Fréttablaðið - 15.04.2008, Blaðsíða 42

26 15. apríl 2008 ÞRIÐJUDAGUR
sport@frettabladid.is
Rakel Dögg Bragadóttir, fyrirliði Stjörnunnar og íslenska landsliðs-
ins, hefur lengi verið ein besta handknattleikskona landsins, en
hún íhugar þessa dagana tilboð um að gerast atvinnumaður í
handbolta og fara erlendis eftir að hafa leikið með Stjörnunni frá
unga aldri.
„Ég er með tilboð í höndunum frá liði á Norðurlöndunum
sem ég er að fara yfir í rólegheitunum. Ég er ekkert búin að
ákveða eins og er en ég get ekki neitað því að ég hef stefnt
að því frá því ég var lítil að fara í atvinnumennsku og
leika erlendis. Ég er náttúrlega mjög spennt fyrir því
að láta reyna á þetta og mun gera það
einhvern tímann en veit ekki hvort
þetta sé rétti tíminn fyrir mig,“ sagði
Rakel Dögg, sem hefur átt við erfið
meiðsli að stríða í vetur.
„Þetta hefur verið mjög erfitt tímabil
fyrir mig út af axlarmeiðslum sem ég er
búin að glíma við miklu lengur en vonir stóðu til um. Fyrst
átti þetta bara að taka einhverjar sex vikur, en ég er enn
ekki búin að ná mér að fullu eftir tæpa fjóra mánuði. Ég fór
síðast í sprautu í síðustu viku sem gerði það að verkum að
ég missti af tveimur leikjum. Ég er því ekkert búin að geta
æft né spilað á fullu í vetur og það tekur á bæði líkamlega
og andlega. Af þeim sökum er ég aðeins efins um að fara
strax út í atvinnumennskuna,“ sagði Rakel Dögg, sem er
vitanlega enn með hugann við toppbaráttu N1-deildar-
innar þar sem Stjarnan heldur pressunni á Fram.
„Við Stjörnustúlkur getum alveg verið sáttar
eftir að hafa staðið okkur vel í Evrópukeppninni
og unnið Eimskipsbikarinn og erum enn með
í baráttunni um Íslandsmeistaratitilinn. Fram-
stúlkur er náttúrlega búnar að spila frábærlega í vetur
og við erum í smá eltingarleik við þær, en það er bara
staða sem við höfum komið okkur sjálfar í og við verðum
bara að klára okkar leiki og sjá til hverju það skilar.
Fimmtudagurinn gæti ráðið miklu með hvernig þetta
fer þegar Fram mætir Val og það verður bara að koma í
ljós,“ sagði Rakel Dögg að lokum.
HANDKNATTLEIKSKONAN RAKEL DÖGG BRAGADÓTTIR: ÍHUGAR TILBOÐ UM AÐ LEIKA ERLENDIS EFTIR TÍMABILIÐ
Hef stefnt að því að leika erlendis síðan ég var lítil
Hádegisfyrirlestur ÍSÍ
Íþróttamiðstöðin í Laugardal, E-salur föstudaginn
18. apríl nk. frá kl. 12.00-13.00. Margrét Lilja Guðmunds-
dóttir kynnir niðurstöður rannsóknarinnar „Ungt fólk 2007“
m.t.t. íþróttaiðkunar. Fyrirlesturinn er öllum opinn meðan
húsrúm leyfir.
Sjá nánar áwww.isi.is
Iceland Express-deild karla:
Snæfell-Grindavík 116-114
Stig Snæfells: Sigurður Þorvaldsson 39 (7 frák.),
Slobodan Subasic 23, Justin Shouse 21 (14 stoð.,
7 frák.), Hlynur Bæringsson 18 (17 frák., 7 stoð.),
Magni Hafsteinsson 6, Anders Katholm 6, Árni
Ásgeirsson 3.
Stig Grindavíkur: Adama Darboe 32 (13 stoð.),
Jamaal Williams 27, Páll Axel Vilbergsson 19,
Helgi Jónas Guðfinnsson 15, Þorleifur Ólafsson 8,
Páll Kristinsson 7, Igor Beljanski 6.
