Fréttablaðið - 21.04.2008, Blaðsíða 45
MÁNUDAGUR 21. apríl 2008
Eurovision-áhugi er náttúrlega
helst tilkominn vegna tónlistar-
áhuga, en tungumálaáhugi spilar
líka inn í. Þegar keppendum var
skylt að syngja á sínu heima-
tungumáli var það í eina skiptið á
árinu sem margir áttu þess kost
að heyra 20 eða fleiri tungumál í
sjónvarpinu sínu. Reglur varð-
andi tungumál hafa breyst í tím-
ans rás en frá því árið 1999 hafa
keppendur getað sungið á hvaða
tungumáli sem þeir kjósa. Meira
en helmingur hefur því ár hvert
sungið á ensku enda hefur það
gefist vel: serbneska lagið í fyrra
var fyrsta sigurlagið sem ekki
var sungið á ensku síðan reglun-
um var breytt.
Ítalir lentu í fjórða sæti árið
1997. Það fannst þeim alveg glat-
aður árangur enda hafði lagið
sigrað í San Remo-keppninni, fyr-
irrennara Eurovision. Ítölum
fannst fjórða sætið móðgun og
fóru hreinlega í fýlu og hafa ekki
tekið þátt síðan. Hið gullfallega
tungumál ítalskan hefur því varla
heyrst síðan í keppninni, tungu-
málaáhugafólki til mikillar
mæðu. Nú ber svo við að tveir
keppendur í ár syngja á ítölsku.
San Marínó, smáríki umkringt
Ítalíu sem tekur í fyrsta skipti
þátt í ár, er með lag á ítölsku líkt
og fulltrúi Sviss, hjartaknúsarinn
Paolo Meneguzzi, en ítalskan er
eitt af tungumálunum í Sviss.
Hljómsveitinni Miodio frá San
Marínó er ekki spáð góðu gengi
en Paolo fær fínan meðbyr og er
nú í fjórða sæti hjá Euro-nördun-
um. Lagið hans er hreinræktuð
ítalíuballaða og Paolo er þaulvan-
ur og hefur oft tekið þátt í San
Remo-keppninni.
Ítalskan snýr aftur
SYNGUR Á ÍTÖLSKU Paolo Meneguzzi
frá Sviss.
Leikarinn Johnny Depp segir að
kærasta sín, Vanessa Paradis,
hafi bjargað lífi sínu. Depp eyddi
stórum hluta æsku sinnar í að
prófa hin ýmsu eiturlyf og hélt
hann iðju sinni áfram er hann
komst á fullorðinsár.
Hann segir að eftir að hann
kynntist Paradis árið 1998 hafi líf
hans breyst til mikilla muna.
„Eftir að ég kynntist Vanessu
breyttist ég gífurlega. Það var
eins og að vakna upp af martröð
og allt birti til eins og á sólskins-
ríkum morgni,“ sagði Depp.
„Fæðing barnanna okkar var
yndisleg. Fyrir mér var hún
sönnun fyrir því að það hlýtur að
vera til guð eða einhver annar
æðri máttur.“
Depp og Vanessa eiga saman
tvö börn, hina átta ára Lily-Rose
og John sem er sex ára.
Paradis til
bjargar
DEPP OG PARADIS Leikarinn Johnny
Depp segir að Vanessa Paradis hafi
breytt lífi sínu.
32 DAGAR TIL STEFNU
17 - 18 - 24 - 30. apríl
kl 20.00 alla daga
ÞRJÁR SÍÐUSTU
SÝNINGAR Á ÁST
Myndbandið við This Is My Life
Eurobandsins hefur vakið mikla
athygli og fengið gríðarlegt áhorf á
netinu. Í því fer flugþjónninn
Draupnir í spor Eurovision-nörds og
sýnir stórleik. Hinir eiginlegu Eur-
ovision-nördar, sem flykkjast á þar
til gerðar spjallsíður, hafa þó skipt-
ar skoðanir á myndbandinu.
„Þetta er eins og karlkyns Sylvía
Nótt hoppandi um með aukakíló,“
skrifar Gwen frá Hollandi og bætir
við: „Mér fannst Sylvía vera æðis-
legur listrænn gjörningur en þessi
gaur er nú bara pirrandi.“
„Ekki minn tebolli og ég bjóst við
meiri klassa af Íslendingum,“ skrif-
ar Fabio frá Argentínu. „Aðdáanda-
hlutinn er alltof langur. Fyrst hélt
ég að þessi gaur væri einn í öllu víd-
eóinu og að það sæist ekkert af Frið-
riki og Regínu, en sem betur fer
horfði ég á myndbandið til enda. Ég
er þó hræddur um að meðaláhorf-
andinn endist ekki svo lengi yfir
þessu. Það er synd að Ísland skuli
bætast í hóp grínatriðanna með
þessu myndbandi.“
Margir taka fram að þeim finnist
lagið gott en myndbandið misheppn-
að, en svo eru líka margir sem ná
gríninu og finnst myndbandið gott.
„Besta myndband sem ég hef séð
árum saman!“ segir Stian frá Nor-
egi. „Ég fíla lagið jafnvel ENN
MEIRA og það var þegar uppáhalds-
lagið mitt í keppninni.“
„Ég elska þetta myndband og
breytingarnar á laginu eru æði,“
skrifar Frakkinn Barzin og Bretinn
Ben bætir við: „Myndbandið sýnir
að þau taka sig ekki OF alvarlega.
Það er kannski aðeins of mikið af
gaurnum en myndbandið er samt
þrælfyndið, sérstaklega stelpuhár-
kollan og diskókúlan í endann.
Reykjavík 2009!“ - glh
Sterkar skoðanir á mynd-
bandi Eurobandsins
PIRRANDI EÐA ÞRÆLFYNDIÐ? Eurovision-nördar eru mishrifnir af myndbandi Euro-
bandsins.