Fréttablaðið - 15.04.2008, Blaðsíða 2
2 15. apríl 2008 ÞRIÐJUDAGUR
noatun.is
LÉTTIR ÞÉR LÍFIÐ
Gott á þriðjudegi
Plokkfiskur Nóatún mælir með
798 kr.kg
María, ert þú kannski rúsínan
í pylsuendanum?
„Nei, við erum ekki enn farin að
bjóða pylsur með rúsínum.“
María Einarsdóttir, sem afgreitt hefur
pylsur á Bæjarins beztu í 33 ár, er orðin
víðfræg um allan heim af störfum sínum
vegna umfjöllunar erlendra fjölmiðla.
Nauðgun í Reykjanesbæ
Lögreglan á Suðurnesjum rannsakar
meinta nauðgun á skemmtistaðnum
Trix í Reykjanesbæ aðfaranótt sunnu-
dags. Kæra hefur ekki verið lögð fram
en grunur leikur á að sautján ára
stúlku hafi verið nauðgað á salerni
skemmtistaðarins.
LÖGREGLUFRÉTTIR
SIMBABVE, AP Hæstiréttur í
Simbabve hafnaði í gær kröfu
stjórnarandstæðinga um að úrslit
forsetakosninga verði birt án
tafar. Stjórnmálakreppa hefur
lamað landið í meira en tvær
vikur meðan úrslita hefur verið
beðið.
Morgan Tsvangirai, helsti
leiðtogi stjórnarandstöðunnar,
segist hafa sigrað í kosningunum,
sem haldnar voru 29. mars
síðastliðinn. Hann sakar Robert
Mugabe forseta um að neita að
birta úrslitin, svo hægt verði að
halda seinni umferð kosninganna,
þar sem kosið yrði á milli þeirra
tveggja. - gb
Hæstiréttur Simbabve:
Hafnar kröfu
um birtingu
ALEC MUCHADEHAMA Lögmaður kjör-
stjórnar ræðir við fjölmiðla. FRÉTTABLAÐIÐ/AP
STJÓRNMÁL „Við fórum yfir þessi
átök og ummæli og báðir eru sam-
mála um að þau stóru orð sem
féllu væru að baki og þau skipta
vonandi engu í framtíðinni,“ sagði
Guðni Ágústsson, formaður Fram-
sóknarflokksins, eftir fund með
Ólafi F. Magnússyni borgarstjóra í
Ráðhúsi Reykjavíkur í gær.
Í tvígang lét Ólafur stór orð
falla um Óskar Bergsson, borgar-
fulltrúa Framsóknarflokksins, og
flokk hans. Í fyrra skiptið sagði
hann borgarstjórn setja niður við
nærveru Óskars og í síðara skiptið
að Framsóknarflokkurinn hefði
gengið flokka lengst í þjónustu við
verktaka og auðmenn.
Óskar Bergsson og Ólöf Guðný
Valdimarsdóttir sátu fundinn auk
Guðna og Ólafs.
Guðni sagðist í samtali við
Fréttablaðið hafa óskað eftir fund-
inum, sem hefði verið opinskár og
einlægur. Engar afsökunarbeiðnir
hefðu þó verið bornar fram. „Við
Ólafur höfum ávallt verið vinir og
það kom fram á fundinum að við
virðum hvorn annan og viljum
hafa heiðarleika og hugsjónir að
leiðarljósi í pólitík.“
Ólafur F. Magnússon borgar-
stjóri sagði umræður á fundinum
hafa verið uppbyggilegar. „Við
Guðni vorum sammála um að
horfa fram á veginn í stað þess að
staldra við það sem er að baki. Við
virðum sjónarmið hvors annars
og kvöddumst í sátt,“ sagði Ólafur.
- bþs
Borgarstjóri og formaður Framsóknarflokksins ræddu skærur síðustu vikna:
Slíðruðu sverðin í Ráðhúsinu
VINIR Guðni Ágústsson og Ólafur F. Magnússon takast í hendur. Óskar Bergsson
stendur hjá. FRÉTTABLAÐIÐ/GVA
LÖGREGLUMÁL Pólverjinn Premy slaw Plank var
handtekinn af lögreglu höfuðborgarsvæðisins um
kvöldmatarleytið í gær. Til stóð að taka af honum
skýrslu í gærkvöld. Í dag verður væntanlega lögð
fram krafa um gæsluvarðhald yfir honum og hann
leiddur fyrir dómara.
