Fréttablaðið - 08.04.2008, Blaðsíða 14

14 8. apríl 2008 ÞRIÐJUDAGUR
nær og fjær
„ORÐRÉTT“
Kynbundinn munur er á
þekkingu barna og unglinga
á heimilisofbeldi. Rann-
sóknin Þekking barna á of-
beldi á heimilum sem unnin
er af átta konum, nemum
og kennurum við Kennara-
háskóla Íslands sýnir að
þekking þeirra er mikil.
Í rannsókn sem hófst árið 2006 og
stendur enn yfir um þekkingu
barna á ofbeldi inni á heimilum
kemur fram að stúlkur virðast
fróðari um ofbeldið en drengir.
Guðrún Kristinsdóttir, prófessor í
uppeldisgreinum við KHÍ, segir
að samkvæmt spurningalistum
sem lagðir voru fyrir börn og
unglinga frá fjórða til tíunda
bekkjar grunnskólanna að þekk-
ing þeirra á heimilisofbeldi sé
umtalsverð. 1.125 börn og ungl-
ingar tóku þátt og var svarhlut-
fallið rúm 68 prósent. „Leynd
heimilisofbeldis tengist einkum
aðstæðum þar sem verið er að
beita ofbeldinu. Þetta er þó að
komast mun meira upp á yfirborð-
ið í samfélaginu,“ segir Guðrún.
Tveir spurningalistar voru lagð-
ir fyrir tvo mismunandi aldurs-
hópa, annar fyrir nemendur í
fjórða til sjötta bekk og hinn fyrir
nemendur í sjöunda til tíunda
bekk. Um 70 prósent yngri svar-
endanna höfðu heyrt um orðið
heimilisofbeldi en 94 prósent
þeirra eldri. „Þegar þau voru
spurð hvað þau héldu að fælist í
orðinu heimilisofbeldi voru svörin
aðallega líkamlegt ofbeldi. Ungl-
ingsstúlkurnar nefndu gerandann
mun oftar og þær voru nákvæm-
astar í svörum sínum,“ segir Guð-
rún. Þátttakendurnir mátu ofbeld-
ið líkt óháð kyni geranda. „Við
höldum að stúlkur séu að sækja í
þekkinguna, það getur verið vegna
þess að þær vita að konur eru
meira beittar ofbeldi en karlar,
vegna ótta eða óöryggisleysis, eða
að þær vilja ekki lenda í þessu
sjálfar. Á hinn bóginn má líta á
þekkingarleit þeirra sem styrk.
Ástæðurnar koma ekki fram í
spurninga-
listunum en við
sjáum það skýrt
að kynin tjá sig
ólíkt um þekk-
inguna.“
Íslensku
spurningalist-
arnir voru gerð-
ir eftir breskri
fyrirmynd en
aðlaga þurfti
orðalag einstakra spurninga og
huga að félagslegu samhengi.
„Dæmi um spurningu úr bresku
spurningarlistunum er til dæmis
hvort viðkomandi sé svartur,
blandaður eða hvítur og okkur
þótti það ekki eiga við enda spurð-
um við frá hvaða landi foreldrarn-
ir væru í staðinn,“ segir Guðrún.
Tæpur fjórðungur svarenda sagð-
ist þekkja einhvern sem hefði
orðið fyrir heimilisofbeldi. „For-
eldrar þurfa að svara spurningum
þegar þær koma, horfa á sjón-
varpsefni með krökkunum og það
þarf að auka samræður inni á
heimilunum. Krakkarnir eru aðal-
lega að heyra um heimilisofbeldi í
blöðum, sjónvarpi og í skólanum.“
- áb
Unglingsstúlkur fróðari um ofbeldi
GUÐRÚN
KRISTINSDÓTTIR
NÁKVÆMARI Í SVÖRUM UM HEIMILISOFBELDI Guðrún telur að stúlkur sæki frekar í þekkingu um heimilisofbeldi en drengir.
