Fréttablaðið - 08.04.2008, Blaðsíða 12
12 8. apríl 2008 ÞRIÐJUDAGUR
LÖGREGLA Embætti ríkislögreglu-
stjóra hefur nú til skoðunar hvort
lögreglumenn eigi að bera raf-
byssur við störf sín.
„Það yrði okkur einungis til
háðungar ef við færum að beita
þessum rafbyssum,“ segir séra
Jón Bjarman, fyrrverandi fang-
elsis- og sjúkrahúsprestur. Hann
sat frá árinu 1992 til 2000 í eftir-
litsnefnd Evrópuráðsins um varn-
ir gegn pyndingum og ómannlegri
eða vanvirðandi meðferð eða
refsingu (Committee for the Pre-
vention of Torture).
„Meðan ég var í nefndinni sá ég
nokkur dæmi þess að þær hefðu
verið notaðar af lögreglumönn-
um. Ég veit að Evrópuráðið hafði
gagnrýnt notkun þeirra, enda eru
þetta pyndingatæki – það fer ekk-
ert á milli mála.“
Pétur Hauksson geðlæknir, sem
nú á sæti í nefndinni, segir alltaf
hættu á að þessi vopn séu misnot-
uð. „Ég hef enga ástæðu til að
ætla að svo verði ekki hér,“ bætir
hann við. „Svo er það hitt að þeir
sem lögreglan á í höggi við myndu
bregðast við þessu jafnvel með
því að vopnbúast betur sjálfir.“
Hann segir enn fremur að
gjalda beri varhuga við markaðs-
setningu framleiðenda byssanna.
Jóhanna K. Eyjólfsdóttir, for-
maður Íslandsdeildar Amnesty
International, segir að samtökin
hafi þungar áhyggjur af því ef
lögreglan fari að nota rafbyssur
hér á landi. Í skýrslu Amnesty
International segir að frá árinu
2001 til loka ársins 2007 hafi að
minnsta kosti 230 manns beðið
bana eftir að rafbyssunni var
beitt á þá.
„Þar að auki hafa Amnesty
Inter national og fleiri gagnrýnt
Nýja-Sjáland fyrir að taka þessar
byssur í notkun. Það gæti því vel
farið svo að Ísland kæmi til
umfjöllunar í ársskýrslu Amnesty
ef við færum að nota þessar
byssur, en það hefur aldrei áður
komið fyrir,“ segir Jóhanna.
Steinar Adolfsson, formaður
Landssambands lögreglumanna,
segir skiptar skoðanir um raf-
byssurnar meðal lögreglumanna.
„En ég tel nú að meirihlutinn sé
frekar jákvæður gagnvart því að
bæta þeim við valdbeitingartæki
okkar,“ segir Steinar. „Það sem
fyrir okkur vakir er að auka
öryggi lögreglunnar. Rannsóknir
hafa sýnt að þar sem þessi tæki
eru notuð slasast lögreglumenn
síður.“
Hann segir enn fremur að fram-
leiðendur byssanna kannist ekki
við það sem Amnesty Internation-
al haldi fram, að 230 manns hafi
látist af völdum þeirra.
„Sérfræðingar hjá ríkislög-
reglustjóra eru nú að afla nauð-
synlegra gagna, meðal annars um
þá hættu sem getur stafað af tæk-
inu auk læknisfræðilegra rann-
sókna sem gerðar hafa verið,“
sagði Björn Bjarnason dómsmála-
ráðherra þegar hann fékk fyrir-
spurn um málið á Alþingi fyrir
stuttu. jse@frettabladid.is
Talið er að tvö hundruð
hafi látist eftir rafbyssuskot
Verið er að kanna hvort lögreglan eigi að bera rafbyssur. Talið að 230 manns hafi látist eftir skot úr raf-
byssu. Yrði okkur til háðungar, segir fyrrverandi nefndarmaður í eftirlitsnefnd á vegum Evrópuráðsins.