Handtaka Premyslaw Plank fór fram í kjölfar þess
að lögreglu yfirvöldum hér barst bréf frá lögreglunni
í Póllandi þess efnis að óskað var handtöku. Gögn
varðandi morðmál sem Plank er grunaður um aðild
að eru væntanleg frá pólskum lögregluyfirvöldum
hingað til lands á næstu dögum.
Eins og Fréttablaðið greindi frá um helgina hefur
Plank verið eftir lýstur í heimalandi sínu frá því á
síðasta ári vegna rannsóknar á morðmáli þar sem
pólskur karlmaður var sviptur lífi með sveðju.
Þetta hrottalega morð var framið í Wloclawek í
Póllandi. Pólska lögreglan gaf út handtökuskipun á
hann á síðasta ári. Hann var þá í tengslum við
glæpahóp sem fékkst einkum við fíkniefnasölu,
peningaþvætti, vopnuð rán og fleira þvíumlíkt.
Lögreglu grunar að þessi hópur sé að færa út
kvíarnar, meðal annars með því að selja pólskar
konur í vændis þjónustu til Þýskalands. Þegar
handtökuskipunin var gefin út hélt hann til Íslands.
Plank bar af sér sakir í fjölmiðlum í gær. Hann
neitaði jafnframt að tengjast pólsku mafíunni.
Plank starfaði í blikksmiðju í Hafnarfirði en var
sagt upp störfum meðan mál hans væri til rannsókn-
ar og niðurstaða fengist. Í úttekt sem pólskt dagblað
gerði nýlega á samfélagi Pólverja á Íslandi kemur
fram að maðurinn og félagar hans stundi að taka hús
á löndum sínum, búsettum hér, og neyði þá til að láta
þá hafa peninga, sem þeir geri til að forðast vand-
ræði.
Heimildir blaðsins herma að lögreglan hafi í
tvígang haft afskipti af Plank á undanförnum vikum;
í annað skipti í byrjun mars vegna ofbeldismáls í
Hafnar firði. Hitt tilvikið var í byrjun þessa mánaðar
þegar Plank var handtekinn ásamt sex öðrum í
Árbænum. Sjömenningarnir voru taldir viðriðnir
slagsmál en þegar þeir gátu ekki framvísað skilríkj-
um voru þeir færðir á lögreglustöð. Þeim var sleppt
að lokinni skýrslutöku.
Lögreglan á höfuðborgar svæðinu tók að svipast um
eftir Plank síðdegis í gær eftir að handtökubeiðnin
hafði borist frá Póllandi. Hann reyndist ekki vera
heima hjá sér, en lögreglumaður náði svo símasam-
bandi við hann. Það leiddi til þess að maðurinn kom
sjálfviljugur á lögreglustöð þar sem hann var
handtekinn.
Plank handtekinn
eftir að beiðni barst
Lögreglan á höfuðborgarsvæðinu handtók Pólverjann Premyslaw Plank í gær-
kvöld. Hann var eftirlýstur vegna rannsóknar lögreglu á hrottalegu morði í
heimalandi hans. Handtökubeiðni barst síðdegis í gær frá pólsku lögreglunni.
BANDARÍKIN, AP Barack Obama og
Hillary Clinton halda áfram að
slást af hörku og skiptast á ásök-
unum. Vika er þangað til næst
verður haldið prófkjör í forseta-
framboðsbaráttu flokkanna, að
þessu sinni í Pennsylvaníu.
Í gær dró Obama í efa andstöðu
Clintons við fríverslunarsamn-
ing Norður-Ameríku, en Clinton
svaraði jafnharðan og sagðist
ætla að leiðrétta þau mistök sem
eiginmaður hennar, Bill Clinton,
hefði gert á forsetatíð sinni þegar
hann undirritaði þennan samn-
ing.
Á sunnudag svaraði Obama
einnig fullum hálsi ásökunum frá
Clinton um að hann væri hroka-
fullur fulltrúi yfirstéttarinnar.
