Fréttablaðið - 16.04.2008, Blaðsíða 14
16. APRÍL 2008 MIÐVIKUDAGUR6 ● fréttablaðið ● íslenskur iðnaður
Íslandsmót iðngreina verður
haldið næstkomandi föstudag
og laugardag í anddyri gömlu
Laugardalshallarinnar. Mótið
er forkeppni og undanfari að
þátttöku í Euro Skills og World
Skills, sem er alþjóðleg keppni
iðngreina, og munu áttatíu
keppendur berjast sín á milli
um að komast þangað.
„Markmiðið er fyrst og fremst
að vekja athygli á tækifærum
sem eru í iðn- og starfsnámi,”
segir Tryggvi Thayer, verkefnis-
stjóri hjá Iðnmennt, sem sér um
almennan undirbúning og skipu-
lagningu mótsins en hefur gert
samstarfssamning við AP al-
mannatengsl sem sjá um kynn-
ingarmál og framkvæmd við-
burðarins. Tryggvi bætir því við
að þetta eigi líka að gefa nem-
endum tækifæri á að spreyta sig
á verðugum verkefnum og vera
jákvætt veganesti fyrir þann
sem verður Íslandsmeistari eða
Norður landsmeistari.
Keppendur eru iðnnemar
og nýútskrifaðir iðnaðarmenn,
22 ára og yngri. Keppt verður
í málmsuðu, trésmíði, pípu-
lögn, bílaiðngreinum, múrverki,
málara iðn, dúklagningum, hár-
snyrtingu, snyrtifræði, upplýs-
inga- og fjölmiðlagreinum og raf-
virkjun. Auk þess verða nokkrar
aðrar greinar kynntar á mótinu;
fatahönnun, matvælaiðngreinar,
skrúðgarðyrkja, gluggaútstill-
ingar og rafeindavirkjun.
„Í sumum greinum er nokk-
uð ljóst hvernig keppnin fer
fram, eins og í smíði þar sem
hægt er að mæla og sjá hversu
vel nemendum tekst að fylgja
leiðbeinandi teikningum. En svo
eru greinar eins og hársnyrti-
iðn þar sem hlutlægt mat kemur
líka inn í þetta. Þetta er spurn-
ing um nákvæmni og fagleg
vinnubrögð, að fylgja leiðbein-
ingum og leysa verkefnin vel af
hendi svo þau líti vel út,“ segir
Tryggvi og bætir við að á erlend-
um iðngreina mótum sé keppt í
ótrúlegustu greinum, meðal ann-
ars umönnun eldri borgara.
„Ef það er vilji fyrir því að
setja upp keppni virðist það allt-
af vera hægt,“ segir Tryggvi.
„Við viljum beina því til ungs
fólks sem er að fara að taka mikil-
vægar ákvarðanir um framtíðar-
nám að það noti þetta tækifæri
til að kynna sér og athuga hvað
nemendur í iðn- og starfsnámi
eru að gera og hvað þeir fara
að gera þegar þeir eru búnir í
námi.”
Eins og áður segir fer mótið
fram í anddyri Laugardals-
hallarinnar, þar sem frítt er inn
og allir velkomnir að líta við og
fylgjast með keppninni. Húsið
er opnað klukkan níu um morg-
uninn, en keppni í öllum grein-
um hefst um tíuleytið og stendur
yfir til klukkan sex um kvöldið.
„Það verður heilmikið að gera.
Verkin í keppninni verða til sýnis
og svo er alltaf gaman að prófa
styrkleika og stöðugleika,“ segir
Tryggvi, sem hvetur alla til að
mæta.
- nrg
Tækifæri til að spreyta sig
á verðugum verkefnum
Tryggvi Thayer hjá Iðnmennt segir
keppnina gefa nemendum tækifæri til
að spreyta sig á verðugum verkefnum.
Að skipulagningu keppnisgreina koma
Félag hársnyrtisveina, Félag íslenskra
snyrtifræðinga, Félag pípulagninga-
meistara, Félag vélstjóra og málmtækni-
manna, Rafiðnaðarsamband Íslands og
IÐAN – fræðslusetur. Aðalbakhjarlar
mótsins eru Samtök iðnaðarins og
menntamálaráðuneytið.
FRÉTTABLAÐIÐ/ARNÞÓR