Fréttablaðið - 20.04.2008, Blaðsíða 60

MENNING 36
imitri Eipides hefur unnið við
stórar kvikmyndahátíðir í
áratugi, svo sem Montreal
og Toronto, og er kunnur
sem dagskrárstjóri Alþjóð-
legu kvikmyndahátíðarinnar
í Reykjavík.
„Ég trúi því að það sé hægt að
breyta þessum heimi til batnaðar.
Ég geri það ekki sjálfur en myndirnar
sem ég sýni á hátíðinni geta gert það og
ég vil aðstoða við að koma þeim á fram-
færi. Ég veit að það er útópísk sýn en
ég trúi því að það sé hægt að hafa
jákvæð áhrif á fólk, og sérstaklega ungt
fólk. Ég held að fólk sé illa upplýst í
heiminum. Við treystum á fjölmiðla til
að sjá okkur fyrir upplýsingum og þeir
gefa oft skakka mynd, það sem við
vitum um heiminn er það sem Reuters-
og AP-fréttastofurnar segja okkur. Mér
finnast heimildamyndir mikilvæg rödd
vegna þess að þær veita okkur upplýs-
ingar eftir óháðum leiðum og óhefð-
bundnum leiðum. Fólk sem fer út með
litlar stafrænar myndavélar og tekur
upp mynd í sínu nánasta umhverfi
hefur eitthvað fram að færa fyrir
áhorfendur. Við lifum í heimi sem er
þjakaður af vandamálum hvert sem við
lítum, jörðin og andrúmsloftið er í vafa-
sömu ástandi og vatnsmengun er mikil.
Svo eru málefni eins og mannréttindi,
stríð, sjúkdómar á borð við alnæmi,
innflytjendur, fátækt, heimilisleysi og
svo mætti lengi telja. Það eru svo mörg
málefni sem við viljum helst ekki hugsa
um vegna þess að við viljum bara okkar
þægindi og sjáum heiminn í rósrauðu
skýi. Ég vil að fólk sé upplýst og með-
vitað og myndi sér skoðanir, og þá sér-
staklega ungt fólk,“ segir Dimitri.
Ekki lengur fordómar
Heimildamyndagerð er gamalt listform
og varð til á undan leiknum kvikmynd-
um. Á tímabili voru einu heimilda-
myndirnar sem voru framleiddar fugla-
myndir eða aðrar dýralífsmyndir. Þær
höfðu kennsluvægi en voru ekki teknar
AÐ BREYTA
Be Like Others eftir Tanaz Eshaghian (Kanada/Íran): Ungir íranskir strákar ganga í gegnum kynskiptiaðgerðir.
heiminum
Á heimildamyndahátíðinni í Thessaloniki í Grikklandi voru
um 100 nýjar heimildamyndir sýndar, sem allar gefa fyrir-
heit. Dimitri Eipides, stjórnandi hátíðarinnar og dagskrár-
stjóri Alþjóðlegu kvikmyndahátíðarinnar í Reykjavík, er í
viðtali.
KVIKMYNDIR HANNA BJÖRK VALSDÓTTIR
alvarlega. Núna eru ekki lengur for-
dómar gagnvart heimildamyndum.
Enda fjalla þær um allt milli himins og
jarðar og eru jafn dramatískar og átak-
anlegar og leiknar myndir.
„Gott dæmi um að heimildamyndir
séu komnar á hærri stall er að við sjáum
þær taka þátt í mjög „mainstream“
kvikmyndahátíðum eins og Cannes, og
þar taka þær meira að segja þátt í
keppnisflokkum, sem hefði verið gjör-
samlega óhugsandi fyrir nokkrum
árum. Í Berlín er heimildamyndum og
bíómyndum stillt upp samhliða. Þetta
er merki um að heimildamyndir eru
orðnar hluti af daglegu lífi,“ útskýrir
Dimitri.
Raunveruleikinn áhrifamestur
Margar heimildamyndir í dag segja ein-
faldar sögur og fylgjast með fólki í
návígi. „Það er okkar sammannlega
reynsla sem tengir okkur saman. Því
fleiri heimildamyndir sem ég sé því
sannfærðari er ég að við séum öll eins.
Þrátt fyrir ólíkan litarhátt, kynþátt,
þjóðerni, trú, sögulegan bakgrunn,
tungumál og svo framvegis þá erum við
öll eins undir niðri. Ég get til dæmis
horft á mynd frá Kína og upplifað hana
eins og mitt eigið umhverfi, tengt við
manneskjurnar eins og þær væru vinir
mínir og gert mér grein fyrir vanda-
málum þeirra þótt þau séu ekki þau
sömu og mín.“
Heimildamyndir æ vinsælli
Áhorfendur er miklu opnari en áður og
taka virkari þátt í umræðum og mynda
sér skoðanir: „Það er alls staðar aukinn
áhugi fyrir heimildamyndum. Ég er
mjög ánægður með það og tel að fólk í
þessum heimi verði upplýstara fyrir
vikið. Heimurinn er stanslaust að
minnka með aukinni tækni, samskipta-
leiðum og ferðamöguleikum. Við þurf-
um frið á þessari jörð og við þurfum að
bera meiri virðingu fyrir umhverfinu.
Við mengum allt, matinn, vatnið, og
loftið. Við eyðileggjum náttúruna og
eyðileggjum líf. Það er oft eins og fólk
tapi glórunni þegar kemur að peningum
og völdum. Ég er aðgerðasinni í eðli
mínu og vil láta gott af mér leiða. Ég
gæti setið heima og ráðið krossgátur en
það er ekki tilgangur lífsins.“
Það eru
svo mörg
málefni
sem við
viljum
helst ekki
hugsa um
12