Fréttablaðið - 14.04.2008, Blaðsíða 45

MÁNUDAGUR 14. apríl 2008 21
Aðalfundur Landic Property hf. verður haldinn þriðjudaginn 22. apríl
2008 kl. 16.00 á Hótel Nordica, Suðurlandsbraut 2, 108 Reykjavík.
DAGSKRÁ:
1. Skýrsla stjórnar um starfsemi félagsins árið 2007.
2. Ársreikningur félagsins fyrir árið 2007 ásamt skýrslu endurskoðanda
lagður fram til samþykktar.
3. Ákvörðun um meðferð hagnaðar félagsins á reikningsárinu.
4. Tillaga stjórnar um starfskjarastefnu félagsins.
5. Ákvörðun um þóknun til stjórnarmanna.
6. Stjórnarkjör.
7. Kosning endurskoðanda eða endurskoðunarfyrirtækis.
8. Tillögur um að eftirfarandi breytingar verði gerðar á samþykktum
félagsins:
Breyting á grein 2.1. þannig að aðalfundur félagsins hækki heimild stjórnar til lántöku og
útgáfu skuldabréfa með breytirétti úr 1.383.116.455 kr. í 1.956.968.155 (eða samsvarandi fjárhæð
í evrum taki stjórnin ákvörðun um að nýta sér framangreinda heimild til að skrá hlutafé félagsins
í evrum) til að mæta kaupum á hlutum í fasteignafélögum og -sjóðum og skuldbindingum þeim
tengdum samkvæmt kaupsamningi, dags. 13. febrúar 2008. Muni breytirétturinn verða virkur
skv. eftirfarandi: Frá 13. febrúar 2010 um allt að 533.255.477 kr. á genginu 15,4350, frá 13.
febrúar 2011 um allt að 497.904.275 kr. til viðbótar á genginu 16,2068, frá 13. febrúar 2012 um
allt að 474.194.548 kr. til viðbótar á genginu 17,0171 og frá 13. febrúar 2013 um allt að
451.613.855 kr. til viðbótar á genginu 17,8679. Lagt er til að hluthafar falli frá forgangsrétti sínum
til áskriftar að hinu nýja hlutafé. Heimild þessi skuli gilda fram til 13. febrúar 2013, en falla þá
niður að því leyti sem hún hafi ekki verið nýtt.
9. Tillögur um endurnýjaða heimild stjórnar til að hækka hlutafé félagsins um allt að 750.000.000
kr. til að mæta greiðslum við frekari fjárfestingar, og til að mæta kaupréttarsamningum.
10. Tillögur um endurnýjaða heimild stjórnar til að hækka hlutafé félagsins um allt að 1.430.000.000
kr. með áskrift nýrra hluta vegna fyrirhugaðs útboðs og skráningar félagsins í kauphöll.
11. Tillögur um endurnýjaða heimild félagsins til að kaupa eigin hluti.
12. Umræður og atkvæðagreiðslur um önnur málefni sem löglega eru upp borin.
Dagskrá, endanlegar tillögur, svo og ársreikningur félagsins munu liggja frammi á skrifstofu
félagsins, hluthöfum til sýnis, viku fyrir aðalfund.
Atkvæðaseðlar og önnur fundargögn verða afhent á fundarstað frá kl. 15:00.
Framboðsfrestur vegna stjórnarkjörs rennur út fimm virkum dögum fyrir upphaf aðalfundar.
Sérstaklega er bent á að þeir sem hyggjast gefa kost á sér til setu í stjórn félagsins skulu tilkynna
það skriflega til stjórnar félagsins að minnsta kosti fimm dögum fyrir upphaf aðalfundar. Þeir
einir eru kjörgengir sem þannig hafa gefið kost á sér. Í tilkynningu um framboð til stjórnar skal
gefa, auk nafns hluthafa, kennitölu og heimilisfangs, upplýsingar um aðalstarf, önnur
stjórnarstörf, menntun, reynslu og hlutafjáreign í félaginu. Þá skal einnig upplýsa um hagsmuna-
tengsl við helstu viðskiptaaðila, samkeppnisaðila félagsins, sem og hluthafa sem eiga meira
en 10% hlut í félaginu.
Upplýsingar um framboð til stjórnar félagsins eru aðgengilegar hluthöfum á skrifstofu félagsins
eigi síðar en tveimur dögum fyrir aðalfund félagsins.
Tillögur frá hluthöfum sem bera á upp á aðalfundi skulu vera komnar í hendur stjórnarinnar eigi
síðar en sjö dögum fyrir aðalfund.
Hluthafar sem ekki geta sótt fundinn, en hyggjast gefa umboð, þurfa að gera það skriflega.
Stjórn Landic Property hf.
AÐALFUNDUR
LANDIC PROPERTY HF.
Fyrrverandi OC-stjarnan Mischa
Barton hefur verið dæmd á þriggja
ára skilorð, án eftirlits yfirvalda.
Dómsátt náðist í málinu því Mischa
játaði að hafa ekið undir áhrifum
áfengis. Leikkonunni, sem var
handtekin fyrir ölvunarakstur í
desember síðastliðnum, var einnig
gert að sitja þriggja mánaða
fræðslunámskeið um áfengisneyslu
ásamt því að greiða tvö þúsund
Bandaríkjadali í sekt. Hluti af dóm-
sáttinni fólst í því að litið yrði fram-
hjá þeirri staðreynd við ákvörðun
refsingarinnar að hún hafi verið
gripin með maríjúana og einnig að
hún hafi keyrt án ökuréttinda.
