Fréttablaðið - 15.04.2008, Blaðsíða 8
8 15. apríl 2008 ÞRIÐJUDAGUR
1. Hver er leiðtogi nýja miðju-
hægriflokkabandalagsins
Frjálsrar þjóðar á Ítalíu?
2. Hver skoraði síðara mark
Manchester United gegn
Arsenal á sunnudag?
3. Hver er söngvari hljóm-
sveitar innar Veðurguðanna?
SVÖRIN ERU Á SÍÐU 30
Hringdu í síma
ef blaðið berst ekki
KENNARI NÁMSKEIÐSINS, SIGURÐUR JÓNSSON, LÆRÐI
LJÓSMYNDUN Í SCHOOL OF VISUAL ARTS Í NEW YORK
OG ÖÐLAÐIST MEISTARARÉTTINDI Í LJÓSMYNDUN ÁRIÐ
1989. HANN HEFUR HALDIÐ NÁMSKEIÐ Í STAFRÆNNI
MYNDVINNSLU FYRIR LJÓSMYNDARAFÉLAG ÍSLANDS,
LISTAHÁSKÓLA ÍSLANDS, MARGMIÐLUNARSKÓLANN,
IÐNSKÓLANN Í REYKJAVÍK OG NÚ Í 4 ÁR HJÁ NTV.
FYRIR HVERJA?
Námskeiðið er ætlað þeim sem vinna við
grafík og stafræna myndvinnslu og vilja ná
dýpri þekkingu og skilningi á nær óendan-
legum möguleikum þessa verkfæris. Námið
er undirbúningur fyrir alþjóðlegt próf sem
gefur gráðuna: Adobe Certified Expert.
INNTÖKUSKILYRÐI:
Þeir sem hyggja í þetta nám þurfa að hafa
einhverja reynslu í Photoshop og undir-
stöðuþekkingu á Windows umhverfinu.
Einnig þarf góða enskukunnáttu þar sem
flest námsgögn eru á ensku.
KENNSLUTILHÖGUN
Mánudaga og miðvikudaga 18-22.
Byrjar 21. apríl og lýkur 28. maí
NÝI TÖLVU- OG VIÐSKIPTASKÓLINN – VIÐURKENNDUR EINKASKÓLI Á FRAMHALDSSKÓLASTIGI
PHOTOSHOP EXPERT
- ALVÖRU PHOTOSHOP NÁMSKEIÐ -
PHOTOSHOP EXPERT
Við hjá NTV leyfum okkur að fullyrða að
þetta sé eina námskeiðið sem uppfylli
kröfur þeirra sem einhverja reynslu
hafa í Photoshop. Námskeiðið er yfir-
gripsmikið þar sem mikið er lagt upp úr
þeim þætti sem snýr að eftirvinnslu s.s.
litgreiningu, prófílum, upptöku aðgerða,
skipulag, meðferð RAW skráa, og öllum
þeim aðgerðum sem áður fyrr voru fram-
kvæmdar í myrkrakompu.
VIÐSKIPTI Fjármálaeftirlitið segist
á undanförnum mánuðum hafa
tekið æ fleiri mál til athugunar
sem varði grun um svonefnda
markaðsmisnotkun. Hins vegar
fást engar upplýsingar um það
hversu mörg mál eftirlitið hefur
tekið til skoðunar það sem af er
ári.
Fram kemur í ársskýrslu eftir-
litsins fyrir síðasta ár að þá voru
fimm slík mál tekin til athugunar.
Þremur þeirra lauk án aðgerða en
tvö voru enn til skoðunar um ára-
mótin. Árið á undan tók eftirlitið
þrjú mál til athugunar. Tveimur
þeirra lauk án frekari aðgerða.
Undanfarið hefur eftirlitið
haldið námskeið fyrir starfsmenn
fjármálafyrirtækja þar sem fjall-
að er um markaðsmisnotkun, en
yfir 300 manns hafa þegar sótt
slík námskeið.
Í markaðsmisnotkun felst meðal
annars að eiga viðskipti sem
byggjast á tilbúningi eða blekk-
ingum, eða dreifingu á röngum
upplýsingum, fréttum eða orð-
rómi. Í þessu felst einnig að eiga
viðskipti eða gera tilboð sem gætu
falið í sér röng eða misvísandi
skilaboð um framboð, eftirspurn
eða verð. Einnig telst það til
markaðs misnotkunar að tryggja
eða búa til óeðlilegt verð.
Bent er á það á námskeiðinu að
það brjóti ekki gegn þagnarskyldu
starfsmanna fjármálafyrirtækja
að tilkynna grun um markaðsmis-
notkun til Fjármálaeftirlitsins,
næsta yfirmanns eða regluvarðar.
Með öðrum orðum sé ekki hægt að
skýla sér á bak við þagnarskyldu,
vakni grunur um markaðsmis-
notkun.
