Fréttablaðið - 15.04.2008, Blaðsíða 10
10 15. apríl 2008 ÞRIÐJUDAGUR
Auglýsingasími
– Mest lesið
LONDON, AP Lundúnabúar fylgjast
nú af athygli með viðureign
tveggja frægra sérvitringa, sem
takast á um það hvor gegni emb-
ætti borgarstjóra bresku höfuð-
borgarinnar á næsta kjörtímabili.
Ken Livingstone, öðru nafni
„Rauði Ken“, sem gegnt hefur
embættinu í ellefu ár, þarf nú að
verjast atlögu íhaldsmannsins
Boris Johnson, auðkýfings sem
gekk í fínustu einkaskólana og er
ekki síst frægur fyrir að lifa hátt,
fyrir vafasöm ummæli í gulu press-
unni og – fyrir að vera frægur.
En burtséð frá allri sérviskunni
og skemmtanagildi kosningabar-
áttunnar hefur hún líka ótvíræða
þýðingu fyrir landsstjórnmálin.
Þar eigast við forsætisráðherra
Verkamannaflokksins, Gordon
Brown, sem virðist njóta síminnk-
andi vinsælda, og David Cameron,
hinn orkumikli leiðtogi Íhalds-
flokksins, sem myndi fá talsverð-
an vind í seglin ef Johnson færi
með sigur af hólmi í borgarstjóra-
slagnum. Slíkur sigur myndi skapa
Íhaldsflokknum mikilvæga valda-
miðstöð í höfuðborginni.
Eftir það hve Livingstone þótti
taka vel á eftirmálum hryðju-
verkaárásanna í borginni sumarið
2005, og þann árangur sem
umferðar- og umhverfismála-
stefna hans þykir hafa sýnt,
bjuggust flestir við að hann myndi
eiga endurkjör víst. En samkvæmt
sumum skoðanakönnunum nýtur
Johnson meira fylgis, að því er
virðist vegna þess að margir kjós-
endur eru orðnir þreyttir á
Livingstone og þykir hann vera
orðinn of heimaríkur. - aa
JOHNSON OG CAMERON Íhaldsflokkurinn vonast eftir meðbyr. FRÉTTABLAÐIÐ/AP
Baráttan um borgarstjórastólinn í Lundúnum:
Frægir sérvitringar
kljást um stólinn
BANDARÍKIN, AP Sífellt fleiri
Bandaríkjamenn segjast ekki
ætla að kaupa sér íbúð á næst-
unni. Þetta kemur fram í skoðana-
könnun, sem birt var í gær.
Meira en fjórðungur Banda-
ríkjamanna óttast nú að íbúðir
þeirra falli í verði á næstu
tveimur árum. Einn af hverjum
sjö skuldurum húsnæðislána
óttast að geta ekki greitt afborg-
anir einhvern tímann á næstu sex
mánuðum.
Sextíu prósent aðspurðra
segjast ekki ætla að kaupa sér
hús á næstu tveimur árum, en
haustið 2006 svöruðu 53 prósent
sömu spurningu neitandi. - gb
Áhyggjur í Bandaríkjunum:
Æ fleiri fresta
íbúðakaupum
R
V
U
N
IQ
U
E
04
08
05
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
Fagleg og persónuleg
þjónusta
Sjúkraliði RV, Jóhanna Runólfsdóttir, leiðbeinir skjólstæðingum TR,
einstaklingum með þvagleka og aðstandendum þeirra og veitir
ráðgjöf varðandi hjúkrunarvörur.
Sími: 520 6673
johanna@rv.is
www.rv.is
1Ýmis úrræði
og ráðgjöf
vegna þva
gleka
Við höfum gefið út vandaðan TENA bækling- um úrræði og ráðgjöf vegna þvagleka. Hafðu samband og við sendum þér eintak.
LÖGREGLUMÁL Einn þeirra sex
manna sem setið hafa í gæsluvarð-
haldi vegna Keilufellsmálsins svo-
kallaða var úrskurðaður í áfram-
haldandi gæsluvarðhald til 5. maí í
gær. Fjórir voru úrskurðaðir í far-
bann til 5. maí. Hvorki var gerð
krafa um farbann né gæsluvarð-
hald yfir sjötta manninum.
Lögreglan fór fram á áfram-
haldandi gæsluvarðhald yfir
einum úr hópnum og varð dómari
við þeirri kröfu.
Mennirnir voru handteknir í
kjölfar hrottafenginnar árásar í
Keilufelli á skírdag. Þá réðust þeir
á sjö Pólverja. Árásarmennirnir
voru vopnaðir kylfum, öxi, slag-
hömrum og fleiri gerðum barefla.
Þeir slösuðu íbúa hússins, þó einn
sýnu mest, sem hlaut áverka og
beinbrot. Fjórir þeirra voru hand-
teknir skömmu eftir árásina og
úrskurðaðir í gæsluvarðhald. Í bíl
þeirra fundust blóðug sleggja,
blóðugt steypustyrktarjárn, rör-
bútur og tveir hnífar.
Maðurinn sem úrskurðaður var
í gæsluvarðhald verður í einangr-
un. Hann mun kæra þá niðurstöðu
dómara til Hæstaréttar, að því er
fram kemur á Vísir.is.
Maðurinn var úrskurðaður í
gæsluvarðhald á grundvelli
almannahagsmuna. Brot hans er
því talið sérstaklega hættulegt og
þykir hafa haft alvarlegar afleið-
ingar í för með sér. - jss
KEILUFELL Mennirnir voru handteknir í
kjölfar hrottafenginnar árásar í Keilufelli.
Framlenging og farbann á fimm menn í Keilufellsmálinu:
Í varðhaldi og hámarksgæslu
KLÆDDIR SEM GUÐIR Tveir Indverjar
klæddu sig upp sem guðirnir Ram og
Laxman þegar haldið var í skrúðgöngu
í tilefni af hátíðinni Ram Navmi í
Amritsar í gær. NORDICPHOTOS/AFP