Sérsveit lögreglunnar hefur lokið
forathugun á því hvort hagkvæmt sé
fyrir lögreglu og sérsveitarmenn að
bæta rafbyssum í hóp valdbeitingar-
tækja sinna. Að sögn Jónasar Inga
Péturssonar framkvæmdastjóra rekstr-
ar hjá embætti ríkislögreglustjóra taka
nefndarmenn í tækja- og búnaðar-
nefnd rískislögreglustjóra skýrsluna
fyrir og skila síðan áliti sínu. „Spurn-
ingin sem við leggjum til grundvallar
er sú hvort notkun þessa tækis muni
auka öryggi borgaranna og lögreglu-
manna í starfi,“ segir hann.
Ef niðurstaðan leiðir í ljós að byss-
urnar henti lögreglu og sérsveit fer
málið til nánari skoðunar og verður þá
leitað eftir samstarfi við aðrar stofn-
anir. Ef niðurstaðan er jákvæð eftir þá
skoðun fer málið til dómsmálaráð-
herra sem tekur endanlega ákvörðun.
„Á Bretlandi, þar sem lögreglan
nýtir sér þetta vopn, tók þetta ferli um
það bil tvö ár,“ útskýrir hann.
„Við erum fullkomlega meðvitaðir
um það að öll valdbeitingartæki lög-
reglu hafa í för með sér áhættu. Það
er einmitt þess vegna sem við förum
mjög gaumgæfilega yfir hlutina þegar
við erum að skoða svona búnað.“
Spurður hvort beiting þessara
vopna yrði ekki aðeins til þess að þeir
sem komast í kast við lögin færu að
beita enn frekari hörku segir Jónas
Ingi: „Lögreglan býr við síbreytilegt
umhverfi og verður að ígrunda vel
hvernig bregðast skal við aðstæðum
hverju sinni.“ - jse
Sérsveitin lýkur forathugun
JÓNAS INGI PÉTURSSON Rafbyssurnar hefðu áhættu í för með sér svo skoða þarf
vel alla fleti málsins áður en ákvörðun er tekin um að nota þær, segir fram-
kvæmdastjóri rekstrar hjá embætti ríkislögreglustjóra. FRÉTTABLAÐIÐ/VALLI
HOLLAND, AP Hollenskur dómstóll
hefur komist að þeirri niður-
stöðu að engar forsendur séu til
að banna dreifingu and-
íslamskrar stuttmyndar á netinu.
Í stuttmyndinni „Fitna“ eftir
hinn hægrisinnaða þingmann
Geert Wilders er leitast við að
sýna fram á sterk tengsl milli
hryðjuverkaárása múslima víðs
vegar um heim og innihalds
Kóransins.
Fulltrúar hollenskra múslima
hafa brugðist ókvæða við
efnistökum myndarinnar. Fóru
þeir fram á lögbann á dreifingu
hennar á netinu á þeim forsend-
um að hún væri móðgandi í garð
múslima, en dómari í Haag
úrskurðaði á mánudag að
almennt málfrelsi tryggði
Wilders rétt til að gagnrýna
Kóraninn og íslam. - kg
Hollensk mynd um Kóraninn:
Hefur rétt til að
gagnrýna Íslam
Apple IMC
Apple IMC | Humac ehf.
Sími 534 3400
www.apple.is
Laugavegi 182
105 Reykjavík
Kringlunni
103 Reykjavík
MacBook Air.
MacBook Air er komin til landsins.
Komdu og sjáðu með eigin augum í Apple-versluninni á Laugavegi 182.
MacBook Air 1,6 GHz
13,3” hágljáa skjár
Intel Core 2 Duo
80 GB
2 GB
1280 x 800 dílar
Þráðlaust netkort (802.11n)
Bluetooth / iSight
0,4–1,94 cm þunn / 1,36 kg
5 klst. rafhlöðuending
219.990
MacBook Air 1,8 GHz
13,3” hágljáa skjár
Intel Core 2 Duo
80 GB
2 GB
1280 x 800 dílar
Þráðlaust netkort (802.11n)
Bluetooth / iSight
0,4–1,94 cm þunn / 1,36 kg
5 klst. rafhlöðuending
249.990
Fí
to
n
/
S
ÍA
KYNDILBERI Stephane Diagana, heims-
meistari í 400 metra hlaupi frá árinu
1997 og formaður samtaka fransks
frjálsíþróttafólks, með Ólympíukyndil-
inn á lofti við Eiffelturninn í gær.
FRÉTTABLAÐIÐ/AP