Dæmi eru um að menn hafi
verið dæmdir fyrir markaðsmis-
notkun. Árið 2003 var þáverandi
starfsmaður Kaupþings dæmdur í
tólf mánaða fangelsi fyrir mark-
aðsmisnotkun og fleiri brot. - ikh
Yfir 300 manns hafa sótt námskeið Fjármálaeftirlitsins þar sem fjallað er um markaðsmisnotkun:
Geta ekki skýlt sér bak við þagnarskyldu
RUT GUNNARSDÓTTIR Lögfræðingur hjá
Fjármálaeftirlitinu hefur haft yfirumsjón
með fræðslu um markaðsmisnotkun.
VIÐSKIPTI Fyrirtækið Data Íslandia
hefur þróað tækni til gagnaflutn-
inga sem gerir það að verkum að
það þarf minna að reiða sig á
sæstrengi. Fyrirtækið hyggst reisa
netþjónabú í Sandgerði, sem vonast
er til að taki til starfa á næsta ári,
og mun það líklega skapa ein
tuttugu störf.
Gangi allar fyrirætlanir eftir
verða tvö stór fyrirtæki á sviði
tölvugagna starfandi í Sandgerði á
næsta ári, en Verne Holding, sem
er í eigu Björgólfs Thors Björgólfs-
sonar, er vel á veg komið með undir-
búning að öðru slíku.
Data Íslandia hefur náð samning-
um við Hitaveitu Suðurnesja við
orkuöflun. Þá er fyrirtækið í sam-
starfi við tæknirisann Hitachi og
hafa forsvarsmenn fyrirtækjanna
undirritað samkomulag um alþjóð-
lega samvinnu í gagnageymslu.
Nýja tæknin gengur undir nafn-
inu „Datascooter“ og má líkja við
risastóran hreyfanlegan harðan
disk, eða „flakkara“. Hann rúmar
allt að eitt petabæt af gögnum, eða
milljón gígabæt. Ekki er óalgengt
að fast minni venjulegrar heimilis-
tölvu sé 520 kílóbæt til eitt gígabæt
að stærð.
Tækinu er flogið á milli staða og
það fyllt gögnum þar sem þörf er á.
Harjit Delay, einn forsvarsmanna
Data Íslandia, segir að þetta auð-
veldi móttöku mikils magns gagna í
einu. „Við munum taka við heilu
gagnasöfnunum sem geta tekið
gríðarlega mikið pláss. Við höfðum
áhyggjur af því að sæstrengirnir
sem okkur standa til boða hér við
land myndu hægja á móttöku gagn-
anna. Þetta leysir úr þeim vanda.
Við munum samt notast við
sæstrengina í daglegri þjónustu við
viðskiptavini,“ segir Harjit.
Fyrirtækið hyggst reisa um 4.000
fermetra húsnæði undir geymslu
sína og mun hún fullbúin rúma
þrjátíu milljón gígabæt.
Í dag kynnir fyrirtækið hug-
myndir sínar á fundi með erlendum
blaðamönnum. Þar mun Ingibjörg
Sólrún Gísladóttir utanríkisráð-
herra tala, sendiherra Bretlands á
Íslandi, Sigurður Valur Ásgeirsson,
bæjarstjóri Sandgerðis, og fleiri. Á
fundinum verður staða Íslands sem
vettvangs umhverfisvænna gagna-
geymslna rædd. - kóp
Flogið með
tölvugögnin
Fyrirtækið Data Íslandia hyggst reisa netþjónabú í
Sandgerði. Hitaveita Suðurnesja útvegar orkuna.
DATASCOOTER Risastóri „flakkarinn“ sem
flytja mun gögnin.
GAGNAGEYMSLAN Svona er áætlað að gagnageymsla Data Íslandi í Sandgerði muni
líta út. TÖLVUMYND/DATA ÍSLANDIA
DÓMSMÁL Átján ára piltur í Fjarða-
byggð hefur verið dæmdur í fimm
mánaða fangelsisvist, skilorðs-
bundið, fyrir sérstaklega hættu-
lega líkamsárás. Hann sló annan
mann með flösku sem brotnaði
við höggið, með þeim afleiðingum
að fórnarlambið hlaut skurð á
höfði.
Árásarmaðurinn hljóp af vett-
vangi en náðist skömmu síðar.
Hann játaði sök fyrir dómi.
Ástæðu árásarinnar sagði hann
vera þá að hann hefði verið búinn
að heyra það frá mörgum á
staðnum að fórnarlambið hefði
verið að áreita systur hans í
heimahúsi í bænum á meðan hún
hefði verið hálfrænulaus vegna
ölvunar. - jss
Fimm mánuða skilorð fyrir að slá mann með flösku:
Hættuleg líkamsárás
VEISTU SVARIÐ?