fékk hann að hafa gítarinn
sinn hjá sér og það hefur stytt
honum stundirnar að spila á hann.
Hann hefur verið að reyna að
borða betur undanfarið, en hann
er orðinn ansi rýr. Vitanlega er
hann kvíðinn þótt hann láti það
ekki mikið í ljós. Það er engin
furða því saksóknarinn ætlar sér
greinilega að koma honum á bak
við lás og slá í mörg ár. Ég skil
ekki hvað er eiginlega í gangi.
Þetta er alveg skelfilegt. Maður
vonar bara að kviðdómurinn sé
mannlegur og geri ráð fyrir að
fólk geti gert mistök af því það
lætur vinskapinn og traustið
ráða.“
Spurð um kunningsskap Guð-
bjarna Traustasonar við soninn
segir Íris Inga að þeir séu búnir að
vera vinir síðan í barnaskóla.
„Þarna var hann bara að gera
vinum sínum greiða, eins og hann
hefði gert hvenær sem Baddi hefði
hringt í hann og beðið hann um að
redda sér húsnæði, eins og í þetta
skiptið. Hann vissi ekkert hvað
þeir voru að aðhafast þegar þeir
komu til Færeyja. Hvað varðar
pakkann sem varð eftir þar þá
skilst mér að Baddi hafi hálfþving-
að hann til að taka hann að sér.“
jss@frettabladid.is
EINANGRUNARKLEFINN Í svona klefa hefur Íslendingurinn mátt sitja í einangrun í
um það bil hálft ár. Myndin er úr fangelsinu í Þórshöfn, þar sem ungi maðurinn situr
enn. MYND/DIMMALÆTTING
Móðir segir son sinn ekki
flæktan í Pólstjörnumálið
Móðir 25 ára Íslendings sem bíður dóms í Færeyjum segir að hann hafi, í nafni æskuvináttu og trausts,
verið að gera Guðbjarna Traustasyni greiða. Hún segist bara vona að kviðdómurinn verði mannlegur.
STJÓRNMÁL Húsaleigubætur
hækka samkvæmt reglugerð sem
Jóhanna Sigurðardóttir, félags-
og tryggingamálaráðherra, undir-
ritaði í gær. Er hækkunin aftur-
virk og tók hún gildi 1. apríl
síðastliðinn. Er þetta í fyrsta sinn
sem húsaleigubætur hækka frá
árinu 2000.
Grunnbætur húsaleigubóta
munu hækka úr 8.000 í 13.500
krónur eða um 69 prósent. Þá
munu bætur vegna fyrsta barns
hækka úr 7.000 í 14.000 krónur og
bætur vegna annars barns hækka
úr 6.000 í 8.500 krónur. Eftir
breytinguna geta hámarkshúsa-
leigubætur orðið 46.000 krónur í
stað 31.000 króna áður. Hækkunin
nemur því allt að 48 prósentum.
Í samkomulagi við Samband
íslenskra sveitarfélaga er kveðið
á um þátttöku ríkisins í greiðslu
sérstakra húsaleigubóta. Er þetta
í fyrsta sinn sem ríkið kemur að
greiðslu slíkra bóta. Í tilkynningu
frá ráðuneytinu eru sveitarfélög
hvött til að taka upp sérstakar
húsaleigubætur og rýmka skilyrði
fyrir slíkum bótum svo þær nái til
fleiri heimila. Er árlegur viðbótar-
kostnaður vegna þessara aðgerða
samtals um 720 milljónir króna.
Ríkissjóður mun greiða sextíu
prósent af kostnaðnum en sveitar-
félögin fjörutíu prósent. - ovd
Húsaleigubætur hækka um hátt í 50 prósent og er það fyrsta hækkunin í átta ár:
Húsaleigubæturnar hækka
JÓHANNA SIGURÐARDÓTTIR Undirritaði
í gær reglugerð sem hækkar húsaleigu-
bætur. FRÉTTABLAÐIÐ/GVA
FERÐAÞJÓNUSTA Erlendum ferða-
mönnum sem koma hingað til
lands til að fara í hvalaskoðun
hefur fjölgað mikið á undanförn-
um áratug. Samkvæmt hagtölum
um ferðaþjónustuna, sem teknar
voru saman fyrir aðalfund
Samtaka ferðaþjónustunnar, fóru
20.540 farþegar í hvalaskoðun hér
á landi árið 1997.
Í fyrra fóru hins vegar 104.300
farþegar í hvalaskoðun og hefur
farþegafjöldinn því rúmlega
fimmfaldast á tíu árum.
Gert er ráð fyrir því að
farþegum í hvalaskoðun geti
fjölgað á næstu árum.
- mh
Hvalaskoðun vex ár frá ári:
Fimmfalt fleiri
í hvalaskoðun
VEISTU SVARIÐ?