Fréttablaðið - 14.04.2008, Blaðsíða 28

14. APRÍL 2008 MÁNUDAGUR10 ● fréttablaðið ● híbýli - stofa
Hvítir veggir og svört og silfruð
húsgögn geta skapað mjög
smekklega og stílhreina heild.
Sumum finnst samt notalegra
að sleppa sér í litagleðinni og
blanda saman húsgögnum og
öðrum innanstokksmunum úr
öllum áttum. Oft er það með ólík-
indum hvaða litir geta farið vel
saman og um að gera að prófa
sig áfram. Áhrifin geta komið
á óvart auk þess sem ólíkir litir
eiga að hafa mismunandi áhrif
á fólk. Á meðan grænn er talinn
róandi og rauður talinn æsa upp
ástríður hafa niðurstöður rann-
sókna bent til þess að appelsínu-
gulur litur í umhverfi barna geri
þau greindari, hvað sem til er í
því. - eö
Líflegar vistarverur
● Stofur þar sem öllu ægir saman í ýmsum litum geta verið hlýlegar og notalegar.
Grænn er talinn róandi litur.Ótrúlegustu litir fara vel saman.
Rauður litur er talinn vekja upp ástríðuþrungnar tilfinningar hjá fólki.
Ákveðið frelsi fylgir djörfu litavali.
Gulur litur er tilvallinn til að lífga upp á stofuna og heimilið allt.
NORDIC PHOTOS/GETTY
R agnheiður Gröndal er þekkt fyrir sína fögru söngrödd og hefur með henni heillað marga. Milli þess sem Ragnheið-
ur kemur fram til að syngja finnst henni mikilvægt að slaka
á og telur stofuna kjörna til þess. Álítur hún ekki síður
mikilvægt að hafa mikið af blómum í stofunni. Grænn
litur er auk þess í miklu uppáhaldi hjá Ragnheiði og
meðal annars þess vegna álítur hún blóm mikið
þarfaþing í stofuna. Þar að
auki finnst henni græni lit-
urinn svo fallegur að hann
lífgi upp á stofuna. Svo sé
nauðsynlegt að hafa lifandi
hluti í kringum sig.
- mmr
Blóm bráðnauðsynleg
Söngkonan Ragnheiður Gröndal kýs að hafa mikið af blómum í stofunni.
● STOFUSTÁSS
Blómapottar geta verið algjört stofustáss ekki
síður en blómin sjálf. Þannig getur fallega mynd-
skreyttur postulínspottur ljáð stofu rómantískan
blæ í anda enskra hefðarsetra á meðan mósaík-
pottur er vís með að vekja upp suðræna stemn-
ingu. Fallega potta þarf síðan ekki alltaf að fylla
með blómum heldur geta þeir staðið einir og sér
þótt vissulegu hljótist hlýlegur blær af hvorutveggja.