Fréttablaðið - 20.04.2008, Blaðsíða 8
8 20. apríl 2008 SUNNUDAGUR
TÆMUM BÚÐIRNAR
40-70%
ALLT Á AÐ KLÁRAST
AFSLÁTTUR AF ÖLLUM VÖRUM
GILDIR Í VERSLUNUM OKKAR
Í KRINGLUNNI OG SMÁRALIND
Innri friður - Innri styrkur
Helga rnámske ið í F l jó t sh l íð 16 - 18 ma í , 2008
Námskeið fyrir nútímakonur á öllum aldri
www.liljan.is • Sími 8636669
ÚTSKRIFT Útskrifaðir voru 45 lög-
reglumenn við hátíðlega athöfn í
Bústaðakirkju á föstudag. „Þetta
er óvenjustór hópur,“ segir Arnar
Guðmundsson, skólastjóri Lög-
regluskóla ríkisins, og bætir við að
í desember sé áætlað að 33 lög-
reglumenn útskrifist til viðbótar
og hafa þá aldrei útskrifast jafn-
margir á einu ári.
„Það hefur aldrei útskrifast
annar eins hópur en við erum að
bregðast við skorti sem rætt hefur
verið um frá því um 2006. Dóms-
málaráðherra beitti sér þá fyrir
fjölgun lögreglumanna og þetta er
afraksturinn af því,“ segir Arnar
stoltur af hópnum. Hann segist
búast við því að allir í hópnum eigi
eftir að geta fengið störf innan
skamms. Venjan sé sú að þeir sem
á annað borð fari í Lögregluskól-
ans verði lögreglumenn.
Við athöfnina flutti Björn Bjarna-
son dómsmálaráðherra ávarp þar
sem hann sagði meðal annars:
„Undanfarið hefur verið lögð
áhersla á að nútímavæða fjar-
skiptabúnað lögreglu samhliða
endurnýjun á farartækjum. Afl og
hreyfanleiki hvers einstaks lög-
reglumanns hefur stóraukist. Skjót
og rétt viðbrögð við afbrotum,
handtaka, ákæra og fangelsun í
krafti dóms skapar fælingarmátt-
inn. Verulegur árangur hefur náðst
í þessum efnum og fréttum af
óhæfuverkum síbrotamanna hefur
fækkað. Við blasa fullsetin fang-
elsi og lengri biðlistar þar.“ - kdk
Óhæfuverkum síbrotamanna fækkar og nýjum lögreglumönnum fjölgar:
Metfjöldi lögreglumanna útskrifast
VERÐIR LAGANNA Viðbrögð við skorti á
lögreglumönnum skila sér í föngulegum
hópi ungra lögreglumanna í Bústaða-
kirkju. MYND/ÁRNI SIGMUNDSSON
Ölvaður farþegi handtekinn
Lögregla handtók ölvaðan og æstan
farþega í Flugstöð Leifs Eiríkssonar á
föstudag. Maðurinn veittist að örygg-
isverði. Hann var látinn sofa úr sér í
fangaklefa og síðan yfirheyrður.
Sleginn í andlit með flösku
Maður var sleginn í andlitið með
flösku á skemmtistað í Reykjanesbæ
á föstudagskvöld. Hann skarst nokkuð
í andliti og var fluttur á Heilbrigðis-
stofnun Suðurnesja. Maður grunaður
um árásina var handtekinn.
LÖGREGLUFRÉTTIR
1 Hver sigraði í þættinum
Bandið hans Bubba?
2 Hvað kallast endur-
vinnslutaskan sem aðstand-
endur Fréttablaðsins hafa látið
framleiða?
3 Hver er framkvæmdastjóri
Útflutningsskrifstofu íslenskrar
tónlistar (ÚTÓN)?
SVÖRIN ERU Á SÍÐU 30
MENNTUN Nauðsynlegt er að auka
fjárframlög ríkisins til opinberra
háskóla til að jafna samkeppnis-
stöðu þeirra gagnvart einkarekn-
um háskólum sem geta fjármagn-
að reksturinn meðal annars með
skólagjöldum.
Þetta kom fram í máli Katrínar
Júlíusdóttur, þingmanns Samfylk-
ingar sem á einnig sæti í mennta-
málanefnd, á málþingi sem
stúdentar efndu til vegna
frumvarps um opinbera háskóla.
Undir þetta tóku einnig Katrín
Jakobsdóttir, Vinstri grænum, og
Höskuldur Þórhallsson, Fram-
sóknarflokki en þau eiga bæði
sæti í menntamálanefnd.