Mischa var ekki viðstödd upp-
kvaðninguna en sendi frá sér yfir-
lýsingu í kjölfar hennar þar sem
hún sagðist gera sér grein fyrir
alvarleika málsins og taka fulla
ábyrgð á eigin gjörðum.
Mischa Barton á skilorð
MISCHA BARTON Fékk þriggja ára skil-
orðsbundinn dóm.
Þrátt fyrir að velflestir samstarfsmenn George
Clooney stundi golf eða hraðskreiða bíla er leikarinn
lítið gefinn fyrir slíkt, því nú hefur hann upplýst að
fátt kveiki meira í honum en hin sérstæða íþrótt
krulla, eða curling. Clooney kynntist þessari íþrótt
þegar hann var í Kanada að leika í kvikmyndinni
The Perfect Storm en þá stóðu yfir vetrarólympíu-
leikarnir í Salt Lake City.
Clooney skildi lítið í því að þessi íþrótt skyldi vera
í sjónvarpinu daginn út og inn en eftir þriggja
mánaða maraþon reyndist erfitt fyrir nærstadda að
ná leikaranum út af hótelherherberginu. „Ég var
farinn að öskra á sjónvarpið og velta fyrir mér
hinum og þessum tæknilegu atriðum,“ sagði
Clooney.
Clooney elskar krullu
Í KRULLU George Clooney er forfallinn
krulluaðdáandi.
Hópur innan brasílísku lögregl-
unnar sem er kallaður Sérsveitin
eða Tropa de Elite þarfnast nýs
leiðtoga þegar fráfarandi leiðtogi
er á barmi taugaáfalls vegna
barnsburðar eiginkonu sinnar.
Það eru ekki margar kvikmynd-
ir sem hafa setið jafn fast í mér
síðustu misseri eins og City of God
eða Cidade de Deus síðan hún
kom, sá og sigraði á kvikmyndaár-
inu 2003. Brasílísk kvikmynda-
gerð hefur verið að sækja í sig
veðrið síðastliðin ár með sterkum
og vönduðum myndum á borð við
Cidade de Deus, Tropa de Elite og
Manda Bala sem hafa gert það
gott um allan heim á kvikmynda-
hátíðum.
Tropa de Elite er meðal annars
skrifuð af fyrrverandi sérsveitar-
mönnum innan brasilísku lögregl-
unnar og er leikstýrt af José Padil-
ha, en þetta er hans önnur mynd í
fullri lengd. Í myndinni er sýnd í
raunverulegu ljósi sú spilling og
stjórnleysi sem tröllreið brasil-
ísku lögreglunni á tíunda áratugn-
um. Hrátt útlit myndarinnar er
óaðfinnanlegt og helst hægt að
líkja því við stemninguna úr þátt-
unum The Shield. Hasaratriðin
eru afar vel gerð og fer ekki á
milli mála að eitthvað af hrotta-
skapnum í myndinni er sótt í maf-
íumyndir Scorseses og The Sopr-
anos. Eftir hlé gerði smá
stefnuleysi vart við sig en það
varði ekki lengi.
Öll aðalhlutverkin eru leyst vel
af hendi og þá sérstaklega Wagner
Moura í hlutverki fráfallandi kapt-
einsins Nascimento. Nýgræðing-
urinn André Ramiro fer með hlut-
verk hins samviskusama Matias
og sýnir einnig mjög góðan leik.
Tropa de Elite sver sig í ætt við
Cidade de Deus; hrá og drungaleg
frásagnaraðferð myndarinnar er
mjög nákvæm og trúverðug.
Groddaleg hasaratriði standa upp
úr og vandaður leikur er í fyrir-
rúmi.
Vignir Jón Vignisson - Topp5.is
Spilltar löggur
KVIKMYNDIR
Tropa de Elite
Leikstjóri: José Pailha. Aðal-
hlutverk: Wagner Moura, André
Ramiro.
Sýnd á Bíódögum Græna ljóssins.
★★★★
Trúverðug mynd í ætt við City of God
um spillingu og stjórnleysi brasilísku
lögreglunnar á tíunda áratugnum.
Britney Spears varð
fyrir því óláni að
klessa Mercedes
Benz-bíl sinn seint á
laugardagskvöldinu á
Ventura-hraðbraut-
inni í Kaliforníu.
Spears keyrði aftan á
Nissan-bifreið sem
hafði staðnæmst með
þeim afleiðingum að
sú bifreið fór aftan á
annan bíl. Ekki urðu
þó miklar skemmdir
á ökutækjunum og
eftir skýrslutöku var
öllum leyft að fara.
Spears virðist loks-
ins, loksins vera að ná
áttum í tilveru sinni
eftir fremur ótrúlega
rússíbanareið með til-
heyrandi dvöl á geð-
spítölum, meðferðar-
heimilum og
sjúkrahúsum. Britn-
ey hefur loks fengið
að hitta syni sína tvo
eftir langa fjarveru
og allt virðist stefna í
að söngkonan geti
lifað eðlilegu lífi
næstu vikur og mánuði, eða þangað til eitthvað annað kemur í ljós.
Britney klessir
Benzinn
ALLT Í GÓÐU Þrátt fyrir að hafa klesst Benzinn sinn
virðist Britney vera að ná áttum eftir erfitt ár.