NORDICPHOTOS/GETTY
„Smámál kalla
á sterk við-
brögð,“ segir
Sigurður Bogi
Sævarsson,
blaðamaður
hjá Athygli.
„Umræða um
einkaþotuflug
ráðherranna
er smá-
borgaralegt
fjas. Tími
ráðamanna
er mikilvægur
og hvað varðar flugið til Búkarest þá
var munurinn á kostnaði í einka-
flugi og áætlunarflugi bitamunur
en ekki fjár. Það er ástæðulaust að
fjargviðrast yfir þessu. Við verðum
líka að taka tillit til tímasparnaðar
sem fylgir einkaflugi. Hvað varðar
flugið til Svíþjóðar þá hélt ég þó að
ferðir til Norðurlandanna væru það
tíðar og auðvelt að brúa ýmsa leggi
í gegnum Kaupmannahöfn eða
Stokkhólm að einkaflug í Norður-
landaferðum væri óþarfi. En ekkert
er nýtt undir sólinni. Einkaferðir
með ráðamenn úr öllum flokkum,
til dæmis með varðskipum og
flugvél Flugmálastjórnar, tíðkuðust
lengi og þóttu sjálfsagðar. Ætli slíkt
sé aflagt?“
SJÓNARHÓLL
LEIGUFLUG RÁÐHERRANNA
Bitamunur en
ekki fjár
SIGURÐUR BOGI SÆV-
ARSSON Blaðamaður
Velkomin á Apa-
plánetuna
„Útkoman fram að þessu er
slík að api í pílukasti kæmist
að eðlilegri niðurstöðu en
núverandi borgarstjórn.“
JÓN TRAUSTI REYNISSON, RIT-
STJÓRI DV.
DV 7. apríl
Auglýst eftir stöðug-
leika
„Best væri að fyrst færu fram
kosningar en ef ekki næst
samstaða um það þarf ríkis-
stjórnin að segja af sér.“
GUÐNI ÁGÚSTSSON, FORMAÐUR
FRAMSÓKNARFLOKKSINS.
Morgunblaðið 7. apríl
■ Sam-
skiptasíðan
Facebook
komst í gagnið 4. febrúar árið
2004. Stofnandi síðunnar, Mark
Zuckerberg, var þá 19 ára gamall
og útbjó hann fyrirbrigðið inni
á herbergi sínu í Harvard. Hann
hafði hugsað síðuna til að auð-
velda fyrrverandi og núverandi
nemendum í Harvard samskipti
í framtíðinni. Hugmyndin vatt
þó fljótt upp á sig. Notendur
Facebook nú eru um 66 milljónir
talsins og stofnandi síðunnar
er yngsti milljarðamæringur
heimsins. Hann er nú númer 785
á lista Forbes yfir ríkasta fólk ver-
aldar en áætlað er að fyrirtækið
sé um 15 milljarða dala virði.
FACEBOOK:
VARÐ TIL Á HEIMAVIST
Ólafur Ragnar Grímsson, forseti Íslands, hlýtur
Nehru-verðlaunin, æðstu viðurkenningu sem
Indverjar veita, fyrir árið 2007. Þetta var tilkynnt
á blaðamannafundi á Bessastöðum í gær.
Nehru-verðlaunin eru árlega veitt einstaklingum
fyrir mikilsvert framlag til alþjóðlegrar samvinnu
og vináttu milli þjóða. Meðal þeirra sem hlotið hafa
verðlaunin eru Martin Luther King, Nelson
Mandela og Móðir Teresa. Í fyrra var verðlauna-
hafinn Luiz Inácio Lula da Silva, forseti Brasilíu.
Ólafur Ragnar sagðist djúpt snortinn og þakklát-
ur er hann ávarpaði blaðamenn á Bessastöðum:
„Það er mikill og óvæntur heiður að verða viðtak-
andi þessarar æðstu viðurkenningar Indverja, sem
kennd er við einn fremsta leiðtoga sjálfstæðisbar-
áttu Indlands á síðustu öld. Ég mun reyna að sýna
fram á að ég sé verðlaunanna verður og þeirrar
miklu ábyrgðar sem þeim fylgja.“
Í yfirlýsingu sem birt var í Delí í gærmorgun er
vísað til náinnar samvinnu Ólafs Ragnars við
indversk stjórnvöld í aldarfjórðung, allt frá því
hann heimsótti landið fyrst árið 1983, auk þess sem
vikið er að forystustörfum Ólafs Ragnars á
alþjóðavettvangi.
