Fréttablaðið - 09.04.2008, Blaðsíða 20

MARKAÐURINN 9. APRÍL 2008 MIÐVIKUDAGUR12
H É Ð A N O G Þ A Ð A N
„Starfsmannavelta á síðasta ári
var örugglega sú mesta til þessa,
við erum að afla gagna núna,“
segir Snorri Jónsson, mannauðs-
ráðgjafi hjá ParX. Hann reiknar
með að þegar hægi á í íslensku
efnahagslífi á þessu ári muni
svipuðu máli gegna um starfs-
mannaveltuna.
ParX hefur síðastliðin fimm ár
haldið utan um hagtölur mann-
auðs hjá íslenskum fyrirtækjum
í mismunandi geirum.
Starfsmannavelta er mismikil
eftir atvinnugreinum og árið 2006
var hún minnst í orkugeiranum á
meðan hún var ríflega tuttugu
prósent í verslun og þjónustu,
sem jafngildir því að atvinnurek-
endur í þeim geira hafi þurft að
endurráða í fimmta hvert stöðu-
gildi það ár, samkvæmt rann-
sókn ParX.
Snorri segir þetta eiga sér
eðlilegar skýringar að hluta.
Störfin þar sem starfsmanna-
velta sé mikil séu flest einfaldari
í saman burði við sérfræðistörf-
in. Þá spili launin inn í að ein-
hverju leyti. „Sveiflur eru alltaf
á milli ára. En með samanburði
getum við séð hvort staða ein-
stakra fyrirtækja séu eðlileg,“
bendir Snorri á.
Hann segir kostnað vegna
starfsmannaveltu geta verið
háan, allt frá fimmtíu prósent-
um til 150 prósenta af árslaun-
um starfsmanns. Hæst sé kostn-
aðarhlutfallið þar sem krafist sé
meiri sérfræðiþekkingar. En þar
er starfsmannaveltan að jafn-
aði lág, samkvæmt niðurstöðum
ParX. Snorri segir gagnaöflun
fyrir hagtölur ársins 2007 standa
yfir. Upplýsingar um veltu- og
kostnaðartölur á íslenskum
vinnumarkaði hafi ekki legið víða
en ParX hafi unnið við að staðla
og skrá þessar upplýsingar.
Sérfræðistörfin dýrust
„Það er nauðsynlegt að brúa bilið á milli Klaks, sem
styður við nýsköpunar- og sprotafyrirtæki, og fag-
fjárfestingarsjóða. Fyrirtæki sem eru að komast af
klakstigi þurfa að komast í hendurnar á góðu fólki
sem er tilbúið til að veita þeim fjármagn og hjálpa
til við reksturinn,“ segir dr. Eggert Claessen, en
hann er í forsvari fyrir samtök viðskiptaengla, Ice-
land Angels, þeim fyrstu hér á landi.
Að sögn Eggerts hefur lengi verið unnið að stofn-
un samtakanna en það var kynnt til sögunnar í kjöl-
far fjárfestingaþingsins Seed Forum sem fram fór
á föstudag.
Samtök sem þessi eru þekkt utan landsteinanna,
sérstaklega í Bandaríkjunum og Skotlandi. Þau
mynda fjársterkir einstaklingar, svokallaðir við-
skiptaenglar, sem hafa áhuga á að fjárfesta í sprota-
og nýsköpunarfyrirtækjum, sem eru mislangt á
veg kominn í vöruþróun sinni. Fjárfestarnir setj-
ast gjarnan í stjórn fyrirtækjanna sem þeir fjár-
festa í.
Umgjörðin er að miklu leyti fengin frá LINC –
viðskiptaenglaneti í Skotlandi – en David Grahame,
framkvæmdastjóri þess, hélt kynningu á starfsemi
þeirra á fjárfestaþingi Seed Forum á föstudag. Auk
Grahames hélt Össur Skarphéðinsson iðnaðarráð-
herra tölu á þinginu um stuðning ríkisins við ís-
lensk sprotafyrirtæki. - jab
Flogið til móts við viðskiptaengla
GESTIR Á FJÁRFESTAÞINGINU Talið er að aldrei hafi fleiri gestir fylgst með þeim sprotafyrirtækjum sem kynntu starfsemi sína á fjár-
festaþingi Seed Forum. MARKAÐURINN/GVA
IÐNAÐARRÁÐHERRANN Össur Skarphéðinsson iðnaðarráð-
herra segir nýsköpunar- og sprotafyrirtæki nauðsynleg fyrir hag-
vöxt á Íslandi. MARKAÐURINN/GVA
ÍS
L
E
N
S
K
A
S
IA
.I
S
I
S
P
4
19
13
0
4.
20
08
Ingimar Karl Helgason
skrifar
S
tefnt er að því að verkfræðistofurnar Rafhönnun og VGK-
hönnun sameinist á föstudag, en hluthafafundur tekur
ákvörðun um þetta á fimmtudaginn, samkvæmt heimildum
Markaðarins.
Ætla má að um 350 manns starfi hjá sameinuðu félagi.
Verkfræðistofum hefur fækkað undanfarið og þær stækkað. Þannig
var ákveðið fyrr á árinu að sameina verkfræðistofurnar VST og Raf-
teikningu. Þar starfa allt í allt um 240 manns. Starfsemi í sameinuðu
fyrirtæki á að hefjast 23. þessa mánaðar.
Því verða um 600 manns í starfi hjá þessum tveimur stærstu verk-
fræðistofum landsins.
„Þetta er að mínu mati jákvætt,“ segir Jóhanna Harpa Árnadóttir,
formaður Verkfræðingafélags Íslands. „Með þessu móti komast stof-
urnar í stærri verkefni og geta í auknum mæli tekið að sér verkefni
erlendis, líkt og í orkuútrásinni.“ Jóhanna bendir þó á að ekki safnist
allir verkfræðingar saman á stórar stofur. Enn séu smærri stofur í
rekstri. Auk þess vekur hún athygli á því að starfssvið verkfræðinga
hafi víkkað út á undanförnum árum, en nú starfa fjölmargir verk-
fræðingar í bankakerfinu. „Það er ef til vill einn liður í því að verk-
fræðistofurnar sameinast í stærri fyrirtæki, það er mikil samkeppni
um að fá verkfræðinga til starfa.“ Hins vegar sé jákvætt fyrir stétt
verkfræðinga að sóst sé eftir kröftum þeirra.
Nú eru starfandi þrjár verkfræðistofur með hundrað starfsmenn
eða fleiri. Auk þeirra sem áður voru nefndar starfa yfir eitt hundrað
manns hjá Línuhönnun. Þá starfa upp undir áttatíu manns hjá Al-
mennu verkfræðistofunni, álíka margir hjá VSÓ og upp undir sex-
tíu hjá Hniti. Á flestum stofum eru starfsmenn hins vegar fimm eða
færri, eða á bilinu tíu til tuttugu.
Til samanburðar má nefna að hjá Orkuveitu Reykjavíkur starfa
rúmlega áttatíu verk- og tæknifræðingar og innan við fimmtíu hjá
Landsvirkjun.
Verkfræðistofur
stækka stöðugt
VGK-hönnun og Rafhönnun sameinast á föstu-
dag og til verður stærsta verkfræðistofa landsins.
Sameiningar eru fleiri. Jákvætt segir formaður
Félags íslenskra verkfræðinga.
SNORRI JÓNSSON Reiknað er með að dragi úr starfsmannaveltu á þessu ári miðað
við mikinn vöxt í fyrra. MARKAÐURINN/ARNÞÓR