Fréttablaðið - 09.04.2008, Blaðsíða 21

MARKAÐURINN
Ísland og íslenskur fjármálamarkaður
hefur mátt þola kerfisbundnar árásir
nokkurra erlendra vogunarsjóða upp á
síðkastið, þar sem miklu hefur verið kost-
að til að hagnast með skortstöðum í hluta-
bréfum og skuldatryggingum, að sögn
Sigurðar Einarssonar, starfandi stjórnar-
formanns Kaupþings. Hann segir nú allt
útlit fyrir að atlögunni hafi verið hrund-
ið, en það hafi ekki síst tekist með því
að breyta um vinnubrögð og svara allri
neikvæðri umræðu með beinum rökum,
hrekja strax rangfærslur um rekstur og
stöðu bankans og fara beinlínis í hart við
þá vogunarsjóði sem hafi ætlað sér að
keyra íslenska banka í þrot með þessum
hætti og hagnast sjálfir á því.
„Við ákváðum að taka þetta föstum
tökum og vissum að þar dygðu engin vett-
lingatök,“ segir Sigurður spurður um við-
brögð Kaupþings og annarra íslenskra
banka við skuldatryggingarálaginu sem
hækkaði mjög á síðustu vikum, en virð-
ist nú aftur á niðurleið. „Við vissum
að markaðurinn fyrir skuldatryggingar
væri ógegnsær og lítt virkur, en síðan
höfum við komist að því að hann endur-
speglar engan veginn raunverulega stöðu
einstakra aðila. Hægt er að tala upp álag
með næsta einföldum hætti og kerfis-
bundnar aðgerðir af því tagi skýra eink-
um þá bágu stöðu sem endurspeglaðist
í himinháu skuldatryggingarálagi og til-
heyrandi neikvæðri fjölmiðlaumfjöllun,“
bætir hann við.
Að sögn Sigurðar hefur hann, ásamt
öðrum stjórnendum Kaupþings, sett sig
í samband við forsvarsmenn fjölmiðla
víða um lönd síðustu daga í því skyni að
skýra frá kerfisbundnum atlögum slíkra
spákaupmanna og hvernig vinnubrögð-
um þeir beita. „Mér sýnist að það séu
einkum fjórir vogunarsjóðir sem hafa
stundað þetta af miklum krafti,“ segir
hann og nefnir til sögunnar Trafalgar
Fund, Landsdowne Fund, Ako Capital
og Cheney Capital, sem allir eru í Lund-
únum. Ljóst sé að þessir aðilar og fleiri
hafi tekið skortstöðu í skuldatrygging-
um, en snúið sér svo að því að hafa kerfis-
bundið samband við erlenda fjölmiðla og
greiningardeildir banka með neikvæðar
spurningar og athugasemdir um íslenskt
efnahagslíf og bankana. Við það hafi
skuldatryggingarálag tekið að hækka og
þeir náð umtalsverðum hagnaði gegnum
skortstöður sínar. Samkvæmt heimildum
Markaðarins er um mjög stórar upphæðir
að ræða í slíkum viðskiptum, jafnvel tugi
eða hundruð milljarða króna.
Sigurður bætir þó við, að margt bendi
til þess að þessar tilraunir vogunarsjóð-
anna hafi tekist til styttri tíma, en muni
ekki ganga upp til lengri tíma litið. Nú
fari álagið lækkandi og þar með ágóði
skorttökuaðila, en ekki síður skipti máli
að greinendur og fjölmiðlamenn séu
meira á varðbergi fyrir fréttum af Ís-
landi en áður. „Menn láta ekki plata sig
aftur og aftur,“ bætir hann við. - bih
13MIÐVIKUDAGUR 9. APRÍL 2008
H É Ð A N O G Þ A Ð A N
Allt útlit fyrir að atlögunni hafi verið hrundið
Tugir og jafnvel hundruð milljarða í skortstöður vogunarsjóða, jafnt í hlutabréfum sem skuldatryggingum.