Enska úrvalsdeildin:
Chelsea-Wigan 1-1
1-0 Michael Essien (55.), 1-1 Emile Heskey (90.).
ÚRSLIT
> Ægir Hrafn til Gróttu
Varnartröllið af Hlíðarenda, Ægir Hrafn Jónsson, skrifaði
í gærkvöldi undir tveggja ára samning við 1. deildarlið
Gróttu. Ægir hefur spilað vel í vörn Vals síðustu tíma-
bil og kemur klárlega til með að styrkja Gróttu.
„Það er mikill hugur í okkur að koma með
sterkt lið í efstu deild á næstu tveim árum.
Ætlum að byggja á þeim mönnum sem fyrir
eru en bæta við okkur réttum mönnum til
að styrkja liðið enn frekar til afreka en
munum samt ekki vanrækja ungl-
ingastarfið. Munum halda áfram að
hlúa að okkar strákum og byggja
á þeim,“ sagði Arnar Þorkelsson,
formaður meistaraflokksráðs
karla hjá Gróttu.
FÓTBOLTI Chelsea mistókst að
minnka forskot Manchester
United á toppi ensku úrvalsdeild-
arinnar í gær þegar Wigan sótti
liðið heim á Stamford Bridge.
Michael Essien kom Chelsea
yfir en Emile Heskey jafnaði
fyrir Wigan í uppbótartíma.
Steve Bruce, stjóri Wigan,
fagnaði markinu hreint ógurlega
enda var hann að koma sínu
gamla liði til aðstoðar enda
forysta Man. Utd nú fimm stig.
„Svona er fótboltinn. Ef maður
setur ekki annað markið og
heldur ekki einbeitingu gerast
svona hlutir,“ sagði Avram Grant,
stjóri Chelsea. „Við erum enn
með í baráttunni. Þetta verður
vissulega erfiðara núna en við
munum berjast allt til enda.“ - hbg
Dýrt jafntefli hjá Chelsea:
Heskey skoraði
í uppbótartíma
GRÁTI NÆST Michael Essien átti erfitt
með að leyna tilfinningum sínum í gær.
NORDIC PHOTOS/GETTY IMAGES
KÖRFUBOLTI Snæfellingar sendu
Grindvíkinga í sumarfrí með 116-
114 sigri í framlengdum leik. Það
var rífandi stemning í Fjárhúsinu
í Stykkishólmi í gærkvöld og ljóst
að mikið var í húfi fyrir bæði lið.
Snæfell var að reyna að vinna sér
þátttökurétt í úrslitarimmunni og
Grindavík að reyna að halda lífi í
einvíginu og knýja fram oddaleik í
Grindavík.
Geof Kotila, þjálfari Snæfells,
hafði ítrekað það í fjölmiðlum
undanfarið að lykillinn að sigri
Snæfellinga í einvíginu væri góður
varnarleikur og að ef stigaskorið
héldist lágt væri Snæfell sigur-
stranglegra liðið.
Leikurinn var hins vegar hraður
og opinn þar sem sóknarleikurinn
var í fyrirrúmi hjá báðum liðum
og staðan var 29-28 heimamönn-
um í vil í lok fyrsta leikhluta. Skot-
veislan hélt áfram í öðrum leik-
hluta þar sem gestirnir sigu hægt
og rólega fram úr og allt virtist
ganga upp hjá þeim, bæði sóknar-
lega og varnarlega. Sóknarlega
munaði mestu um þriggja stiga
skotin þar sem Páll Axel Vilbergs-
son, Adama Darboe og Helgi Jónas
Guðfinnsson reyndust drjúgir.
Varnarlega voru svo Jamaal Willi-
ams og Páll Kristinsson að halda
vel aftur af Hlyni Bæringssyni en
staðan var 49-62 gestunum í vil í
hálfleik.
