Fréttablaðið - 16.04.2008, Blaðsíða 22

MARKAÐURINN 16. APRÍL 2008 MIÐVIKUDAGUR14
F Y R S T O G S Í Ð A S T
Á
morgun, fimmtudag, heldur Berg-
þór Pálsson óperusöngvari svokallað
etiquette-námskeið á vegum Útflutnings-
ráðs þar sem fólki úr viðskiptalífinu eru
kenndir „réttir“ borðsiðir. Bergþór hefur
í hjáverkum sinnt því að fjalla um og kenna borð-
siði og framkomu og hefur meðal annars ritað bók
um efnið. Námskeiðið á morgun er endurtekning á
öðru sambærilegu sem haldið var í febrúar.
Vegna þess að á þessu námskeiði er sérstaklega
lagt upp með að kenna fólki úr viðskiptalífinu borð-
siði lék blaðamanni forvitni á að vita hvort þar
giltu önnur lögmál en annars staðar. „Í rauninni
er enginn grundvallarmunur. Hins vegar skiptir
mjög miklu máli að koma vel fyrir þegar maður
hittir viðskiptavini sem maður þekkir ekki,“ segir
hann og bendir á að fæstir hafi á því mikinn áhuga
hvernig náunginn heldur á glasi eða hnífapörum,
heldur sé það viðmót og áhugi á manneskjunni sem
mestu skipti. „Hitt er svo annað mál að ágætt er að
vera með helstu reglur á hreinu, því þá líður manni
betur sjálfum. Maður er þá öruggari og þarf ekki
að hafa af því áhyggjur að einhver sé að fylgjast
með því að maður geri einhverjar vitleysur.“
Meðal hluta sem Bergþór segir að ágætt sé að
hafa sérstaklega í huga í „viðskiptadinner“, þar
sem fólk er jafnvel að hittast í fyrsta sinn, er að
kynna sér hvaðan borðfélagarnir koma, svo sem
venjur í landi þess sem setið er til borðs með.
„Þannig geta verið hlutir sem þarf að varast í mat
og eins geta samskiptareglur verið öðruvísi í fjar-
lægum löndum.“ Aukinheldur segir hann gríðar-
miklu máli skipta að vera á réttum tíma, hvort sem
maður er í hlutverki gests eða gestgjafa. „Fólk í
viðskiptalífinu hefur yfirleitt mjög þétta dagskrá
og maður fær alltaf prik ef maður virðir það.“
Þá nefnir Bergþór ýmsa smáhluti sem gott geti
verið að hafa í huga þegar borðað er með útlend-
ingum, svo sem að hafa heiðursgestinn hægra
megin við gestgjafann. „Það er svona þumalputta-
reglan og eins að ef maður er gestur að setjast ekki
til borðs nema að maður viti hvar maður á að sitja
og alls ekki á undan gestgjafanum.“
Viðmótið er hins vegar það sem öllu máli skipt-
ir og jafnvel húmor líka, að sögn Bergþórs, og um
að gera að láta ekki samskiptareglur taka sig á
taugum. „Ef maður gerir mistök þá er það allt í lagi
og bjargast fyrir horn ef maður gerir grín að því.“
Viðmótið er borð-
siðunum mikilvægara
Kúnst getur verið að setjast til borðs með fólki sem maður þekkir ekki
mikil deili á. Aðstæður sem þessar eru hins vegar daglegt brauð í viðskipta-
lífinu. Óli Kristján Ármannsson tók Bergþór Pálsson söngvara tali, en hann
heldur í vikunni „etiquette“-námskeið fyrir Útflutningsráð þar sem hann
kennir fólki úr viðskiptalífinu rétta borðsiði.
BERGÞÓR PÁLSSON Í hjáverkum kennir Bergþór Pálsson óperusöngvari fólki borðsiði og hefur haldið fyrirlestra og námskeið fyrir bæði
fyrirtæki og félagasamtök. MARKAÐURINN/VALLI
D A G U R Í L Í F I . . .
Arnrúnar Magnúsdóttur, veitingakonu á Friðriki V
Arnrún Magnúsdóttir, athafna- og veitingakona á veitingastaðnum
Friðrik V við Kaupvangsstræti 6 á Akureyri, segir frá degi í lífi
sínu þegar hún var í beinni útsendingu........
6.50 Ég vakna og vek börnin í skólann. Dóttirin komin með 40 stiga
hita og er lögst í flensu í eitt skiptið enn. Friðrik vinnur því heima
við matseðlagerðina. Við mæðginin fáum okkur morgunmat og
erum samferða til vinnu og skóla.
8.00 Mætt í vinnu. Helga og Irina ræstitæknar hafa þegar farið yfir
húsnæðið eins og hvítur stormsveipur. Magga mín hægri hönd á
skrifstofunni kemur á hæla mér. Ég get ekki hugsað mér að vera án
þeirra!
8.30 Ég og Magga förum yfir daginn og skipuleggjum.
9.00–10.30 Vinn að námskrá fyrir valgreinanámskeið sem við ætlum
að bjóða upp á næsta haust fyrir Grunnskóla Akureyrar.
11.00 Við Friðrik mætt upp í útvarp. Gestur Einar tekur á móti
okkur og er alltaf jafn hress.
11.30 Í beinni útsendingu í Samfélaginu í nærmynd á Rás 1 þar sem
við segjum frá valgreinaverkefninu „Matur úr héraði og siðir“ í við-
tali við Margréti Blöndal.
12.30–13.30 Mætt á Kaupvangsstrætið. Nóg að gera í Sælkera-
búðinni. Mamma kíkir við í hádegismat. Á boðstólum í dag er
gulrótarmaukssúpa með grænmeti og fiskigratín með salati. Vinur
okkar Gunnar sölustjóri hjá Garra er í bænum og snæðir með okkur
í hádeginu.
13.30 Við hjónin spjöllum við útskriftarnema frá Háskólanum á
Akureyri sem tekur við okkur viðtal.
14.00 Fer á fund vegna brúðkaups sem verður hjá okkur í sumar.
15.00 Fer yfir útistandandi tilboð og fyrirspurnir.
16.00 Ég og Simmi yfirþjónn förum yfir vínmálin. Fundur með
kokkunum út af nýjum matseðli og vínum þar með.
16.30 Fer yfir salinn og bar-
inn og geri allt klárt fyrir
kvöldið!
18.00 Opnum veitingastað-
inn og barinn. Kvöldið líður
í rólegheitum. Pabbi kíkir
við í einn bolla og segir mér
að hann sé á leið í leikhúsið
til að sjá Flóna... sá á eftir
að skemmta sér vel!
23.00 Lokum og göngum frá.
0.30 Komin heim og leggst á
koddann þokkalega sátt með
verkefni dagsins. Aðgæti
hvort vekjaraklukkan sé
ekki örugglega rétt stillt á
6.50.
ARNRÚN MAGNÚSDÓTTIR
Athafna- og veitingakonan
Arnrún undirbýr kvöldið
á Friðriki V á Akureyri.
MARKAÐURINN/ÞÓRHALLUR