Verðlaunum fylgir fjárupphæð sem nemur
ríflega níu milljónum íslenskra króna. Ekki hefur
verið ákveðin dagsetning fyrir afhendinguna. - kg
Forseti Íslands hlýtur Nehru-verðlaunin, æðstu viðurkenningu Indverja:
Í fótspor King og Mandela
TILKYNNT UM VERÐLAUNAHAFA NEHRU-VERÐLAUNANNA
2007 Ólafur Ragnar Grímsson og Mahesh Sachdev, sendi-
herra Indlands á Íslandi, í gær þegar Ólafi var tilkynnt að
hann hlyti Nehru-verðlaunin í ár. FRÉTTABLAÐIÐ/GVA
„Héðan af Drangsnesi er allt fínt að frétta,“
segir Óskar Torfason, framkvæmdastjóri
Fiskvinnslunnar Drangs. „Það hefur
verið óvenju snjólétt hjá okkur í
vetur, mun minna en við eigum
að venjast. Fyrir austan og sunnan
okkur hefur verið töluvert af snjó,
en ekki hér. Ég held bara að það hafi
aldrei verið ófært suðurúr til Hólma-
víkur í vetur, þótt tíðarfarið hefði nú
mátt vera betra.“
Aflabrögð hafa verið með
besta móti á Drangsnesi og
ekki yfir neinu að kvarta á
þeim bænum. „Það hefur
gengið ágætlega að fiska eftir
áramót og verkefnastaðan hjá
okkur er góð. Nú er gráslepp-
an fram undan og fyrstu
tunnurnar komu á land um síðustu helgi og það
er alltaf viðburður hjá okkur. Við söltum hrogn
fyrir báta víðs vegar hér að svo það er nóg að
gera hjá okkur. Þá barst góður afli á land úr
Grímsey ST 2 sem er snurvoðar bátur. Það er
því bjart fram undan hjá okkur og ekki síst á
meðan gengið er svona.“
Óskar er ekki bara upptekinn í
vinnunni heldur er nóg að gera í
einkalífinu líka. „Við fjölskyldan
förum að huga að fríi þegar líður
á sumarið og svo verð ég fimm-
tugur upp úr hvítasunnunni.
Meiningin er að halda upp
á það um hvítasunnuna, ef
heilsan og guð lofar. Já og
ef það verður ekki of mikið
fiskirí þannig að maður hafi
engan tíma.“
HVAÐ ER AÐ FRÉTTA? ÓSKAR TORFASON FRAMKVÆMDASTJÓRI
Heldur afmæli ef fiskirí leyfir
H
im
in
n
o
g
h
a
f
/
S
ÍA
Vantar þig
aukapening?
Pósthúsið leitar að duglegu og morgunhressu fólki
til að bera út blöð milli 6 og 7 á morgnana. Um er
að ræða holla og hressandi útiveru, annars vegar á
virkum dögum og hins vegar um helgar.
Njóttu þess að taka daginn snemma, hreyfðu þig og
fáðu borgað fyrir það.
Allar nánari upplýsingar veitir dreifingardeild
Pósthússins í síma 585 8330. Einnig er hægt að
sækja um á www.posthusid.is
– ódýrari valkostur
Pósthúsið ehf | Suðurhrauni 1 | 210 Garðabæ | Sími: 585 8300 | posthusid.is
Pósthúsið er ungt og öflugt
dreifingarfyrirtæki á sviði
blaða- og vörudreifingar.
Hjá Pósthúsinu starfa um
sjöhundruð manns að
uppbyggingu á fjölbreyttum
og skemmtilegum vettvangi.