Heimamenn reyndu hvað þeir
gátu að komast aftur inn í leikinn
en náðu mest að minnka forskot
gestanna í sjö stig í þriðja leik-
hluta og eftir það sigu gestirnir
enn og aftur fram úr og munurinn
orðinn sextán stig, 70-86, þegar
þriðja leikhluta lauk.
Heimamenn voru hins vegar
ekki af baki dottnir og náðu með
mikilli baráttu að komast aftur inn
í leikinn og gera lokamínúturnar
æsispennandi en munurinn var
kominn niður í fjögur stig, 95-99,
þegar þrjár og hálf mínúta lifði
leiks. Sigurður Þorvaldsson, sem
átti frábæran leik, kom Snæfell-
ingum yfir 103-102 þegar tæpar
tvær mínútur voru eftir.
Staðan var svo jöfn 106-106
þegar fjörutíu sekúndur voru eftir
en hvorugt liðið náði að nýta sér
tímann til að skora og því þurfti að
framlengja.
Spennan hélt áfram í framleng-
ingunni og staðan var 114-114
þegar tæpar þrjátíu sekúndur
voru eftir. Justin Shouse steig þá
upp og kom Snæfelli yfir 116-114
þegar rétt rúmar tíu sekúndur
voru eftir á klukkunni. Grindvík-
ingar reyndu þriggja stiga skot en
það geigaði og Snæfellingar eru
því komnir í úrslitarimmuna og
það ræðst á morgun hvort mót-
herjarnir verða ÍR eða Keflavík.
Grindvíkingurinn Helgi Jónas
var að vonum súr í leikslok enda
leiddu Grindvíkingar leikinn að
stórum hluta.
„Við spiluðum þetta frá okkur
og það er of dýrt að gera það í
tveimur leikjum í einvíginu eins
og nú er komið í ljós,“ sagði Helgi
ósáttur. Justin Shouse, hetja Snæ-
fellinga, var vitanlega hæstánægð-
ur í leikslok.
„Við sýndum frábæra baráttu
að komast aftur inn í leikinn og
þrátt fyrir að Kotila sé eflaust
ekki sáttur með að við höfum ekki
haldið mótherjanum í áttatíu stig-
um í leiknum þá sýndum við og
sönnuðum að við getum spilað
góðan sóknarleik,“ sagði Shouse,
sem á enga óskamótherja í úrslita-
einvíginu.
„Að mínu mati erum við með
heitasta liðið á þessu ári og ég held
að það skipti ekki máli hvort við
mætum ÍR eða Keflavík ef við
spilum okkar leik,“ sagði Shouse
sigurreifur í leikslok.
omar@frettabladid.is
Við erum með heitasta liðið
Snæfellingar tryggðu sér þátttökurétt í úrslitarimmu Iceland Express-deildar karla eftir ævintýralegan
sigur á Grindavík, 116-114, eftir framlengingu. Justin Shouse skoraði sigurkörfu Snæfells í Fjárhúsinu í gær.
ERUÐ ÞIÐ EKKI Í SAMA LIÐI? Snæfellingar börðust svo grimmt undir lokin að þeir
gáfu félögum sínum ekki einu sinni eftir í fráköstunum. Hlynur Bæringsson og Sig-
urður Þorvaldsson taka hér létta rimmu. FRÉTTABLAÐIÐ/STEFÁN
SIGURREIFIR Leikmenn Snæfells fögnuðu sigrinum ótrúlega gegn Snæfelli vel og lengi í Fjárhúsinu í gær. FRÉTTABLAÐIÐ/STEFÁN
KÖRFUBOLTI Að fyrirskipun
framherjans Anders Katholm
hafa Snæfellingar ekki skert
andlitshár sitt síðan úrslita-
keppnin byrjaði og það hefur
staðist hingað til
og mun að
öllu óbreyttu
halda áfram
í úrslita-
rimmunni.
Leik-
menn
Snæfells
verða því
væntan-
lega
vígalegir
þegar
Íslandsmótinu
lýkur
loksins. - óþ
Hárfagrir Hólmarar:
Rakvélin er í
geymslunni