Fréttablaðið - 08.04.2008, Blaðsíða 17
HEIMILI HEILSA HÚS BÖRN NÁM FERÐIR MATUR BÍLAR TÍSKA GRÆJUR ATVINNA TILBOÐ VINNUVÉLAR O.FL.
Ragnhildur Sif Reynisdóttir gullsmiður er í
mastersnámi í skartgripahönnun en gefur sér þó
tíma til að sinna heilsunni.
Ragnhildur Sif hefur stundað heilsurækt og dans
árum saman en hún stundar nú nám í skartgripa-
hönnun í Englandi og flýgur á milli. Hún gefur sér
tíma til að fara í ræktina og í kraftgöngu en maga-
dansinn þurfti að víkja í bili.
„Ég er bara svo önnum kafin núna en ég byrjaði í
magadansi fyrir mörgum árum. Svo þegar ég byrjaði
í náminu þurfti ég að velja og hafna og tók magadans-
inn út af dagskránni tímabundið,“ segir Ragnhildur
Sif. Hún vonast þó til að komast í dansinn aftur með
sumrinu því hann eigi vel við sig.
„Ég er algjört dansfífl og verð að dansa. Magadans-
inn hefur alveg heillað mig og ég mæli hiklaust með
honum til að fá liðleika í mjaðmirnar. Kærastinn
minn, sem er sjúkraþjálfari, segir æfingarnar í dans-
inum frábærar fyrir líkamann. Hann lærði meira að
segja nokkur spor sjálfur sem hann tekur öðru hvoru
því þetta er svo gott fyrir mjóbakið.“
Ragnhildur Sif segist dugleg við að prófa eitthvað
nýtt og eru samkvæmisdansar, salsa, jóga og hug-
leiðsla á afrekaskránni. Hún stundar nú kraftgöngu
með systur sinni tvisvar í viku auk þess að fara í
ræktina og eróbikk.
„Það eru fimm ár síðan ég byrjaði í kraftgöngunni
og við systir mín göngum með stafi í klukkutíma í
senn. Á sumrin er mjög gaman að fara í göngur um
landið en við fórum í fyrra frá Hveragerði yfir til
Þingvalla og ætlum að reyna að fara árlega í svona
göngur. Svo þegar ég er í stuði hérna heima þá stunda
ég jóga og hef gert það síðan ég var sautján ára.“
Ragnhildur hætti að borða rautt kjöt þegar hún var
unglingur og þolir illa mjólkurvörur svo hún þarf að
hugsa vel um mataræðið. Hún borðar fisk, kjúkling
og mikið af grænmeti og er dugleg að drekka vatn en
slakar þó á reglunum um helgar.
„Það hefur alltaf skipt mig miklu máli að vanda
mataræðið. Dagana sem ég fer á æfingu fæ ég mér
oft orkudrykki í hádeginu en það getur verið gott
þegar maður er önnum kafinn að grípa í svona drykki.
Þannig fæ ég góða orku og fullt af vítamínum. Svo
eru nammidagar um helgar, þá slappar maður af og
borðar pitsur og nammi og hefur þetta aðeins öðru-
vísi en hina dagana.“ heida@frettabladid.is
Magadansinn heillar
Ragnhildur Sif Reynisdóttir ætlar sér í magadansinn með sumrinu. FRÉTTABLAÐIÐ/ARNÞÓR
Háskólinn í Reykja-
vík hefur opnað fyrir
umsóknir í grunnnám
í íþróttafræðum. Um
er að ræða þriggja
ára BS-nám og fer
námið fram í Íþrótta-
akademíunni í Reykja-
nesbæ. Áhugasamir
geta aflað sér frekari
upplýsinga um námið á
www.hr.is.
Heilsuhúsið á Selfossi
heldur 15. apríl næst-
komandi námskeið
um hvernig eigi að
útbúa einfaldan mat
fyrir börn frá sex mánaða
aldri. Einnig er farið yfir á
hvaða fæðutegundum er
gott að byrja og hvenær.
Umsjónarkona nám-
skeiðsins er Ebba Guðný
Guðmundsdóttir.
Hugar-far að betri stað í
lífinu? er yfirskrift á fyrirlestri
sem heilsufræðingurinn Matti
Ósvald heldur í Manni lifandi
í Borgartúni 24 klukkan 17.30 15.
apríl. Er hann ætlaður fólki sem
vill gera gagngerar breytingar á
lífi sínu. Hægt er að skrá sig á
námskeiðið með því að
senda tölvupóst á madur-
lifandi@madurlifandi.is.
ALLTAF BESTA VERÐIÐ