Álag á skuldatryggingar þarf ekki endi-
lega að endurspegla raunveruleg kjör
á markaði, að sögn Sigurðar Einars-
sonar. Máli sínu til stuðnings nefn-
ir stjórnarformaður Kaupþings að
fyrir skemmstu hafi verið komið 200
punkta álag á íslenska ríkið. Í kjölfar-
ið hafi Kaupþing falið miðlurum sínum
að kaupa upp öll skuldabréf sem þeir
kæmust yfir á þeim kjörum, en niður-
staðan hafi orðið sú að keypt voru bréf
fyrir aðeins einn milljarð króna, eða
um tíu milljónir evra, á sléttum libor-
vöxtum. „Þetta sýnir auðvitað í hnot-
skurn að álagið endurspeglar engan
veginn stöðuna og þá hlýtur maður að
spyrja sig hverjir það séu sem láta að
því liggja að álagið sé miklu hærra en
raunin er,“ bætir hann við.
Ekkert til sölu
„Við erum að fara yfir og
meta gögn sem Fjármálaeft-
irlitinu hafa borist,“ segir
Íris Björk Hreinsdóttir upp-
lýsingafulltrúi.
Fjármálaeftirlitið kann-
ar nú hvort einhverjir hafi
með kerfisbundnum hætti
komið af stað orðrómi til
að hafa áhrif á markaðinn
hér á landi og gengi krón-
unnar. Rætt er um „ákveðna
aðila“ í þessu sambandi, en
Fjármálaeftirlitið vill ekkert
segja um hverjir séu til skoð-
unar, hvaða gagna
hafi verið aflað né
hvaðan kallað sé
eftir gögnum.
Í frétt Financial
Times um þessi mál
frá upphafi mán-
aðarins eru nefnd-
ir fjórir erlend-
ir vogunar sjóðir, í
tengslum við ásakan-
ir Kaupþings á hend-
ur Bear Stearns-bankanum.
Þeir eru DA Capital Europe,
King Street, Merrill Lynch
GSRG og Sandelm-
an Partners.
Davíð Oddsson
seðlabankastjóri
sagði í ræðu á árs-
fundi Seðlabankans
fyrir skömmu, að til
álita hlyti að koma
að gera „alþjóð-
lega opinbera rann-
sókn á slíku tilræði
við heilbrigð fjár-
málakerfi“. Þar vísaði hann
til rógsherferðar á hend-
ur breska HBOS-bankanum
og þess að á föstudag hefði
tryggingaálag á ríkið hækk-
að um 400 punkta „sem er
fráleitt, lyktar óþægilega af
því að óprúttnir miðlarar hafi
ákveðið að gera úrslitatilraun
til að brjóta niður íslenska
fjármálakerfið,“ sagði Davíð.
Jónas Fr. Jónsson, forstjóri
Fjármálaeftirlitsins, hefur
sagt að erlendar systurstofn-
anir taki ekki þátt í rannsókn
eftirlitsins. Samkvæmt heim-
ildum Markaðarins hefur það
ekki breyst. - ikh
Fjármálaeftirlitið metur gögnin
JÓNAS FR. JÓNSSON
SIGURÐUR EINARSSON
Guðríðarstíg 2-4 113 Reykjavík Sími 545 1000 www.hugurax.is
VIÐSKIPTAKERFIÐ VERÐUR AÐ GETA BREYST
JAFNHRATT OG VIÐSKIPTAUMHVERFIÐ.
HNÖKRALAUS ÞJÓNUSTA
FRÁ FYRSTA DEGI.
Microsoft Dynamics AX er öflugasta viðskipta-
kerfið frá Microsoft og leysir þarfir fyrirtækisins,
allt frá nákvæmri úrvinnslu fjárhagsupplýsinga
til skipulagningar á flókinni framleiðslu. Microsoft
Dynamics AX gerir fyrirtækjum í framleiðslu, dreifingu
og þjónustu kleift að bregðast við breytingum á markaði
á hraðvirkan og hagkvæman hátt. Microsoft Dynamics
AX lagar sig að þörfum fyrirtækisins fremur en að setja
starfseminni skorður.
„Innleiðing Microsoft Dynamics AX var viðamikið verkefni
fyrir okkur hjá Nóa Síríusi þar sem við vorum að nota margar
sérlausnir eins og tollakerfi, vöruhúsakerfi og handtölvu-
kerfi. Fyrstu vikurnar eftir gangsetningu Dynamics AX fengum
við góða aðstoð og stuðning frá starfsmönnum HugarAx.
Við gátum haldið uppi hnökralausri þjónustu strax frá fyrsta degi.“
– Rúnar Ingibjartsson
Rúnar Ingibjartsson, forstöðumaður upplýsingasviðs hjá Nóa Síríusi.