Obama hefur sætt gagnrýni,
meðal annars frá Clinton, fyrir
ummæli sín fyrir helgi um að
alþýðufólk í Bandaríkjunum hafi
svo gríðarlegan áhuga á byssum
og trúarbrögðum vegna þess eins
hve biturt það sé út af bágri fjár-
hagsstöðu sinni.
Obama gerði grín að stuðningi
hennar við réttindi byssueigenda
og bætti því við að afrekaskrá
hennar sem öldungadeildarþing-
maður og forsetafrú styddi engan
veginn þær fullyrðingar hennar
að hún bæri sérstaka umhyggju
fyrir verkalýðsstéttinni.
„Hún veit betur. Hún ætti að
skammast sín,“ sagði Obama. - gb
Hörð barátta Baracks Obama og Hillary Clinton viku fyrir prófkjör:
Halda áfram að slást af mikilli hörku
CLINTON OG OBAMA Brosmild þrátt fyrir
síharðnandi átök. FRÉTTABLAÐIÐ/AP
DÓMSMÁL Ekki hefur enn verið
tekin ákvörðun um hvort Birgir
Páll Marteinsson áfrýjar sjö ára
fangelsisdómi þeim sem hann
fékk í Færeyjum síðastliðinn
föstudag. Hann hefur frest til 25.
apríl til ákvörðunar þar um, en
þá eru fjórtán daga liðnir síðan
dómur féll.
Olavur Jákup Kristoffersen,
verjandi Birgis, hefur ekki enn
hitt skjólstæðing sinn. Hann
hafði vonast til að það gengi
eftir í gær en vegna óviðráðan-
legra orsaka varð ekki af
fundinum.
Búast má við ákvörðun um
áfrýjun á næstu dögum. - kóp
Íslenski fanginn í Færeyjum:
Ekki áfrýjað
enn í Færeyjum
DÓMSMÁL Þrítugur karlmaður var
dæmdur í átta mánaða fangelsi í
Héraðsdómi Reykjavíkur í gær,
fyrir aðild sína að fjársvikamáli
við Tryggingastofnun ríkisins.
Maðurinn er sakfelldur fyrir að
hafa þegið um 1,3 milljónir króna
fyrir að koma illa fengnu fé undan.
Þá var ríflega fimmtug kona
dæmd í sex mánaða fangelsi,
skilorðsbundið í þrjú ár, en hún
kom um sjö milljónum undan og
fékk um helming þeirra í sinn
hlut. Alls eru tuttugu manns
ákærðir málinu og er aðalsak-
borningur er kona sem starfaði
hjá TR. - kóp
Tveir dómar falla í TR-málinu:
Átta mánuðir
fyrir fjársvik
SAMGÖNGUR Enn hillir ekki undir
framkvæmdir við svokallaðan
Suðurstrandarveg frá Þorláks-
hafnar til Hlíðarvatns.
Að sögn bæjarráðs Ölfuss stóð
til að farið yrði í útboð á vegin-
um fyrir hálfu ári. Framkvæmd-
in hafi átt að vera hluti mótvægis-
aðgerða vegna niðurskurðar á
aflaheimildum.
„Ein af þeim aðgerðum sem
ákveðið var að fara í var lagning
Suðurstrandarvegar frá Þorláks-
höfn og vestur fyrir Hlíðavatn,“
segir bæjaráð Ölfuss, sem vill að
samgönguyfirvöld sjái til þess að
frekari tafir verði ekki á útboð-
inu. - gar
Óþreyja í Ölfusinu:
Undrast tafir á
vegagerð
ÞORLÁKSHÖFN Bæjarráð vill fá Suður-
strandarveg.
Synda frítt inn í sumarið
Hafnfirðingar ætla að hafa frítt í sund
í laugum sínum á sumardaginn fyrsta
í tilefni 100 ára afmælis bæjarins sem
er í sumar.
HAFNARFJÖRÐUR
LÖGREGLUSTÖÐIN Maðurinn gaf sig sjálfviljugur fram á
lögreglustöð eftir að lögregla hafði náð símasambandi við
hann.
HANDTEKINN Í
ÁRBÆ Plank var í
hópi sjö manna
sem handteknir
voru í Árbænum í
mars vegna gruns
um að hafa beitt
ofbeldi. Þeir voru
allir skilríkjalausir
en sleppt að lok-
inni skýrslutöku.
MYND/VISIR.IS
SPURNING DAGSINS