„Háskóli Íslands verður að
verða við ákveðnum kröfum og
skyldum sem hann hefur gagn-
vart samfélaginu og þegar hafa
verið skilgreindar,“ segir Katrín
Júlíusdóttir. „Þar á meðal er sú
krafa að halda uppi kennslu í
ákveðnum greinum sem samfé-
lagið vill geta boðið upp á. Þessa
kröfu hafa hinir skólarnir ekki og
þeir geta því betur brugðist við
markaðnum ef svo má að orði
komast og rekið þannig hag-
kvæmari þætti. Því tel ég að
greiða eigi meira til Háskóla
Íslands í samræmi við þessar
kröfur sem gerðar eru til hans.“
Höskuldur hefur beðið um
utandagskrárumræður á Alþingi
um það hvernig megi jafna
samkeppnisstöðu háskólanna en
hann vill að það verði gert án
þess að heimila opinberum
háskólum að taka upp skólagjöld.
„Það er hins vegar áhyggjuefni
að Samfylkingin, sem leggur
blessun sína yfir nýja frumvarp-
ið, hefur opnað glufu fyrir því að
tekin verði upp skólagjöld og
ganga þar gegn stefnu sinni,“
segir Höskuldur í samtali við
Fréttablaðið. „Þar vísa ég til þess
að í frumvarpinu er það gert
lögbundið að háskólaráð komi
tillögum til ráðherra um það
hversu hátt það telur að skráning-
argjald eigi að vera. Einnig er
gert ráð fyrir því að í háskólaráði
verði innanbúðarfólk háskólans í
minnihluta. Og hvað er það annað
en skólagjöld ef þessi meirihluti
ákveður að hækka skráningar-
gjaldið sem síðan er ekki
lánshæft frá Lánasjóði íslenskra
námsmanna og er að því leyti
verra en skólagjöld.“
Sigurður Kári Kristjánsson,
formaður menntamálanefndar,
sagðist ekki hliðhollur því að
borgað yrði meira með nemanda
sem færi í ríkisrekinn háskóla en
þess sem fer í einkarekins
háskóla. „Er það í anda þess
jafnræðis sem Háskólanum er
svo annt um?“ spurði hann á
málþinginu. jse@frettabladid.is
Vilja aukin
fjárframlög
Fulltrúar Samfylkingar og stjórnarandstöðunnar
í menntamálanefnd vilja auka fjárframlög til HÍ.
Fulltrúi Framsóknarflokks segir Samfylkingu hafa
opnað glufu fyrir skólagjöld, þvert gegn stefnu sinni.
FORMAÐUR MENNTAMÁLANEFNDAR
„Það er ekki jafnræði í því að borga
meira með nemanda sem fer í Háskóla
Íslands en nemanda sem fer í einka-
rekinn háskóla,“ segir Sigurður Kári
Kristjánsson þingmaður sem talaði einn
fyrir skólagjöldum í opinberum skólum
á málþingi í HÍ á föstudag.
FRÉTTABLAÐIÐ/ARNÞÓR
SKÓLA- OG INNRITUNARGJÖLD ÞRIGGJA HÁSKÓLA
VORÖNN 2008
Miðað er við fullt nám.
Háskólinn í Reykjavík Háskólinn á Bifröst Háskóli Íslands
Grunnnám 128.000 236.250 45.000
Frumgreinasvið 12.500 191.550 -
Verð fyrir 3 ára nám 768.000 1.417.500 270.000
NEPAL, AP Einn af sjö kommúnista-
flokkum í Nepal hefur sagt sig úr
þriggja flokka bráðabirgðastjórn
landsins vegna lélegs árangurs
flokksins í kosningum sem fram
fóru fyrr í mánuðinum.
Kommúnistaflokkur marxista
og lenínista hefur aðeins fengið
rúmlega 30 þingsæti þegar
talningu er lokið í 218 einmenn-
ingskjördæmum, en annar
kommúnistaflokkur, nefnilega
maóistar, hefur á hinn bóginn
fengið 116 þingsæti.
Maóistar, sem árum saman hafa
stundað blóðuga uppreisn, eiga
góða möguleika á að fá hreinan
meirihluta á stjórnlagaþinginu. - gb
Slakur árangur í kosningum:
Kommúnistar
hætta í stjórn
HEILBRIGÐISMÁL Ellefu karlar og ein
kona greindust með legíónellusýk-
ingu, sem veldur hermannaveiki, á
síðastliðnu ári samkvæmt upplýs-
ingum frá sýklafræðideild Land-
spítala. Í nýjasta hefti Farsótta-
frétta kemur fram að fjöldi smitaðra
þyki mikill miðað við síðustu ár.
Uppruni smitsins var af mismun-
andi toga að því er talið er. Fjórir
eru taldir hafa smitast hér á landi,
tveir á Spáni, einn í Bandaríkjun-
um, Hollandi, Svíþjóð og Eistlandi.
Hermannaveiki er alvarlegur
sjúkdómur og getur leitt til dauða.
Bakterían þrífst vel í raka og oft er
hægt að rekja smit, einkum þegar
hópsýkingar verða, til loftkælinga
og úðamyndandi búnaðar í umhverfi
fólks. - kdk
Ellefu karlar og ein kona með legíónellusýkingu:
Tólf smituðust í fyrra
VEISTU SVARIÐ?